ᐊᓱᐃᓛᒃ ᐊᓂᒍᐃᕗᒍᑦ! ᐱᑐᐃᓐᓇᕆᐊᖃᓕᖅᐳᒍᑦ.
ᐃᓄᒃᑎᑐᑦ
ᓄᓇᕗᑦ, ᐱᔾᔪᑎᒃᓴᕗᑦ, ᐃᓄᖁᑎᑦᑎᓐᓄᑦ ᐱᓯᒪᔭᐅᓗᑎᒃ.
ᓄᓇᕗᑦ, ᐱᔾᔪᑎᒃᓴᕗᑦ, ᐃᓄᖁᑎᑦᑎᓐᓄᑦ ᐱᓯᒪᔭᐅᓗᑎᒃ.
ᐃᓄᒃᑎᑐᑦ
ᓇᖕᒥᓂᖅᓱᕐᓂᖅ, ᑕᐅᑐᖅᑰᖅᑕᑦᑎᓐᓂ ᓴᖅᑭᑎᑦᑎᓂᐅᕗᖅ ᓇᖕᒥᓂᖅ−ᐱᓕᕆᔪᓐᓇᕐᓂᕐᒥᒃ ᓄᓇᕗᒻᒥ. ᑖᓐᓇ ᐃᓚᒋᔭᐅᓪᓚᕆᒃᐳᖅ ᓄᓇᕗᒻᒥ ᐅᓂᒃᑳᕆᔭᐅᔪᒥ.
ᐊᓱᐃᓛᒃ ᐊᓂᒍᐃᕗᒍᑦ!
ᓯᕗᓪᓕᕐᒥ, ᓇᓗᓇᐃᖅᓯᔪᒪᔪᖓ: ᑲᓇᑕᐅᑉ ᐊᖓᔪᖅᑳᕐᔪᐊᖓ, ᔭᔅᑎᑦ ᑐᕉᑑ, ᓄᓇᕗᑦ ᑐᙵᕕᒃᑯᑦ, ᐊᖓᔪᖅᑳᖓ ᐊᓗᑭ ᑰᑦᑎᖅ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ, ᑖᓐ ᕚᓐᑖᓪ, ᐊᒻᒪᓗᑦᑕᐅᖅ ᐊᓯᓕᒫᖏᑦ ᓯᕗᓕᖅᑎᐅᓚᐅᖅᓯᒪᔪᑦ ᑲᒥᓯᓇᐅᓚᐅᖅᑐᓪᓗ ᓄᓇᕗᒻᒥ ᐊᖓᔪᖅᑲᐅᑏᓪᓗ ᐅᕙᑦᑎᓐᓂᒃ ᐃᓚᐅᔪᑦ ᑖᔅᓱᒥᖓ ᐱᒻᒪᕆᐊᓗᖕᒥᑦ.
ᐃᓄᒃᑎᑐᑦ: ᑐᙵᓱᖁᑦᑎᐊᖅᐸᒃᑲ ᐊᑎᓕᐅᖃᑕᐅᓂᐊᖅᑐᑦ ᓄᓇᕗᒻᒥ ᐊᖏᕈᑎᖓ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖓ, ᒪᓕᒐᓕᐅᖅᑎᓪᓗ ᓄᓇᕗᒻᒥ.
ᐊᑕᐅᑦᑎᒃᑯᑦ ᐱᒻᒪᕆᐊᓗᖕᒥᒃ ᐱᓕᕆᕗᒍᑦ.
ᐃᓄᒃᑎᑐᑦ: ᐊᔪᕆᖅᓲᔾᔭᐅᓪᓗᑎᒃ ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ ᑐᙵᕕᖏᓐᓂᒃ.… ᐅᖃᓕᒫᒃᑲᓐᓂᕆᑦ.
