ᐃᖃᓗᐃᑦ, ᓄᓇᕗᑦ (ᐊᒃᑐᐸ 11, 2024) − ᐱᔾᔪᑎᒋᓪᓗᒍ ᓄᓇᕗᑦ ᒐᕙᒪᒃᑯᑦ ᑲᑐᔾᔨᓗᑕ ᑐᕌᒐᖓᓐᓂ ᓯᕗᓪᓕᐅᑎᑕᐅᒍᒪᓯᒪᔪᖅ, ᐃᓐᓇᕈᖅᐸᓪᓕᐊᓂᖅ ᐅᐱᒍᓱᓪᓗᑎᒃ, ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᑕᓪᓕᒪᓂ ᓄᓇᓕᓐᓂ ᐱᒡᒐᖅᑐᖅᓯᐅᑎᓂᒃ ᓄᓇᓯᐅᑎᑖᓛᕐᖓᑕ ᐅᑭᐊᑦᓵᖅ ᐃᓐᓇᒻᒪᕆᓐᓄᑦ ᐅᓯᒃᑲᑦᑕᐅᑎᐅᒍᓐᓇᕐᓂᐊᕐᓗᑎᒃ ᐊᑐᐃᓐᓇᖃᒃᑲᓐᓂᖁᓪᓗᒋᓪᓗ ᓄᓇᓕᓐᓂ ᒐᕙᒪᒃᑯᓐᓂᓗ ᐱᔨᑦᓯᕋᐅᑎᖏᓐᓄᑦ. ᑕᓪᓕᒪᑦ ᓄᓇᓖᑦ ᐃᖃᓗᐃᑦ, ᐃᖃᓗᑦᑑᑦᑎᐊᖅ, ᓴᓪᓕᖅ, ᐸᖕᓂᖅᑑᖅ, ᑲᖏᖅᖠᓂᕐᓗ.
“ᑐᓴᓚᐅᕋᑦᑕ ᐃᓐᓇᒻᒪᕆᓐᓂᒃ ᑐᑭᓯᑦᓯᐊᖅᑐᑕ: ᐊᑐᐃᓐᓇᖃᕈᒪᔪᑦ ᑕᑎᒋᒍᓐᓇᖅᑕᖏᓐᓂᒃ ᐃᖏᕐᕋᔾᔪᑎᓂᒃ ᐋᓐᓂᐊᕐᕕᓐᓂ ᑕᑯᔭᐅᕕᑦᓴᖃᖅᑎᓪᓗᒋᑦ, ᓂᐅᕕᕐᕕᒻᒨᕆᐊᖃᖅᑎᓪᓗᒋᑦ ᑲᑎᖃᑎᒌᑦᑐᓅᖃᑦᑕᕐᓗᑎᒃ ᐃᓱᒫᓘᑕᐅᖃᑦᑕᖅᓯᒪᒻᒪᑦ ᐊᑦᑐᐃᓂᖃᖅᓯᒪᓪᓗᓂ ᐃᓐᓇᒻᒪᕆᕈᖅᐸᓪᓕᐊᔪᓄᑦ ᓄᓇᕗᒻᒥᐅᓄᑦ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ. “ᑖᒃᑯᐊ ᐅᓯᑲᑦᑕᐅᑏᑦ ᓄᓇᓯᐅᑏᑦ ᐊᑲᕐᕆᔮᓕᖅᐹᓪᓕᕈᑕᐅᓂᐊᖅᑐᑦ ᐃᓐᓇᒻᒪᕆᓐᓄᑦ ᐃᑭᕕᑦᓴᖃᕈᓐᓇᖅᓯᓗᑎᒃ ᐅᐸᒋᐊᓕᖏᓐᓄᑦ ᐊᑦᑕᓇᖏᑦᑐᒃᑯᑦ.… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᐊᒃᑐᐸ 10, 2024) − ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐊᑦᓱᕉᑎᖃᖅᑐᑎᒃ ᐱᓕᕆᐊᖃᖅᑐᑦ ᑲᒪᒋᔭᖃᕐᓂᕐᒧᑦ ᐱᓗᐊᖑᐊᖅᑐᒥᒃ 2023-2026 ᐱᓕᕆᐊᑦᓴᓄᑦ ᐸᕐᓇᐅᑎᓂ ᓯᕗᓪᓕᐅᑎᑕᐅᒋᐊᓕᒻᒥᒃ: ᖃᓄᖅᑑᕈᑕᐅᓯᒪᓗᓂ ᓇᓕᒧᒌᓕᖅᑎᑦᓯᓂᖅ ᓄᓇᕗᑦ ᒐᕙᒪᒃᑯᖏᑕ ᐊᑭᑐᔫᑎᓕᕆᓂᕐᒧᑦ, ᓄᓇᓕᕆᓂᕐᒧᑦ, ᓄᓇᓕᓐᓂᓗ ᒐᕙᒪᓕᕆᓂᕐᒧᑦ ᐱᓕᕆᕕᓐᓂᒃ ᐱᕚᓪᓕᖅᑎᑕᐅᒍᓐᓇᖁᓪᓗᒋᑦ ᐱᓕᕆᐊᓂᒃ ᐱᔨᑦᓯᕋᐅᑎᓂᓪᓗ ᐊᐅᓚᑦᓯᖃᑦᑕᕐᓂᖏᑦ.
