ᐃᖃᓗᐃᑦ, ᓄᓇᕗᑦ (ᒪᐃ 15, 2023) – ᐃᓕᓐᓂᐊᕐᓂᓕᕆᔨᒃᑯᑦ ᓯᕗᓪᓕᖅᐹᒥᒃ ᖃᐅᔨᓴᕐᓂᐅᔪᒥᒃ ᐊᔪᕐᓇᙱᒻᒪᖔᑦ ᐊᑐᓕᖅᑎᑦᑎᓂᐊᕐᓗᓂ ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᕈᑎᖏᓐᓂᒃ ᓄᓇᕗᒻᒥ.
ᓇᓄᖅ ᐃᓕᓐᓂᐊᕐᕕᒃ (ᓂᐊᖁᙴ), ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᒃ (ᐃᒡᓗᓕᒑᕐᔪᒃ), ᖃᖅᑲᓕᒃ ᐃᓕᓐᓂᐊᕐᕕᒃ (ᑭᒻᒥᕈᑦ), ᔨᒥ ᕼᐃᑯᒃ ᐃᓕᕼᐊᒃᕕᒃ (ᖁᕐᓗᖅᑐᖅ), ᐊᒻᒪ ᐃᓄᒡᓚᒃ ᐃᓕᓐᓂᐊᕐᕕᒃ (ᑎᑭᕋᕐᔪᐊᖅ) ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐆᒃᑑᑕᐅᓛᖅᑐᑦ ᐅᑭᐊᒃᓵᖅ ᐱᒋᐊᕐᓗᒍ.
ᑖᒃᑯᐊ ᐃᓕᓐᓂᐊᕐᕖᑦ ᓂᕈᐊᖅᑕᐅᓚᐅᖅᐳᑦ ᓯᕗᓪᓕᖅᐹᒥ ᐱᓕᕆᐊᖑᓂᐊᖅᑐᒧᑦ ᑐᙵᕕᖃᖅᖢᑎᒃ ᐊᑭᑐᔪᑦ ᓄᑖᙳᕆᐊᖅᑕᐅᔪᑦ ᐊᑐᓂ ᐃᑲᔪᖅᑐᐃᔭᕆᐊᖃᕋᔭᕐᒪᑕ ᐱᓕᕆᐊᒥᒃ ᑭᒡᒐᖅᑐᕐᓗᒋᓪᓗ ᐊᑐᓂ ᐊᕕᒃᑐᖅᓯᒪᔪᓂ.
ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐹᒥᓚ ᕼᐊᑯᖓᒃ ᒍᕉᔅ, ᐃᓚᒋᓪᓗᒋᑦ ᐃᖃᓗᐃᑦ-ᓂᐊᖁᙴᒧᑦ ᒪᓕᒐᓕᐅᖅᑎ ᐊᒻᒪ ᓯᕗᓕᖅᑎ ᐲᔭᐃ. ᐊᕿᐊᕈᖅ, ᑲᑐᔾᔨᖃᑎᒌᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓂᐊᖁᙴᒥᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑲᑎᓚᐅᖅᑐᑦ ᓇᓄᖅ ᐃᓕᓐᓂᐊᕐᕕᒻᒥ… ᐅᖃᓕᒫᒃᑲᓐᓂᕆᑦ.
ᒪᐃ 8−ᒥ 14-ᒧᓄ ᑲᓇᑕᓕᒫᒥ ᐊᓐᓂᐊᓯᐅᑏᑦ ᐱᓇᓱᐊᕈᓯᖓ, ᑕᕝᕙᓂᓗ ᐊᕐᕌᒍᒥ ᐱᔾᔪᑎᒋᔭᕗᑦ ᐋᓐᓂᐊᓯᐅᖅᑎᕗᑦ. ᓯᕗᓂᑦᓴᕗᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒫᓐᓇ ᐃᓕᑕᖅᓯᔪᒪᒻᒪᑕ ᐅᓄᖅᑐᓂᒃ ᐋᓐᓂᐊᓯᐅᖅᑎᓂᒃ ᐱᓕᕆᐊᕆᖃᑦᑕᖅᑕᖏᓐᓂᒃ ᐋᓐᓂᐊᕕᓕᐊᖅᓯᒪᔪᓂᑦ ᐱᓕᕆᑎᓪᓗᒋᑦ.
