ᑐᓴᒐᒃᓴᓕᐊᑦ ᓴᖅᑭᑎᑕᐅᓯᒪᔪᑦ

ᐃᖃᓗᐃᑦ, ᓄᓇᕗᑦ (ᓅᕙᐃᒻᕙ 8, 2022) − ᐅᓪᓗᒥ ᒪᓕᒐᓕᐅᕐᕕᒻᒥ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᓴᖅᑭᑎᑦᓯᔪᖅ ᐃᒻᒥᑰᖅᑐᓂᒃ ᐱᓕᕆᐊᑦᓴᓂᒃ ᑎᑎᖅᑲᕐᓂᑦ ᐊᑐᓂᑦ ᒥᓂᔅᑕᓄᑦ. “ᑖᓐᓇ ᓯᕗᓪᓕᖅᐹᖅ ᓄᓇᕗᒻᒥ ᓯᕗᓕᖅᑎ ᓴᖅᑭᑎᑦᓯᑎᓪᓗᒍ ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᕐᓂᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ,” ᓯᕗᓕᖅᑎ ᐊᕿᐊᕈᖅ ᐅᖃᖅᑐᖅ. “ᑖᓐᓇ ᐆᑦᑐᕋᕐᓂᖅ ᑕᑯᑦᓴᐅᑎᑦᓯᔪᖅ ᑖᑦᓱᒪᖓᑦ ᒐᕙᒪᒥᒃ ᑲᔪᓯᑎᑦᓯᓂᕐᒧᑦ ᑕᑯᑦᓴᐅᑦᓯᐊᕐᓂᕐᒧᑦ ᐱᓕᕆᐊᑦᓴᑎᓐᓂᒃ. ᑐᓴᖅᑎᑦᓯᔪᒪᒐᑦᑕ ᐱᕙᓪᓕᐊᓂᕆᔭᑦᑕ ᒥᑦᓵᓄᑦ. ᐱᓕᕆᐊᖑᓂᐊᖅᑐᐃᑦ ᓄᓇᕗᒻᒥᐅᓄᑦ ᒐᕙᒪᑦᑎᓐᓄᑦ ᐆᑦᑐᕋᑦᓴᐅᔪᓐᓇᖅᑐᑦ, ᐱᓪᓚᕆᓪᓗᓂ, ᑕᑯᑦᓴᐅᓗᓂᓗ.” ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᖅ ᑐᓴᖅᑎᑦᓯᓂᐅᕗᖅ ᑐᕌᒐᓪᓚᕆᓐᓂᒃ ᖃᓄᐃᓕᐅᕈᑕᐅᓂᐊᖅᑐᓂᑦ ᖃᓄᐃᓕᖓᓕᕐᓂᖏᓐᓂᓪᓗ ᓂᕆᐅᒋᔭᐅᔪᑦ ᒥᓂᔅᑕᐅᖃᑎᒌᓄᑦ ᐊᑐᓂ ᐱᓕᕆᐊᑦᓴᖏᓐᓂᒃ ᒪᓕᒐᓕᐅᖅᑎᐅᓂᖏᓐᓂᒃ. ᓇᓂᔭᐅᔪᓐᓇᖅᑐᑦ ᓯᕗᓕᖅᑎᐅᑉ ᐃᑭᐊᖅᑭᕕᖓᓂᑦ ᐅᕙᓂ https://www.premier.gov.nu.ca/iu/ministauvvingmi-… ᐅᖃᓕᒫᒃᑲᓐᓂᕆᑦ.