ᐊᑐᓕᕐᓗᓂ ᐃᐳᕈ 1, 2025, ᐊᑦᑐᐃᓂᖃᒻᒪᕆᓐᓂᐊᖅᑐᒥᒃ ᐋᖅᑭᒋᐊᖅᓯᓂᐊᕐᖓᑕ ᑎᒥᐅᓂᖓᑕ ᐋᖅᑭᐅᒪᓂᖏᓐᓂᒃ ᒐᕙᒪᒃᑯᑦ ᐱᓕᕆᕕᖏᓐᓂᒃ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ, ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ, ᐊᒻᒪᓗ ᒐᕙᒪᒃᑯᑦ ᑐᑦᑕᕐᕕᖏᑕ ᐊᓪᓚᕝᕕᖏᓐᓂᒃ ᒐᕙᒪᓕᕆᔨᒃᑯᓐᓂ.
ᒪᕐᕉᒃ ᓄᑖᒃ ᒐᕙᒪᒃᑯᑦ ᐱᓕᕆᕕᑖᕆᓂᐊᖅᑕᖏᒃ ᓴᖅᑭᕐᓂᐊᖅᑑᒃ ᑕᒪᑐᒪᖓᑦ ᐊᓯᔾᔨᖅᓯᓂᐅᔪᒃᑯᑦ: ᓄᓇᓕᓐᓄᑦ ᐱᔨᑦᓯᕋᖅᑎᒃᑯᑦ ᐊᒻᒪᓗ ᐃᖏᕐᕋᔪᓕᕆᔨᒃᑯᑦ ᐊᑭᑐᔫᑎᓕᕆᔨᒃᑯᓪᓗ ᓄᓇᕗᒻᒥ. ᒥᓂᔅᑕᐅᖃᑎᒌᑦ ᐊᖏᖅᓯᓯᒪᔪᑦ ᐱᓕᕆᕖᒃ ᐊᑎᖏᓐᓂᒃ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᐊᒃᑐᐸ 10, 2024) − ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᐊᓯᔾᔨᖅᑕᐅᓂᖏᓐᓂᒃ ᓄᓇᕗᑦ ᒐᕙᒪᒃᑯᖏᑕ ᐊᖏᔪᖅᑲᐅᑎᖏᑦ, ᒫᓐᓇᑦᓴᐅᑎᒋ ᐱᒋᐊᕐᓗᓂ.
ᓯᕗᓕᖅᑎ ᐊᕿᐊᕈᖅ ᓇᓗᓇᐃᖅᓯᖅᑲᐅᔪᖅ ᐅᑯᓂᖓ:
ᑯᕆᔅᑏᓐ ᐃᐅᓪᔅᕗᑦ ᒥᓂᔅᑕᐅᑉ ᑐᒡᓕᕆᓂᐊᓕᖅᑕᖓ ᒪᓕᒐᓕᕆᔨᒃᑯᑦ.
ᐃᐅᓪᒪ ᐸᐅᕗ ᒥᓂᔅᑕᐅᑉ ᑐᒡᓕᕆᓂᐊᓕᖅᑕ ᐃᖅᑲᓇᐃᔭᖅᑐᓕᕆᔨᒃᑯᑦ.
ᐸᐅᓗᓯ ᓱᕕᐊ ᒥᓂᔅᑕᐅᑉ ᑐᒡᓕᕆᓂᐊᓕᖅᑕ ᐊᕙᑎᓕᕆᔨᒃᑯᑦ.