ᔪᓚᐃ 12, 2023
ᐃᖃᓗᐃᑦ, ᓄᓇᕗᑦ
ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐊᒻᒪ ᓯᕗᓕᖅᑎᐅᑉ ᑐᒡᓕᐊ ᐹᒥᓚ ᕼᐊᑯᖓᒃ ᒍᕉᔅ ᓴᖅᑭᑦᑎᖅᑲᐅᕘᒃ ᐅᑯᓂᖓ ᑲᑐᔾᔨᓪᓗᑎᒃ ᐅᖃᐅᓯᒃᓴᓂᒃ ᐃᓕᓴᕆᔭᐅᓪᓗᑎᒃ ᒥᐊᓕᒐᐃᑦ ᐳᓛᕆᐊᓚᐅᕐᓂᖏᑦ ᑭᒡᒐᖅᑐᖅᑎᒻᒪᕆᖓᓐᓂ ᑲᓇᑕᒥ, ᒪᓕᒐᓕᐅᖅᑎ ᑕᐃᕕᑦ ᑰᕼᐊᓐ:
"ᖁᔭᓕᔪᒪᑦᑎᐊᖅᐸᕗᑦ ᒥᐊᓕᒐᕐᒥᐅᑦ ᑭᒡᒐᖅᑐᖅᑎᖓᑦ ᑲᓇᑕᒧᑦ ᓂᐅᕐᕈᓚᐅᕐᓂᖓᓄᑦ ᓄᓇᕗᒻᒧᑦ ᔪᓚᐃ 9-ᒥᑦ 12-ᒧᑦ, 2023−ᒥ. ᒪᓕᒐᓕᐅᖅᑎ ᑕᐃᕕᑦ L. ᑰᐊᓐ ᓄᓕᐊᖓᓗ ᕌᓐᑕ ᐊᒃᓱᕈᖅᑐᒻᒪᕆᐅᓚᐅᖅᐳᑦ ᑲᑎᖃᑎᖃᖅᖢᑎᒃ ᓄᓇᕗᒥᐅᓂᒃ ᑐᑭᓯᖁᓪᓗᒋᑦ ᐊᔾᔨᐅᙱᓐᓂᖏᓐᓂᑦ ᓄᓇᓕᕗᑦ.
ᑕᒪᓐᓇ ᐳᓛᕆᐊᕐᓂᕆᔭᐅᔪᖅ ᑕᑯᑎᑦᑎᕗᖅ ᓴᙱᒃᑎᒋᐊᖅᓯᒪᓕᖅᑐᒥᒃ ᐱᓕᕆᖃᑎᒌᒃᐸᖕᓂᖏᓐᓂᒃ ᓄᓇᕗᒥᐅᑦ ᐊᒻᒪᓗ ᒥᐊᓕᒐᕐᒥᐅᑦ, ᑕᒪᓐᓇᓗ ᑲᔪᓯᑎᑦᑎᓂᐊᖅᖢᓂ ᐊᖏᒡᓕᒋᐊᖅᓯᒪᔪᒥᒃ ᐱᓕᕆᖃᑎᒌᖕᓂᕐᒥᒃ ᐅᑭᐅᖅᑕᖅᑐᒥ. ᓴᙱᔪᒥᑦ ᑲᑎᙵᓂᖃᖅᑐᒍᑦ ᒪᕐᕉᒃ ᐊᕕᒃᑐᖅᓯᒪᔫᖕᓂᑦ, ᐱᔪᒪᓂᖃᖅᓯᒪᓪᓗᑕᓗ ᐊᕙᑎᖏᓐᓂᑦ ᓲᕐᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᑦ, ᓇᖕᒥᓂᖃᕐᓂᕐᒥᑦ ᓴᐳᔾᔨᓂᕐᒥᓪᓗ,… ᐅᖃᓕᒫᒃᑲᓐᓂᕆᑦ.
ᔪᓚᐃ 7−ᒥ 9−ᒧᑦ, 2023
ᓄᓇᕗᓕᒫᒧᑦ
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ ᐃᓕᓴᖅᓯᓂᕐᒧᑦ ᓄᓇᕗᒻᒥᑦ ᕿᑲᕐᓇᒥ:
"ᖁᕕᐊᓲᑎᖃᖅᑎᓪᓗᑕ ᓄᓇᕗᑦ ᐅᓪᓗᖓᓂᒃ ᐊᒻᒪ 30−ᓂᒃ ᐊᕐᕌᒍᖃᓕᖅᑎᓪᓗᒍ ᓄᓇᕗᑦ ᐊᖏᕈᑎᖓ, ᓄᓇᕗᒻᒥᐅᓕᒫᑦ ᐅᖃᐅᑎᔪᒪᕙᒃᑲ ᖁᔭᓕᑦᑎᐊᕋᒪ ᐱᓇᔪᖃᑦᑕᕋᔅᓯ ᓄᓇᕗᑦ ᓴᙱᑦᑎᒃᑲᓐᓂᖁᓪᓗᒍ ᐊᒻᒪ ᐊᑕᐅᓯᐅᖃᑎᒌᖕᓂᖅᓴᐅᖁᓪᓗᒍ. ᓯᕗᒻᒧᐊᒃᑐᒻᒪᕆᐅᕗᒍᑦ ᐊᓯᔾᔩᕙᓪᓕᐊᓂᕐᒥᑦ ᑕᐅᑐᙳᐊᖅᑕᑦᑎᓐᓂᑦ ᓄᓇᕗᒻᒧᑦ.
