ᓯᕗᓕᖅᑎ ᔮᓐ ᒪᐃᓐ, ᒥᓂᔅᑕ ᑲᒪᒋᔭᓕᒃ ᐃᓐᓇᕐᓄᑦ, ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᑦᓴᓂᑦ:“ᑲᓇᑕᒥ ᐃᓐᓇᐃᑦ ᐅᓪᓗᖓᓂ, ᑎᓕᐅᖅᐸᒃᑲ ᓄᓇᕗᒻᒥᐅᓕᒫᑦ ᐅᐱᒍᓱᖁᑦᓱᒋᑦ ᐃᓐᓇᖁᑎᕗᑦ ᐅᓪᓗᖓᓂ ᖃᐅᑕᒫᓪᓗ. ᐃᓐᓇᖁᑎᕗᑦ ᐃᓕᓐᓂᐊᓚᐅᖅᑐᑦ ᖃᓄᖅ ᐊᓐᓇᐅᒪᔪᓐᓇᕐᓂᕐᒥᒃ ᓄᓇᒥᓗ ᑲᔪᓯᓂᖃᑦᓯᐊᖅᓱᑎᒃ, ᐃᑲᔪᓚᐅᖅᓱᑎᓪᓗ ᓄᓇᕗᓕᐅᖃᑕᐅᑦᓱᑎᒃ ᐊᑑᑎᔪᖅ ᐅᓪᓗᒥᐅᓕᖅᑐᒧᑦ. ᓇᑯᕐᒦᖅᑕᕗᑦ ᖃᓄᓕᒫᑦᓯᐊᖅ ᐱᓕᕆᖃᑦᑕᖅᓯᒪᓂᖏᓐᓄᑦ ᐱᓕᕆᔾᔪᔾᔨᖏᓐᓇᕋᑦᓯᓗ.ᓇᓗᓇᐃᖅᓯᒪᔪᖅ ᐃᑲᔪᖅᑎᒌᒃᑕᒥ, ᒐᕙᒪᕗᑦ ᐊᑐᓕᖅᑎᑦᓯᕗᑦ ᐃᓐᓇᕈᖅᐸᓪᓕᐊᔪᑦ ᐃᑉᐱᒋᔭᖃᑦᓯᐊᕐᓗᑎᒃ ᐃᓐᓇᐃᑦ ᐃᓄᑐᖃᐃᓪᓗ ᖃᓄᐃᓕᐅᕈᑕᐅᔪᒪᔪᒥᒃ, ᐱᐅᓯᒋᐊᖅᑎᑦᓯᓪᓗᑎᒃ ᐊᑐᕈᓐᓇᕐᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑲᒪᒋᔭᐅᓂᕐᒥᒃ ᐃᓐᓇᕐᓄᓪᓗ ᑲᒪᒋᔭᐅᓂᕐᒧᑦ ᐱᔨᑦᓯᕋᐅᑎᓂᒃ ᖃᓂᓐᓂᖅᓴᒧᑦ ᐊᖏᕐᕋᕆᔭᐅᔪᓄᑦ. ᐱᓕᕆᖃᖅᑐᒍᑦ ᐱᕈᖅᑎᑦᓯᓂᕐᒧᑦ ᐊᔪᙱᓐᓂᖃᕐᓂᑎᓐᓄᑦ ᐃᓐᓇᐃᑦ ᖃᓂᒃᓴᐃᓐᓇᖁᓪᓗᒋᑦ ᐃᓚᒥᓄᑦ ᐱᖃᓐᓇᕆᔭᒥᓄᓪᓗ ᓄᓇᕗᒻᒥ, ᐸᕐᓇᑦᓯᒪᓂᕐᒧᑦ ᐊᑯᓂᐅᔪᒧᑦ ᑲᒪᒋᔭᖃᖅᐸᓐᓂᕐᒧᑦ ᐃᓂᒋᔭᐅᖃᑦᑕᕐᓂᐊᖅᑐᓂᒃ… ᐅᖃᓕᒫᒃᑲᓐᓂᕆᑦ.
ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᔅᓴᓂᒃ:“ᖁᕕᐊᓱᑉᐳᖓ ᓄᓇᕗᑦ ᑭᒡᒐᖅᑐᕐᓗᒍ ᐃᓚᐅᖃᑕᐅᔪᓐᓇᓚᐅᕋᒪ ᐱᒋᐊᖅᑎᑕᐅᑎᓪᓗᒍ ᑲᓇᑕᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᑎᒪᓂᖅ ᑐᕌᓐᑐᒥᑦ, ᑲᓇᑕᐅᑉ ᐊᖓᔪᖅᑳᕐᔪᐊᖓᑕ ᒫᒻ ᑳᓂᐅᒧᑦ ᑲᑎᒪᑎᑕᐅᓪᓗᑕ. ᓄᓇᕗᑦ ᐊᖏᔪᒻᒪᕆᒻᒥᑦ ᑐᓂᓯᖃᑕᐅᔪᓐᓇᖅᑐᖅ ᓄᓇᕐᔪᐊᕐᒥᑦ ᑮᓇᐅᔭᖃᖅᑎᑦᑎᔨᐅᔪᓄᑦ ᑖᓐᓇ ᓄᓇᕗᑦ ᓄᓇᖓ ᐱᑕᖃᓪᓚᕆᒻᒪᑦ ᐊᒻᒪᓗ ᐊᕙᑎᓕᕆᓂᕐᒧᓪᓗ ᐱᓕᕆᔾᔪᑎᔅᓴᓄᑦ ᐸᕐᓇᐅᑎᖃᑦᑎᐊᖅᑐᓂ ᓇᓗᓇᙱᑦᓯᐊᖅᑐᒥᒃ. ᐅᔭᕋᓐᓂᐊᕐᕕᕗᑦ, ᐃᖃᓗᓕᕆᓂᖅ, ᐳᓚᕋᑦᑐᓕᕆᓂᕐᒧᑦ ᐱᓕᕆᕝᕕᐅᔪᑦ ᑖᒃᑯᐊ ᐱᕈᖅᐸᓪᓕᐊᔪᓐᓇᑦᑎᐊᕐᒪᑕ ᑮᓇᐅᔭᖃᖅᑎᑕᐅᑦᑎᐊᑐᐊᖅᐸᑕ. ᑖᓐᓇ ᑲᑎᒪᓂᐅᔪᖅ ᐱᕕᔅᓴᖃᖅᑎᑦᑎᒍᑕᐅᓚᐅᖅᑐᖅ ᓴᖅᑭᔮᖅᑎᑦᑎᓂᕐᒥᑦ ᑮᓇᐅᔭᖃᖅᑎᑦᑎᔨᐅᔪᓂᑦ ᓇᑭᑐᐃᓐᓈᖓᔪᓂᑦ ᓄᓇᕐᔪᐊᕐᒥ ᑖᓐᓇᓗ ᓄᓇᕗᑦ ᒪᑐᐃᖓᓂᖓᓂ ᑮᓇᐅᔭᓕᐅᕋᓱᐊᖅᑎᓄᑦ ᐱᓕᕆᕝᕕᐅᓗᓂ.ᒐᕙᒪᕗᑦ ᐱᓕᕆᖃᑎᒋᔭᕗᓪᓗ, ᓄᓇᕗᑦ ᑐᙵᕕᒃᑯᖅ ᑎᒥᖓ, ᓇᓗᓇᖅᓯᓯᒪᔪᑦ ᑎᓴᒪᓂᑦ ᐃᓄᓐᓄᑦ−ᐊᐅᓚᑕᐅᔪᓂᑦ ᑲᓇᑕᒥ−ᐱᕈᖅᐹᓪᓕᖅᑎᑦᑎᖃᑕᐅᓂᕐᒧᑦ ᐱᓕᕆᐊᖃᕐᒪᑕ… ᐅᖃᓕᒫᒃᑲᓐᓂᕆᑦ.
ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ: “ᓯᕗᓕᖅᑎᐅᓪᓗᖓ ᓄᓇᕗᒻᒥ, ᐊᐃᑦᑖᕈᓱᒃᐳᖓ ᐃᓱᒫᓘᑎᖃᖅᖢᖓᓗ ᑲᓇᑕ−ᐊᒥᐊᓕᑲᒥᐅᓪᓗ ᑕᐅᖅᓰᖃᑎᒌᖕᓂᕐᒧᑦ ᐅᖃᖃᑎᒌᖕᓂᖏᑦ ᐃᓱᓕᑦᑎᐊᓚᐅᙱᓐᓂᖏᓐᓂᑦ ᐱᓇᓱᐊᕈᓯᐅᑉ ᓄᙳᐊᓂ.ᒐᕙᒪᕗᑦ ᐃᑲᔪᕐᓂᐊᖅᐳᖅ ᐊᒃᑐᐃᓂᕆᔭᐅᔪᓄᑦ ᑖᒃᓰᔭᕈᑎᓄᑦ ᓄᓇᕗᒻᒥ, ᓇᖕᒥᓂᕆᔭᐅᔪᓄᑦ, ᐊᒻᒪᓗ ᓄᓇᖅᑲᑎᒌᓄᑦ. ᐊᔭᐅᖅᑐᐃᖏᓐᓇᕐᓂᐊᖅᐳᖓ ᐋᖅᑭᒍᑎᒃᓴᒥᑦ ᑮᓇᐅᔭᓕᐅᕈᑕᐅᔪᓐᓇᖅᑐᓂᑦ ᐊᒻᒪᓗ ᑮᓇᐅᔭᓂᒃ ᐱᕈᖅᓴᐃᓂᒧᑦ ᐊᖏᕐᕋᑦᑎᓐᓂ.ᖁᔭᓕᔪᒪᕗᖓ ᑲᓇᑕᒧᑦ ᐊᖓᔪᖄᕐᔪᐊᖅ ᑳᓂ, ᒥᓂᔅᑕ ᓚᐸᓛᖕᒃ ᐊᒻᒪᓗ ᐱᓕᕆᖃᑎᒌᑦ ᑲᓇᑕᒥ ᐱᓇᔪᐃᓐᓇᕐᓂᖏᓐᓄᑦ ᐋᔩᖃᑎᖃᕐᓂᕐᒥᑦ ᑲᓇᑕᒥᐅᑦ ᑭᒡᒐᖅᑐᖅᖢᒋᑦ. ᑖᒃᓰᔭᕐᓂᕐᒧᑦ ᐊᓯᔾᔨᖅᑕᐅᔪᑦ ᑐᑭᖃᖅᐳᖅ ᑐᕌᒐᖃᐃᓐᓇᕆᐊᖃᕐᓂᑦᑎᓐᓂ ᐱᕙᓪᓕᐊᑎᑦᑎᓂᕐᒧᑦ ᑲᓇᑕᒥ ᐊᖏᒡᓕᕙᓪᓕᐊᓂᖏᓐᓄᑦ ᑕᐅᖅᓰᖃᑎᒌᖕᓂᕐᒧᑦ ᐱᕕᒃᓴᐅᔪᓐᓇᖅᑐᓂ ᑲᓇᑕᒧᑦ. ᑕᒪᒃᑯᐊ ᐱᕕᒃᓴᐅᔪᑦ ᐅᖃᐅᓯᐅᓂᐊᖅᑐᑦ ᑲᓇᑕᒥ ᒐᕙᒪᒃᑯᖏᑦ, ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᐅᑭᐅᖅᑕᖅᑐᒥᑦ… ᐅᖃᓕᒫᒃᑲᓐᓂᕆᑦ.
ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ: "ᐊᑦᑕᕐᓇᙱᑦᑐᒥᒃ ᐊᒻᒪ ᐊᐅᓚᑕᐅᑦᑎᐊᖅᑐᒥᒃ ᑭᐅᔾᔪᑕᐅᓚᐅᖅᑐᖅ ᐃᑉᐸᒃᓴᖅ ᓴᖑᑎᑕᐅᓚᐅᖅᑎᓪᓗᒍ ᐳᕆᑎᔅ ᐃᐅᕐᔅ ᖃᖓᑕᓲᖓ 53 ᐃᖃᓗᖕᓄᑦ ᑕᑯᒃᓴᐅᑎᑦᑎᓚᐅᖅᐳᖅ ᖃᓄᖅ ᐱᓕᕆᐊᖑᔪᓐᓇᕐᒪᖔᑦ ᐃᓄᐃᑦ ᑲᑎᙵᑎᓪᓗᒋᑦ ᐃᑲᔪᖅᑐᐃᓪᓗᑎᒃ ᐊᓯᒥᓂᒃ. ᓂᕆᐅᓇᙱᑦᑐᒃᑯᑦ ᓴᖅᑭᑦᑐᖃᖅᑎᓪᓗᒍ, ᑲᑐᔾᔨᖃᑎᒌᑦ ᐱᓕᕆᑲᐅᖅᑐᓚᐅᖅᐳᑦ ᐃᑭᒪᔪᑦ ᐊᒻᒪ ᖃᖓᑕᓲᓕᕆᔨᑦ ᑲᒪᒋᔭᐅᑦᑎᐊᕋᓗᐊᕐᒪᖔᑕ ᐊᒻᒪ ᐃᑲᔪᖅᓱᖅᑕᐅᑦᑎᐊᖁᓪᓗᒋᑦ.