ᔅᑏᕙᓐ ᒪᓐᓱᓪ ᐋᔩᖅᑎᓄᑦ ᐊᖏᔪᖅᑳᖅ ᓇᒻᒥᓂᖅᓱᕐᓂᕐᒧᑦ.
ᔮᑭ ᐳᕋᐃᔅ ᐊᖏᔪᖅᑳᕈᕐᓂᐊᖅᑐᖅ ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ
ᖄᒃᑲᓐᓂᖓᒍᑦ, ᓇᓗᓇᐃᖅᑕᐅᕋᑖᓚᐅᖅᓯᒪᔪᖅ, ᓄᓇᕗᑦ ᒐᕙᒪᒃᑯᖏᑦ ᐋᖅᑭᑦᓱᐃᒋᐊᖅᑐᑦ ᐋᖅᑭᐅᒪᓂᖏᓐᓂᒃ ᒐᕙᒪᒃᑯᑦ ᐱᓕᕆᕕᖏᑦ ᓄᓇᓗᓐᓂ ᒐᕙᒪᒃᑯᓐᓂᓗ ᐱᔨᑦᓯᕋᖅᑎᒃᑯᑦ, ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐊᒻᒪᓗ ᒐᕙᒪᒃᑯᑦ ᑐᑦᑕᕐᕕᖏᑕ ᐊᓪᓚᕝᕕᖓᑦ ᒐᕙᒪᓕᕆᔨᒃᑯᓐᓂ ᒪᕐᕈᕈᕐᓗᑎᒃ ᐱᓕᕆᕕᒃ − ᓄᓇᓕᓐᓄᑦ ᐱᔨᑦᓯᕋᖅᑎᒃᑯᑦ, ᐊᒻᒪᓗ ᐃᖏᕐᕋᔪᓕᕆᔨᒃᑯᑦ ᐊᑭᑐᔫᑎᓕᕆᔨᒃᑯᓪᓗ ᓄᓇᕗᒻᒥ −… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᔫᓂ 17, 2024) – ᓄᓇᕗᒻᒥ ᐱᓕᕆᖃᑎᒌᑦ ᑲᑎᒪᔨᕋᓛᖏᑦ (NPC) – ᐅᑯᐊᖑᓪᓗᑎᒃ ᓯᕗᓕᖅᑏᑦ ᑲᑎᒪᔨᖏᑦ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓂᒃ. (ᓄᓇᕗᑦ ᑐᙵᕕᒃᑯᑦ) − ᑲᑎᒪᓚᐅᖅᑐᑦ ᔫᓂ 17−ᒥ ᓯᕗᒻᒧᐊᒃᑎᑦᑎᓇᓱᒃᖢᑎᒃ ᑲᑐᑎᔭᒥᖕᓂᒃ ᑭᓱᓂᒃ ᐱᓕᕆᐊᖃᖅᓯᒪᓕᕐᒪᖔᕐᒥᓂᒃ.
ᑲᑎᒪᑎᓪᓗᒋᑦ, ᑲᑎᒪᔨᕋᓛᑦ ᐊᖏᕈᑎᖃᓚᐅᖅᐳᑦ ᐃᖅᑲᓇᐃᔮᒧᑦ ᐸᕐᓇᒃᑕᐅᔪᓂᒃ ᓯᕗᓪᓕᐅᔾᔭᐅᔪᒪᔪᓂᒃ ᓄᑕᖅᑲᓄᑦ ᖃᓄᐃᙱᑦᑎᐊᖅᑎᑦᑎᓂᕐᒧᑦ, ᐃᓐᓇᕐᓄᑦ, ᐃᒡᓗᓕᕆᓂᕐᒧᑦ, ᓄᓇᓕᖕᓂ ᐱᕙᓪᓕᐊᔪᓕᕆᓂᕐᒧᑦ, ᐊᒻᒪ ᐱᓕᒻᒪᒃᓴᖅᑎᑦᑎᓂᕐᒧᑦ.