ᐱᔾᔪᑎᒋᓪᓗᒍ ᑲᑐᔾᔨᓗᑕ, ᑐᙵᓱᒃᑎᑉᐸᔅᓯ ᖁᕕᐊᓲᑎᖃᖅᑎᓪᓗᑕ ᐃᓕᖅᑯᓯᑦᑎᓐᓂᒃ, ᐅᖃᐅᓯᑦᑎᓐᓂᒃ, ᐊᒻᒪ ᓴᐱᓕᖅᓴᕋᐃᙱᓐᓂᖏᓐᓂᒃ ᓄᓇᓕᒃᐳᑦ. ᑕᒪᑐᒪᓂ ᐊᕐᕌᒍᒥ ᓇᓗᓇᐃᖅᓯᖕᒪᑦ 30−ᓂᒃ ᐅᑭᐅᓂᒃ ᑲᔪᓯᑎᑕᐅᔪᓂᒃ ᑕᐃᒪᙵᑦ ᓄᓇᕗᒻᒥ ᐊᖏᖃᑎᒌᒍᑎᓄᑦ ᐱᖁᔭᖅ ᐊᒻᒪ ᓄᓇᕗᒻᒥ ᐱᖁᔭᖅ ᐊᓂᒍᖅᑎᑕᐅᓚᐅᖅᑎᓪᓗᒋᑦ ᒪᓕᒐᓕᐅᕐᕕᒡᔪᐊᕐᒥ ᔪᓚᐃ 9, 1993-ᒥ.
ᐃᓕᑕᕆᔪᒪᖕᒥᔭᒃᑲ ᓯᕗᓕᖅᑏᑦ ᐋᔩᖃᑎᒌᒃᐸᓚᐅᖅᑐᑦ ᓄᓇᑖᕋᓱᒃᑎᓪᓗᑕ, ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐱᓕᕆᐊᖃᓚᐅᕐᓂᖏᓐᓄᑦ ᓴᖅᑭᑎᑦᑎᓂᕐᒥᒃ… ᐅᖃᓕᒫᒃᑲᓐᓂᕆᑦ.
ᔫᓂ 6, 2023
ᐃᖃᓗᐃᑦ, ᓄᓇᕗᑦ
ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐅᓪᓗᒥ, ᐊᓕᐊᓇᐃᒍᓱᖅᑲᐅᕗᖓ ᐅᖃᐅᓯᖃᕆᐊᒃᓴᖅ ᐱᒻᒪᕆᐅᔪᓂᒃ ᐅᑭᐅᖅᑕᖅᑐᒥᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐱᓕᕆᖃᑎᒌᓂᒃ, ᐊᕐᕌᒍᑕᒫᑦ ᐱᓕᕆᐊᖑᖃᑦᑕᖅᓯᒪᔪᖅ ᑕᒪᑐᒪᓂ ᐊᕐᕌᒍᒥᑦ ᐃᖃᓗᖕᓂᑦ ᐱᓕᕆᐊᖑᓂᐊᖅᑐᖅ ᔫᓂ 6−ᒥᑦ 7−ᒥᓪᓗ. ᓄᓇᕗᑦ ᒐᕙᒪᒃᑯᑦ ᑲᑎᒪᑎᑦᑎᓂᐊᖅᑐᑦ ᑲᑐᔾᔨᖃᑎᖃᕐᓗᑎᒃ ᐱᓕᕆᐊᒃᓴᓕᕆᔨᓂᒃ ᐅᑭᐅᖅᑕᖅᑐᒥ.