ᓄᓇᕐᔪᐊᕐᒥ ᓄᕙᔾᔪᐊᕐᓇᖅ-19 ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᓇᓗᓇᐃᖅᓯᓚᐅᖅᐳᖅ ᐊᖏᖅᓯᒪᓂᖏᓐᓂᒃ ᐊᒻᒪ ᐱᓕᕆᓪᓚᕆᒍᒪᓂᖏᓐᓂᒃ ᓄᓇᕗᒻᒥ ᐋᓐᓂᐊᓯᐅᖅᑏᑦ ᐃᖅᑲᓇᐃᔭᖅᑎᖏᑦ. ᑕᐃᒪ ᓯᕗᓪᓕᐅᓪᓗᑎᒃ ᑐᖅᑕᕝᕕᐅᖅᑳᖃᑦᑕᖅᑎᓪᓗᒋᑦ ᐋᓐᓂᐊᕐᕕᓕᐅᖅᓯᒪᔪᓂᒃ, ᓄᓇᕗᒻᒥ ᐋᓐᓂᐊᓯᐅᖅᑏᑦ ᐋᖅᑭᒋᐊᒃᑲᓐᓂᕆᐊᖃᖅᓯᒪᒻᒪᑕ ᑕᕝᕙᙵᑦᑕᐃᓐᓇᖅ ᐱᓕᕆᐊᒥᓂᒃ ᑕᒪᐃᖓᓕᒫᖅ ᓄᓇᕗᒻᒥᐅᑦ ᐊᑦᑕᕐᓇᖅᑐᒦᖁᓇᒋᑦ ᖃᓂᒪᓕᖁᓇᒋᓪᓗ.
ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᓂᐊᖅᑐᖅ ᐅᖃᐅᓯᖃᕐᒥᔪᖅ ᐱᕈᖅᐸᓪᓕᐊᓂᖏᓐᓂᒃ ᐊᒻᒪ ᐃᖅᑲᓇᐃᔭᖅᑎᖃᐃᓐᓇᕐᓂᕐᒥᒃ ᓄᓇᓕᓐᓂ ᐱᓕᒻᒪᒃᓴᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ. ᐃᓱᐊᓄᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓕᑕᖅᓯᔪᒪᕗᑦ ᐋᓐᓂᐊᓯᐅᖅᑎᙳᕆᐅᖅᓴᔪᓂᑦ ᐃᓕᓐᓂᐊᖅᑎᓂᑦ ᐊᒻᒪ ᐃᓕᓐᓂᐊᖅᑕᒥᓂᑦ… ᐅᖃᓕᒫᒃᑲᓐᓂᕆᑦ.
ᒪᐃ 2, 2023 ᐋᑐᕚ, ᐋᓐᑎᐅᕆᐅ ᑲᓇᑕᐅᑉ ᐊᖓᔪᖅᑳᕐᔪᐊᖓᑕ ᑎᑎᕋᕐᕕᖓ
ᐅᓪᓗᒥ, ᑲᓇᑕᐅᑉ ᐊᖓᔪᖅᑳᕐᔪᐊᖓ, ᔭᔅᑎᓐ ᑐᕉᑑ, ᐊᒻᒪ ᓯᕗᓕᖅᑎ ᓄᓇᕗᒻᒧᑦ, ᐸᐅᓗᓯ ᐊᕿᐊᕈᖅ ᐅᑯᓂᖓ ᑲᑐᔾᔨᓪᓗᑎᒃ ᐅᖃᐅᓯᖃᖅᑲᐅᕗᑦ:
"ᐅᓪᓗᒥ ᑲᑎᒪᑎᓪᓗᑕ ᐱᕙᓪᓕᐊᑎᑦᑎᖅᑲᐅᔪᒍᑦ ᐃᓚᖏᓐᓂᒃ ᓯᕗᓪᓕᐅᔾᔭᐅᔭᕆᐊᓕᖕᓂᒃ ᐊᓯᔾᔩᓪᓚᕆᖕᓂᐊᖅᑐᓂᒃ ᓄᓇᕗᒻᒥᐅᑦ ᐃᓅᓯᖏᓐᓂ, ᓄᓇᕗᒻᒥᐅᑕᑦ. ᒪᕐᕉᒃ ᒐᕙᒪᓕᕆᔩᒃ ᑲᑎᒪᓚᐅᖅᐴᒃ ᐃᓚᒋᔭᐅᓪᓗᓂ 'ᓄᓇᕗᑦ ᒪᓕᒐᓕᐅᕐᕕᒡᔪᐊᖓᓂ', ᐅᓪᓘᖕᓄᑦ ᒪᕐᕉᖕᓄᑦ ᐳᓛᕐᖢᑎᒃ ᒪᓕᒐᓕᐅᕐᕕᒡᔪᐊᕐᒧᑦ ᓄᓇᕘᑉ ᒥᓂᔅᑕᖏᑦ ᑲᑎᒪᖃᑕᐅᓪᓗᑎᒃ ᒐᕙᒪᑐᖃᒃᑯᓐᓂ. ᐱᓗᐊᖅᑐᒥ ᐃᓪᓗᓕᕆᓂᖅ, ᐋᓐᓂᐊᖅᑐᓕᕆᓂᖅ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓ, ᐅᑭᐅᖅᑕᖅᑐᒥ ᓴᐳᔾᔨᓂᖅ ᐊᒻᒪ ᓇᖕᒥᓂᖃᕐᓂᖅ, ᐊᒻᒪ ᓄᓇᕗᒻᒥ ᓴᙱᓂᖅᑖᖅᑎᑕᐅᓂᖅ, ᒐᕙᒪᕗᑦ ᒪᓕᒃᐳᑦ ᐊᖏᖅᓯᒪᓪᓗᑎᒡᓗ ᐱᓕᕆᖃᑎᒌᒍᒪᓪᓗᑎᒃ ᓴᖅᑮᓪᓚᑦᑖᖁᓪᓗᒋᑦ ᓄᓇᕗᒻᒥᐅᓄᑦ ᐅᖓᑖᓄᓪᓗ.
"ᐃᓅᓯᖅ ᐱᐅᓯᕚᓪᓕᖅᑎᓐᓂᐊᕐᓗᒍ ᐃᓄᖕᓄᑦ ᐱᒋᐊᕈᑎᖃᖅᐳᖅ ᑭᒃᑯᓕᒫᑦ ᐊᑦᑕᕐᓇᙱᑦᑐᒥᑦ ᐊᑭᑐᓗᐊᙱᑦᑐᒥᒡᓗ ᐃᓂᖃᖅᑎᓪᓗᒋᑦ.… ᐅᖃᓕᒫᒃᑲᓐᓂᕆᑦ.
ᐋᓐᑎᐅᕆᐅ (ᐊᐃᕆᓕ 28, 2023) − ᓄᓇᕗᒻᒥ ᓯᕗᓕᖅᑏᑦ ᑲᑎᒪᔨᖏᑦ ᓴᖅᑭᔮᖅᑎᑦᑎᕗᑦ ᑲᑐᔾᔨᓗᑕᒥ ᐱᓕᕆᐊᒃᓴᖏᓐᓂᒃ ᓯᕗᓪᓕᐅᔾᔭᐅᔪᒪᔪᓂᒃ ᒪᐃ 1 ᐊᒻᒪ 2 ᖃᔅᓰᖅᓱᑲᓪᓚᒡᓗᑎᒃ ᑲᑎᒪᖃᑎᖃᖅᐸᒡᓗᑎᒃ ᑲᓇᑕᒥ ᐱᓕᕆᖃᑎᒋᕙᒃᑕᖏᓐᓂᒃ ᐋᑐᕚᒥ. "ᓄᓇᕗᒥᐅᑦ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓃᑎᓪᓗᒋᑦ" ᐅᓪᓘᖕᓄᑦ ᒪᕐᕉᖕᓄᑦ ᒐᕙᒪᓕᕆᔭᖅᑐᖅᓯᒪᓂᐊᕐᒪᑕ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓄᑦ ᐱᓕᕆᖃᑎᒌᒃᐸᓪᓕᐊᖁᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ.
"ᒥᓂᔅᑕᐃᑦ ᐅᕙᖓᓗ ᖃᐅᔨᒪᒋᐊᕐᓂᐊᖅᐳᒍᑦ ᖃᐅᑕᒫᑦ ᐱᓪᓚᕆᐅᔪᑦ ᓄᓇᕗᒻᒥᐅᓄᑦ ᑐᓴᖅᑕᐅᒐᓗᐊᕐᒪᖔᑕ ᐋᑐᕚᒥ, ᐊᒥᓱᑦ ᐃᓱᒪᓕᐅᕈᑕᐅᔪᑦ ᐊᒃᑐᐃᔪᑦ ᓄᓇᕗᒻᒥ ᐅᓪᓗᒥ ᐋᖅᑭᒃᑕᐅᔪᓂᒃ," ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᖃᖅᑲᐅᕗᖅ.
"ᑲᓇᑕᒥ ᐅᓄᕐᓂᖅᓴᐃᑦ ᐱᕈᖅᐸᓪᓕᐊᑎᓪᓗᒋᑦ ᑲᓇᑕᒥ ᑲᓇᖕᓇᖔᖓᓂ ᐱᖓᓐᓇᕐᒧᑦ, ᑕᑯᔪᒪᕗᒍᑦ ᑲᓇᑕᒥ ᑮᓇᐅᔭᓕᐅᕈᑕᐅᓇᓱᒃᑐᓂᒃ ᐊᒻᒪ ᓄᓇᓖᑦ ᐊᐅᓚᔪᓐᓇᐅᑎᖏᓐᓂᒃ ᐱᓕᕆᐊᒃᓴᓂᒃ ᐅᑭᐅᖅᑕᖅᑑᑉ ᓯᒡᔭᖓᓄᑦ ᑎᑭᓪᓗᒍ. ᒫᓐᓇᒧᑦ ᑎᑭᖦᖢᒍ, ᒐᕙᒪᕗᑦ ᓇᖕᒥᓂᖅ ᑮᓇᐅᔭᖃᖅᑎᑦᑎᕗᑦ ᓇᖕᒥᓂᖅ ᐋᖅᑭᒋᐊᕈᑎᒃᓴᓂᒃ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᐊᐃᕆᓕ 28, 2023) – ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC) ᐊᒻᒪ ᓄᓇᕗᒻᒥ ᐃᒡᓗᓕᐅᖅᑏᑦ (NCCD) ᖁᕕᐊᓱᒃᐳᑦ ᑐᓴᖅᑎᑦᑎᔪᓐᓇᕐᒪᑕ ᐊᑎᓕᐅᖅᑕᐅᓂᖓᓂᒃ ᐋᖅᑭᒃᓯᒪᓂᒃᓴᖓᓄᑦ ᑳᓐᑐᓛᒃᑕᐅᓯᒪᔪᑦ ᓴᓇᔭᐅᓂᒃᓴᒧᑦ 150−ᓂᒃ ᓄᑖᓂᒃ ᐃᒡᓗᒃᓴᓂᒃ 8−ᓂᒃ ᓄᓇᕗᒻᒥ ᓄᓇᓕᖕᓂ. ᓴᓇᔭᐅᓯᒋᐊᓛᖅᑐᑦ 2023−ᒥ ᐅᑭᐊᒃᓵᒃᑯᑦ.
ᐋᖅᑭᒃᓯᒪᓂᒃᓴᖓᓄᑦ ᐊᖏᕈᑎᑦ ᐃᓚᒋᔭᐅᔪᑦ 2023-24 ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᐊᑐᖅᑎᑦᑎᓂᕐᒧᑦ ᐸᕐᓇᐅᑎᒥᑦ ᐃᒡᓗᓕᐅᖃᑎᒌᖕᓂᖅ, ᑕᐃᔭᐅᖕᒥᔪᖅ ᓄᓇᕗᑦ 3000 ᐅᐸᓗᖓᐃᔭᐅᑎᒥᑦ.