ᐊᒃᑐᐸ 05, 2022 ᐅᖃᐅᓯᒃᓴᑦ ᓯᕗᓕᖅᑎ ᑲᓇᑕᒥᐅᑦ ᑲᓇᖕᓇᖅᐸᓯᐊᓃᑦᑐᑦ ᐃᓱᒪᒋᑦᑎᐊᖅᐸᖏᑦ ᐃᑲᔪᖅᓱᑦᑎᐊᖅᐸᖏᓪᓗ ᓄᓇᕗᒻᒥ ᓯᕗᓕᖅᑎ, ᐲᔾᔭᐃ ᐊᕿᐊᕈᖅ, ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ: “ᑕᐃᒃᑯᐊ ᐊᒃᑐᖅᑕᐅᕐᔪᐊᖅᑐᐊᓗᐃᑦ ᐅᓚᓗᔭᕐᔪᐊᖅ Fiona-ᒧᑦ ᐊᑦᓛᓐᑎᒃ ᑕᕆᐅᕐᔪᐊᖓᓂ ᑲᓇᑕᒥ. ᐃᓱᒪᒋᑦᑎᐊᖅᐸᕗᑦ ᑕᐃᒃᑯᐊ ᓴᙱᔪᐊᓘᓪᓗᑎᒃ ᑲᓇᑕᒥᐅᑕᑦ ᑲᓇᖕᓇᖅᐸᓯᖕᒦᑦᑐᑦ ᐊᒃᓱᕈᕐᓇᖅᑐᐊᓗᖕᒧᑦ ᐊᖅᑯᓵᖅᑕᐅᔪᑦ ᓄᓇᖓ ᓱᕋᒃᑎᕈᓘᔭᖅᑐᐊᓘᑎᓪᓗᒍ. ᓄᓇᕗᑦ ᒐᕙᒪᒃᑯᑦ ᑮᓇᐅᔭᑎᒍᑦ ᐃᑲᔪᕐᓂᐊᕐᒪᑕ $25,000−ᓂᒃ ᑲᓇᑕᒥ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔪᕆᐊᖅᑎᓄᑦ ᐊᑐᖅᑕᐅᓂᐊᕐᓗᑎᒃ ᐊᒃᑐᖅᑕᐅᕐᔪᐊᖅᑐᓄᑦ. ᐃᓄᐃᑦ ᖃᐅᔨᒪᔭᑐᖃᖏᑦ ᐃᓕᑦᑎᕝᕕᒋᓯᒪᒐᑦᑎᒍᑦ ᐃᑲᔪᕆᐊᖃᕐᓂᑦᑎᓐᓂᒃ ᐃᓚᒌᓂᒃ ᐊᒻᒪ ᓄᓇᖅᑲᑎᒌᓂᒃ. ᓄᓇᕗᑦ ᒐᕙᒪᒃᑯᑦ ᐅᐱᒍᓱᑦᑎᐊᖅᐳᑦ ᐃᑲᔪᖅᑕᐅᒋᐊᓕᖕᓂᒃ ᐃᑲᔪᕈᓐᓇᕐᒪᑕ ᓄᓇᖅᑲᑎᒌᓄᑦ. ᓄᓇᕗᒥᐅᑦ ᐃᑲᔪᐃᓐᓇᕈᒪᖕᒪᑕ ᐱᖃᓐᓇᕆᔭᑦᑎᓐᓄᑦ ᑲᓇᖕᓇᕐᒥ ᐃᒪᕕᐅᑉ ᓯᓈᓃᑦᑐᓄᑦ."
ᓯᑎᐱᕆ 29, 2022 ᐅᖃᐅᓯᒃᓴᑦ ᓄᓇᕗᑦ ᒐᕙᒪᒃᑯᑦ ᓯᕗᓪᓕᐅᔾᔨᔪᑦ ᑲᓇᑕᒥ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᐅᓪᓗᖓᓂ ᓯᕗᓕᖅᑎ ᓄᓇᕗᒻᒧᑦ, ᐸᐅᓗᓯ ᐊᕿᐊᕈᖅ, ᐅᓪᓗᒥ ᐅᑯᓂᖓ ᐅᖃᐅᓯᐅᔪᓂᑦ ᓴᖅᑭᑦᑎᖅᑲᐅᕗᖅ: "ᑲᓇᑕᒥ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᐅᓪᓗᕆᓂᐊᕐᒪᒍ ᓯᑎᐱᕆ 30−ᐅᓕᖅᐸᑦ − ᑲᓇᑕᒥᐅᓕᒫᑦ ᓇᐅᑦᑎᖅᓱᕈᓐᓇᕐᓗᑎᒃ ᓇᓗᓇᐃᖅᓯᓗᑎᒡᓗ ᓄᓇᖃᖅᑳᖅᓯᒪᔪᑦ ᐃᓄᐃᑦ, ᓄᓇᓖᑦ, ᐱᖃᓐᓇᕆᔭᐅᔪᑦ, ᐃᓚᒋᔭᐅᔪᓪᓗ ᐋᓐᓂᖅᑕᐅᓯᒪᓂᖏᓐᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ. ᐃᓚᖏᓐᓄᑦ, ᕿᒃᓵᓐᓇᐅᓂᐊᖅᐳᖅ ᑕᐃᑲᓂ ᐅᓪᓗᕐᒥ; ᐃᓚᖏᓪᓗ, ᐃᓱᒪᒃᓴᖅᓯᐅᕈᑎᖃᕐᓂᐊᖅᐳᑦ. ᐃᓚᖏᓪᓗ ᐅᖃᖃᑎᒌᖕᓂᐊᖅᐳᑦ, ᐃᓚᖏᓪᓗ ᐊᑭᕋᖅᑐᕐᓂᐊᖅᖢᑎᒃ ᐅᖃᐅᓯᖃᕐᓗᑎᒡᓗ. ᖃᓄᑐᐃᓐᓇᖅ ᑖᓐᓇ ᐅᓪᓗᕆᔭᐅᔪᖅ ᐅᔾᔨᕆᒐᓗᐊᕈᕕᐅᒃ, ᐅᔾᔨᖅᓱᖁᕙᒋᑦ ᐊᑦᑕᕐᓇᖅᑐᒦᙱᓪᓗᑎᑦ ᐃᑲᔪᖅᑐᐃᓗᑎᓪᓗ ᓇᔪᖅᑕᕐᓂᑦ. ᓄᓇᕗᑦ ᒐᕙᒪᖓᑦ ᐃᓕᓴᖅᓯᔪᐃᑦ ᑭᖑᕚᕇᖑᔪᑦ ᓱᓕ ᐊᒃᑐᖅᑕᐅᓯᒪᓂᕆᔭᖓᓐᓂᒃ ᐃᓕᓐᓂᐊᕆᐊᖅᐸᓚᐅᖅᓯᒪᓂᖏᓐᓄᑦ ᐅᓪᓗᒥᒧᑦ ᓱᓕ ᐃᒃᐱᖕᓂᐊᒋᔭᐅᓪᓗᑎᒃ ᑭᖑᕚᖑᔪᓄᑦ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐊᕿᐊᕈᖅ ᑐᙵᓱᒃᑎᑦᑎᕗᖅ ᓄᑖᒥ ᐊᖓᔪᖅᑳᕐᔪᐊᖅᑖᒥ, ᑭᖕ ᓵᓕᒥ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᖃᖅᑲᐅᕗᖅ ᐅᓪᓗᒥ, ᐊᖓᔪᖅᑳᕐᔪᐊᙳᕐᑎᑕᐅᓂᖓᓄ ᐅᖃᐅᓯᒃᓴᖓᓂ ᑭᖕ ᓵᓕ III−ᒧᑦ: “ᐅᓪᓗᒥ, ᖁᕕᐊᓱᖃᑎᒋᔪᒪᕙᕋ ᓄᑖᖅ ᐊᖓᔪᖅᑳᕐᔪᐊᙳᕐᓂᖓᓂ ᑲᓇᑕᐅᓪᓗ ᓄᑖᖅ ᐊᐅᓚᑦᑎᔨᐊᓄ. ᐱᓕᕆᐊᕆᓯᒪᔭᑎ ᐊᕐᕌᒍᒐᓴᖕᓄᑦ ᐱᕙᒌᔭᕈᑎᒋᕙᐃᑦ ᑕᒪᑐᒧᐊ ᐱᓕᕆᐊᒧᑦ ᐊᒥᓱᑎᒍᑦ ᖃᓄᑐᐃᓐᓇᖅ. ᓂᕆᐅᖕᓂᖃᕐᐳᒍ ᓄᑖᒥ ᓯᕗᓕᖅᑎᐅᓂᕆᓂᐊᕐᑕᐃᑦ ᓄᓇᕐᔪᐊᓂ ᑭᒡᒐᖅᑐᕐᑕᖕᓄᑦ. ᐅᓪᓗᓄᑦ, ᐃᖅᑲᐃᓯᔭᐅᑲᑕᒃᐳᖓ ᓯᕗᓪᓕᕐᐹᒥ ᑲᓇᑕᒧᐊᕐᖢᑎᑦ 1970−ᒥᑦ. ᐱᒃᑯᒍᓱᒃᐳᖓ ᓄᓇᕗᑦ, ᑕᐃᒃᓱᒪᓂ ᓄᓇᑦᓯᐊᖅ, ᓯᕗᓪᓕᖅᐹᒥ ᐱᓱᓚᐅᕋᕕᑦ ᑲᓇᑕᐅᑉ ᓄᓇᖓᓂ. ᓂᕆᐅᒃᐳᖓ ᓈᓚᒐᓱᖕᓃᑦ ᐃᓕᓐᓇᓱᖕᓃᓪᓗ ᑲᓇᑕᐅᑉ ᓄᓇᖃᖅᑳᖅᓯᒪᔪᖏᓐᓂᑦ ᑲᔪᓯᓂᐊᕐᐳᖅ ᐋᕿᒋᐊᕈᑎᖃᕐᓂᕐᓗ ᓯᕗᓪᓕᐅᔾᔭᕇᓐᓇᕐᓗᒍ.
