ᐊᕐᕌᒍᑕᒫᑦ, ᑲᓇᑕᒥ ᓯᕗᓕᖅᑏᑦ, ᐃᑲᔪᖅᑐᐃᓪᓗᑎᒃ ᑲᓇᑕᒥ ᓯᕗᓕᖅᑏᑦ ᑲᑎᒪᔨᖏᓐᓂᑦ, ᐃᓚᐅᖃᑕᐅᒋᑦ ᖁᕕᐊᓲᑎᖃᕐᓂᕐᒥ ᐅᖃᓕᒫᕈᓐᓇᑦᑎᐊᕐᓂᕐᒧᑦ. ᐅᐱᒋᔪᒪᓪᓗᒋᑦ ᐃᑲᔪᖅᑐᐃᕙᒃᑐᑦ ᐅᖃᓕᒫᕈᓐᓇᑦᑎᐊᕐᓂᕐᒧᑦ ᓄᓇᕗᒻᒥ, ᓯᕗᓕᖅᑎ ᔮᓐ ᒪᐃᓐ ᐱᔪᒪᕗᖅ ᓂᕈᐊᒐᒃᓴᓂᑦ 2026−ᒥ ᐅᖃᓕᒫᕈᓐᓇᕐᓂᕐᒧᑦ ᑐᓐᓂᖅᑯᓯᐊᕐᒧᑦ.
ᑐᓂᕐᕈᓯᐊᖅ ᐅᐱᒍᓱᖕᓂᕐᒧᑦ ᐃᑲᔪᖅᑐᐃᔪᓂ ᑲᔪᖏᖅᓴᐃᓂᕐᒧᓪᓗ ᐊᓯᖏᓐᓂᒃ ᐃᓄᒃᑐᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᕈᓐᓇᖅᑐᓂ ᑎᑎᕋᕈᓐᓇᖅᑐᓂᒡᓗ − ᓂᐱᒃᑯᑦ, ᑎᑎᕋᐅᓯᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᕋᑦᓴᙳᖅᑎᑦᓯᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᓪᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᓯᓂᕐᒥᒃ ᐅᖃᓕᒫᕈᓐᓇᖅᑐᓂ ᑎᑎᕋᕈᓐᓇᖅᑐᓂᓪᓗ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓐᓂᐊᑎᑦᑎᔩᑦ, ᓄᓇᓕᓐᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᒥᑦ, ᐃᓐᓇᕐᒥ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ ᐅᔾᔨᕈᓱᑦᑎᑦᑎᔪᒥ ᐱᒻᒪᕆᐅᓂᖓᓂᒃ ᐃᓕᓐᓂᐊᕐᓂᖅ ᐊᑦᑐᐊᓂᖃᕐᓂᕐᒧᓪᓗ.
ᓵᓚᒃᓴᖅᑐᖅ ᐃᓕᓴᕆᔭᐅᓂᐊᖅᑐᖅ ᑐᓐᓂᔭᐅᓗᓂ ᐅᔭᒥᒃᑕᐅᓗᓂ ᐃᓕᓴᕆᔭᐅᔾᔪᑎᑖᕐᓗᓂᓗ ᓯᕗᓕᖅᑎ ᔮᓐ ᒪᐃᓐᒥ ᐅᑭᐊᒃᓵᖑᓕᖅᐸᑦ. ᐱᑎᑕᐅᓂᐊᕐᒥᔪᖅ $300 ᐃᑲᔫᑎᒃᓴᓂᑦ.
ᓂᕈᐊᕋᑦᓴᙳᖅᑎᑦᓯᓂᕐᒧᑦ ᑎᑎᕋᕆᐊᓕᒃ ᓇᓂᔭᐅᔪᓐᓇᖅᑐᖅ ᓯᕗᓕᖅᑎᐅᑉ ᐃᑭᐊᖅᑭᕕᖓᓂ.
ᐃᓱᓕᕝᕕᒃᓴᖓ ᓂᕈᐊᒐᒃᓴᓕᐅᕐᓂᕐᒧᑦ ᐋᒡᒌᓯ 14, 2026. ᑐᓐᓂᖅᑯᑎᒋᔪᓐᓇᖅᑕᑦ ᑕᑕᑎᕆᐊᓕᒃ ᐃᕐᖐᓐᓈᖅᑕᐅᒃᑯᑦ communications@gov.nu.ca.