"ᑲᑎᒪᑎᓪᓗᒋᑦ ᑲᑎᒪᔾᔪᑎᖃᕐᓂᐊᖅᑐᑦ ᐱᕐᔪᐊᑦ ᐊᐅᓚᔪᓐᓇᐅᑎᓂᒃ: ᐅᑭᐅᖅᑕᖅᑐᒥ ᐃᓱᒪᒋᔭᐅᓯᒪᔪᑦ ᐊᒻᒪ ᓯᕗᓪᓕᐅᑎᔪᒪᔭᖏᑦ. ᐅᓪᓘᖕᓄᑦ ᒪᕐᕉᖕᓄᑦ, ᓄᓇᕗᒻᒥ ᐱᓕᕆᔩᑦ ᓯᕗᓕᖅᑎᒋᔭᐅᕗᑦ ᓯᕗᓪᓕᐅᑎᔭᕆᐊᓕᖕᓂᒃ ᐅᑯᓂᖓᓗ ᖃᕆᑕᐅᔭᒃᑯᑦ−ᐊᑦᑕᕐᓇᖅᑐᒦᑦᑕᐃᓕᓂᖅ, ᓯᓚ ᐊᓯᔾᔨᖅᐸᓪᓕᐊᓂᖓ, ᐊᒻᒪ ᐆᒻᒪᖅᑯᑎᓂᒃ ᐊᐅᓚᐅᑎᖃᕐᓂᖅ. ᐱᓕᕆᖃᑎᒌᒃᑐᑦ ᖃᐅᔨᓴᕐᓂᐊᕐᒥᔪᑦ ᓄᓇᕗᑦ ᒐᕙᒪᒃᑯᑦ ᑐᐊᕕᕐᓇᖅᑐᓕᕆᓂᕐᒧᑦ ᑭᐅᔾᔪᑎᖏᓐᓂᒃ 2021-ᒥ ᐃᖃᓗᖕᓂ ᐃᒪᕐᒥᒃ ᓱᕈᕐᓇᖅᑐᖃᓚᐅᖅᑐᒧᑦ.
"ᐅᖃᖃᑎᒌᒍᑕᐅᔪᑦ ᐅᑭᐅᖅᑕᖅᑐᒥ… ᐅᖃᓕᒫᒃᑲᓐᓂᕆᑦ.
ᒪᐃ 30, 2023
ᓇᓗᓇᐃᕈᑎ
ᓯᕗᓕᖅᑎ ᑭᐅᔪᖅ ᑕᒻᒪᖅᓯᒪᔪᖅᓯᐅᖅᑎᐅᑉ ᐅᓂᒃᑳᓕᐊᒥᓂᖏᓐᓄᑦ
ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᓴᖅᑭᖅᑎᑦᓯᖅᑲᐅᔪᖅ ᐅᑯᓂᖓ ᓇᓗᓇᐃᕈᑎᒥᒃ ᑭᐅᔾᔪᑎᖃᖅᑐᓂ ᐅᓂᒃᑳᓕᐊᒥᓂᖏᓐᓄᑦ ᑲᓇᑕᒥ ᑕᒻᒪᖅᓯᒪᔪᖅᓯᐅᖅᑎᐅᑉ ᐊᑎᓕᒃ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᓯᕋᐅᑏᑦ ᓄᓇᕗᒻᒥ ᐊᒻᒪᓗ ᓄᕙᔾᔪᐊᕐᓇᖅ 19 ᑲᐴᑎᓂᒃ ᓯᐊᕐᒪᖅᑎᑦᓯᕙᓪᓕᐊᓯᒪᓂᖏᑦ ᓄᓇᕗᒻᒥ:
“ᒐᕙᒪᒃᑯᑦ ᓇᓗᓇᐃᖅᓯᔪᑦ ᐊᖏᕈᑎᖃᖅᑐᑎᓪᓗ ᑕᒻᒪᖅᓯᒪᔪᖅᓯᐅᖅᑎ ᑭᐅᕋᓐ ᕼᐅᒐᓐ ᖃᐅᔨᔭᒥᓂᖏᓐᓂᒃ.
ᓱᕈᓰᑦ ᓯᕗᓂᑦᓴᕆᒐᑦᑎᒍ ᓄᓇᕗᒻᒥ. ᓯᕗᓕᖅᑎᐅᓪᓗᖓ, ᐊᑖᑕᒋᔭᐅᓪᓗᖓ, ᖁᓅᒻᒥᕈᑎᖃᒻᒪᕆᑦᑐᖓ ᐅᓂᒃᑳᓕᐊᒥᓂᖓᓂᒃ ᓇᓗᓇᐃᖅᓯᒍᑕᐅᔪᒥᒃ ᐊᐅᓚᑕᐅᖃᑦᑕᕐᓂᖏᓐᓂᒃ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᓯᕋᐅᑎᐅᔪᑦ ᓄᓇᕗᒻᒥ ᑐᐊᕕᕐᓇᖅᑐᒃᑯᑦ ᐃᓱᒫᓗᓐᓇᓗᐊᓕᖅᓯᒪᓂᖓᓂᒃ.
