Minister's Statements

ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔾᔪᑎᖃᖅᐳᖓ ᐅᖃᕈᒪᓪᓗᖓ ᐃᓚᒋᔭᐅᖃᑕᐅᓚᐅᕐᓂᓐᓂ ᐅᑭᐅᖅᑕᖅᑐᒥᐅᑕᐅᖃᑎᒌᑦ ᑲᑎᒪᓂᖓᓐᓄᑦ ᐋᖕᑯᕆᔾ, ᐊᓛᔅᑲᒥ. ᐊᐃᕆᓕ 7 ᐊᒻᒪ 8−ᒥ, ᐱᕕᖃᖃᑕᐅᓚᐅᕋᒪ ᐃᓚᒋᔭᐅᔭᕆᐊᒃᓴᖅ ᐅᑭᐅᑦᑎᓐᓂ ᑲᑎᒪᓂᕐᒧᑦ ᐅᓂᒃᑳᖃᑕᐅᓪᓗᖓᓗ ᓈᓚᒃᑎᒐᓴᖕᓄᒃ ᑕᐃᔭᐅᓪᓗᓂ “ᓄᓇᓖᑦ ᖃᓄᐃᙱᑦᑎᐊᕐᓗᑎᒃ, ᑲᑕᒃᓴᕋᐃᙱᓪᓗᑎᒃ ᓄᓇᓖᑦ: ᖃᐅᔨᔾᔪᑕᐅᓯᒪᔪᑦ ᐅᑭᐅᖅᑕᖅᑐᒥᐅᓄᑦ”. ᑲᑎᒪᑎᓪᓗᑕ ᐅᖃᖃᑎᒌᓚᐅᖅᑐᒍᑦ ᖃᐅᔨᕚᓪᓕᕈᑎᒋᔭᑦᑎᓐᓂ ᓄᕙᒡᔪᐊᕐᓇᖅ-19 ᐱᑕᖃᖅᑎᓪᓗᒍ ᐊᒻᒪᓗ ᖃᓄᖅ ᑕᒪᒃᑯᐊ ᖃᐅᔨᔾᔪᑎᒋᔭᕗᑦ ᐊᑐᒃᑲᓐᓂᕈᓐᓇᕋᔭᕐᒪᖔᑦᑎᒍᑦ ᐊᓯᖏᓐᓄᑦ ᐱᓇᔪᒃᑕᐅᔭᕆᐊᖃᕐᓂᐊᖅᑐᓄᑦ, ᓲᕐᓗ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᓲᖑᓴᒃᑕᐅᔭᕆᐊᖃᙱᓐᓂᖅ ᓴᐳᑎᔭᐅᓯᒪᔭᕆᐊᖃᕐᓂᕐᓗ. ᐅᖃᖅᑎᑦᑎᔩ, ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᓂᖓᑦ ᐊᖏᓛᑦᑎᐊᖑᔪᖅ ᐊᕐᕌᒍᑕᒫᖅ ᐅᑭᐅᖅ ᑕᖅᑐᒧᑦ ᐊᑐᐊᒐᓕᐅᖅᑎᐅᓪᓗᑎᒃ ᒥᐊᓕᒐᐃᑦ ᓄᓇᖓᓐᓃᖦᖢᑎᒃ. ᑎᒥᐅᔪᖅ ᓴᖅᑭᑕᐅᓂᑰᔪᖅ 2013−ᒥ, ᑖᓐᓇ ᑲᑎᒪᓂᐅᔪᖅ ᓵᙵᔭᖃᖅᐸᒃᑐᖅ ᐱᒻᒪᕆᐅᒋᔭᐅᔪᓂᒃ ᐃᓱᒫᓘᑎᒋᔭᐅᔪᓂᒡᓗ ᓄᓇᖅᔪᐊᕐᒥᐅᓕᒫᖑᔪᑦ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᖁᕕᐊᓲᑎᒋᒍᒪᓪᓗᒍ ᓄᓇᕐᔪᐊᒥ ᐊᕐᓇᐃᑦ ᐅᓪᓗᖓ. ᑕᕝᕙᓂ ᐅᓪᓗᖓᓂ ᐃᓕᓴᖅᓯᓇᐅᒐᓗᐊᖅᑎᓪᓗᒍ ᐃᓅᓯᓕᕆᓂᕐᒧᑦ, ᒐᕙᒪᓕᕆᓂᕐᒧᑦ, ᐱᕙᓪᓕᐊᔪᓕᕆᓂᕐᒧᓪᓗ ᐃᑲᔪᖅᓯᒪᓂᖏᓐᓂᒃ ᐊᕐᓇᐃᑦ ᓄᓇᕐᔪᐊᒥ, ᓇᓗᓇᐃᖅᓯᒋᐊᕈᑎᐅᒻᒥᔪᖅ ᐱᓕᕆᐊᖑᒋᐊᖃᓪᓚᕆᓐᓂᖏᓐᓂᒃ ᐊᕐᓇᐃᑦ/ᐊᖑᑏᑦ ᓇᓕᒧᒌᑦᑎᑕᐅᒋᐊᖃᕐᓂᖏᓐᓂᒃ; ᓯᖁᒥᑦᑕᐅᒋᐊᖃᕐᓂᖏᓐᓂᓪᓗ ᐊᕐᓇᐅᓂᖏᓐᓂᒃ ᐃᓚᐃᓐᓈᖅᑕᐅᖃᑦᑕᕐᓂᖏᓐᓂᒃ ᐃᓅᖃᑎᒌᑦᑎᓪᓗᑕ, ᓄᖅᑲᖅᑎᑕᐅᖁᓪᓗᒍᓗ ᐋᓐᓂᖅᑎᕆᓂᐅᕙᑦᑐᖅ ᐱᓂᕐᓗᐃᓂᐅᕙᑦᑐᕐᓗ ᐊᕐᓇᓂ ᓂᕕᐊᖅᓯᐊᓂᓪᓗ. ᑕᕝᕙᓂ ᐅᓪᓗᖓᓂ, ᐃᓕᓴᕆᒍᒪᔭᒃᑲᑕ ᓴᙱᔪᑦ, ᓴᐱᓕᕈᓐᓇᖏᑦᑐᑦ, ᑲᔪᓯᑦᓯᐊᕈᑎᖃᖅᓯᒪᔪᓂᓪᓗ ᐊᕐᓇᓂᒃ ᓄᓇᕗᒻᒥ ᐃᑲᔪᕐᓂᖃᖅᓯᒪᔪᓂᒃ ᐃᑲᔪᕐᓂᖃᖅᐸᓪᓕᐊᖏᓐᓇᖅᑐᓂᓪᓗ. ᐱᒋᐊᕈᑎᒋᓗᒍ ᑲᒥᓯᓇᕗᑦ, ᐄᕙ ᐋᕆᐊᒃ. ᒥᔅ ᐋᕆᐊᒃ ᑐᓴᐅᒪᓇᑦᓯᐊᖅᑐᓂᒃ ᐃᖅᑲᓇᐃᔮᖃᖅᓯᒪᔪᖅ ᓂᕈᐊᖅᑕᐅᓯᒪᓂᒃᑯᑦ ᓯᕗᓪᓕᖅᐹᖑᖃᑕᐅᓯᒪᓪᓗᓂ ᐃᓄᓐᓄᑦ ᐊᕐᓇᓄᑑᙱᑦᑐᖅ ᑭᓯᐊᓂᑦᑕᐅᖅ ᑲᓇᑕᓕᒫᒥ ᐊᕐᓇᓄᑦ. ᓂᕈᐊᖅᑕᐅᓚᐅᖅᓯᒪᔪᖅ ᑐᒡᓕᐊᓂ ᓯᕗᓕᖅᑎᐅᓂᕐᒧᑦ 2008-ᒥ,… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑐᓴᖅᑎᑦᓯᒍᒪᓪᓗᖓ ᒪᓕᒐᓕᐅᖅᑎᐅᖃᑎᓐᓂᒃ ᕕᕝᕗᐊᓕ 4 ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᑕᕐᕆᔭᐅᑎᒃᑯᑦ ᐃᓚᐅᖃᑕᐅᓚᐅᕋᒪ. ᐅᖃᖅᑎᑦᑎᔩ, ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐱᕕᖃᕐᕕᐅᕙᑦᑐᑦ ᑲᓇᑕᒥ ᓯᕗᓕᖅᑎᖏᑦ ᑲᑎᖃᑦᑕᕈᓐᓇᕐᓗᑎᒃ ᓯᕗᒧᒋᐊᖅᑎᑦᓯᒍᑎᒋᓗᒋᑦ ᓯᕗᓕᐅᑎᒍᒪᔭᖏᓐᓂᒃ, ᐱᓕᕆᖃᑎᒌᓐᓂᒃᑯᑦ ᐱᓗᐊᙳᐊᖅᑐᓂᒃ ᓴᖅᑭᐅᒪᔪᓂᒃ ᐊᑕᖏᖅᑐᓄᑦ ᐊᑦᑐᐃᓂᖃᖅᓯᒪᔪᓂᒃ. ᑲᑎᒪᑎᓪᓗᑕ ᐅᐱᒍᓱᓚᐅᖅᑐᖓ ᑐᓂᓯᒪᓂᖏᓐᓂᒃ, ᐆᒻᒪᕆᓐᓂᖏᓐᓂᒃ, ᑲᔪᖏᕐᓂᖏᓐᓂᓪᓗ ᓯᕗᓕᖅᑎᐅᖃᑎᒃᑲ, ᐊᑐᓂᑦ ᐊᕕᑦᑐᖅᓯᒪᓂᑐᐊᕆᖏᑕᖏᓐᓄᑦ ᑭᓯᐊᓂᑦᑕᐅᖅ ᐊᑦᓱᕈᕐᓇᖅᑐᒃᑰᕈᑕᐅᔪᓂᒃ ᐊᑕᖏᖅᑐᑕ. ᐅᖃᖅᑎᑦᑎᔩ, ᐅᖃᖃᑎᒌᓐᓂᕗᑦ ᑐᕌᒐᖃᓚᐅᖅᑐᖅ ᑐᐊᕕᕐᓇᖅᑐᒥᒃ ᐱᒻᒪᕆᐅᔪᒥᓪᓗ: ᒪᑭᒪᑦᓯᐊᖅᑎᑕᐅᒋᐊᖃᕐᓂᖓ ᐋᓐᓂᐊᖃᕐᓇᖏᑦᑐᓕᕆᓂᖅ ᑲᓇᑕᓕᒫᒥ. ᓄᓇᕗᒻᒥ, ᑐᑭᓯᐅᒪᓇᑦᓯᐊᖅᑐᖅ ᐋᓐᓂᐊᖃᕐᓇᖏᑦᑐᓕᕆᔾᔪᑎᕗᑦ ᑐᐊᕕᕐᓇᖅᑐᒃᑯᑦ ᐃᑲᔪᖅᑕᐅᒋᐊᖃᕐᓂᖓᓂᒃ, ᐊᑯᓂᐅᔪᒧᓪᓗ ᓯᕗᓂᑦᓴᑎᓐᓄᑦ ᐋᖅᑭᐅᒪᔾᔪᑎᑦᓴᖃᕆᐊᖃᕐᓂᖓᓂᒃ ᑕᑎᖃᓗᐊᕈᓐᓃᖅᐸᓪᓕᐊᖁᓪᓗᑕ ᖃᓪᓗᓈᓂ… read more.
ᐅᖃᖅᑎᑦᑎᔨ, ᐅᓪᓗᒥ ᓇᖏᖅᓯᕗᖓ ᐅᖃᐅᓯᖃᕆᐊᖅᑐᖅᖢᖓ ᖃᖓᑦᑎᐊᖅ ᑲᑎᒪᖃᑎᒋᓚᐅᕋᒃᑯ ᑲᓇᑕᒥ ᐊᖓᔪᖅᑳᕐᔪᐊᖅ ᑲᑐᔾᔨᓗᑕ ᐱᓕᕆᐊᒃᓴᑦ ᐱᔾᔪᑎᒋᓪᓗᑎᒍᑦ. ᒪᐃ 12−ᖑᑎᓪᓗᒍ, ᑲᑎᖃᑎᒋᔪᓐᓇᖅᓯᓚᐅᕋᒃᑯ ᑲᓇᑕᒥ ᐊᖓᔪᖅᑳᕐᔪᐊᖅ ᐱᖓᔪᒋᓕᖅᑕᖓᓂᒃ ᑕᐃᒪᙵᑦ ᓯᕗᓕᖅᑎᙳᓚᐅᖅᓯᒪᑎᓪᓗᖓ. ᑲᑎᒪᓂᕆᓚᐅᖅᑕᕗᑦ ᑲᒪᒋᓇᓱᒃᖢᑎᒍᑦ ᑲᑐᔾᔨᖃᑎᒌᒍᑎᒋᓗᑎᒍᑦ ᓯᕗᓪᓕᐅᑎᔪᒪᔭᑦ ᓇᓗᓇᐃᖅᑕᐅᓯᒪᔪᑦ ᐱᓕᕆᐊᒃᓴᑦᑎᓐᓂ. ᐅᖃᖅᑎᑦᑎᔨ, ᑲᑎᒪᑎᓪᓗᑕ ᓇᓗᓇᐃᖅᓯᓚᐅᖅᐳᒍᑦ ᑲᑐᔾᔨᖃᑎᒌᒡᓗᓂ ᐱᒻᒪᕆᐅᓂᖓᓂᒃ ᓄᓇᕗᑦ ᒐᕙᒪᒃᑯᓐᓂ, ᓄᓇᕗᑦ ᑐᙵᕕᒃᑯᓐᓂ, ᐊᓯᖏᓐᓂᒡᓗ ᐃᓄᖕᓂᒃ ᑲᑐᔾᔨᑎᒌᓂᒃ ᐱᔾᔪᑕᐅᓲᓂᒃ ᓲᕐᓗ ᐅᑭᐅᖅᑕᖅᑐᒥ ᐃᒡᓗᓕᕆᓂᖅ. ᑲᓇᑕᒥ ᐊᖓᔪᖅᑳᕐᔪᐊᕐᓗ ᐅᕙᖓᓗ ᐊᖏᖃᑎᒌᓚᐅᖅᐳᒍᒃ ᑐᐊᕕᕐᓇᖅᑑᓂᖓᓂᒃ ᐃᒡᓗᑭᒃᓴᕐᓂᖅ ᓄᓇᕗᒻᒥ ᐊᒃᑐᐊᓂᖃᕐᓂᖓᓂᒡᓗ ᐊᓯᖏᓐᓄᑦ ᓯᕗᓪᓕᐅᔾᔭᐅᒋᐊᓕᖕᓄᑦ ᓲᕐᓗ ᐋᓐᓂᐊᕕᖕᒥᐅᓄᑦ ᐊᒻᒪ ᐃᓐᓇᐃᑦ ᑲᒪᒋᔭᐅᔾᔪᑎᖏᓐᓄᑦ. ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒧᐊᖅᑎᑦᑎᑦᑕᐃᓕᓂᖅ ᐊᒻᒪ ᑲᓇᑕᒥᑦ ᑎᒍᒥᐊᖅᑕᐅᔪᑦ ᐅᖃᐅᓯᕆᓚᐅᕐᒥᔭᕗᑦ ᐱᑕᖃᕆᐊᖃᕐᓂᖓᓂᒡᓗ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔾᔪᑎᖃᖅᑐᖓ ᓇᓗᓇᐃᕈᒪᓪᓗᒍ ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ, ᑖᓂᐅᓪ ᕚᓐᑐᓪ ᓂᐅᕐᕈᓚᐅᕐᒪᑦ ᐃᖃᓗᖕᓄᑦ. ᐊᐃᕆᓕ 12 ᐊᒻᒪ 13−ᒥ ᑲᑎᒪᖃᑎᒋᔪᓐᓇᖅᓯᓚᐅᕋᒃᑯ ᒥᓂᔅᑕ ᕚᓐᑐᓪ ᐃᖃᓗᖕᓄᐊᖅᑎᓪᓗᒍ ᑲᑎᒪᔾᔪᑎᖃᕆᐊᖅᑐᖅᖢᓂ 2022 ᑮᓇᐅᔭᖅᑑᑎᒃᓴᐃᑦ ᓄᓇᕗᒻᒧᑦ ᑐᖅᑯᖅᑕᐅᔭᖅᑐᖅᖢᑎᒃ. ᐅᖃᖅᑎᑦᑎᔩ, ᐃᖃᓗᖕᓄᑦ ᓂᐅᕐᕈᓯᒪᑎᓪᓗᒍᓕ, ᒥᓂᔅᑕ ᕚᓐᑐᓗ ᐅᕙᒍᒃ ᕿᒥᕐᕈᐊᖅᑎᑕᐅᓚᐅᖅᑐᒍᑦ ᓴᓇᔭᐅᕌᓂᓵᖅᑐᕕᓂᕐᒥᒃ ᓄᓇᕗᑦ ᒐᕙᒪᒃᑯᖏᑕ ᐃᓄᑐᖃᕐᓄᑦ ᑐᕌᖓᓪᓗᓂ ᐃᒡᓗᒥᒃ. ᑖᓐᓇ ᐃᒡᓗ ᕿᒥᕐᕈᐊᖅᑕᕗᒃ ᐱᔭᕆᐊᒃᖠᓕᖅᓯᒪᔪᖅ ᑎᒥᒃᑯᑦ ᐱᒡᒐᕈᑎᓕᖕᓄᑦ, ᓲᕐᓗ ᐃᓄᑐᖃᐅᓂᖅᓴᓄᑦ ᐃᒡᓗᒋᔭᒃᓴᐅᔪᖅ. ᑖᓐᓇ ᐃᒡᓗᑯᓗᒃ ᕿᒥᕐᕈᐊᓚᐅᖅᑕᕗᑦ 100−ᓄᑦ ᐃᓚᒋᔭᐅᖃᑕᐅᔪᖅ ᓴᓇᔭᐅᓵᕐᓂᑯ ᓄᓇᕗᒻᒥ, ᑲᑐᔾᔨᖃᑎᒌᒃᖢᑎᒃ ᒐᕙᒪᑐᖃᒃᑯᓐᓂ ᓴᓇᔭᐅᕌᓂᓚᐅᖅᑐᖅ. ᐃᒡᓗᒥᒃ ᕿᒥᕐᕈᐊᓂᒃᑲᑕ, ᑕᐃᒪᓕ ᑐᓴᒐᒃᓴᓕᐅᖅᑎᓄᑦ ᐅᓂᒃᑳᓕᓚᐅᖅᐳᒍᑦ ᐃᓚᖃᖅᖢᑕ ᐊᓗᑭ ᑰᑎᖅ, ᐊᖓᔪᖅᑳᖑᔪᖅ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪᓗ ᑲᓂ ᐱᐅᓪᒥᒃ, ᒪᐃᔭ ᐃᖃᓗᐃᑦ ᓄᓇᓕᐸᐅᔭᖓᓄᑦ.… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᐅᖃᐅᓯᖃᕈᒪᓪᓗᖓ ᐃᓅᖃᑎᒌᖏᓐᓄᑦ ᑲᑉᐱᐊᓇᖅᑐᒦᓐᓂᖏᓐᓄᑦ ᔪᑯᕋᐃᓐᒥ. ᐅᓛᓵᒃᑯᑦ ᐱᔾᔪᑎᖃᕋᑎᒃ ᐅᓇᑕᕆᐊᓕᓚᐅᕐᖓᑕ ᔪᑯᕋᐃᓐᒥᒃ ᑲᑉᐱᐊᓇᕈᑕᐅᓕᖅᑐᓂᓗ ᓄᓇᕐᔪᐊᖅ ᐅᓗᕆᐊᓇᖅᑐᒦᒍᑎᖃᕐᓂᖓᓂᒃ, ᓱᕐᕋᑦᑕᐅᒍᓐᓇᕐᓂᖓᓂᒃ ᐅᑭᐅᖅᑕᖅᑐᒥ ᓄᓇᓕᖏᓐᓂᒃ ᑲᔪᓯᒍᑕᐅᒍᓐᓇᕐᓂᖓᓄᓪᓗ ᐅᑭᐅᖅᑕᖅᑐᒥ ᐱᓕᕆᖃᑎᒌᖃᑦᑕᕐᓂᖅ. ᓄᓇᕗᑦ ᐊᑭᕋᖅᑐᖅᑐᖅ ᑕᒪᑐᒥᖓ ᐱᔾᔪᑎᖃᙱᑦᑐᒥᒃ ᓯᖁᒥᑦᓯᓂᐅᓯᒪᔪᒥᒃ ᓄᓇᕐᔪᐊᒥ ᒪᓕᒐᖏᓐᓂᒃ ᐃᑲᔪᖅᓱᐃᓪᓗᑎᓪᓗ ᓴᙱᔪᒥᒃ ᐊᕝᕕᐊᕈᑎᓕᐅᕋᓱᐊᕐᓂᖏᓐᓂᒃ ᑲᓇᑕ ᐅᓛᓵᕐᒥᐅᓄᑦ. ᐅᖃᖅᑎᑦᑎᔩ, ᓇᖏᖃᑎᒋᕙᒃᑲ ᐊᑕᐅᓯᐅᖃᑎᒋᓪᓗᒋᑦ ᓯᕗᓕᖅᑎᖏᒃ ᔫᑳᓐᒥ ᓄᓇᑦᓯᐊᕐᒥᓗ ᐃᓱᒫᓘᑎᖃᕐᓂᕋᖅᓯᒪᑎᓪᓗᒋᒃ ᐅᑭᐅᖅᑕᖅᑐᖅ ᓴᐳᒻᒥᔭᐅᒋᐊᖃᕐᓂᖓᓂᒃ ᐅᐊᑦᓯᔭᐅᒋᐊᖃᕐᓂᖓᓂᓪᓗ. ᐅᓛᓵᒃᑯᑦ ᐅᓇᑕᕐᓂᕆᔭᖏᑦ ᐊᑦᑐᐃᓂᖃᕐᓂᐅᓴᑐᐃᓐᓇᖅᑐᖅ ᐅᑭᐅᖅᑕᖅᑐᒥ ᖃᓄᐃᓕᐅᕈᑕᐅᔪᓂᒃ ᐅᓗᕆᐊᓇᖅᑐᒦᒍᑕᐅᓂᖓᓂᓪᓗ ᐊᑑᑎᖃᑦᓯᐊᖅᑐᓂᒃ ᑎᒥᐅᔪᓂᒃ ᓲᕐᓗ ᐅᑭᐅᖅᑕᖅᑐᒥ ᑲᑎᒪᔨᖏᓐᓂᒃ. ᐅᑭᐅᖅᑕᖅᑐᒥ ᓯᕗᓕᖅᑎᐅᓪᓗᑕ ᑐᑦᓯᕋᖅᓯᒪᔪᒍᑦ ᓯᕗᓕᖅᑎᓄᑦ ᑲᓇᑕᓕᒫᒥ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ, ᐃᒃᐸᒃᓴ ᓄᓇᕐᔪᐊᒥ ᐊᕐᓇᐃᑦ ᐅᓪᓗᕆᓛᖅᑕᖓᓂ, ᓇᓗᓇᐃᕈᒪᓪᓗᒍ ᐃᓕᓴᕆᒍᒪᓪᓗᒍᓗ ᐃᑲᔪᖅᓯᒪᔪᒻᒪᕆᐅᓂᖓ ᓯᕗᓕᖅᑎᐅᑦᓯᐊᖅᓯᒪᓂᖓᓗ ᕆᐱᑲ ᑲᓪᓗ, ᓄᖅᑲᕐᓂᐊᓕᖅᑐᖅ ᐸᐃᒃᑑᑎᒃᑯᓐᓄᑦ ᐊᖏᔪᖅᑳᖑᓂᕐᒧᑦ. ᐅᖃᖅᑎᑦᑎᔩ, ᐅᐱᒍᓱᑦᑐᖓ ᖁᕕᐊᓲᑎᒋᒍᓐᓇᕋᒃᑯ ᑐᓂᓯᒪᓂᕆᓚᐅᖅᑕᖓ ᑕᖃᔫᔮᕈᓐᓇᕋᓂᓗ ᐊᑦᓱᕉᑎᖃᓚᐅᕐᓂᖓ ᒥᔅ ᑲᓪᓗ ᐊᔭᐅᖅᑐᐃᒍᑎᖃᖅᐸᑦᑐᓂ ᐃᓚᐃᓐᓈᖅᑕᐅᑦᑕᐃᓕᑎᑦᓯᓂᕐᒧᑦ ᐊᑐᐃᓐᓇᖃᖅᑎᑦᓯᓂᕐᒧᓪᓗ ᐱᑕᖃᕆᐊᖃᓪᓚᕆᑦᑐᓂᒃ ᐱᔨᑦᓯᕋᐅᑎᓂᒃ ᐃᓄᓐᓄᑦ ᐊᕐᓇᓄᑦ. ᐃᒡᓗᓕᒃ, ᓄᓇᕗᒻᒥᐅᑦᓴᔭᐅᓪᓗᓂ, ᕆᐱᑲ ᑲᓪᓗ ᐱᔨᑦᓯᕋᓚᐅᖅᑐᖅ ᐱᖓᓱᐊᖅᑎ ᐃᓕᔭᐅᕙᑦᑐᓂ ᐸᐅᒃᑑᑎᒃᑯᓐᓄᑦ ᐊᖏᔪᖅᑳᖑᓂᕐᒧᑦ. ᑭᓯᐊᓂᓕ, ᒥᔅ ᑲᓪᓗ ᐊᔭᐅᖅᑐᐃᒍᑎᒋᖃᑦᑕᓚᐅᖅᑕᖏᑦ ᐱᒋᐊᓚᐅᖅᓯᒪᔪᑦ ᓯᕗᕐᖓᒍᑦ ᐸᐅᒃᑑᑎᒃᑯᓐᓅᓚᐅᕋᓂ, ᐊᕐᕌᒍᐃᑦ 36 ᐅᖓᑖᓄᑦ ᓴᖅᑭᔮᖅᑎᑦᓯᖃᑦᑕᓚᐅᖅᑐᖅ ᐊᑕᖏᖅᑐᒃᑯᑦ ᒪᒥᓴᕆᐊᖃᕐᓂᕐᒧᑦ, ᐊᔭᐅᖅᑐᐃᒍᑎᖃᕐᓂᕐᒧᑦ ᐃᓱᒪᓕᕆᓂᕐᒧᑦ ᐱᔨᑦᓯᕋᐅᑎᓂᒃ ᐱᓕᕆᔾᔪᑎᑦᓴᓂᓪᓗ, ᓇᓗᓇᐃᖅᓯᖃᑦᑕᓂᕐᒧᓪᓗ ᑮᓇᐅᔭᓂᒃ ᐊᑦᑕᓇᙱᑦᑐᓄᑦ ᕿᒫᕕᓐᓄᑦ… read more.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᓴᖅᑭᖅᑎᑦᓯᒍᒪᓪᓗᖓ ᐱᖓᓲᔪᖅᑐᖓᓐᓂᒃ ᒪᓕᒐᓕᐅᖅᑏᑦ ᑐᕌᒐᖓᓐᓂᒃ ᐊᑎᓕᒃ ᑲᑐᔾᔨᓗᑕ. ᐅᖃᐅᓯᐅᓯᒪᒻᒪᑦ ᑲᒥᓯᓇᐅᑉ ᐅᖃᐅᓯᕐᖓᐅᑎᖓᓂ ᐊᑐᐊᓚᐅᖅᑕᕗᑦ ᐋᖅᑭᑦᓱᖅᑕᐅᑎᓪᓗᒍ ᑐᕌᒐᖅ ᑭᖑᓂᑦᑎᓐᓂ ᑕᐃᒪᐃᒍᑕᐅᓚᐅᖅᓯᒪᙱᑦᑐᖅ. ᓯᕗᓪᓕᖅᐹᒥ ᓄᓇᕗᒻᒥ, ᓄᓇᕗᑦ ᒐᕙᒪᒃᑯᖏᑕ ᑐᕌᒐᖓ ᐋᖅᑭᑦᓱᖅᑕᐅᓯᒪᔪᖅ ᐅᖃᖃᑎᒌᒍᑕᐅᓂᒃᑯᑦ ᒪᓕᒐᓕᐅᖅᑎᓕᒫᓄᑦ, ᓯᕗᓕᖅᑎᖏᓐᓂᒃ ᓄᓇᕗᑦ ᑐᙵᕕᒃᑯᑦ ᓄᓇᕗᒻᒥᓗ ᐱᖓᓱᓄᑦ ᐊᕕᑦᑐᖅᓯᒪᓂᐅᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᐅᖃᖅᑎᑦᑎᔩ, ᖁᔭᓐᓇᒦᕈᒪᔭᒃᑲ ᒪᓕᒐᓕᐅᖅᑎᐅᖃᑎᓕᒫᒃᑲ, ᐱᓗᐊᖅᑐᒥ ᒪᓕᒐᓕᐅᖅᑎᑐᐃᓐᓇᐃᑦ ᐊᖏᓚᐅᕐᖓᑕ ᐃᓇᒃᑲᒃᑭᑦ ᐋᖅᑭᑦᓱᐃᖃᑎᒋᒍᒪᓪᓗᒋᑦ ᑐᕌᒐᑦᑎᓐᓂᒃ − ᖃᐅᔨᒪᔪᖓ ᑭᖑᓪᓕᖅᐹᖅᓯᐅᑦ ᑎᑎᕋᖅᓯᒪᔪᑦ ᓴᙱᓂᖅᓴᐅᓂᖏᓐᓂᒃ ᐊᑕᖏᖅᑐᒋᑦ ᐃᑲᔪᖅᓯᒪᓂᖏᓐᓄᑦ. ᐅᖃᖅᑎᑦᑎᔩ, ᐅᐱᒋᔭᕋ ᑖᓐᓇ ᑐᕌᒐᕗᑦ, ᐱᔭᑦᓴᖃᖅᑐᒻᒪᕆᐅᒍᑕᐅᑐᐃᓐᓇᖏᓐᓂᖓᓄᑦ, ᑭᓯᐊᓂᑦᑕᐅᖅ ᓇᓗᓇᐃᕈᑎᐅᑦᓯᐊᕐᖓᑦ ᐊᑦᓱᕉᑎᖃᕐᓂᑎᓐᓂᒃ ᑲᑐᔾᔨᖃᑎᖃᕐᓂᕐᒧᑦ ᐱᓕᕆᖃᑎᖃᕐᓂᒧᓪᓗ ᓄᓇᕗᑦ ᐱᐅᓂᖅᓴᐅᓕᖁᓪᓗᒍ.… read more.
ᐅᖃᖅᑎᑦᓯᔩ, ᓇᖏᖅᓯᕗᖓ ᐅᓪᓗᒥ ᐅᖃᐅᓯᖃᕈᒪᓪᓗᖓ ᓴᖅᑭᑎᑦᓯᓂᕐᒧᑦ ᓄᓇᕗᑦ ᐱᓕᕆᖃᑎᒌᓐᓂᕐᒧᑦ ᑲᑎᒪᔨᖏᓐᓂᑦ ᓄᓇᕗ ᒐᕙᒪᒃᑯᖏᓐᓄ (GN) ᓄᓇᕗᑦ ᑐᙵᕕᒃᒧᓗ. (ᓄᓇᕗᑦ ᑐᙵᕕᒃᑯᑦ ᑎᒥᖓᑦ) ᒪᔾᔨ 25-ᖑᑎᓪᓗᒍ, ᐊᖓᔪᖅᑳᖅ ᐊᓗᑭ ᑰᑦᑎᖅᓗ ᐊᑎᓕᐅᓚᐅᕐᓯᒪᒐᓐᓄ ᐃᖅᑲᓇᐃᔭᖃᑎᒌᑦᑎᐊᒃᑲᓐᓂᕈᒪᓪᓗᑕ ᐃᖃᓗᑦᑑᑦᑎᐊᒥᑦ. ᐅᖃᖅᑎᑦᓯᔩ, ᑕᓐᓇ ᐱᓕᕆᖃᑎᒌᓐᓂᕐᒧᑦ ᓱᓕᓂᕋᕈᑎ ᐊᓪᓗᕈᑎᐅᒻᒪ ᓴᖏᓕᖅᐹᓪᓕᖁᓪᓗᑕ ᓄᓇᕗ ᒐᕙᒪᒃᑯ ᐃᖅᑲᓇᐃᔭᖃᑎᒌᑦᑎᐊᒃᑲᓐᓂᓂᒧᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓂᑦ. ᑖᓐᓇ ᐊᖏᖅᓯᒪᓂᖅ ᒪᓕᑉᐳᖅ ᓴᒃᑯᑕᐅᓂᖓᓄᑦ ᑲᑐᔾᔨᓗᑕ ᐱᓕᕆᐊᒃᓴᒧᑦ, ᐋᖅᑭᒃᑕᐅᓚᐅᖅᓯᒪᔪᖅ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᕗᒻᒥ ᐃᓄᓐᓄᑦ ᑲᑐᔾᔨᖃᑎᒌᓄᑦ. ᑕᓐᓇ ᓴᖅᑭᑕᐅᓚᐅᕐᑐ ᓄᓇᕗᑦᒥ ᑲᑐᔾᔨᖃᑎᒌ ᑲᑎᒪᔨᕋᓛᑦ 2020-ᐅᑎᓪᓗᒍ ᑲᑐᔾᔨᖃᑎᒌᖕᓂᖅ ᒪᓕᒋᐊᓖ ᐱᕚᓪᓕᖁᓪᓗᑕ ᑲᑐᔾᔨᖃᑎᒌᑦᑎᐊᕈᓐᓇᖁᓪᓗᑕ ᐃᖅᑲᓇᐃᔭᖃᑎᒌᓂᒃᑯᖅ. ᑐᕌᒐᒋᔭᕗᑦ ᓇᓗᓇᐃᕐᓯᓗᑕ ᐋᖅᑭᒋᐊᕈᑎᒃᓴᓂᑦ, ᑐᓂᓯᔪᓇᓗᑕ ᖃᐅᔨᒪᔾᔪᑎᒃᓴᓂ, ᑐᑭᓯᔪᓐᓇᓗᕐᑕ ᐊᒃᓱᕈᕐᕈᑕᐅᕙᒃᑐᓄᑦ. ᓄᓇᕗᑦ ᒐᕙᒪᒃᑯᑦ ᐊᒻᒪ… read more.
ᐅᖃᖅᑎ, ᓂᑯᕕᑉᐳᖓ ᐅᓪᓗᒥᑦ 29ᒋᔭᐅᓕᖅᑐᖅ ᐅᑭᐅᓕᒫᖅᓯᐅᑎᓄᑦ Indspire ᐃᓕᓴᕆᔭᐅᔾᔪᑎᑖᖅᑎᑕᐅᔪᓄᑦ. ᒪᐃ 12ᖑᑎᓪᓗᒍ, ᐱᒃᑯᓕᓯᒪᓚᐅᖅᑐᖓ ᖃᐃᖃᑕᐅᓚᐅᕋᒪ ᓄᓇᕗᒻᒥᑦ ᒪᓕᓴ ᐊᑕᒍᑦᑎᐊᖅ ᐅᖃᓪᓚᒋᐊᖅᑐᖅᓯᒪᑎᓪᓗᒍ 2022 Indspire ᐃᓕᓴᕆᔭᐅᔾᔪᑎᑖᖅᑎᑕᐅᑎᓪᓗᒍ ᒪᒃᑯᒃᑐᓄᑦ. ᐊᑖᑕᖓᑕ ᐊᖏᓚᐅᖅᑐᖅ ᐃᓕᓴᕆᔭᐅᔾᔪᑎᑖᕐᓂᕐᒧᑦ ᑭᒡᒐᖅᑐᖅᑕᐅᓪᓗᓂ. ᐅᖃᖅᑎᑦᑎᔨ, ᒪᓕᓴ ᐊᓐᓄᕌᓕᐅᖅᑎᐅᕗᖅ, ᓇᖕᒥᓂᖁᑎᖃᖅᖢᓂ Nuvuja9−ᒥᑦ, ᐊᒻᒪᓗ ᐃᓕᓐᓂᐊᖅᑎᐅᓪᓗᓂ ᓄᓇᕗᑦ ᓯᓚᑦᑐᖅᓴᕐᕕᐊᓂ. ᒪᓕᓴ ᓴᕿᔮᖅᑎᑦᑕᓚᐅᖅᑐᖅ ᓯᕗᓪᓕᖅᐹᒥᑦ ᑲᑎᖅᓱᖅᓯᒪᔭᖏᑦ ᑕᐃᔭᐅᓪᓗᓂ "ᓯᓈ" ᓄᓇᖃᖄᖅᓯᒪᔪᑦ ᐊᓐᓄᕌᓕᐅᖅᑎᓄᑦ ᐱᓇᓱᐊᕈᓯᐅᓚᐅᖅᑎᓪᓗᒍ ᐱᐅᕆᔅ, ᕗᕌᓐᔅᒥᑦ. ᐱᓕᕆᐊᕆᔭᖓ ᐃᓚᖃᖅᑐᖅ ᐊᑐᖅᑕᐅᖃᑦᑕᖅᓯᒪᔪᑐᖃᕐᓂ ᑐᑭᓕᐅᕆᓗᒍ ᓇᑦᑎᐅ ᕿᓯᐊᓂ. ᐊᓐᓄᕌᓕᐅᖃᑦᑕᕐᓂᖓᒍᑦ ᒪᓕᓴ ᖁᕕᐊᓲᑎᖃᖃᑦᑕᖅᓯᒪᔪᖅ ᐃᓄᐃᑦ ᐃᓕᖁᓯᑐᖃᖓᓂ ᐊᒻᒪᓗ ᐊᒃᑐᐊᓂᖃᓂᕐᒥᑦ ᓄᓇᑦᑎᓐᓂ. ᖁᕕᐊᓱᖃᑎᒋᔪᒪᔭᕗᑦ ᒪᓕᓴ ᐃᓕᓴᕆᔭᐅᔾᔪᑎᑖᑎᑕᐅᓂᖓᓄᑦ ᐊᒻᒪᓗ ᐱᓕᒻᒪᒃᓴᖃᑦᑕᕐᓂᖓᓄᑦ ᖁᕕᐊᒋᔭᖏᓐᓂᒃ… read more.