ᔫᓂ 6, 2023
ᐃᖃᓗᐃᑦ, ᓄᓇᕗᑦ
ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:
"ᐅᓪᓗᒥ, ᐊᓕᐊᓇᐃᒍᓱᖅᑲᐅᕗᖓ ᐅᖃᐅᓯᖃᕆᐊᒃᓴᖅ ᐱᒻᒪᕆᐅᔪᓂᒃ ᐅᑭᐅᖅᑕᖅᑐᒥᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐱᓕᕆᖃᑎᒌᓂᒃ, ᐊᕐᕌᒍᑕᒫᑦ ᐱᓕᕆᐊᖑᖃᑦᑕᖅᓯᒪᔪᖅ ᑕᒪᑐᒪᓂ ᐊᕐᕌᒍᒥᑦ ᐃᖃᓗᖕᓂᑦ ᐱᓕᕆᐊᖑᓂᐊᖅᑐᖅ ᔫᓂ 6−ᒥᑦ 7−ᒥᓪᓗ. ᓄᓇᕗᑦ ᒐᕙᒪᒃᑯᑦ ᑲᑎᒪᑎᑦᑎᓂᐊᖅᑐᑦ ᑲᑐᔾᔨᖃᑎᖃᕐᓗᑎᒃ ᐱᓕᕆᐊᒃᓴᓕᕆᔨᓂᒃ ᐅᑭᐅᖅᑕᖅᑐᒥ.
"ᑲᑎᒪᑎᓪᓗᒋᑦ ᑲᑎᒪᔾᔪᑎᖃᕐᓂᐊᖅᑐᑦ ᐱᕐᔪᐊᑦ ᐊᐅᓚᔪᓐᓇᐅᑎᓂᒃ: ᐅᑭᐅᖅᑕᖅᑐᒥ ᐃᓱᒪᒋᔭᐅᓯᒪᔪᑦ ᐊᒻᒪ ᓯᕗᓪᓕᐅᑎᔪᒪᔭᖏᑦ. ᐅᓪᓘᖕᓄᑦ ᒪᕐᕉᖕᓄᑦ, ᓄᓇᕗᒻᒥ ᐱᓕᕆᔩᑦ ᓯᕗᓕᖅᑎᒋᔭᐅᕗᑦ ᓯᕗᓪᓕᐅᑎᔭᕆᐊᓕᖕᓂᒃ ᐅᑯᓂᖓᓗ ᖃᕆᑕᐅᔭᒃᑯᑦ−ᐊᑦᑕᕐᓇᖅᑐᒦᑦᑕᐃᓕᓂᖅ, ᓯᓚ ᐊᓯᔾᔨᖅᐸᓪᓕᐊᓂᖓ, ᐊᒻᒪ ᐆᒻᒪᖅᑯᑎᓂᒃ ᐊᐅᓚᐅᑎᖃᕐᓂᖅ. ᐱᓕᕆᖃᑎᒌᒃᑐᑦ ᖃᐅᔨᓴᕐᓂᐊᕐᒥᔪᑦ ᓄᓇᕗᑦ ᒐᕙᒪᒃᑯᑦ ᑐᐊᕕᕐᓇᖅᑐᓕᕆᓂᕐᒧᑦ ᑭᐅᔾᔪᑎᖏᓐᓂᒃ 2021-ᒥ ᐃᖃᓗᖕᓂ ᐃᒪᕐᒥᒃ ᓱᕈᕐᓇᖅᑐᖃᓚᐅᖅᑐᒧᑦ.
