ᑲᓇᑕᓕᒫᒥ ᐃᓱᒪᒧᑦ ᐋᓐᓂᐊᖅᑐᓕᕆᓂᖅ ᐱᓇᓱᐊᕈᓯᐅᓂᐊᕐᒪᑦ ᒪᐃ 4−ᒥᑦ 10−ᒧᑦ, 2026, ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᓄᓇᕗᒻᒥᐅᓂᒃ ᑎᓕᐅᕆᕗᑦ ᐃᓕᓐᓂᐊᖅᐸᓪᓕᐊᖁᓪᓗᒋᑦ, ᐅᖃᓪᓚᒡᓗᑎᒃ, ᑲᑎᙵᖃᑎᖃᕐᓗᑎᒡᓗ ᐱᖃᓐᓇᕆᔭᒥᓂᒃ, ᐃᓚᒥᓂᒃ ᐃᓐᓇᕐᓂᓪᓗ ᐃᓱᒪᒧᑦ ᐋᓐᓂᐊᖅᑐᓕᕆᓂᖅ ᐃᓅᓯᖃᑦᑎᐊᕐᓂᕐᓗ ᐱᔾᔪᑎᒋᓗᒍ.
ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᔪᖅ, "ᑲᑎᖃᑎᒌᖕᓂᖅ, ᑲᓇᑕ: ᓴᙱᓂᖅᓴᒥᒃ ᑲᑎᙵᖃᑎᒌᑦᑎᐊᕐᓂᖅᓴᐅᓕᕐᓗᑎᒃ, ᐊᑲᐅᓂᖅᓴᒥᒃ ᐃᓱᒪᒧᑦ ᐋᓐᓂᐊᖅᑐᓕᕆᓂᖅ", ᓄᓇᕗᒻᒥᐅᓂᒃ ᖃᐃᖁᔨᕗᖅ ᐱᒋᐊᖅᑎᑦᑎᔪᒪᓪᓗᑎᒃ ᒥᑭᑦᑐᒥᒃ, ᐅᓪᓗᑕᒫᖅᓯᐅᑎᓂᒃ ᖃᓄᐃᓕᐅᕈᑎᖃᕐᓂᕐᒧᑦ ᐃᒃᐱᒋᔭᖃᑦᑎᐊᕐᓂᕐᒧᑦ, ᐊᒻᒪᓗ ᐃᓕᓴᖅᓯᓗᓂ ᖃᓄᐃᓕᐅᖃᑦᑕᖅᑕᑦᑎᓐᓂ ᐃᑲᔪᖅᑐᐃᓂᕐᒧᑦ ᐃᓱᒪᒧᑦ ᐋᓐᓂᐊᖅᑐᓕᕆᓂᖅ ᑲᑎᖃᑎᖃᕐᓂᒃᑯᑦ ᓄᓇᓕᖕᓂᑦ, ᐃᓚᒌᓄᑦ, ᓄᓇᒥᒡᓗ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᑭᒃᑯᑐᐃᓐᓇᑦᑎᐊᕐᓂᒃ ᑲᑎᖃᑦᑕᖁᔨᓪᓗᑎᒃ ᐱᕕᒃᓴᖃᕐᓗᑎᓪᓗ ᖁᕕᐊᓱᖃᑎᒌᖁᓪᓗᒋᑦ ᓯᕿᓐᓂᖅᑎᓪᓗᒍ ᓄᓇᒥ. ᐃᓚᖏᑦ ᐱᓕᕆᐊᒃᓴᑦ ᐃᓱᒪᒧᑦ ᐋᓐᓂᐊᖅᑐᓕᕆᓂᕐᒧᑦ ᓇᒻᒥᓂᕐᓗ-ᑲᒪᒋᔭᖃᑦᑎᐊᕐᓂᕐᒧᑦ ᐃᓚᖃᖅᑐᑦ: ᓯᓚᒥ ᐊᓂᖅᑎᕆᑲᐃᓐᓇᖃᑦᑕᕐᓂᕐᒧᑦ, ᑎᑎᖅᑐᒐᕐᓂᕐᒧᑦ, ᒥᖅᓱᕐᓂᕐᒧᑦ, ᓴᓇᙳᐊᕐᓂᕐᒧᑦ, ᐱᙳᐊᕐᓂᕐᒧᑦ, ᓈᓚᓐᓂᕐᒧᑦ ᐅᔾᔨᕈᓱᑦᑎᐊᕐᓂᕐᒧᑦ ᑐᓴᕐᓈᒐᕐᓂᑦ ᐃᓱᒪᑦᓴᖅᓯᐅᕐᓂᕐᒧᓪᓘᓐᓃᑦ, ᑕᓯᓴᕐᓂᕐᒧᑦ, ᐱᓱᖃᑎᒋᓗᒍ ᕿᒻᒦᑦ, ᐃᖃᓪᓕᐊᕐᓂᖅ, ᐊᖑᓇᓱᓐᓂᖅ, ᓄᓂᕙᒋᐊᕐᓂᖅ, ᐊᒻᒪᓘᓐᓃᑦ ᖃᒧᑕᐅᔭᕐᓂᒃᑯᑦ. ᐊᑕᐅᑦᑎᒃᑯᑦ, ᓄᓇᕗᒻᒥᐅᑦ ᓴᙱᒃᑎᒋᐊᖅᑎᑦᑎᔪᓐᓇᖅᐳᑦ ᐃᓱᒪᒧᑦ ᐋᓐᓂᐊᖅᑐᓕᕆᓂᕐᒧᑦ, ᐋᖅᑭᒃᓱᐃᕙᓪᓕᐊᓗᑎᒃ ᖃᓄᐃᙱᑦᑎᐊᕐᓂᖅᓴᓂᒃ ᓄᓇᓕᖕᓂᒃ, ᐃᑲᔪᕐᓗᑎᒡᓗ ᐅᓄᕐᓂᖅᓴᓂᒃ ᐃᓄᖕᓂᒃ ᐊᒃᑐᐊᓂᖃᖅᑰᔨᓕᕐᓗᑎᒃ.