ᑭᐅᔾᔪᑎᕗᑦ ᕿᓚᒥᐅᔪᒃᑰᕆᐊᓖᑦ. ᐊᑕᖏᖅᑐᒃᑯᑦ ᐃᑲᔪᖅᓱᖅᑕᐅᓗᑎᒃ ᒥᓂᔅᑕᐅᖃᑎᒌᓄᑦ, ᒐᕙᒪᒋᔭᕗᑦ ᐊᑐᐃᓐᓇᕈᖅᑎᑦᓯᓂᐊᖅᑐᑦ ᐱᓕᕆᔾᔪᑎᑦᓴᓂᒃ ᐃᓄᓕᕆᔨᒃᑯᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᐃᖅᑲᓇᐃᔭᖅᑐᓕᕆᔨᒃᑯᓪᓗ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᖃᐅᓯᒃᓴᒥᑦ ᖁᕕᐊᓲᑎᒋᓗᒍ ᐃᓐᓇᐅᑉ ᐃᓅᓯᖓ ᑑᓇᑦ ᒥᓗᖅᑐᖅ ᐱᓕᕆᐊᕆᓚᐅᖅᑕᖓᓗ ᓄᓇᕗᑦ ᓴᖅᑭᑕᐅᑎᓪᓗᒍ:
"ᓇᐅᔮᒨᓚᐅᖅᑎᓪᓗᖓ, ᐃᓕᓴᕆᔪᒪᕙᕋ ᑑᓇᑦ ᒥᓗᖅᑐᖅ ᐱᓕᕆᐊᖃᓪᓚᕆᓚᐅᕐᓂᖓᓄᑦ ᓄᓇᕗᑦ ᓄᓇᓕᖓᑕ ᓴᖅᑭᑕᐅᓂᖓᓂ ᐋᔩᖃᑎᒌᒃᑎᐅᓪᓗᓂ ᐊᒻᒪ ᐊᑎᓕᐅᖅᑎᐅᓪᓗᓂ ᓄᓇᕗᒻᒥ ᐊᖏᕈᑎᒧᑦ.
ᑑᓇᑦ ᐱᒋᐊᖅᑎᑦᑎᔨᐅᓚᐅᖅᐳᖅ ᐊᖓᔪᖅᑳᖑᓯᒪᓪᓗᓂᓗ ᑐᙵᕕᒃᑯᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ, ᒫᓐᓇ ᖃᐅᔨᒪᓕᖅᖢᑎᒍᓪᓗ ᓄᓇᕗᑦ ᑐᙵᕕᒃᑯᓐᓂ. (ᓄᓇᕗᑦ ᑐᙵᕕᒃᑯᑦ ᑎᒥᖓᑦ) ᓂᕈᐊᖅᑕᐅᓯᒪᓪᓗᖓ ᓯᕗᓕᖅᑎᐅᓪᓗᖓ, ᐱᔪᒃᓯᑎᑦᑎᑦᑎᐊᖅᐳᖓ ᑑᓇᑦᒥᑦ, ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐅᓄᖅᑐᓂᒃ ᐊᒃᓱᕈᕐᓇᖅᑐᓂᒃ ᐊᓂᒍᐃᑎᑦᑎᓚᐅᖅᑐᑦ ᓴᖅᑭᑎᑦᑎᓇᓱᒃᖢᑎᒃ ᐱᐅᓂᖅᓴᒥᒃ ᓄᓇᕘᒥ ᑭᖑᕚᒃᓴᑦᑎᓐᓄᑦ.
