ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᔮᓐ ᒪᐃᓐ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐊᑦᑕᕐᓇᙱᑦᑐᒥᒃ ᐊᒻᒪ ᐊᐅᓚᑕᐅᑦᑎᐊᖅᑐᒥᒃ ᑭᐅᔾᔪᑕᐅᓚᐅᖅᑐᖅ ᐃᑉᐸᒃᓴᖅ ᓴᖑᑎᑕᐅᓚᐅᖅᑎᓪᓗᒍ ᐳᕆᑎᔅ ᐃᐅᕐᔅ ᖃᖓᑕᓲᖓ 53 ᐃᖃᓗᖕᓄᑦ ᑕᑯᒃᓴᐅᑎᑦᑎᓚᐅᖅᐳᖅ ᖃᓄᖅ ᐱᓕᕆᐊᖑᔪᓐᓇᕐᒪᖔᑦ ᐃᓄᐃᑦ ᑲᑎᙵᑎᓪᓗᒋᑦ ᐃᑲᔪᖅᑐᐃᓪᓗᑎᒃ ᐊᓯᒥᓂᒃ. ᓂᕆᐅᓇᙱᑦᑐᒃᑯᑦ ᓴᖅᑭᑦᑐᖃᖅᑎᓪᓗᒍ, ᑲᑐᔾᔨᖃᑎᒌᑦ ᐱᓕᕆᑲᐅᖅᑐᓚᐅᖅᐳᑦ ᐃᑭᒪᔪᑦ ᐊᒻᒪ ᖃᖓᑕᓲᓕᕆᔨᑦ ᑲᒪᒋᔭᐅᑦᑎᐊᕋᓗᐊᕐᒪᖔᑕ ᐊᒻᒪ ᐃᑲᔪᖅᓱᖅᑕᐅᑦᑎᐊᖁᓪᓗᒋᑦ.
ᖁᔭᓕᑦᓯᐊᖅᐸᒃᑲ ᐳᕆᑎᔅ ᖃᖓᑕᔫᓕᕆᔨᖏᑦ, ᐃᖃᓗᓐᓂ ᒥᑦᑕᕐᕕᒻᒥ ᐊᐅᓚᑦᓯᔩᑦ ᒥᑦᑕᕐᕕᒻᒥᓗ ᐃᖅᑲᓇᐃᔭᖅᑏᑦ, ᒥᑦᑕᕐᕕᒻᒥ ᖃᑦᑎᕆᔨᒃᑯᑦ, ᐃᖃᓗᓐᓂ ᖃᑦᑎᕆᔨᒃᑯᑦ, ᑲᓇᑕᒥ ᑭᓪᓕᒋᔭᐅᔪᓄᑦ ᐱᔨᑦᓯᕋᖅᑎᒃᑯᑦ, ᐸᓖᓯᒃᑯᑦ, ᑭᒃᑯᑐᐃᓐᓇᓂᒃ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑲᓇᑕᒥ, ᓄᓇᕗᒻᒥ ᑐᐊᕕᕐᓇᖅᑐᓕᕆᔨᒃᑯᑦ ᐊᐅᓚᑦᓯᔨᖏᑦ, ᓄᓇᕗᒻᒥ ᐱᓕᕆᕝᕖᖅ, ᐊᓯᖏᓪᓗ ᐅᓄᖅᑐᑦ ᐱᓕᕆᖃᑎᒌᓚᐅᖅᑐᑦ ᐃᑲᔪᖅᑐᐃᓪᓗᑎᒃ ᑕᒪᑐᒥᖓ ᑭᐅᔾᔪᑕᐅᔪᒥᒃ. ᓇᑯᕐᒦᕈᒪᕙᒃᑲ ᐃᑭᒪᔪᑦ ᖃᖓᑕᔫᒥᓪᓗ ᐱᓕᕆᔨᐅᔪᑦ ᕿᓄᐃᓵᕈᓐᓇᑦᓯᐊᓚᐅᕐᒪᑕ ᐱᓕᕆᖃᑎᒌᑦᓯᐊᓚᐅᕐᓂᖏᓐᓄᓪᓗ ᖃᓄᐃᑦᑐᖃᖅᑎᓪᓗᒍ. ᐃᓕᑕᕆᔪᒪᒻᒥᔭᒃᑲ ᓄᓇᓕᓐᓂ ᓇᒻᒥᓂᖃᑦᑎᐅᔪᑦ, ᑲᑐᔾᔨᖃᑎᒌᖑᔪᑦ ᐊᒻᒪᓗ ᓄᓇᓕᒻᒥᐅᑦ ᐃᑲᔪᕆᐊᓚᐅᖅᑐᑦ. ᐱᓕᕆᔨᓪᓚᕆᐅᓂᕐᓄᑦ, ᑐᙵᓇᕐᓂᕐᓄᑦ ᐃᑲᔪᕈᒪᓂᓐᓄᓪᓗ ᑕᑯᑦᓴᐅᑎᓪᓗᒍ ᑐᙵᓇᕐᓃᑦ ᑐᙵᓇᕐᓂᕐᓗ ᓄᓇᕗᒻᒥ ᖃᐅᔨᒪᔭᐅᓂᖓᓄᑦ.
ᑭᒡᒐᖅᑐᖅᖢᒋᑦ ᓄᓇᕗᑦ ᒐᕙᒪᒃᑯᖏᑦ, ᖁᔭᓐᓇᒦᖑᔪᓯ ᑕᒪᔅᓯᑦᑎᐊᖅ ᐃᑲᔪᓚᐅᖅᑐᓄᑦ ᑕᒪᑐᒧᖓ ᑭᐅᔾᔪᑕᐅᔪᒧᑦ. ᒪ'ᓇ."