ᑲᑎᒪᔨᕋᓛᑦ ᐱᓕᕆᓲᖑᕗᑦ ᑲᔪᓯᑎᑦᑎᓇᓱᒃᖢᑎᒃ ᐱᓕᕆᖃᑎᒌᓄᑦ ᓱᓕᓂᕋᕈᑎᒥᒃ, ᐊᖏᖅᑕᐅᓚᐅᖅᓯᒪᔪᖅ ᒫᑦᓯ 2022−ᒥ, ᐃᓕᑕᖅᓯᐅᒪᓪᓗᑎᒡᓗ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᔾᔨᒌᓂᒃ ᓯᕗᓪᓕᐅᑎᔪᒪᔭᖏᓐᓂᒃ ᐃᓱᒪᒋᔭᖃᕐᓂᖏᓐᓂᒃ, ᐊᒻᒪ ᐱᓕᕆᖃᑎᒌᖕᓃᑦ ᐃᑲᔫᑕᐅᓂᐊᕐᓂᖏᓐᓂᒃ ᓄᓇᕗᒥᐅᓕᒫᓄᑦ.
"ᐱᓕᕆᖃᑎᒌᖕᓂᐊᕐᓂᕐᒧᑦ ᓱᓕᓂᕋᕈᑦ ᐱᕕᖃᕈᑎᒋᕙᕗᑦ ᑲᑐᔾᔨᖃᑎᒌᒡᓗᑕ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᔫᓂ 4, 2024) – ᐅᓪᓗᒥ, ᓯᕗᓕᖅᑎ ᐲᔭᐃ ᐊᕿᐊᕈᖅ ᑐᓴᖅᑎᑦᑎᖅᑲᐅᔪᖅ ᐊᓯᔾᔨᖅᑐᓂᑦ ᓄᓇᕘᒥ ᓯᕗᓕᖅᑏᑦ ᑲᑎᒪᔨᖏᓐᓄᑦ ᑭᐅᕋᓐ ᓄᑕᕋᖅ ᓄᖅᑲᓚᐅᖅᑎᓪᓗᒍ ᒥᓂᔅᑕᐅᖃᑎᒌᓂᑦ ᔫᓂ 4, 2024−ᒥᑦ, ᓇᖕᒥᓂᖅ ᐃᓚᒥᓂᒡᓗ ᐱᔾᔪᑎᖃᖅᖢᓂ.
"ᖁᔭᓐᓇᒦᕈᒪᕙᕋ ᑭᐅᕋᓐ ᓄᑕᕋᖅ ᐱᔨᑦᑎᕋᓚᐅᕐᓂᖓᓄᑦ ᒥᓂᔅᑕᐅᓪᓗᓂ ᒪᓕᒐᓕᕆᔨᒃᑯᓐᓄᑦ ᒥᓂᔅᑕᐅᓪᓗᓂᓗ ᑲᒪᒋᔭᒃᓴᖃᖅᑎᑕᐅᓪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ, ᓴᖅᑭᑎᑦᑎᓚᐅᕐᒪᑦ ᓄᑖᓂᒃ ᐱᔪᓐᓇᐅᑎᑖᖅᑎᑦᑎᓪᓗᓂ ᐆᒻᒪᕆᖕᓂᕐᒥᓪᓗ ᐱᓕᕆᖃᑎᒋᕙᒃᑕᑦᑎᓐᓄᑦ," ᑕᐃᒪᓐᓇ ᓯᕗᓕᖅᑎ ᐲᔭᐃ ᐊᕿᐊᕈᖅ ᐅᖃᖅᖢᓂ. "ᑭᐅᕋᓐ ᓄᑕᕋᖅ ᓯᕗᓂᒃᓴᖃᑦᑎᐊᖁᕙᕋ ᐊᒻᒪ ᓂᕆᐅᒃᐳᖓ ᒪᓕᒐᓕᐅᕐᕕᖕᒥ ᑕᑯᓛᕆᐊᒃᓴᖅ ᐱᔨᑦᑎᕋᐃᓐᓇᖅᑎᓪᓗᒍ ᓂᕈᐊᖅᑕᐅᕝᕕᒋᓯᒪᔭᒥᓄᑦ ᑐᓄᓂᕐᒧᑦ."
ᓯᕗᓕᖅᑎ ᐊᕿᐊᕈᖅ ᓄᑖᓂᑦ ᒥᓂᔅᑕᐅᖃᑎᒌᓂᑦ ᐱᓕᕆᐊᒃᓴᖅᑖᖅᑎᑦᑎᕗᖅ ᔫᓂ 4, 2024-ᒥᑦ ᐱᒋᐊᕐᓗᓂ.