ᐃᕝᕕ ᖃᐅᔨᒪᔭᓐᓂᓪᓘᓐᓃᑦ ᐊᑦᓱᕈᕐᓇᖅᑐᖅᓯᐅᖅᑐᒥᒃ ᐃᓱᒪᒧᑦ ᐋᓐᓂᐊᖅᑐᓕᕆᓂᕐᒧᓪᓗ, ᐳᐃᒍᖅᑕᐃᓕᒋᑦ ᐃᓄᑑᙱᓐᓇᕕᑦ. ᖃᓄᐃᙱᑦᑐᖅ ᐃᑲᔪᖅᑕᐅᔪᒪᓗᓂ.
ᑲᙳᓇᖅᑐᒃᑯᑦ ᐃᑲᔪᖅᑕᐅᔪᒪᒍᕕᑦ, ᖃᐅᔨᒃᑲᕈᓐᓇᖅᑕᐃᑦ:
ᐃᓅᓯᓕᕆᔭᐅᓂᖅ
ᒪᒥᓴᕐᓂᖅ ᐅᖃᓪᓚᓐᓂᒃᑯᑦ.
ᖃᕆᑕᐅᔭᒃᑯᑦ ᐊᑐᐃᓐᓇᐅᑎᑦᓯᓲᑦ, ᐊᑯᓂᐅᔪᒃᑯᑦ ᐃᓅᓯᓕᕆᔭᐅᓐᓇᖅᑐᖅ ᐃᓄᓐᓄᑦ ᓄᓇᕘᓕᒫᒥᑦ.
ᐋᓐᓂᐊᕕᑦᓯᓐᓄᐊᕈᓐᓇᖅᐳᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ healing@gov.nu.ca ᐊᑭᖃᙱᑦᑐᒧᓪᓘᓐᓃᑦ ᐅᖄᓛᓗᑎᑦ ᐅᕗᖓ 1-888-648-0070 ᐅᕝᕙᓘᓐᓃᑦ 867-975-5367.
ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ/ᐃᓚᒌᓄᑦ ᐃᑲᔫᑏᑦ.
1-800-663-1142.
ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐃᓅᓯᖃᑦᑎᐊᖅᑐᓕᕆᔨᑦ ᐃᑲᔪᖅᑎᖏᑦ
ᐅᖄᓚᐅᑎᒃᑯᑦ ᐊᑐᐃᓐᓇᐅᑎᑦᓯᓲᑦ ᐃᓅᓯᓕᕆᔭᐅᓂᕐᒧᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂᑦ ᐃᓚᖏᓐᓂᓪᓗ. ᐅᖄᓚᓗᑎᑦ ᐊᑭᖃᙱᑦᑐᒧᑦ ᐅᕗᖓ 1-800-464-8106.
ᐃᓕᓴᖅᓯᕕᒃ ᐅᖄᓚᐅᑎᒃᑯᑦ ᐃᓅᓯᓕᕆᔭᐅᓂᖅ
ᐅᖄᓚᐅᑎᒃᑯᑦ ᐊᑐᐃᓐᓇᐅᑎᑦᓯᓲᖅ ᐃᓅᓯᓕᕆᔭᐅᓂᕐᒧᑦ ᖃᓪᓗᓈᑎᑐᑦ ᐃᓄᒃᑎᑐᓪᓗ, ᓇᒡᒐᔾᔭᐅᒥ-ᑕᓪᓕᒥᕐᒧᓄ 8:30 ᐅᓪᓛᒃᑯᑦ 5-ᒧᓄ ᐅᓐᓄᓴᒃᑯᑦ. ᐅᖄᓚᓗᑎᑦ ᐊᑭᖃᙱᑦᑐᒧᑦ ᐅᕗᖓ 1-888-331-4433.