ᓄᓇᕗᑦ ᕿᒃᓵᒍᑎᖃᕐᐳᑦ ᑲᔪᓯᓂᖓᓂ ᐊᖓᔪᖅᑳᕐᔪᐊᖅ ᑯᐃᓐ ᐃᓕᓴᐱ II ᓯᕗᓕᖅᑎ ᓄᓇᕗᒻᒧᑦ, ᐸᐅᓗᓯ ᐊᕿᐊᕈᖅ, ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂ ᑲᔪᓯᑎᓪᓗᒍ ᐊᖓᔪᖅᑳᕐᔪᐊᖅ ᑯᐃᓐ ᐃᓕᓴᐱ II: “ᐊᖓᔪᖅᑳᕐᔪᐊᖅ ᑯᐃᓐ ᐃᓕᓴᐱ II ᖃᐅᔨᒪᔭᐅᑦᑎᐊᓚᐅᕐᑐᖅ ᐱᕐᔪᐊᖑᖃᑕᐅᓪᓗᓂᓗ ᐃᓚᒋᔭᐅᓪᓗᓂ ᑲᓇᑕᐅᑉ ᐊᑐᕐᐸᓚᐅᕐᑕᖏᓐᓂ ᐊᕐᕌᒍᓄᑦ 70-ᓄᑦ.  ᐊᖓᔪᖅᑲᐅᓂᖓ ᓇᓗᓇᐃᒃᑯᑕᐅᕗᖅ ᐱᔨᑦᑎᕐᓂᖓ ᑭᒡᒐᖅᑐᖅᑕᖏᓐᓄᑦ ᓄᓇᕐᔪᐊᒥ ᐊᖏᕐᓯᒪᑦᑎᐊᕐᓂᖓᓂᓪᓗ ᑲᓇᑕᐅᑉ ᒐᕙᒪᖏᑦᑕ ᓴᙱᓂᖓᓄ. ᐃᓄᐃᓪᓗ ᑲᓇᑕᐅᓪᓗ ᒐᕙᒪᖏᑦᑕ ᓴᙱᓂᖓ ᐱᑐᐃᓐᓇᐅᕙᓚᐅᙱᓚᖅ, ᐊᖓᔪᖅᑳᕐᔪᐊᖅ ᐃᒃᐱᒋᔭᐅᑦᑎᐊᕐᑐᑐᖃᐃᑦ ᐃᓐᓇᖁᑎᑦᑎᓐᓄᑦ. 1970−ᒥᑦ, ᓄᓇᕗᑦ ᐋᖅᑭᒃᑕᐅᓚᐅᖅᑎᓐᓇᒍ, ᐊᖓᔪᖅᑳᕐᔪᐊᖅ ᕗᓘᐱᓱ ᐸᐃᒧᐊᓚᐅᕐᐳᖅ. ᐃᓄᒋᐊᓄᑦ ᑐᙵᓱᒃᑎᑕᐅᓂᖓ ᓇᓗᓇᕈᓐᓃᓚᐅᕐᐳᖅ ᐊᒃᑐᐃᓂᖓ ᐃᓐᓇᕐᓂᓂᑦ ᓄᓇᑦᑎᓐᓂᑦ. ᓯᕗᓪᓕᕐᐹᒥ ᐳᓛᕆᐊᓚᐅᕐᐳᖅ ᓄᓇᕗᑕᖃᓕᕐᑎᓪᓗᒍ 2002−ᒥᑦ. ᐅᖃᓪᓚᓚᐅᕐᐳᖅ ᓄᓇᕗᒻᒥᐅᓄᑦ ᓄᓇᕗᒻᒥᑦ ᒪᓕᒐᓕᐅᕐᕕᖕᒥᑦ ᐅᖃᓪᓛᕐᔪᒃᖢᓂᓗ ᐃᓄᒃᑐᑦ… ᐅᖃᓕᒫᒃᑲᓐᓂᕆᑦ.