ᐋᖅᑭᒃᓯᒪᓂᒃᓴᖓᓄᑦ ᐋᖅᑭᓱᖅᑕᐅᓂᖓ ᐋᔩᖃᑎᒌᒍᑕᐅᓯᒪᔪᖅ ᐃᒡᓗᓕᐅᖅᑎᓄᑦ ᑳᓐᑐᕌᒃᑯᑦ 132−ᓄᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᐃᖃᓗᐃᑦ ᓯᓚᑖᓃᑦᑐᓂᑦ ᐃᓚᖃᖅᑐᑦ ᐊᕙᑎᓂᒃ ᓄᑖᓂᑦ ᐃᒡᓗᓂᑦ ᐊᑐᓂᑦ ᐊᕐᕕᐊᓂᑦ, ᑲᖏᖅᖠᓂᕐᒥᑦ, ᖃᒪᓂᑦᑐᐊᕐᒥᑦ, ᐃᒃᐱᐊᕐᔪᖕᒥᑦ, ᐅᖅᓱᖅᑑᕐᒥᑦ, ᐊᒻᒪ ᑕᓗᕐᔪᐊᕐᒥᑦ, ᐊᒻᒪ 12−ᓂᑦ ᐃᒡᓗᒃᓴᓂᑦ ᐃᖃᓗᑦᑑᑦᑎᐊᕐᒥᑦ.
ᑲᑎᖦᖢᒋᑦ ᑳᓐᑐᓛᒃᑕᐅᓯᒪᔪᑦ ᐊᑭᖏᑦ (ᐃᓚᓕᐅᔾᔭᐅᓪᓗᑎᒃ… ᐅᖃᓕᒫᒃᑲᓐᓂᕆᑦ.
ᓂᕈᐊᒐᒃᓴᓕᐅᕈᓐᓇᖅᓯᔪᑦ 2023-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐱᔪᓐᓇᖅᓯᑎᑦᑎᔪᖅ ᐱᓇᓱᐊᕈᑎᓂᑦ ᐃᓕᓴᕆᔭᐅᖁᔭᐅᔪᓂᒃ ᐃᑲᔪᖅᑐᐃᓲᓂᒃ, ᑎᓕᐅᕆᓲᓂᒃ ᐊᒻᒪ ᖃᐅᔨᑎᑦᑎᓲᓂᒃ ᖃᓄᖅ ᓴᙱᓕᑎᑦᑎᓂᕐᒥᑦ ᑎᑎᕋᕈᓐᓇᕐᓂᖅᒥ/ᐅᖃᓕᒫᕈᓐᓇᕐᓂᕐᒥ ᐱᕚᓪᓕᕈᑕᐅᔪᓐᓇᖅᑐᓂᒃ ᓄᓇᕗᒻᒥ.
2023-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᒐᒃᓴᙳᖅᑎᑦᑎᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᒡᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓴᐃᔨ, ᓄᓇᓕᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᒥᑦ, ᐃᓐᓇᖅ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒫᑦᓯ 28, 2023) − ᑮᓇᐅᔭᖃᖅᑎᑦᓯᒍᑕᐅᔪᑦ ᐃᓪᓗᓕᕆᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᐅᓪᓗᒥ ᓇᓗᓇᐃᖅᑕᐅᖅᑲᐅᔪᑦ ᑲᓇᑕᐅᑉ ᒐᕙᒪᒃᑯᖏᑕ ᑮᓇᐅᔭᐃᑦ ᐊᑐᖅᑐᑦᓴᖏᓐᓂ, ᑲᓇᑕᒥ ᓴᓇᔭᐅᓯᒪᔪᓂᒃ ᐸᕐᓇᐅᑎ: ᑐᙵᕕᖃᑦᓯᐊᖅᑐᑦ ᑭᒃᑯᑐᐃᓐᓇᕐᓄᑦ, ᐊᑭᑐᓗᐊᙱᑦᑐᒥᒃ ᑮᓇᐅᔭᓕᕆᓂᖅ, ᓯᕗᓂᑦᓴᖃᑦᓯᐊᕐᓂᖅ, ᐃᑲᔪᕐᓂᖃᕈᑕᐅᓂᐊᖅᑐᑦ ᐱᓗᐊᖑᐊᖅᑐᓂᒃ ᓯᕗᓪᓕᐅᑎᒍᒪᔭᖏᓐᓂᒃ ᑲᑐᔾᔨᓗᑕ ᑐᕌᒐᖏᓐᓂ, ᐅᖃᖅᑲᐅᔪᖅ ᓄᓇᕗᒻᒥ ᓯᕗᓕᖅᑎ, ᐱᔭᐃ ᐊᕿᐊᕈᖅ ᐊᒻᒪᓗ ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦ, ᖁᐊᓴ ᑯᓱᒐᖅ.