ᒥᓂᔅᑕ ᐹᒥᓚ ᕼᐊᑯᖓᒃ ᒍᕉᔅ ᓯᕗᓕᖅᑎᐅᑉ ᑐᒡᓕᐊ ᐊᒻᒪ ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑲᒪᒋᔭᒃᓴᖃᒃᑲᓐᓂᖅᖢᓂ ᒥᓂᔅᑕ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒪᐃ 31, 2024) − ᐅᓪᓗᒥ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᑕᐃᕕᑎ ᐊᕿᐊᕈᖅ ᑐᓴᖅᑎᑦᑎᖅᑲᐅᕗᖅ ᑮᓇᐅᔭᓕᐊᖏᑦ ᐅᔾᔨᕐᓇᖅᑐᒥᒃ ᐃᓚᒋᐊᖅᑕᐅᓂᐊᕐᒪᑕ ᐅᓄᕐᓂᖅᓴᐃᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᐊᒃᑐᖅᑕᐅᓂᐊᖅᖢᑎᒃ.
ᓯᑎᐱᕆ 30, 2024−ᒥ ᐊᑐᓯᒋᐊᕐᓗᓂ, ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂ, ᑭᑭᑕᐅᓯᒪᔪᑦ ᐊᒻᒪ ᐊᐅᓚᑦᑎᔨᒻᒪᕆᐅᖃᑎᒌᑦ 9% ᑮᓇᐅᔾᔭᒃᓵᖏᑦ ᐃᓚᒋᐊᖅᑕᐅᓂᐊᖅᐳᑦ. ᐊᒻᒪ ᓱᓕ, 2−ᐳᓴᓐᑲᓐᓂᕐᓂᒃ ᐃᓚᔭᐅᓂᐊᖅᑐᑦ ᐊᐅᓚᑦᑎᔨᒻᒪᕆᐅᓂᖅᓴᑦ ᐊᒻᒪ ᐱᑐᐃᓐᓇᐅᖏᓐᓂᖅᓴᓂᑦ ᐃᖅᑲᓇᐃᔮᓕᑦ (ᑮᓇᐅᔾᔭᒃᓵᖏᑦ ᐊᔾᔨᒌᙱᓐᓂᖏᑦ 18−25) ᐱᔪᓐᓇᖁᓪᓗᒋᑦ ᐃᖅᑲᓇᐃᔮᒃᓴᓄᑦ ᐱᕙᓪᓕᐊᓂᐅᔪᓂᑦ ᐊᒻᒪ ᑲᔪᖏᖅᓴᐃᓂᕐᒥᑦ ᐃᖅᑲᓇᐃᔭᖅᑎᓄᑦ ᑲᒪᒋᔭᖃᕈᓐᓇᖁᓪᓗᒋᑦ ᐱᓕᕆᐊᒃᓴᒃᑲᓐᓂᖏᓐᓂᒃ.
“ᐃᓚᒋᐊᖅᑕᐅᔪᑦ ᑮᓇᐅᔭᒃᓵᖏᑦ ᐊᖏᔪᒻᒪᕆᐅᕗᑦ ᐊᒻᒪ ᓄᓇᕗᑦ ᒐᕙᒪᒃᑯᓐᓂ ᐱᓇᔪᒡᕕᐅᔪᓐᓇᑦᑎᐊᕐᓂᐊᖅᖢᓂ ᐃᖅᑲᓇᐃᔭᕐᕕᐅᓪᓗᓂ," ᒥᓂᔅᑕ ᑕᐃᕕᑎ ᐊᕿᐊᕈᖅ ᐅᖃᖅᑐᖅ. “ᑖᓐᓇ ᐃᑲᔫᑕᐅᓂᐊᖅᑐᖅ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒪᐃ 29, 2024) − ᓯᕗᓕᖅᑎ ᐲᔭᐃ ᐊᕿᐊᕈᖅ ᐅᓪᓗᒥᑦ ᑐᓴᖅᑎᑦᑎᖃᐅᕗᖅ ᑎᒃᑯᐊᖅᑕᐅᔪᖃᕐᓂᖓᓂᒃ ᑖᓂᐊᓕ ᔭᖕᒥ ᒥᓂᔅᑕᒧᑦ ᑐᒡᓕᕆᔭᐅᓕᖅᖢᓂ ᑮᓇᐅᔭᓕᕆᔨᒃᑯᓐᓄᑦ, ᐊᑐᓕᖅᑎᑕᐅᔪᖅ ᒪᐃ 27, 2024.