2022 ᑲᓇᑕᒥ ᓯᕗᓕᖅᑏᑦ ᑲᑎᒪᔨᖏᓐᓂ ᐅᖃᓕᒫᕈᓐᓇᕐᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᖅ ᐅᖃᐅᓯᐅᓂᖓ ᐊᕐᕌᒍᑕᒫᑦ ᑲᓇᑕᒥ ᓯᕗᓕᖅᑏᑦ ᑲᑎᒪᔨᖏᑦ ᐅᖃᓕᒫᕈᓐᓇᕐᓂᕐᒧᑦ ᐃᓕᑕᕆᔭᐅᔾᔪᑎᑖᑎᑦᑎᓲᖑᕗᑦ ᖁᕕᐊᓲᑕᐅᕙᒃᖢᑎᒡᓗ ᐱᒻᒪᕆᐅᔪᑦ ᐃᑲᔫᑕᐅᓲᑦ ᐋᖅᑭᒃᑕᐅᕙᒃᖢᑎᒃ ᑲᓇᑕᒥᐅᓄᑦ ᐅᖃᓕᒫᒐᓕᕆᕙᒃᑐᓄᑦ. ᓄᓇᕗᒻᒥ, ᐅᑯᐊ ᐃᓕᑕᕆᔭᐅᔾᔪᑎᑦ ᐃᓕᑕᖅᓯᓲᖑᕗᑦ ᐃᓄᖕᓂᒃ ᐃᑲᔪᖅᑐᐃᔪᓂᒃ ᐊᒻᒪ ᑲᔪᖏᖅᓴᐃᓲᓂᒃ ᐊᓯᒥᓂᒃ ᐃᓄᒃᑎᑐᑦ ᐅᖃᓪᓚᖃᑦᑕᖁᔨᔪᓂᒃ ᐱᕙᓪᓕᐊᑎᑦᑎᖃᑦᑕᖁᔨᔪᓂᒡᓗ ᐅᖃᓕᒫᕈᓐᓇᕐᓂᕐᒧᑦ ᐊᔪᙱᑕᖏᓐᓂᒃ ᐅᖃᓕᒫᕐᓂᒃᑯᑦ, ᑎᑎᕋᕐᓂᒃᑯᑦ ᐅᕝᕙᓘᓐᓃᑦ ᐱᓕᕆᐊᖑᔪᒃᑯᑦ ᐅᖃᐅᓯᐅᔪᑎᒍᑦ. ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᐱᒍᓱᑦᑎᐊᖅᖢᓂ ᑐᓴᖅᑎᑦᑎᕗᖅ ᓵᓚᒃᓴᓚᐅᖅᑐᖅ 2022-ᒥ ᑲᓇᑕᒥ ᓯᕗᓕᖅᑏᑦ ᑲᑎᒪᔨᖏᓐᓂᒃ ᐅᖃᓕᒫᕈᓐᓇᕐᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᖅ ᔩᓚ ᐸᓪᓗᖅ ᑯᓘᑦᑎᐊᐃ−ᖑᓂᖓᓂᒃ. ᐅᓇ ᐃᓕᑕᕆᔭᐅᔾᔪᑎ ᐃᓕᑕᖅᓯᔪᖅ ᔩᓚ ᐸᓪᓗᖅ ᑯᓘᑦᑎᐊᐃᑉ ᑕᖃᔪᓐᓇᕋᓂ ᐱᓕᕆᓲᖑᓂᖓᓄᑦ ᐆᒻᒪᖅᑎᑦᑎᒃᑲᓐᓂᕋᓱᒃᖢᓂ ᐃᓄᒃᑎᑐᑦ ᐅᖃᐅᓯᕐᒥᒃ ᐊᕐᕌᒍᒐᓵᓗᖕᓄᑦ. ᖃᖓᑦᑎᐊᓕᓴᐅᓛᖅ,… ᐅᖃᓕᒫᒃᑲᓐᓂᕆᑦ.