“ᑎᑭᐅᑎᒍᓐᓇᖅᓯᖁᓪᓗᒍ ᐊᓯᔾᔨᓪᓚᑦᑖᖅᐸᓪᓕᐊᓂᕐᒧᑦ ᒐᕙᒪᒋᔭᑦᑕ ᑲᑐᔾᔨᓗᑕ ᑐᕌᒐᑦᑎᓐᓂ, ᖃᐅᔨᒪᓚᐅᖅᑐᒍᑦ ᑮᓇᐅᔭᖃᖅᑎᑕᐅᒋᐊᖃᒻᒪᕆᒐᔭᕐᓂᖏᓐᓂᒃ ᒐᕙᒪᑐᖃᒃᑯᓐᓂᒃ. ᐅᓪᓗᒥ ᒐᕙᒪᑐᖃᒃᑯᑦ ᑮᓇᐅᔭᐃᑦ ᐊᑐᖅᑐᑦᓴᖏᓐᓂᒃ ᓇᓗᓇᐃᖅᑲᐅᔭᖏᑦ ᐃᑲᔫᑎᖃᕐᓂᐊᖅᑐᑦ ᒐᕙᒪᒋᔭᑦᑕ ᐊᑦᓱᕉᑎᖏᓐᓄᑦ ᐱᐅᓯᕚᓪᓕᖅᑎᑦᓯᒐᓱᐊᕐᓂᕐᒧᑦ ᐊᑐᐃᓐᓇᖃᖅᑎᑦᓯᓂᕐᒧᑦ ᐃᓪᓗᓕᕆᓂᕐᒧᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᔨᑦᓯᕋᐅᑎᓄᑦ ᐃᑲᔫᑎᓄᓪᓗ ᑕᒫᓂ ᓄᓇᕗᒻᒥ. ᓱᓕ… ᐅᖃᓕᒫᒃᑲᓐᓂᕆᑦ.
ᒫᑦᓯ 24 ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᕆᕙᐅᒃ. ᐊᕐᕌᒍᑕᒫᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓕᓴᕆᔭᖃᖅᐸᒃᐳᑦ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐃᓚᒋᔭᐅᓪᓗᓂ ᐅᔾᔨᕐᓇᖅᓯᑎᑦᑎᕙᓪᓕᐊᖏᓐᓇᕐᓂᕐᒥᒃ.
ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐱᔾᔪᑕᐅᓂᐊᖅᑐᖅ − ᐄ! ᓄᖅᑲᖅᑎᑦᑐᓐᓇᖅᑕᕗᑦ ᐳᕙᒡᓗᖕᓂᖅ − ᑐᓴᖅᑎᑦᑎᔾᔪᑎᐅᔪᖅ ᓂᕆᐅᖕᓂᖃᕐᓂᕐᒧᑦ ᖃᓄᐃᓕᐅᕆᐊᖁᔨᓂᕐᒧᓪᓗ. ᐳᕙᒡᓗᖕᓇᖅ ᓱᓕ ᐊᐃᑦᑐᕐᓘᑕᐅᖃᑦᑕᖅᐳᖅ ᓄᓇᕐᔪᐊᓕᒫᕐᒥᑲᓴᒃ. ᑕᒪᑐᒪᓂ ᐊᕐᕌᒍᒥ, ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ ᑐᒃᓯᕋᖅᐳᑦ ᐱᕚᓪᓕᖅᓯᒪᔪᒥᒃ ᑮᓇᐅᔭᓕᐅᕈᑎᒃᓴᓂᒃ ᐊᒻᒪ ᖃᔅᓯᑲᓪᓚᖕᓂ ᐱᓕᕆᔨᓂᒃ ᐱᓕᕆᖃᑎᒌᓂᒃ ᐃᑲᔫᑕᐅᓗᑎᒃ ᐳᕙᒡᓗᖕᓇᖅ ᓄᖅᑲᖁᓪᓗᒍ.
ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ, ᓴᙱᔫᓪᓗᓂ ᐊᒻᒪ ᐳᕙᒡᓗᖕᓇᙱᖦᖢᓂ ᐱᓕᕆᐊᖑᑎᑕᐅᔪᒥᑦ ᐃᓕᓐᓂᐊᖅᑎᑦᑏᓐᓇᖅᑐᑦ ᓄᓇᕗᒥᐅᓂᒃ ᐳᕙᒡᓗᖕᓇᐅᑉ ᒥᒃᓵᓄᑦ, ᐃᓕᓐᓂᐊᖅᑎᑕᐅᓪᓗᑎᒃ ᑲᒪᒋᔭᐅᓂᕐᒥᒃ ᐊᒻᒪ ᐱᑦᑕᐃᓕᑎᑦᑎᓂᕐᒥᒃ ᐊᒻᒪ ᐊᔪᕐᓇᙱᓐᓂᖅᓴᓂᒃ ᓄᑕᖅᑲᓄᑦ ᑐᕌᖓᔪᓂᒃ.
ᐱᒋᐊᖅᑎᑦᑎᒋᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒫᔾᔨ 14, 2023) − ᐅᓪᓗᒥ ᒪᓕᒐᓕᐅᕐᕕᖕᒥ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᓴᖅᑭᑦᑎᖅᑲᐅᕗᖅ ᐅᓂᒃᑳᒥᒃ ᑕᐃᔭᐅᔪᒥᒃ, ᓄᓇᕗᑦ ᒐᕙᒪᒃᑯᑦ ᐱᕙᓪᓕᐊᓂᖓᓂᒃ ᑲᑐᔾᔨᓗᑕ ᐱᓕᕆᐊᒃᓴᖏᓐᓂᒃ ᓯᕗᓪᓕᐅᑎᑕᐅᔪᒪᔪᑦ: ᓇᓗᓇᐃᖅᑕᐅᔪᑦ 2022−ᒥ ᐱᓕᕆᐊᖑᓯᒪᔪᑦ 2023−ᒧᓪᓗ ᐸᕐᓇᐅᑎᑦ.
ᑖᒃᑯᐊ ᐱᕙᓪᓕᐊᓂᖓᓂ ᐅᓂᒃᑳᑦ ᒪᓕᒃᐳᑦ ᐊᓂᒍᖅᑎᑕᐅᓂᖏᓐᓂᒃ ᑮᓇᐅᔭᖅᑐᕈᑎᒃᓴᐃᑦ ᐃᑲᔪᖅᑐᐃᔪᑦ ᒐᕙᒪᒃᑯᑦ ᐱᓕᕆᐊᕆᓯᒪᔭᖏᓐᓂᒃ, ᑐᕌᒐᖃᖅᑐᑦ ᐃᓐᓇᕈᖅᐸᓪᓕᐊᔪᑦ ᐃᓱᒪᒋᔭᐅᓪᓗᑎᒃ ᓄᓇᕗᒻᒥ, ᐃᒡᓗᓕᕆᓂᕐᒥᒃ ᐃᓚᒋᐊᖅᑎᑦᑎᓂ, ᖃᓄᐃᙱᑎᑦᑎᓂᖅ ᒪᒥᓴᖅᑎᑦᑎᓂᕐᓗ, ᐃᑲᔫᑎᑖᕋᓱᐊᒃᑲᓐᓂᕐᓗᑎᒃ ᐃᓕᓐᓂᐊᕐᓂᕐᒥᒃ, ᐊᔾᔨᒌᙱᑦᑐᓂᒡᓗ ᓄᓇᓕᖕᓂ ᑮᓇᐅᔭᓕᐅᕈᑎᖃᕋᓱᐊᕐᓂᖅ.