ᑭᖑᓂᒃᑲᓐᓂᐊᒍᓪᓘᓐᓃᑦ, ᑑᓇᑦ ᑭᒡᒐᖅᑐᐃᖏᓐᓇᓚᐅᖅᑐᖅ ᐃᓄᐃᑦ ᓄᓇᖓᓂᑦ ᐊᖑᓇᓱᒍᓐᓇᕐᓂᕐᒧᓪᓗ ᐱᔪᓐᓇᐅᑎᖏᓐᓂᑦ. ᐅᐱᒍᓱᑦᑎᐊᖅᐳᖓ ᐃᓚᒥᓂᒃ ᑲᑎᖃᑎᖃᕈᓐᓇᓚᐅᕋᒪ ᖁᔭᒋᑦᑎᐊᖅᐸᒃᑲᓗ ᓇᒡᓕᒋᔭᖏᑦ ᐃᓅᔪᓐᓃᓚᐅᕐᓂᖏᓐᓄᑦ ᐊᐃᕐᕆᓕ 26-ᒥ.… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᖃᐅᓯᒃᓴᒥᑦ ᑭᐅᓪᓗᓂ ᐊᖏᖃᑎᒌᒃᑎᑦᑎᓇᓱᒃᑎᓄᑦ ᐃᓱᒪᓕᐊᖑᓚᐅᖅᑐᒥᒃ ᐅᖃᓕᒫᖅᓯᒪᔪᒥᑦ 23−ᒥᑦ ᐱᔾᔪᑎᓕᒃ ᐃᓄᐃᑦ ᐃᖅᑲᓇᐃᔭᖕᓂᖏᑦ ᒐᕙᒪᒃᑯᓐᓂᑦ:
“ᓄᓇᕗᑦ ᒐᕙᒪᖓ (GN) ᐱᔪᒪᓂᖃᑦᑎᐊᖅᐳᑦ ᐱᕙᓪᓕᐊᑎᑦᑎᔪᒪᓪᓗᑎᑦ ᐃᖅᑲᓇᐃᔭᖅᑎᔅᓴᖃᕐᓂᕐᒥᑦ ᑭᒡᒐᖅᑐᐃᔪᓐᓇᑦᑎᐊᖁᓪᓗᒋᑦ ᓄᓇᕗᑦ ᐃᓄᒋᐊᓐᓂᖏᑦ ᒪᓕᓪᓗᒋᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᑦ, ᐅᖃᖅᓯᒪᓂᖓ ᒪᓕᓪᓗᒍ ᑎᑎᕋᖅᓯᒪᔪᖅ 23ᒥᑦ ᓄᓇᕗᒻᒥ ᐊᖏᕈᑎᒥᒃ. ᐱᓕᕆᖃᑎᖃᐃᓐᓇᖅᐳᒍᑦ ᓄᓇᕗᑦ ᑐᙵᕕᒃᑯᓐᓂᒃ. ᓄᓇᕗᑦ ᑐᙵᕕᒃᑯᑦ ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ ᑐᕌᒐᒃᓴᕗᑦ ᓯᕗᒻᒧᐊᒃᑲᓐᓂᖁᓪᓗᒋᑦ ᑕᒪᑐᒧᖓ.
ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᕙᓪᓕᐊᖏᓐᓇᕐᓂᐊᖅᐳᑦ ᐊᑐᓕᖅᑎᑦᑎᕙᒡᓗᑎᒡᓗ ᓇᓗᓇᐃᖅᓯᒪᔪᓂᒃ, ᓇᓗᓇᐃᖅᓯᒪᔪᓂᒃ, ᐊᒻᒪ ᐱᓇᔪᒍᑕᐅᔪᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐸᕐᓇᐅᑎᓂᒃ ᑐᕌᒐᖃᖅᑐᓂᒃ ᐅᓄᖅᓯᕚᓪᓕᖅᑎᖦᖢᒋᑦ ᐃᓄᐃᑦ ᐃᓚᐅᖃᑦᑕᖅᑐᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓄᑦ ᑭᒡᒐᖅᑐᐃᔪᓄᑦ.
ᐃᑲᔪᖅᑐᕐᓂᐊᕐᓗᒋᑦ ᑖᒃᑯᐊ ᐸᕐᓇᐅᑎᑦ, ᒐᕙᒪᕗᑦ… ᐅᖃᓕᒫᒃᑲᓐᓂᕆᑦ.
ᐃᑉᐸᑦᓴᖓᓂ ᑭᖕᕈᖅᑎᑕᐅᓛᖅᑎᓪᓗᒍ, ᓯᕗᓕᖅᑎ ᐱᔭᐃ ᐊᕿᐊᕈᖅ ᐅᓪᓗᒥ ᐆᒥᖓ ᓇᓗᓇᐃᖅᓯᒍᑎᖃᖅᑲᐅᔪᖅ:
“ᐱᒃᑯᒋᕙᒌᖅᐸᒋᑦ ᑭᖕ ᓵᓕ III ᓄᓕᐊᖓᓗ ᑯᐃᓐᓇᖅ ᑲᒥᓇ ᐊᖏᖅᑎᑕᐅᓂᐊᖅᑎᓪᓗᒋᒃ.