ᐊᕕᑐᖅᓯᒪᔪᓂᑦ ᓯᕗᓕᖅᑏᑦ ᐅᑭᐅᖅᑕᖅᑑᑉ ᑭᒡᓕᙳᐊᖓᓂ ᑲᑎᒪᔪᑦ ᓅᒃ, ᑲᓛᖠᑦ ᓄᓈᓂ ᓯᕗᓕᖅᑎ ᔫᑳᓐᒥ ᓵᓐᑎ ᓯᐅᓪᕗ, ᓯᕗᓕᖅᑎ ᓄᓇᑦᑎᐊᒥ ᑭᐅᕈᓕᓐ ᑳᒃᕋᐃᓐ ᐊᒻᒪᓗ ᓯᕗᓕᖅᑎ ᓄᓇᕗᒻᒥ ᐸᐅᓗᓯ ᐊᕿᐊᕈᖅ ᐅᑯᓂᖓ ᐅᖃᐅᓯᒃᓴᓂᑦ ᓴᖅᑭᑎᑦᑎᓚᐅᖅᐳᖅ: "ᐅᐱᒍᓱᑦᑎᐊᓚᐅᖅᐳᖓ ᖃᐃᖁᔭᐅᒐᒪ ᐅᑭᐅᖅᑕᖅᑑᑉ ᑭᒡᓕᙳᐊᖓ ᑲᑎᒪᓂᐊᖅᑐᓄᑦ ᐅᐸᒍᑎᓪᓗᖓᓗ ᓄᓇᕐᔪᐊᓕᒫᒥ ᐅᖃᖃᑎᖃᒃᑲᓐᓂᕆᐊᖅᑐᖅᖢᖓ ᐅᑭᐅᖅᑕᖅᑑᑉ ᒥᒃᓵᓄᑦ. ᓇᓗᓇᙱᑦᑐᖅ ᓄᓇᕐᔪᐊᕐᒥᐅᑦ ᐱᓕᕆᖃᑎᒌᒋᐊᖃᓪᓚᕆᒃᐳᑦ ᑲᑐᔾᔨᖃᑎᒌᒡᓗᑎᒡᓗ ᐊᔾᔨᒌᙱᑦᑐᓂᒃ ᐱᔾᔪᑎᖃᕐᓗᑎᒃ. ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᒧᑦ ᐃᓅᓯᖃᑦᑎᐊᕐᓂᖅᓴᐅᖁᓪᓗᒋᑦ ᐱᕙᓪᓕᐊᑎᑦᑎᒃᑲᓐᓂᕐᓗᓂᓗ ᐃᓄᖁᑎᑦᑎᓐᓄᑦ, ᐅᖃᖃᑎᒌᖏᓐᓇᕆᐊᖃᖅᐳᑦ ᓴᐃᒪᑦᑎᐊᕐᓂᖅᓴᓂᒃ ᓴᓗᒪᓂᖅᓴᒥᓪᓗ ᓯᕗᓂᒃᓴᖃᖁᓪᓗᒋᑦ.  "ᑲᑎᒪᕐᔪᐊᖅᑎᓪᓗᒋᑦ, ᓱᓕ ᐅᔾᔨᕆᔭᐅᓕᖅᑎᑦᑎᒃᑲᓐᓂᓚᐅᖅᐳᒍᑦ ᓴᖅᑭᔮᖅᑎᑦᑎᒃᑲᓐᓂᖅᖢᑕᓗ ᐊᑦᑕᕐᓇᙱᓐᓂᖅᓴᒥᒃ ᖃᓄᐃᙱᑦᑎᐊᕐᓂᕐᓴᒥᒡᓗ ᐅᑭᐅᖅᑕᖅᑐᒥᑦ. ᓱᓕ ᓇᓗᓇᐃᖅᓯᔪᓐᓇᖅᐳᒍᑦ ᐅᑭᐅᖅᑕᖅᑐᒥ ᓄᓇᖁᑎᖓ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᕐᓗ… ᐅᖃᓕᒫᒃᑲᓐᓂᕆᑦ.
