ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
“ᓯᕗᓕᖅᑎᐅᓪᓗᖓ ᓄᓇᕗᒻᒥ, ᐊᐃᑦᑖᕈᓱᒃᐳᖓ ᐃᓱᒫᓘᑎᖃᖅᖢᖓᓗ ᑲᓇᑕ−ᐊᒥᐊᓕᑲᒥᐅᓪᓗ ᑕᐅᖅᓰᖃᑎᒌᖕᓂᕐᒧᑦ ᐅᖃᖃᑎᒌᖕᓂᖏᑦ ᐃᓱᓕᑦᑎᐊᓚᐅᙱᓐᓂᖏᓐᓂᑦ ᐱᓇᓱᐊᕈᓯᐅᑉ ᓄᙳᐊᓂ.
ᒐᕙᒪᕗᑦ ᐃᑲᔪᕐᓂᐊᖅᐳᖅ ᐊᒃᑐᐃᓂᕆᔭᐅᔪᓄᑦ ᑖᒃᓰᔭᕈᑎᓄᑦ ᓄᓇᕗᒻᒥ, ᓇᖕᒥᓂᕆᔭᐅᔪᓄᑦ, ᐊᒻᒪᓗ ᓄᓇᖅᑲᑎᒌᓄᑦ. ᐊᔭᐅᖅᑐᐃᖏᓐᓇᕐᓂᐊᖅᐳᖓ ᐋᖅᑭᒍᑎᒃᓴᒥᑦ ᑮᓇᐅᔭᓕᐅᕈᑕᐅᔪᓐᓇᖅᑐᓂᑦ ᐊᒻᒪᓗ ᑮᓇᐅᔭᓂᒃ ᐱᕈᖅᓴᐃᓂᒧᑦ ᐊᖏᕐᕋᑦᑎᓐᓂ.
ᖁᔭᓕᔪᒪᕗᖓ ᑲᓇᑕᒧᑦ ᐊᖓᔪᖄᕐᔪᐊᖅ ᑳᓂ, ᒥᓂᔅᑕ ᓚᐸᓛᖕᒃ ᐊᒻᒪᓗ ᐱᓕᕆᖃᑎᒌᑦ ᑲᓇᑕᒥ ᐱᓇᔪᐃᓐᓇᕐᓂᖏᓐᓄᑦ ᐋᔩᖃᑎᖃᕐᓂᕐᒥᑦ ᑲᓇᑕᒥᐅᑦ ᑭᒡᒐᖅᑐᖅᖢᒋᑦ.
ᑖᒃᓰᔭᕐᓂᕐᒧᑦ ᐊᓯᔾᔨᖅᑕᐅᔪᑦ ᑐᑭᖃᖅᐳᖅ ᑐᕌᒐᖃᐃᓐᓇᕆᐊᖃᕐᓂᑦᑎᓐᓂ ᐱᕙᓪᓕᐊᑎᑦᑎᓂᕐᒧᑦ ᑲᓇᑕᒥ ᐊᖏᒡᓕᕙᓪᓕᐊᓂᖏᓐᓄᑦ ᑕᐅᖅᓰᖃᑎᒌᖕᓂᕐᒧᑦ ᐱᕕᒃᓴᐅᔪᓐᓇᖅᑐᓂ ᑲᓇᑕᒧᑦ.
ᑕᒪᒃᑯᐊ ᐱᕕᒃᓴᐅᔪᑦ ᐅᖃᐅᓯᐅᓂᐊᖅᑐᑦ ᑲᓇᑕᒥ ᒐᕙᒪᒃᑯᖏᑦ, ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᑦ ᑕᐅᖅᓰᖃᑎᒌᖕᓂᕐᒧᑦ ᑲᑎᒪᔨᕋᓛᑦ ᑲᑎᒪᑎᓪᓗᒋᑦ, ᑐᙵᓱᒃᑎᑕᐅᓪᓗᑎᒃ ᒥᓂᔅᑕ ᑯᕋᐃᒡ ᓯᒪᐃᓚᒃ ᑲᑎᒪᑎᑦᑎᔨᐅᖃᑕᐅᓪᓗᓂ, ᑕᒪᑐᒪᓂ ᐱᓇᓱᐊᕈᓯᕐᒥ ᐃᖃᓗᖕᓂ.
ᑐᙵᓱᒃᑎᑉᐸᒃᑲ ᐃᓚᒋᔭᐅᔪᑦ ᑲᑎᒪᔨᕋᓛᓄᑦ ᐱᓇᓱᐊᕈᓯᐅᑉ ᓄᙳᐊᓂ ᓂᕆᐅᒃᖢᖓᓗ ᑐᑭᖃᑦᑎᐊᖅᑐᒧᑦ ᐱᔾᔪᑎᒃᓴᑦᑎᐊᕙᖕᓄᑦ ᐅᖃᖃᑎᒌᖕᓂᕐᒧᑦ ᐃᑲᔫᑕᐅᓂᐊᖅᑐᓂᑦ ᓄᓇᕗᒻᒧ ᑲᓇᑕᒥᐅᓕᒫᓄᓪᓗ.”