ᑭᖕ ᓄᓕᐊᖓᓗ ᓂᐅᕐᕈᓚᐅᖅᓯᒪᔫᒃ ᐃᖃᓗᓐᓄ 2017-ᒥ, ᓂᕆᐅᑦᓯᐊᖅᑐᑕᓗ ᑭᖑᓪᓕᕐᒥ ᑐᙵᓱᑦᑎᒃᑲᓐᓂᓛᕋᑦᑎᒍ ᓄᓇᕗᒻᒧᑦ.
ᐃᑲᔪᖅᓱᖅᑕᕗᑦ ᑭᖕ ᑐᕌᒐᖏᑦ ᐃᓱᒫᓗᓐᓇᖅᑐᓄᑦ ᑐᕌᖓᔪᓄᑦ ᓄᓇᕗᒻᒥ, ᐃᓚᒋᔭᐅᓪᓗᓂ ᓴᐃᒻᒪᖃᑎᒌᑉᐸᓪᓕᐊᓂᕐᒧᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓄᑦ.
ᓄᓇᕗᑦ ᒐᕙᒪᒃᑯᖏᑦ ᐱᓕᕆᐊᑦᓴᖃᖅᑎᐅᓪᓗᑎᒃ ᒐᕙᒪᐅᔪᑦ ᐱᒍᔾᔨᓪᓗᑎᒃ ᑭᖕᒧᑦ. ᐊᑕᖏᖅᑐᒥᒃ ᐃᑲᔪᖅᓱᖅᑕᕗᑦ ᐱᖃᓐᓇᕆᔭᕗᑦ, ᑭᖕ ᑭᒡᒐᖅᑐᖅᑎᖓ ᒥᐊᕆ ᓴᐃᒪᓐ, ᑭᖕ ᑭᒡᒐᖅᑐᖅᑎᒋᓂᐊᓕᕐᖓᐅᒃ ᑲᓇᑕᒥ. ᐅᓪᓗᒥ, ᖁᔭᓐᓇᒦᕐᒥᔭᕗᑦ ᑲᒥᓯᓇ ᐄᕙ ᐋᕆᐊᒃ ᐱᔨᑦᓯᕋᐃᓐᓇᕐᓂᖓᓄᑦ ᓄᓇᕗᒻᒧᑦ ᓂᐊᖁᕆᔭᐅᑎᓪᓗᒍ.”
ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐅᓪᓗᒥ, ᒪᓕᒐᓕᐅᖅᑎ ᖃᒪᓂ'ᑐᐊᕐᒧᑦ, ᑯᕋᐃᒡ ᓯᒪᐃᓚᒃ, ᓄᖅᑲᖅᑲᐅᖕᒪᑦ ᓯᕗᓕᖅᑏᑦ ᑲᑎᒪᔨᖏᓐᓂᑦ. ᖁᔭᒋᔪᒪᔭᕋ ᐱᔨᑦᑎᕋᖅᑎᐅᓚᐅᕐᓂᖓᓄᑦ ᒥᓂᔅᑕᐅᓪᓗᓂ ᒪᕐᕉᓐᓄᑦ ᐱᒻᒪᕆᐅᔫᖕᓄᑦ ᐱᓕᕆᐊᒃᓴᖃᖅᖢᓂ.
ᐊᑐᓚᐅᐱᓪᓚᖕᓂᐊᖅᑐᓂ, ᐱᓕᕆᐊᒃᓴᑦ ᐊᓯᔾᔨᕐᓂᖏᑦ ᐅᑯᐊᖑᕗᑦ:
ᒥᓂᔅᑕ ᑕᐃᕕᑦ ᐊᕿᐊᕈᖅ ᐃᒪᐃᑦᑐᕆᔭᐅᓂᐊᖅᑐᖅ:
ᒥᓂᔅᑕ ᒪᓕᒐᓕᕆᔨᒃᑯᓐᓄᑦ.
ᒥᓂᔅᑕ ᐃᖅᑲᓇᐃᔭᖅᑎᓄᑦ.