ᓄᑖᖅ ᑲᓛᖦᖡᑦ ᓄᓈ−ᓄᓇᕗᑦ ᐊᖏᖃᑎᒌᒍᑎ ᐊᑎᓕᐅᕐᑕᐅᔪᖅ ᑲᓛᖦᖡᑦ ᓄᓈᓂ ᐊᖓᔪᖅᑳᕐᔪᐊᖓ ᒧᑦᓯ B. ᐃᖏᑦ ᐊᒻᒪᓗ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐊᑎᓕᐅᓚᐅᕐᒪᑏᒃ ᑐᑭᓯᐅᒪᓂᖕᒧᑦ ᑎᑎᖅᑲᒥᑦ ᑖᒃᑯᖕᓇᙵ ᒐᕙᒪᓂᒃ ᑲᓛᖦᖡᑦ ᓄᓈᓂ ᐊᒻᒪ ᓄᓇᕗᒃ ᓅᖕᒥᑦ ᐅᓪᓗᒥ. ᓄᓇᕗᓪᓗ ᑲᓛᖦᖡᑦ ᓄᓈᓗ ᐊᑯᓂᐊᓗᒃ ᐊᔾᔨᒌᓂᓪᓗ ᐃᓄᖕᓄ ᐃᑦᑕᕐᓂᓴᖃᕐᒪᑏᒃ, ᑕᐅᕗᖓᑐᖃᐅᔮᓗᒃ ᑕᐅᓴᓐ ᐊᕐᕌᒍᒐᓴᖕᓄᑦ. ᑕᒪᓐᓇ ᐊᑕᐅᑦᑎᒃᑯᑦ ᐊᑐᕐᓯᒪᔭᑎᒃ, ᐃᓕᖅᑯᓯᖅ, ᐃᓅᖃᑎᒌᖕᓂᖅ, ᐊᒻᒪᓗ ᓄᓇᒥ ᐋᖅᑭᒍᑎᕗᖅ ᑐᙵᕕᐊᓂ ᐃᑲᔪᖅᑎᒌᒃᓗᑎᒃ ᐱᓕᕆᓗᑎᒃ ᐱᓕᕆᖃᑎᒌᒃᓗᑎᒃᓗ ᑖᒃᑯᓇᓂ ᒪᕐᕉᖕᓂᒃ ᐱᔪᓐᓇᕐᓂᓖᒃ. ᓯᕗᓪᓕᖅᐹᖅ ᑐᑭᓯᐅᒪᓂᖕᒧᑦ ᑎᑎᖅᑲᖅ ᑖᒃᑯᖕᓇᙵ ᑲᓛᖦᖡᒃ ᓄᓈᓂ ᐊᒻᒪᓗ ᓄᓇᕗᓪᓗ ᐊᑎᓕᐅᕐᑕᐅᓚᐅᕐᓯᒪᔪᖅ 2000-ᒥᑦ. ᑕᒪᒃᑯᐊ ᑐᕌᒐᕆᔭᐅᔪᑦ ᑎᑭᑕᐅᓇᓱᐊᖅᑐᓪᓗ ᐋᖅᑭᒃᓯᒪᒐᓗᐊᕐᖢᑎᒃ ᓯᕗᓪᓕᕐᒥ ᑐᑭᓯᐊᒪᓂᖕᒧᑦ ᑎᑎᖅᑲᕐᒥᑦ ᐊᑐᕋᓗᐊᕐᖢᓂ ᓱᓕ ᐅᓪᓗᒥ, ᐅᓪᓗᒥ ᐊᖏᕈᑎ ᓴᙱᒃᑎᒃᑲᓐᓂᕈᑕᐅᓂᐊᕐᐳᖅ ᐱᓕᕆᖃᑎᒌᖕᓂᕗᑦ ᑲᒪᒋᓗᒋᓪᓗ ᓯᕗᓂᑦᑎᓂ ᐃᑲᔪᖅᑎᒌᖕᓂᖅ ᑕᒪᐃᓐᓂᒃ… ᐅᖃᓕᒫᒃᑲᓐᓂᕆᑦ.