ᖁᔭᓕᑦᓯᐊᖅᐸᒃᑲ ᐳᕆᑎᔅ ᖃᖓᑕᔫᓕᕆᔨᖏᑦ, ᐃᖃᓗᓐᓂ ᒥᑦᑕᕐᕕᒻᒥ ᐊᐅᓚᑦᓯᔩᑦ ᒥᑦᑕᕐᕕᒻᒥᓗ ᐃᖅᑲᓇᐃᔭᖅᑏᑦ, ᒥᑦᑕᕐᕕᒻᒥ ᖃᑦᑎᕆᔨᒃᑯᑦ, ᐃᖃᓗᓐᓂ ᖃᑦᑎᕆᔨᒃᑯᑦ, ᑲᓇᑕᒥ ᑭᓪᓕᒋᔭᐅᔪᓄᑦ ᐱᔨᑦᓯᕋᖅᑎᒃᑯᑦ, ᐸᓖᓯᒃᑯᑦ, ᑭᒃᑯᑐᐃᓐᓇᓂᒃ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑲᓇᑕᒥ, ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᑦ ᐊᐅᓚᑦᓯᔨᖏᑦ, ᓄᓇᕗᒻᒥ ᐱᓕᕆᕝᕖᖅ, ᐊᓯᖏᓪᓗ ᐅᓄᖅᑐᑦ ᐱᓕᕆᖃᑎᒌᓚᐅᖅᑐᑦ ᐃᑲᔪᖅᑐᐃᓪᓗᑎᒃ ᑕᒪᑐᒥᖓ ᑭᐅᔾᔪᑕᐅᔪᒥᒃ. ᓇᑯᕐᒦᕈᒪᕙᒃᑲ ᐃᑭᒪᔪᑦ ᖃᖓᑕᔫᒥᓪᓗ… ᐅᖃᓕᒫᒃᑲᓐᓂᕆᑦ.
ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:"ᓇᒡᓕᒍᓱᒃᐳᖓ ᖃᑕᙳᑎᖏᓐᓄᑦ, ᐱᖃᓐᓇᕆᔭᖏᓐᓄᑦ ᐊᒻᒪ ᐃᖅᑲᓇᐃᔭᖃᑎᖏᓐᓄᑦ ᐱᖓᓱᑦ ᖃᖓᑕᓲᖅᑎᑦ ᐃᓅᔪᓐᓃᓚᐅᖅᑐᑦ ᐱᖓᔪᐊᓐᓂ ᖃᖓᑕᓲᒃᑯᑦ ᑲᑕᒃᑎᓪᓗᒋᑦ ᓄᓇᒥ ᐃᑭᑦᑐᖃᖅᑎᓪᓗᒍ Fort Simpson, ᓄᓇᑦᓯᐊᖅ ᖃᓂᒋᔮᓂ.ᓯᕗᓪᓕᖅᐸᐅᓪᓗᑎᒃ ᑭᐅᓯᕙᒃᑐᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᑦᑎᓐᓂ ᐃᒻᒥᓂᒃ ᖁᐊᖅᓵᕐᓇᖅᑐᒧᐊᖅᐸᒃᐳᑦ ᓴᐳᔾᔨᓯᒪᔪᒪᓪᓗᑎᒃ ᐊᓯᒥᓂᒃ ᖁᐊᖅᓵᕐᓇᖅᑐᒦᑎᑦᑎᑦᑕᐃᓕᒪᓪᓗᑎᒃ, ᐅᐱᒋᕙᕗᓪᓗ ᐃᖕᒥᓃᕈᒪᙱᖦᖢᑎᒃ ᐱᓕᕆᓂᕆᕙᒃᑕᖏᑦ. ᐊᓯᐅᔨᓂᖏᑦ ᐃᒃᐱᒋᔭᐅᖕᒪᑕ ᐅᑭᐅᖅᑕᖅᑐᓕᒫᒧᑦ.ᓄᓇᕗᑦ ᐊᒻᒪ ᓄᓇᑦᓯᐊᖅ ᖃᓂᒌᒃᑑᒃ ᑐᑭᓯᐅᒪᖃᑎᒌᑦᑎᐊᖅᖢᑎᒡᓗ ᐊᑦᑕᕐᓇᖅᑐᓂᒃ ᑐᐊᕕᕐᓇᖅᑐᓕᕆᔨᓄᑦ, ᖃᖓᑕᓲᖅᑎᓄᑦ ᐊᒻᒪ ᑐᐊᕕᕐᓇᖅᑐᓕᕆᔨᓄᑦ ᓈᒻᒪᒋᔭᖏᓐᓂᒃ ᐅᕙᑦᑎᓐᓂᒃ ᑭᒡᒐᖅᑐᐃᓪᓗᑎᒃ. ᐃᓱᒪᒋᕙᕗᑦ ᓄᓇᕘᒥᐅᑦ ᓄᓇᑦᓯᐊᕐᒥᐅᑦ ᐊᒻᒪ ᑕᐃᒃᑯᐊ ᕿᒃᓵᒃᑐᓕᒫᑦ ᑕᒪᑐᒥᖓ ᐱᕐᕈᓗᐊᕿᓂᐅᔪᒥ."
ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:"ᑕᒪᑐᒪᓂ ᐱᓇᓱᐊᕈᓯᕐᒥ, ᑲᑎᖃᑎᒋᓚᐅᖅᐸᒃᑲ ᐅᑭᐅᖅᑕᖅᑐᒥ ᓯᕗᓕᖅᑎᐅᖃᑎᒃᑲ ᐅᑭᐅᖅᑕᖅᑐᒥ ᓯᕗᓕᖅᑏᑦ ᑲᑎᒪᑎᓪᓗᒋᑦ ᕼᐊᐃ ᕆᕗ, ᓄᓇᑦᑎᐊᒥ, ᐅᖃᐅᓯᖃᖅᖢᑕ ᑕᒪᐃᓐᓄᑦ ᐱᓕᕆᐊᒃᑯᒥᒋᔭᑦᑎᓐᓂᒃ, ᐱᕕᒃᓴᓂᒃ ᐊᒻᒪ ᐃᓱᒫᓘᑎᑦᑎᓐᓂᒃ. ᑖᒃᑯᐊ ᐱᖓᓱᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᑦ ᐊᔾᔨᒌᐸᓗᒃᐳᑦ ᖃᓄᑐᐃᓐᓇᑦᑎᐊᖅ, ᐊᒃᑐᐊᓂᕆᔭᕗᓪᓗ ᓴᙱᔫᓪᓗᓂ, ᑕᒪᑦᑕᓗ ᑐᕌᕆᔭᖃᖅᐳᒍᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᕗᑦ ᐃᓂᑦᑎᐊᕙᐅᓂᖅᓴᐅᖁᓪᓗᒍ ᑕᒪᐃᓐᓄᑦᑎᐊᖅ ᓄᓇᓕᖕᒥᐅᓄᑦ.ᓄᓇᕗᒻᒧᑦ, ᐃᑲᔪᖅᑎᒌᒃᑕ ᑎᓕᔭᐅᓯᒪᔾᔪᑎᖓ ᑐᕌᒐᖃᖅᐳᖅ ᑕᒪᓐᓇ ᑲᔪᓯᒐᓗᐊᕐᒪᖔᑦ.ᒫᓐᓇᐅᑎᓪᓗᒍ ᑕᑯᕙᓪᓕᐊᑎᓪᓗᑕ ᐅᔾᔨᕆᔭᐅᓕᖅᐸᓪᓕᐊᔪᓂᒃ ᑮᓇᐅᔭᓕᐅᕈᑕᐅᕙᓪᓕᐊᔪᓂᒡᓗ ᓄᓇᕗᒻᒧᑦ ᒐᕙᒪᑐᖃᒃᑯᓐᓂᑦ, ᐱᒻᒪᕆᐊᓘᕗᖅ ᐱᓕᕆᖃᑎᒋᕙᒃᑕᕗᑦ ᑐᑭᓯᐅᒪᓗᑎᒃ ᑲᓇᑕᒥ−ᐋᖅᑭᒃᓱᐃᕙᓪᓕᐊᓂᖅ ᓄᓇᕗᒻᒥᐅᓄᑦ ᐃᒪᓐᓇ ᑐᑭᖃᖅᐳᖅ, ᓴᖅᑭᑎᑦᑎᓂᕐᒥᒃ ᓇᓕᒧᒌᒃᑎᑦᑎᓂᕐᒥᒃ ᐱᕕᒃᓴᓂᒃ, ᐊᑐᕈᓐᓇᕐᓂᕐᒥᒃ ᐊᑐᖅᑕᐅᔭᕆᐊᖃᓪᓚᕆᒃᐸᒃᑐᓂᒡᓗ. ᓄᓇᕗᑦ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᐅᑯᓂᖓ ᐅᖃᐅᓯᖃᖅᑲᐅᕗᖅ ᒍᓗᐊᕆᐊ ᐅᓗᖅᓯ ᓂᕈᐊᖅᑕᐅᕌᓪᓚᓚᐅᖅᑎᓪᓗᒍ ᐊᖓᔪᖅᑳᖑᓂᕐᒧᑦ ᓄᓇᕗᑦ ᑐᙵᕕᒃᑯᓐᓄᑦ:"ᑕᐃᒪᙵᓂ ᐃᑲᔪᖅᑎᒌᒃᑕ ᐱᓕᕆᐊᒃᓴᖅ ᑐᙵᕕᖓ ᐱᔾᔪᑎᖃᖅᑎᓪᓗᒍ ᐊᑦᑕᑕᖅᑎᑦᑎᓂᕐᒥᒃ ᓴᙱᓂᕆᔭᐅᔪᑦ ᑲᑐᔾᔨᖃᑎᖃᕐᓂᕐᒥᒃ, ᐱᐅᓂᖅᓴᒥᒃ ᑲᑐᔾᔨᖃᑎᖃᓂᖅᑕᖃᙱᓚᖅ ᑕᓯᐅᖅᓯᓂᕐᒧᑦ ᑲᔪᓯᓂᖃᑦᑎᐊᕐᓂᖓᓂᒃ ᓄᓇᕗᑦ ᐃᓄᖁᑎᖏᓐᓂᓗ ᑖᒃᑯᓇᙵᑦ ᒐᕙᒪᑦᑎᓐᓂ ᐊᒻᒪᓗ ᓄᓇᕗᖅ ᑐᙵᕕᒃ ᑎᒥᖁᑖᓂ. ᐋᖅᑭᒃᓱᐃᔪᓐᓇᖅᐳᒍ ᑲᔪᓯᓂᖃᑦᑎᐊᖅᑐᒥᑦ ᑕᐅᑐᙳᐊᖅᑕᐅᔪᒥᑦ ᐊᒻᒪᓗ ᐱᓕᕆᐊᒃᓴᒥᑦ ᒐᕙᒪᑦᑎᓐᓄᑦ ᐃᑲᔪᖅᑐᖅᑕᐅᒍᑦᑕ, ᖃᐅᔨᒪᓂᒃᑯᑦ ᐃᑲᔪᕐᓂᒃᑯᓪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᑦ, ᐊᒻᒪᓗ ᐱᒻᒪᕆᐅᓪᓗᑎᒃ ᐱᓕᕆᖃᑎᒋᔭᐅᓪᓗᑎᒃ ᐱᓕᕆᐊᒃᓴᑦᑎᓐᓂᒃ ᐱᕙᓪᓕᐊᑎᑦᑎᑎᓪᓗᑕ. ᓂᕆᐅᒃᐳᖓ ᐱᓕᕆᖃᑎᒌᖕᓂᕐᒧᑦ ᐊᑐᓕᖅᑎᑦᑎᓂᕐᒥᑦ ᐃᑲᔪᖅᑎᒌᒃᑕ ᐱᓕᕆᐊᒃᓴᒥᑦ, ᐊᒻᒪᓗ ᓄᓇᕗᒻᒥ ᐱᓕᕆᖃᑎᒌᖕᓂᕐᒧᑦ ᑲᑎᒪᔨᕋᓛᓂᒃ ᐊᒥᓱᓄᑦ ᑲᑐᔾᔨᓪᓗᑎᒃ ᓯᕗᓪᓕᐅᑎᑕᐅᔪᒪᔪᓄᑦ, ᐱᓕᕆᑎᓪᓗᑕ ᐊᑕᐅᓯᕐᒧᑦ ᑐᕌᕆᔭᑦᑎᓐᓄᑦ. ᖁᕕᐊᓱᖃᑎᒋᕙᒋᑦ ᒍᓗᐊᕆᐊ ᐃᓕᖕᓂ… ᐅᖃᓕᒫᒃᑲᓐᓂᕆᑦ.
ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᐅᔪᓂᑦ:"ᐅᕙᑦᑎᓐᓂᓕᒫᖅ ᓄᓇᕗᒻᒥ, ᐅᖃᕈᒪᕗᖓ ᒪᑦᓇ, ᓇᑯᕐᒦᒃ, ᐊᒻᒪ ᖁᔭᓐᓇᒦᒃ ᐅᐱᓐᓇᖅᑐᖅ, ᒥᐊᓕ ᓴᐃᒪᓐ. ᖁᔭᓐᓇᒦᒃ ᐱᓕᕆᐊᕆᖃᑦᑕᖅᓯᒪᔭᓕᒫᓐᓄᑦ ᐊᕐᕌᒍᓄᑦ ᑕᓪᓕᒪᓄᑦ ᑯᐃᓐᒧᑦ ᑭᒡᒐᖅᑐᖅᑎᒋᔭᐅᓪᓗᑎᑦ.ᔪᓚᐃ 26, 2021−ᒥ, ᓴᐃᒪᓐ ᑎᒃᑯᐊᖅᑕᐅᓚᐅᖅᓯᒪᕗᖅ ᑲᓇᑕᒥ ᓯᕗᓪᓕᖅᐹᖑᓪᓗᓂ ᓄᓇᖃᖅᑳᖅᓯᒪᔪᓄᑦ ᑯᐃᓐ ᑭᒡᒐᖅᑐᖅᑎᖓᓄᑦ.ᓯᕗᓪᓕᖅᐹᖑᓪᓗᓂ ᐃᓅᓪᓗᓂ ᓂᕈᐊᖅᑕᐅᓪᓗᓂ ᖁᑦᑎᒃᑐᒧᑦ ᐱᓕᕆᐊᒃᓴᒧᑦ, ᓴᐃᒪᓐ ᓯᕗᒃᑲᖅᑕᖅᑎᐅᕗᖅ, ᐃᔾᔪᐊᒐᒃᓴᑦᑎᐊᕙᐅᓪᓗᓂ ᒪᒃᑯᒃᑐᓄᑦ ᐆᒃᑑᑎᑦᑎᐊᕙᐅᓪᓗᓂᓗ ᐊᓂᒍᐃᔪᓐᓇᕐᓂᕐᒥᒃ ᐊᒃᓱᕈᕐᓇᖅᑐᓂᒃ.ᑯᐃᓐ ᑭᒡᒐᖅᑐᖅᑎᖓ ᐱᓕᕆᐊᒃᓴᒥᓂᒃ ᐱᓕᕆᐊᖃᓚᐅᖅᐳᖅ ᑯᐃᓐ ᑭᒡᒐᖅᑐᖅᑎᖓᓄᑦ ᐱᑦᑎᐊᖅᖢᓂ, ᐃᒃᐱᒋᔭᐅᑦᑎᐊᖅᖢᓂ ᓈᒻᒪᑦᑎᐊᖅᖢᓂᓗ, ᐊᒻᒪᑦᑕᐅᖅ ᓄᓇᓕᖕᓂ ᑐᙵᕕᒋᔭᒥᓂᒃ ᐸᐸᑦᑎᑦᑎᐊᖏᓐᓇᓚᐅᖅᐳᖅ ᑭᒡᒐᖅᑐᐃᔨᐅᓪᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐃᓅᓯᖃᑦᑎᐊᕐᓂᕐᒧᓪᓗ, ᓴᐃᒻᒪᖃᑎᒌᖕᓂᕐᒧᑦ ᑲᓇᑕᒥ, ᐊᔾᔨᒌᙱᕈᓘᔭᖅᑐᓂᒃ ᐃᓚᓕᐅᔾᔨᓂᕐᒥᒡᓗ,… ᐅᖃᓕᒫᒃᑲᓐᓂᕆᑦ.
ᓄᓇᕘᒧᑦ ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ ᐱᔾᔪᑎᖃᖅᖢᓂ ᓄᓇᕗᒻᒥ ᒪᓕᒐᓕᐅᖅᑎᕐᔪᐊᖅ ᓘᕆ ᐃᓪᓚᐅᑦ NDP−ᑯᓐᓂ ᕿᒪᐃᓂᐊᕐᓂᖓᓂᒃ ᓕᐳᕈᓪ ᐹᑎᒃᑯᓐᓄᐊᕐᓗᓂ:"ᒪᓕᒐᓕᐅᖅᑎᕐᔪᐊᕗᑦ ᓱᓕ ᐃᑲᔪᖅᑐᐃᑦᑎᐊᖅᐳᖅ. ᖁᔭᒋᕙᕗᑦ ᐱᓕᕆᖃᑦᑕᖅᓯᒪᓂᖓᓄᑦ ᒫᓐᓇᒧᑦ ᑎᑭᖦᖢᒍ ᐃᓱᒪᒋᔭᒃᓴᓂᑦ ᐱᒻᒪᕆᐊᓗᖕᓂᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᓲᕐᓗ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᕐᕕᓕᐊᖅᑐᓄᑦ ᐃᑲᔫᑎᑦ ᐃᓄᐃᓪᓗ ᓄᑕᖅᑲᑦ ᓯᕗᓪᓕᐅᑎᓗᒋᑦ ᐱᓕᕆᐊᖑᕙᓪᓕᐊᔪᒪᔪᑦ.ᐱᓕᕆᖃᑎᒋᑦᑎᐊᖏᓐᓇᕐᓂᐊᖅᑕᕗᑦ ᐋᖅᑭᒋᐊᕈᑎᒃᓴᓂᑦ ᓴᖅᑭᑦᑎᓇᓱᒡᓗᑕ ᓄᓇᕘᑉ ᐱᖁᑎᕐᔪᐊᖅᑖᕆᔭᕆᐊᖃᖅᑕᖏᓐᓂᑦ ᐃᑲᔪᖅᑐᐃᓗᑕᓗ ᓴᙱᓂᖅᑖᖅᑎᑦᑎᕙᓪᓕᐊᓗᑕ ᓄᓇᓕᖕᓂ ᓄᓇᕗᑦ ᐃᓚᐅᑎᑕᐅᖁᓪᓗᒍ ᑲᓇᑕᐅᑉ ᐅᑭᐅᖅᑕᖅᑐᖓᓂ ᓴᐳᔾᔨᓂᕐᒧᑦ ᐊᒪᓗ ᐊᐅᓚᑦᑎᔪᓐᓇᕐᓂᕐᒧᑦ ᐅᐸᓗᖓᐃᔭᐅᑎᒧᑦ. ᐱᓕᕆᖃᑎᖃᑦᑎᐊᕐᓗᑎᒃ ᒐᕙᒪᑐᖃᒃᑯᓐᓂ ᐱᒻᒪᕆᐅᕗᖅ ᐱᑕᖃᙱᓐᓂᖏᑦ ᐱᑕᖃᓕᖁᓪᓗᒋᑦ ᓄᓇᕗᒻᒥ ᐱᐅᓯᕚᓪᓕᖅᑎᑦᑎᔪᒪᓪᓗᑎᒃ ᐊᖏᕐᕋᑦᑎᓐᓂ, ᓂᕆᐅᒃᐳᒍᓪᓗ ᑲᔪᓯᓂᐊᕐᓂᖓᓂᒃ ᓂᐱᒋᔭᐅᑦᑎᐊᕐᓗᓂ ᓄᓇᕗᒻᒧᑦ ᐋᑐᕚᒥ"
ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐃᓱᒪᒋᕙᕗᑦ Tumbler Ridge, ᓄᓇᓕᖓ, ᐳᕆᑎᔅ ᑲᓚᒻᐱᐊᒥ, ᕿᒃᓵᒃᑎᓪᓗᒋᑦ ᐊᒻᒪ ᐱᓕᕆᑎᓪᓗᒋᑦ ᐃᑲᔪᕋᓱᒃᖢᑎᒃ ᐊᒃᑐᖅᑕᐅᓚᐅᖅᑐᓂᒃ ᖁᑭᖅᓴᖅᑐᖃᖅᑎᓪᓗᒍ ᑕᐃᑲᓂ.
ᐃᒃᐱᒋᔪᒪᓪᓗᒋᑦ ᐃᓅᔪᓐᓃᓚᐅᖅᑐᑦ, ᓴᐃᒻᒪᑎᓕᒫᑦ ᓄᓇᕗᑦ ᒐᕙᒪᒃᑯᑦ ᐃᒡᓗᖁᑎᖏᓐᓂ ᐊᒃᐸᕆᐊᖅᑕᐅᓯᒪᖁᓚᐅᖅᐸᒃᑲ ᐅᓪᓗᓄᑦ 7−ᓄᑦ.
ᐃᑲᔪᖅᑕᐅᔭᕆᐊᖃᕈᕕᑦ, ᐃᓚᖕᓄᑦ ᐅᖃᓪᓚᖃᑎᖃᕈᓐᓇᖅᐳᑎᑦ, ᐱᖃᓐᓇᕆᔭᕐᓄᑦ ᐃᓐᓇᕐᒧᓪᓘᓐᓃᑦ. ᐃᓱᒪᓕᕆᓂᕐᒧᑦ ᐃᑲᔫᑎᒃᓴᑦ ᐊᑐᐃᓐᓇᐅᖕᒥᔪᑦ ᐅᕙᓂ ᓄᓇᕗᒻᒥ ᒐᕙᒪᒃᑯᖏᑕ ᐃᑭᐊᖅᑭᕕᖓ.”