ᐃᑲᔪᖅᑕᐅᔪᒪᔪᓄᑦ ᐅᖄᓚᕝᕕᒃ ᖃᕆᑕᐅᔭᒃᑯᓪᓗ ᐅᖃᖃᑎᒌᓐᓂᖅ
ᑲᓇᑕᒥ ᐃᓅᓯᕐᒥ ᑭᐱᓯᓂᕐᒧᑦ ᐃᑲᔪᖅᑕᐅᔪᒪᔪᓄᑦ
ᐅᖄᓚᓗᑎᑦ ᑎᑎᕋᕐᓗᑎᓪᓘᓐᓃᑦ 988−ᒧ ᑐᕌᖅᑎᓐᓂᐊᕐᓗᒍ ᐃᑲᔪᖅᑕᐅᕝᕕᒻᒧᑦ ᐱᐅᓛᒧᑦ ᐱᔭᕆᐊᖃᖅᑕᕐᓄᑦ.
ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓘᑎᖓᓄᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ).
ᐅᖄᓚᓗᑎᑦ ᐅᕗᒐ 867-979-3333 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ 1-800-265-3333.
ᐊᑦᓱᕈᕐᓇᖅᑐᒃᑰᖅᑐᓄᑦ ᐱᔨᑦᓯᕋᐅᑏᑦ ᑲᓇᑕᒥ.
ᐅᖄᓚᓗᑎᑦ ᑎᑎᕋᕐᓗᑎᓪᓘᓐᓃᑦ 1-833-456-4566.
ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᐊᑐᐃᓐᓇᖅ ᐅᕙᓂ www.crisisservicescanada.ca.
Youthspace.ca.
ᐅᖄᓚᓗᑎᑦ 1-833-456-4566 - ᑎᑎᕋᕐᓗᑎᑦ 778-783-0177.
ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᐊᑐᐃᓐᓇᖅ ᐅᕙᓂ www.youthspace.ca.
ᐃᕐᖐᓐᓈᖅᑕᐅᒃᑯᑦ ᐃᓅᓯᓕᕆᔭᐅᓂᖅ ᐊᑐᐃᓐᓇᖅ ᐅᖄᓚᓗᑎᑦ ᐊᑭᖃᖏᑦᑐᒧᑦ ᐅᕗᖓ 1-866-478-8357.
ᓄᑕᖅᑲᓄᑦ ᐃᑲᔪᖅᑕᐅᕕᖓᓄᑦ ᐅᖄᓚᐅᑎᖓ.
ᐅᖄᓚᓗᑎᑦ 1-800-668-6868.
ᑕᕝᕙᑲᐅᑎᒋ ᐅᖃᖃᑎᖃᕐᓂᖅ ᐊᑐᐃᓐᓇᖅ ᐅᕙᓂ kidshelpphone.ca.
ᓇᕿᑦᑕᕐᓗᒍ 'CONNECT' ᐅᕗᖓ 686868 ᑐᓴᖅᑎᑦᓯᓗᑎᑦ ᐃᓕᓐᓂᐊᖅᓯᒪᔪᒧᑦ ᐃᑲᔪᖅᑎᒧᑦ.
ᐃᑭᐊᖅᑭᕕᒻᒧᑦ ᐃᑲᔫᑎᑦᓴᐃᑦ
ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ.
ᐃᑭᐊᖅᑭᕕᒃᑯᑦ ᑕᑯᒋᐊᕐᓗᑎᑦ www.inuusiq.com ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᑲᔪᖅᑐᖅᑕᐅᓂᕐᒧᑦ ᐃᑲᔫᑎᑦᓴᓄᓪᓗ.
ᐃᕝᕕᑦ ᖃᐅᔨᒪᔭᖃᕈᕕᓪᓘᓐᓃᑦ ᐊᑦᓱᕈᕐᓇᖅᑐᖅᓯᐅᖅᑐᒥᒃ, ᐅᖄᓚᑦᓴᐅᑎᒋᓗᑎᑦ ᐸᓖᓯᒃᑯᓐᓄᑦ, ᐋᓐᓂᐊᕐᕕᓕᐊᑦᓴᐅᑎᒋᓗᑎᓘᓐᓃᑦ ᐋᓐᓂᐊᕐᕕᐊᓗᒻᒧᓪᓘᓐᓃᑦ.