ᓂᕈᐊᒐᒃᓴᓕᐅᕈᓐᓇᖅᓯᔪᑦ 2021-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐱᔪᓐᓇᖅᓯᑎᑦᑎᔪᖅ ᐱᓇᓱᐊᕈᑎᓂᑦ ᐃᓕᓴᕆᔭᐅᖁᔭᐅᔪᓂᒃ ᐃᑲᔪᖅᑐᐃᓲᓂᒃ, ᑎᓕᐅᕆᓲᓂᒃ ᐊᒻᒪ ᖃᐅᔨᑎᑦᑎᓲᓂᒃ ᖃᓄᖅ ᓴᙱᓕᑎᑦᑎᓂᕐᒥᑦ ᑎᑎᕋᕈᓐᓇᕐᓂᖅᒥ/ᐅᖃᓕᒫᕈᓐᓇᕐᓂᕐᒥ ᐱᕚᓪᓕᕈᑕᐅᔪᓐᓇᖅᑐᓂᒃ ᓄᓇᕗᒻᒥ. 2022-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ. ᓂᕈᐊᒐᒃᓴᙳᖅᑎᑦᑎᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᒡᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓴᐃᔨ, ᓄᓇᓕᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᒥᑦ, ᐃᓐᓇᖅ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ… ᐅᖃᓕᒫᒃᑲᓐᓂᕆᑦ.
ᒫᑦᓯ 25, 2022 ᐱᕙᓪᓕᐊᔪᑦ ᓴᖅᑭᑕᐅᔪᑦ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᓂᒍᐃᒃᑲᓐᓂᕐᒥᔪᑦ ᐊᓂᒍᖅᑕᐅᒋᐊᓕᖕᒥᒃ ᑲᑐᔾᔨᖃᑎᒌᒍᑕᐅᓪᓗᓂ ᐊᑎᓕᐅᖅᑕᐅᓂᒃᑯᑦ ᐱᓕᕆᖃᑎᒌᖕᓂᕐᒧᑦ ᓱᓕᓂᕋᕈᑎᒃᑯᑦ ᐃᖃᓗᒃᑑᑦᑎᐊᖅ, ᓄᓇᕗᑦ (ᒫᑦᓯ 25, 2022) − ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᐱᔭᐃ ᐊᕿᐊᕈᖅ ᐊᒻᒪ ᓄᓇᕗᑦ ᑐᙵᕕᒃᑯᑦ (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᑎᓕᐅᖅᑲᐅᕗᖅ ᓱᓕᓂᕋᕈᑎᒥᒃ ᐋᖅᑭᒋᐊᕆᔪᒪᓪᓗᓂ ᐱᓕᕆᖃᑎᒌᖕᓂᒃᑯᑦ ᑲᑐᔾᔨᖃᑎᒌᒍᑕᐅᓂᐊᖅᑐᒥᒃ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃᑯᓐᓂ ᐱᒋᐊᖅᑎᑕᐅᓗᑎᒃ ᓄᓇᕗᒻᒥ ᐱᓕᕆᖃᑎᒌᓄᑦ ᑲᑎᒪᔨᕋᓛᑦ. "ᐅᐱᒍᓱᑦᑎᐊᖅᐳᖓ ᐊᓪᓗᕆᐊᒃᑲᓐᓂᕈᓐᓇᕋᒪ ᐱᓇᔪᐊᕇᓐᓇᖅᑕᑦᑎᓐᓂ ᓴᙱᒃᑎᒋᐊᕋᓱᒃᖢᑎᒍᑦ ᓄᓇᕗᑦ ᒐᕙᒪᒃᑯᑦ ᐱᓕᕆᖃᑎᒌᒍᓯᖏᑦ ᓄᓇᕗᑦ ᑐᙵᕕᒃᑯᓐᓂ," ᐅᖃᓚᐅᖅᐳᖅ ᓯᕗᓕᖅᑎ ᐊᕿᐊᕈᖅ. "ᐅᑯᐊ ᐱᓕᕆᖃᑎᒌᒍᓯᕐᓄᑦ ᓱᓕᓂᕋᕈᑎᑦ ᒪᓕᒃᐳᑦ ᑕᒪᑐᒪᓂ ᐱᓇᓱᐊᕈᓯᕐᒥ ᓴᖅᑭᑕᐅᓚᐅᖅᑐᖅ ᑲᑐᔾᔨᓗᑕ ᐱᓕᕆᐊᒃᓴᒧᑦ, ᐋᖅᑭᒃᑕᐅᓚᐅᖅᓯᒪᔪᖅ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᕗᒻᒥ… ᐅᖃᓕᒫᒃᑲᓐᓂᕆᑦ.