"ᑖᓐᓇ ᐅᓂᒃᑳᖅ ᓴᖅᑭᔮᖅᑎᑦᑎᔪᖅ ᐊᑐᕐᓂᐊᕐᓂᕋᖅᓯᒪᔭᑦᑎᓐᓂᒃ ᑐᓴᐅᒪᑎᑦᑎᕙᓪᓕᐊᔪᒪᓪᓗᑕ ᐊᑐᓕᖅᑎᑕᐅᓂᖓᓂ ᑲᑐᔾᔨᓗᑕ ᐊᑐᐃᓐᓇᐅᓗᓂ. ᐊᓕᐊᓇᐃᒍᓱᑦᑎᐊᖅᐳᖓ ᑐᓴᖅᑎᑦᑐᓐᓇᕋᒃᑭᑦ ᑖᒃᑯᓂᖓ ᐱᓕᕆᐊᕆᓯᒪᔭᑦᑎᓐᓂᒃ ᐊᕐᕌᒍᒥ ᓇᑉᐸᖓᓂᓪᓗ ᓯᕗᓕᖅᑎᓂᒃ," ᓯᕗᓕᖅᑎ ᐊᕿᐊᕈᖅ ᐅᖃᖅᐳᖅ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᕕᐅᓪᓗᐊᓕ 27, 2023) – ᓄᓇᕗᑦ ᒐᕙᒪᖓ ᐱᓕᕆᐊᖃᓪᓚᕆᒍᒪᕗᖅ ᓇᓗᓇᐃᖅᓯᓂᕐᒧᑦ ᐃᓄᐃᑦ ᐃᓱᒪᓕᐅᖅᑎᓗᐊᑕᐅᖁᓪᓗᒋᑦ ᓯᕗᓂᑦᓴᖓᓄᑦ ᓄᓇᕗᑦ.
ᐅᓄᖅᓯᒋᐊᖁᓪᓗᒋᑦ ᑭᒡᒐᖅᑐᐃᓂᐅᔪᑦ ᖁᑦᓯᑦᑐᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᒥᓂᔅᑕᐃᑦ ᑲᑎᒪᔨᖏᑦ ᐊᖏᖅᓯᓚᐅᖅᑐᑦ ᐊᑐᐊᒐᕐᒥᒃ ᐱᔪᓐᓇᖅᑎᑦᓯᔪᒥᒃ ᐱᓕᕆᕝᕕᓕᒫᓂᒃ ᑐᑦᑕᕐᕕᐅᔪᓂᓪᓗ ᑎᓕᓯᓗᑎᒃ ᒥᓂᔅᑕᐅᑉ ᑐᓪᓕᐊᑕ ᐃᑲᔪᖅᑎᖓᓂᒃ ᐊᕐᕌᒍᓄᑦ ᐱᖓᓱᓄᑦ ᑎᑭᓪᓗᒍ.
"ᓴᖅᑭᑎᑕᐅᓂᖓ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᐊᒃᓴᖏᑦ ᐃᖅᑲᓇᐃᔭᕐᕕᓕᒫᓂᒃ ᐊᕐᕌᒍᓄᑦ ᐱᖓᓱᓄᑦ ᑎᑭᓪᓗᒍ ᐊᒃᑐᐊᓂᖃᖅᑐᖅ ᑐᓂᓯᒪᑦᑎᐊᕐᓂᕐᒥᒃ ᑲᑐᔾᔨᖃᑎᒌᔾᔨᓗᑕ ᐱᓕᕆᐊᒃᓴᖓᓂ ᐱᓇᓱᒃᓗᑎᒃ ᑭᒡᒐᖅᑐᐃᓂᕐᒥᒃ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᕐᒥᒃ ᐱᔭᕆᐊᖃᖅᑎᑕᖅ ᑎᑎᕋᖅᓯᒪᔪᖅ 23 ᓄᓇᕗᒻᒥ ᐊᖏᕈᑎᒥᒃ,” ᐅᖃᖅᑐᖅ ᓯᕗᓕᖅᑎ ᐸᐅᓗᓯ. ᐊᕿᐊᕈᖅ. “ᓂᕆᐅᑉᐳᖓ ᑕᑯᒃᑲᓐᓂᕆᐊᑦᓴᖅ ᐱᓕᕆᕝᕕᓐᓂᒃ ᓴᖅᑭᑎᓪᓗᒋᑦ ᒥᓂᔅᑕᐅᑉ ᑐᓪᓕᒃᑲᓐᓂᖏᓐᓂᑦ ᓯᕗᓂᑦᓴᑦᑎᓐᓂᑦ ᓯᕗᓕᖅᑎᐅᓛᖅᑐᓂᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑎᓐᓄᑦ.”
ᐊᑐᓂ ᐱᓕᕆᖃᑕᐅᔪᑦ… ᐅᖃᓕᒫᒃᑲᓐᓂᕆᑦ.