ᓄᓇᕗᑦ ᒐᕙᒪᖓᑕ ᓇᖕᒥᓂᖅᓱᕐᓂᕐᒧᑦ ᑐᖅᑲᖅᑕᕐᕕᖓᑕ ᓇᖕᒥᓂᖅᓱᕐᓂᕐᒧᑦ ᐃᓕᓐᓂᐊᕈᑎᒃᓴᓄᑦ ᐃᑲᔫᑎ ᐃᑲᔪᖅᑐᐃᕙᒃᐳᖅ ᓄᓇᕗᒻᒥᐅᓂᒃ ᓄᓇᕗᒻᒥᓗ ᐃᓄᖕᓂᒃ ᐱᓇᔪᒃᑐᓂᒃ ᐃᓕᓐᓂᐊᕈᒪᓂᕐᒧᑦ ᐱᓕᕆᐊᒃᓴᓂᒃ ᐊᒃᑐᐊᓂᓕᖕᓂᒃ ᐃᖅᑲᓇᐃᔮᕆᔪᒪᔭᒥᓂᒃ ᐊᐅᓚᑦᑎᕝᕕᖃᕐᓂᕐᒥᒃ ᓄᓇᕗᒻᒥᐅᑦ ᓄᓇᖁᑎᖏᓐᓂᒃ, ᐃᒪᑦᑎᐊᕙᖏᓐᓂᒃ, ᐊᑐᖅᑕᐅᔪᓐᓇᖅᑐᓂᒡᓗ.
ᐃᓕᓐᓂᐊᕈᑎᒧᑦ ᐃᑲᔫᑎ ᒪᑐᐃᖓᔪᖅ ᓄᓇᕗᒻᒥ ᐃᓄᖕᓄᑦ ᐊᓯᖏᓐᓄᓪᓗ ᓄᓇᕗᒻᒥᐅᓄᑦ ᓄᓇᖃᖅᓯᒪᔪᓄᑦ ᐊᒃᓱᓪᓘᓐᓃᑦ ᐊᕐᕌᒍᒧᑦ ᐊᑕᐅᓯᕐᒧᑦ. ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐃᓕᓐᓂᐊᕈᑎᒃᓴᖅᑖᕈᓯᐊᖅ ᑐᕌᖓᑎᑕᐅᕗᖅ ᐃᖅᑲᓇᐃᔭᕐᕕᖕᒥ ᐱᑐᐃᓐᓇᕆᐊᖃᓕᒃᑲᓐᓂᖁᓪᓗᒋᑦ ᑕᐃᒪᐃᒻᒪᑦ ᐅᒃᑯᐃᖓᓪᓗᓂ − ᑭᓯᐊᓂ ᑭᒡᓕᖃᙱᖦᖢᓂ ᐅᑯᓄᖓ − ᐃᓕᓐᓂᐊᖅᑎᓄᑦ ᓇᖕᒥᓂᖅᓱᕐᓂᕐᒧᑦ−ᐊᒃᑐᐊᔪᓂᒃ ᐱᓕᕆᐊᒃᓴᓂᒃ:
- ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ, ᓄᓇᒥᒃ ᖃᐅᔨᓴᕐᓂᖅ, ᓄᓇᙳᐊᓕᕆᓂᕐᒧᑦ ᑐᑭᓯᒋᐊᕈᑎᑦ, ᐊᕙᑎᒥᒃ ᖃᐅᔨᓴᕐᓂᖅ, ᐱᕙᓪᓕᐊᔪᓕᕆᓂᖅ (ᐊᑐᒐᒃᓴᑦ), ᐊᕙᑎᓕᕆᓂᕐᒧᑦ ᐊᑐᐊᒐᖅ ᐊᒻᒪ ᒐᕙᒪᓕᕆᓂᕐᒧᑦ ᖃᐅᔨᓴᕐᓂᖅ.
ᐱᓇᔪᒍᒪᒍᕕᑦ, ᐅᑯᐊ ᓇᒃᓯᐅᑎᓗᒋᑦ ᓇᖕᒥᓂᖅᓱᕐᓂᕐᒧᑦ ᑎᑎᕋᕐᕕᖕᒧᑦ ᐅᕗᖓ Namminiqsurniq@gov.nu.ca:
- ᐱᔭᕇᖅᓯᒪᔪᖅ ᑐᒃᓯᕋᐅᑎ ᑕᑕᑎᕆᐊᓕᒃ.