ᔭᖕ ᐱᔨᑦᑎᕋᖃᑦᑕᖅᓯᒪᔪᖅ ᐃᖅᑲᓇᐃᔮᒥᓄᑦ ᐊᑐᓚᐅᐱᓪᓚᖕᓂᐊᖅᑐᓂᒃ ᐃᓄᒋᐊᓄᑦ ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓇᖏᖅᓯᔪᒪᓪᓗᒋᑦ ᐊᑯᓂᐅᔪᒧᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎ ᔭᕝ ᓇᐅᓐ, ᐃᓐᓇᐅᓕᕐᓂᕐᒧᑦ ᓄᖃᖅᓯᒪᓕᖅᑐᖅ ᔭᓄᐊᕆᒥᑦ.
“ᖁᕕᐊᓱᒃᐳᖓ ᔭᖕ ᐊᖏᖅᓯᓚᐅᕐᒪᑦ ᐱᒻᒪᕆᐅᔪᒥᑦ ᐃᖅᑲᓇᐃᔮᒥᑦ ᓄᓇᕗᑦ ᒐᕙᒪᖓᓂ,” ᐅᖃᖅᑐᕕᓂᖅ ᐊᕿᐊᕈᖅ.
“ᐱᒻᒪᕆᐅᒋᔭᕗᑦ ᐊᒻᒪ ᐃᒃᐱᒋᑦᑎᐊᖅᖢᑎᒍᓪᓗ ᔭᖕ ᓯᕗᓕᖅᑎᐅᓕᕐᓂᖓᓄᑦ ᐊᒻᒪ ᐊᑲᐅᓈᑦᑎᐊᖅᐳᖅ ᑲᔪᓯᓚᐅᕐᒪ ᐱᓇᔪᒃᖢᓂ ᐊᔪᙱᑕᖏᓐᓂᖅ ᖃᐅᔨᒪᓂᕆᔭᖏᓪᓗ ᒐᕙᒪᖁᑎᑦᑕ ᐊᐅᓚᑕᖏᓐᓂᑦ. ᐊᒃᓱᕉᑕᐅᔪᑦ ᐊᐅᓚᑦᑎᓂᕐᒧᑦ ᑮᓇᐅᔭᓕᕆᔨᑦᑎᓐᓂᑦ ᐱᒻᒪᕆᐅᔪᑦ ᐱᓕᕆᐊᒃᓴᐅᔪᓂᑦ ᐱᔨᑦᑎᕋᐅᑎᓄᓪᓗ ᓴᖅᑭᑕᐅᕙᒃᑐᓂᑦ.”
ᔭᖕ ᐱᕈᖅᓴᓯᒪᕗᖅ ᓄᓇᕗᒻᒥᑦ ᐊᒻᒪ ᐅᑭᐅᓄᑦ 16ᓂᑦ ᓄᓇᕗᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒫᔾᔨ 17, 2024) – ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᑎᒃᑯᐊᖅᑕᐅᓂᖓᓂᒃ ᓄᑖᖅ ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ, ᐱᒋᐊᕐᓗᒍ ᐊᐃᑉᐹ, ᒪᐃ 21.
ᐆᕐᓂᔅ ᑕᒡᓚᔅ ᐃᓚᒋᔭᐅᓕᖅᐳᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐊᕐᕌᒍᑦ 14 ᐊᓂᒍᖅᑎᓪᓗᒋᑦ ᓯᕗᓕᖅᑎᐅᓪᓗᓂ Eastward Energy−ᑯᓐᓄᑦ ᓅᕙ ᔅᑰᓯᐊᒥ, ᐃᓚᒋᔭᐅᓪᓗᑎᒃ 6−ᖑᔪᑦ ᐊᖓᔪᖅᑳᖃᖅᖢᑎᒃ ᑎᒥᖁᑎᒋᔭᐅᔪᒥᒃ TriSummit Utilities−ᑯᓐᓂ, ᐊᒻᒪ 20−ᐸᓗᐃᑦ ᐅᑭᐅᑦ ᐆᒻᒪᖅᑯᑎᓕᕆᔨᒃᑯᓐᓄᑦ. ᑕᐃᑉᓱᒪᓂ ᑕᐃᑲᓂ ᐱᓕᕆᔨᐅᑎᓪᓗᒍ, ᑕᒡᓚᔅ ᓴᖅᑭᑦᑎᓚᐅᖅᑐᖅ ᐃᓱᒪᑦᑎᐊᕐᓂᕐᒥᑦ ᖃᓄᐃᖏᑦᑎᐊᕐᓂᕐᒧᑦ ᐃᓄᖕᓄᑦ ᐊᒻᒪᓗ ᐊᕙᑎᒧᑦ.
"ᐊᓕᐊᓇᐃᒍᓱᒃᐳᖓ ᑎᒃᑯᐊᖅᓯᔪᓐᓇᕋᒪ ᐆᕐᓂᔅ ᑕᒡᓚᔅᒧᑦ ᐊᖓᔪᖅᑳᖑᓂᐊᓕᖅᖢᓂ ᐊᐅᓚᑦᑎᔨᒻᒪᕆᐅᓪᓗᓂᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᑕᒡᓚᔅ ᑕᑯᒃᓴᐅᑎᑦᑎᓯᒪᕗᖅ ᓯᕗᓕᖅᑎᐅᕙᖕᓂᕐᒧᑦ ᐃᓂᒋᔭᐅᕙᒃᑐᓂᒃ, ᐃᓚᒋᔭᐅᓪᓗᓂ ᐱᓕᕆᖃᑎᒋᔭᖏᓐᓂᒃ ᐊᒃᑐᐊᓂᖃᑦᑎᐊᕐᓂᕐᒥᒃ… ᐅᖃᓕᒫᒃᑲᓐᓂᕆᑦ.
ᒥᑦᑎᒪᑕᓕᒃ, ᓄᓇᕗᑦ (ᒪᐃ 9, 2024) – ᓯᕗᓕᖅᑎ ᐱᔭᐃ ᐊᕿᐊᕈᖅ ᑐᙵᓱᒃᑎᑦᑎᔪᖅ ᓯᕗᓕᖅᑎ ᕌᓐᔾ ᐱᓚᐃ ᐊᒻᒪ ᓯᕗᓕᖅᑎ ᕋ.ᔭᐃ. ᓯᒻᓴᓐ ᒥᑦᑎᒪᑕᓕᒃᒧᑦ, ᓄᓇᕗᑦ, ᐊᕐᕌᒍᑕᒫᖅᓯᐅᑎᒥᒃ ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᓂᖓᓐᓄᑦ. ᓯᕗᓕᖅᑏᑦ ᐱᕕᖃᓚᐅᖅᑐᑦ ᐳᓛᕐᓗᑎᒃ ᖁᑦᑎᒃᑐᒧᑦ ᑲᑎᖦᖢᒍᓗ ᐃᓕᑦᑎᓪᓗᑎᒃ Hᐋᒻᒪᓚᖓᓂᒃ ᒥᑦᑎᒪᑕᓕᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓐᓇᑐᖃᐃᓪᓗ ᓄᓇᓕᖕᒥᐅᓪᓗ. ᖁᔭᓕᓚᐅᖅᑐᑦ ᓴᙱᓂᖏᓐᓂᑦ ᑲᑐᔾᔨᖃᑎᒌᖕᓂᖕᒧᑦ ᓄᓇᓕᖕᓂᑦ, ᓄᓇᖃᖅᑳᖅᓯᒪᔪᓂᑦ ᐅᑭᐅᖅᑕᖅᑐᒥᓪᓗ ᓯᕗᓕᖅᑎᐅᓂᖕᒥᑦ ᖃᓄᐃᙱᑦᑎᐊᖕᓂᖕᒧᑦ ᐊᔾᔨᒌᙱᑦᑑᑎᓄᓪᓗ ᐱᕙᓪᓕᐊᓂᕐᒧᑦ. ᓯᕗᓕᖅᑏᑦ ᐅᖃᐅᓯᖃᓚᐅᖅᑐᑦ ᐃᓱᒫᓘᑕᐅᔪᓂᑦ ᐊᑦᑐᐃᓂᖃᖅᑐᓂᑦ ᐅᑭᐅᖅᑕᖅᑐᒥᑦ, ᐃᓚᒋᔭᐅᑦᓱᑎᒃ ᐅᑭᐅᖅᑕᖅᑐᒥᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐊᒻᒪᓗ ᑲᓇᑕᒥᐅᑕᐅᓂᕐᒧᑦ, ᐱᕐᕈᓗᐊᕿᓂᕐᒧᑦ ᐱᕙᒌᔭᖅᓯᒪᓂᖅ ᑭᐅᔾᔪᑎᖃᕐᓂᕐᓗ, ᐱᒻᒪᕆᐅᔪᓂᑦ ᒪᑭᒪᔾᔪᑎᓂᑦ ᐱᑕᖃᖏᓐᓂᖏᓐᓂᑦ, ᐃᓪᓗᖃᕆᐊᖃᕐᓂᕐᒥᑦ, ᖃᓄᐃᖏᓐᓂᕐᒧᓪᓗ ᖃᓄᐃᖏᑦᓯᐊᕐᓂᕐᒧᓪᓗ ᐅᑭᐅᖅᑕᖅᑐᒥᐅᓄᑦ.
ᐃᓕᑕᖅᓯᓂᕐᒥᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᐊᐃᕆᓕ 16, 2024) – ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐊᒻᒪ ᑮᓇᐅᔭᓕᕆᔨᒃᑯᓐᓄᑦ ᒥᓂᔅᑕ ᖁᐊᓴ ᑯᓱᒐᖅ ᐅᖃᖅᐳᑦ ᓄᓇᕗᑦ ᒐᕙᒪᒃᑯᑦ ᐅᑕᖅᑭᖕᒪᑕ ᐃᓗᓕᖏᓐᓂᒃ ᑮᓇᐅᔭᑦ ᐅᖃᐅᓯᐅᖅᑲᐅᔪᓂᒃ ᐅᓪᓗᒥ 2024-25−ᒥ ᑲᓇᑕᒥ ᑮᓇᐅᔭᑦ ᐊᑐᖅᑐᒃᓴᓂᒃ ᐃᒡᓗᓕᕆᓂᕐᒧᑦ, ᓱᕈᖅᑎᕆᓗᐊᙱᑦᑐᓄᑦ ᐆᒻᒪᖅᑯᑎᑐᕈᓯᕐᓄᑦ ᐊᒻᒪ ᐊᐅᓚᔪᓐᓇᐅᑎᓄᑦ ᐊᒃᑐᐊᓂᓕᖕᓄᑦ ᑲᓇᑕᒥ ᓇᖕᒥᓂᕆᔭᐅᔪᒧᑦ ᐊᒻᒪ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐅᑭᐅᖅᑕᖅᑐᒥ.
"ᑮᓇᐅᔭᑦ ᐊᑐᖅᑐᒃᓴᑦ 2024-2025−ᒥ ᑐᓴᖅᑎᑦᑎᓚᐅᖅᐳᑦ ᖃᔅᓯᑲᓪᓚᖕᓂ−ᐊᑐᖅᑐᓂᒃ ᐊᐅᓚᔪᓐᓇᐅᑎᓄᑦ ᑮᓇᐅᔭᓂᒃ ᐃᑲᔫᑕᐅᓪᓗᑎᒃ ᑕᐅᑐᖅᑰᖅᑕᐅᔪᒧᑦ ᓇᓗᓇᐃᖅᑕᐅᓯᒪᔪᖅ ᐱᓕᕆᐊᒃᓴᑦᑎᓐᓂ ᓄᓇᕗᒻᒥ ᓄᓇᓕᓕᒫᑦ ᓴᙱᔫᓂᖏᓐᓂᒃ, ᓇᖕᒥᓂᖅᓱᕈᓐᓇᕐᓂᖏᓐᓂᒃ ᐊᒻᒪ ᒪᑭᑕᔪᓐᓇᑦᑎᐊᕐᓂᖏᓐᓂᒃ," ᓯᕗᓕᖅᑎ ᐊᕿᐊᕈᖅ ᐅᖃᓚᐅᖅᐳᖅ.
"ᖃᐅᔨᔪᒪᑦᑎᐊᖅᑐᒍᑦ ᐃᓗᓕᖏᓐᓂᒃ ᖃᓄᖅ ᑖᒃᑯᐊ ᐱᓕᕆᐊᒃᓴᑦ ᐃᑲᔫᑕᐅᓂᐊᕐᒪᖔᑕ ᓇᓕᒧᒌᒃᑎᓪᓗᒋᑦ ᑕᐅᑐᖅᑰᖅᑕᕗᑦ ᓄᓇᕗᒻᒧᑦ ᑲᓇᑕᒥ ᐊᖏᕈᑕᐅᓯᒪᔪᖅ ᑲᓇᑕᐅᑉ ᐅᑭᐅᖅᑕᖅᑐᖓᑕ… ᐅᖃᓕᒫᒃᑲᓐᓂᕆᑦ.