"ᐅᖃᖃᑎᒌᒍᑕᐅᔪᑦ ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᑕᒫᓂ ᐅᑭᐅᖅᑕᖅᑐᒥ. ᓱᓕᓪᓗᓂ ᐅᑭᐅᖅᑕᖅᑐᒥ ᐊᑦᑕᓇᐃᖅᓯᒪᓂᖅ ᐊᒻᒪᓗ ᓄᓇᖃᕐᓂᕐᒧᑦ ᑎᑭᐅᑎᔪᓐᓇᕐᒪᑦ ᑭᓯᐊᓂ ᐊᐅᓚᔪᓐᓇᐅᑎᓄᑦ ᐱᑕᖃᙱᓐᓂᐅᔪᑦ ᓄᓇᓕᖕᓂᑦ ᖃᐅᔨᔭᐅᖃᑦᑕᖅᓯᒪᔪᑦ ᐊᐅᓚᔪᓐᓇᖁᓪᓗᒋᑦ ᓄᓇᑦᑎᓐᓂ. ᖃᐅᔨᒪᒋᐊᕆᐊᖃᕆᕗᒍᑦ ᑮᓇᐅᔭᓂᒃ ᐊᑐᕐᓗᑕ ᑐᕌᖅᑐᓂᒃ ᐅᑭᐅᖅᑕᖅᑐᒥ ᐊᑦᑕᕐᓇᐃᖅᓯᒪᓂᕐᒧᑦ ᑲᑐᔾᔨᓗᑕ ᐅᓇᓕᒃᓴᓂᒃ ᐊᒻᒪ ᓄᓇᓕᖕᓂᑦ ᑎᑭᑕᐅᓇᓱᐊᖅᑐᓂᒃ.
"ᐅᖃᐅᓯᕆᓚᐅᖅᑕᒃᑲ ᒪᓕᒃᖢᒋᑦ ᐱᓕᕆᖃᑎᒌᓄᑦ, ᓇᓗᓇᐃᖅᓯᒃᑲᓐᓂᖅᐳᖓ ᓄᓇᕘᒥ ᐊᖏᖅᓯᒪᐃᓐᓇᕐᓂᖏᓐᓂᒃ ᐱᓕᕆᖃᑎᒌᒃᐸᓪᓕᐊᖁᓪᓗᒋᑦ ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐋᖅᑭᒃᓯᖁᓪᓗᒋᑦ ᐊᑦᑕᕐᓇᙱᓐᓂᖅᓴᒥᒃ ᐊᒻᒪ ᓴᐱᓕᖅᓴᕋᐃᙱᓐᓂᖅᓴᒥᒃ ᐅᑭᐅᖅᑕᖅᑐᒥ. ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᓕᕆᔾᔪᓯᒃᑯᑦ, ᐱᐅᓯᒋᐊᖅᓯᒪᔪᑦ ᐱᓕᕆᔾᔪᑏᑦ, ᐊᒻᒪ ᐱᕈᖅᐸᓪᓕᐊᑎᖦᖢᒋᑦ ᐃᓄᖁᑎᑦᑕ ᓴᙱᓂᖏᑦ, ᓯᕗᒻᒧᐊᒃᑎᑉᐸᓪᓕᐊᓂᐊᖅᑕᕗᑦ ᑐᕌᒐᕆᔭᕗᑦ ᑐᙵᕕᓪᓗᐊᑕᑦᑎᓐᓄᑦ ᐃᓄᐃᑦ
ᐅᖃᐅᓯᒃᓴᑦ ᐊᑐᐃᓐᓇᐅᔪᑦ ᐃᓄᒃᑎᑐᑦ, ᖃᓪᓗᓈᑐᑦ ᐃᓄᐃᓐᓇᖅᑐᓐ ᐅᐃᕖᑐᓪᓗ ᐅᕙᙵᑦ ᑐᓴᒐᒃᓴᓕᕆᔨᒃᑯᑦ ᐊᑦᑕᕐᓇᖅᑐᒧᐊᖅᑎᑦᑕᐃᓕᓗᒋᑦ. ᓂᕆᐅᒃᐳᖓ ᐃᑲᔪᖅᑐᐃᓂᐊᕆᐊᒃᓴᖅ ᐱᓕᕆᖃᑎᒌᖏᓐᓇᕐᓂᕐᒥᑦ ᐃᑲᔪᖅᑎᒌᖕᓂᕐᒥᓪᓗ ᑲᑎᒪᓂᒃᑯᑦ ᖃᓄᐃᓕᐅᕐᓂᒃᑯᓪᓗ, ᓲᕐᓗ ᒐᕙᒪᒃᑯᑦ ᐊᔪᕈᓐᓃᖅᓴᕐᓂᖏᓐᓂᑦ ᓇᓄᖅ ᑕᑎᒌᓂᒃ, ᐱᓕᕆᐊᖑᓛᖅᑐᖅ ᓄᓇᕗᒻᒥ 2024−ᖓᓕᖅᐸᑦ."