- ᓇᓗᓇᐃᖅᑕᐅᓗᓂ ᐊᑎᓕᐅᖅᑕᐅᖃᑕᐅᓂᐊᕐᓂᖓᓂᒃ ᑎᑎᕋᕐᕕᖓᓂ ᑎᑎᖅᑭᕆᔨᒥᑦ ᐃᓕᑕᕆᔭᐅᓯᒪᔪᒥᒃ ᓯᓚᑦᑐᖅᓴᕐᕕᖕᒥ, ᐃᓚᓕᐅᔾᔭᐅᓗᓂ ᐃᓕᓐᓂᐊᒐᒃᓴᖅ ᐊᒻᒪ ᐊᕐᕌᒍᖓ ᐃᓕᓐᓂᐊᕐᓇᒥ.
- ᓄᓇᕗᒻᒥ ᐊᖏᕈᑎᒧᑦ ᐃᓚᒋᔭᐅᓂᕐᓂᒃ ᓇᓗᓇᐃᒃᑯᑕᕐᒥᒃ ᐅᕝᕙᓘᓐᓃᑦ ᓄᓇᕗᒻᒥᐅᑕᐅᓂᕐᓂᒃ ᓇᓗᓇᐃᖅᓯᔾᔪᑎᒥᒃ.
- 250-ᒥᑦ 500-ᒧᑦ ᐅᖃᐅᓯᕐᓂᒃ ᑐᓂᓯᓗᑎᒃ ᓇᓗᓇᐃᔭᐃᓯᒪᓗᑎᒃ ᖃᓄᐃᒻᒪᑦ ᐱᓇᔪᒃᑐᖅ ᓂᕈᐊᓚᐅᕐᒪᖔᑦ ᐱᓕᕆᐊᒃᓴᒥᓂᒃ ᐃᓕᓐᓂᐊᕈᒪᔭᒥᓂᒃ, ᐃᑲᔫᑎᒋᓂᐊᖅᑕᖏᓐᓂᒃ ᓂᕆᐅᒋᔭᖏᓐᓂᒃ ᓄᓇᕗᑦ ᒐᕙᒪᖓᑕ ᓯᐊᒻᒪᒃᑎᕆᕙᓪᓕᐊᓂᖓᓄᑦ, ᓄᓇᕗᒻᒥᓗ ᓄᓇᓕᒋᔭᒥᓂ ᐃᓕᓐᓂᐊᖅᑕᒥᓂᒃ ᐃᓱᓕᑦᑎᓚᐅᖅᑎᓪᓗᒋᑦ, ᐃᓚᒋᔭᐅᓗᓂ ᖃᖓ ᐃᓕᓐᓂᐊᖅᑕᒥᓂᒃ ᐱᐊᓂᒃᓯᓂᐊᕋᓱᒋᖕᒪᖔᑕ.
ᐃᓱᓕᕕᒃᓴᓕᒃ ᔫᓂ 30. ᐱᓇᔪᒃᑐᑦ ᑐᓴᖅᑎᑕᐅᓛᖅᑐᑦ ᓂᕈᐊᖅᑎᑦ ᑲᑎᒪᔨᕋᓛᑦ ᐃᓱᒪᓕᐊᕆᔭᖏᓐᓂᒃ ᔪᓚᐃ 31−ᒥ. ᐱᓇᔪᒃᑐᑦ ᑐᓴᖅᑎᑕᐅᓛᖅᑐᑦ ᕿᒥᕐᕈᔭᐅᓂᖏᓐᓂᒃ ᐃᕐᖐᓐᓈᖅᑕᐅᒃᑯᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᙵᐅᓗᑎᑦ ᓇᒻᒥᓂᖅᓱᕐᓂᖅ ᐃᓕᓐᓂᐊᕈᑎᒃᓴᓄᑦ ᐃᑭᐊᖅᑭᕕᒃ.