ᒥᓂᔅᑕ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔨᓄᑦ.
ᒥᓂᔅᑕ ᖁᐊᓴ ᑯᓱᒐᖅ ᐃᒪᐃᓕᐅᖅᑎᐅᓕᕐᓗᓂ:
ᒥᓂᔅᑕ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ.
ᓯᕗᓕᖅᑎᐅᑎᓪᓗᖓ, ᐃᒪᐃᓕᐅᕐᓂᐊᖅᐳᖓ:
ᒥᓂᔅᑕᕆᔭᐅᓂᐊᖅᐳᖓ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.
ᑲᑑᔾᔨᓗᑕ ᐱᓕᕆᐊᒃᓴᑦ ᐱᒋᐊᖅᑎᑦᑎᓚᐅᖅᓯᒪᖕᒪᑕ ᐱᓕᕆᖃᑎᖃᖅᖢᑎᒃ ᐃᓚᒋᔭᐅᔪᓕᒫᓂᒃ ᐊᖏᖃᑎᒌᓐᓂᒃᑯᑦ ᒐᕙᒪᖃᖅᑎᓪᓗᑕ. ᐅᒃᐱᕈᓱᒃᐳᖓ ᐱᓕᕆᖃᑎᒌᖏᓐᓇᕈᓐᓇᕐᓂᑦᑎᓐᓂᒃ ᓄᓇᕗᑦ ᐱᔨᑦᑎᕐᓗᒍ."
ᓄᓇᕗᒻᒥ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐋᔩᖃᑎᖃᖅᐸᓪᓕᐊᖏᓐᓇᖅᑎᓪᓗᒋᑦ ᑲᓇᑕᒥ, ᒐᕙᒪᒃᑯᑦ ᓄᓇᕗᒻᒥ ᑭᒡᒐᖅᑐᐃᕗᑦ ᐅᓄᖅᓯᒋᐊᖁᔨᓪᓗᑎᒃ ᐊᑐᕈᓐᓇᑦᑎᐊᖅᑐᓂᑦ ᑕᑎᒋᔭᐅᔪᓐᓇᖅᑐᓂᒃ ᐋᓐᓂᐊᖅᑐᓕᕆᓂᕐᒥᑦ ᓄᓇᕗᒻᒥᐅᓄᑦ.
"ᕕᐅᓪᓗᐊᓕ 15-ᖑᑎᓪᓗᒍ, ᑐᙵᓱᑦᑎᓚᐅᖅᐸᕋ ᐃᖃᓗᓐᓄᑦ ᒐᕙᒪᑐᖃᒃᑯᑦ ᒥᓂᔅᑕᖓᑦ ᒐᕙᒪᓕᕆᔨᒃᑯᓐᓄᑦ ᑖᒥᓂᒃ ᓚᑉᓛᖕᒃ, ᒥᓂᔅᑕᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᔩᓐ−ᐄᕝᔅ ᑑᒃᓗᔅ. ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃᓐ ᐊᒻᒪ ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᖁᐊᓴ ᑯᓱᒐᖅ ᐅᖃᖃᑎᒌᖃᑕᐅᓚᐅᖅᐳᑦ. ᑖᓐᓇ ᑲᑎᒪᓂᖅ ᑲᔪᖏᖅᓴᐃᓂᐅᕗᖅ.
"ᓱᓕ, ᐋᔩᖃᑎᒌᑉᐸᓪᓕᐊᑎᓪᓗᑕ ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓅᑕᐅᔪᓂᒃ (CHT) ᐊᓯᖏᓐᓂᓪᓗ ᑕᒪᐃᓐᓄᑦ ᐊᖏᖃᑎᒌᒍᑎᓂᒃ ᐋᓐᓂᐊᖅᑐᓕᕆᓂᕐᒧᑦ ᑮᓇᐅᔭᓂᒃ, ᓇᓗᓇᐃᖅᓯᔭᕆᐊᖃᖅᐳᖓ ᐱᔭᕆᐊᖃᕐᓂᖏᓐᓂᒃ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᓄᓇᕘᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑮᓇᐅᔭᓕᐅᕈᑕᐅᓯᒪᔪᑦ ᑮᓇᐅᔭᑦ ᐊᑐᕐᓗᒋᑦ (THIF). ᓄᓇᕗᑦ… ᐅᖃᓕᒫᒃᑲᓐᓂᕆᑦ.