Imaruqtirvia 6, 2023
Iqaluit, Nunavut
Nunavutim Hivuliqtia P.J. Akeeagok ublumi tuhaqtitaa una uqautigijaa:
"Ublumi, quviahuutigijara aulatittijaangat naunaitumik ilituqhaijaangat tahapkununga Ukiuktaqtumi Amirnikkut Havaqatigiiqtut Katimayiit, ukiuq tamaat katimadjut uvani ukiumi Iqalungni Imaruqtirvia 6 mi 7 milu. Nunavut Kavamanga katimapkaiqatigijait katimadjutaa tahapkuat Atauttimun Havaktuliqinirmun Ukiuqtaqtumi.
"Ihumagijaujuq katimadjutimi Aqhuungnaktuq Aulapkaidjutitigut: Ukiuqtaqtumi Ihumagilluagijait Hivulliutigijaujutlu. Malruungni ubluni, Nunavut havaktiit hivuliqtiujut naalaktiuplutik hivulliugutigijaujunut taaffumamiklu qaritaujakkut-munaqhiniq, hilaup aadlangguqtirnia, pauwaktuutikkut aulaviqhait. Havaqtigiiqtut ihivriungniaqtaitlu Nunavut Kavamainni Qilammiugutaujunut Kiudjutaa tahapkununga 2021 Iqaluit imaup halumaingnia.
“Uqaqviqattaujuqhat Ukiuqtaqtumi amirinikkut pijuqhat hamani Ukiuqtaqtumi. IItquumajumik Ukiuqtaqtumi amirinikkut atanniqtuidjutiqarnirmunlu taimaatuinnak tikiutiniaqtut talvuuna maniliurnikkut iniktiriami aulapkainikkut ajuqhautait atuqpagainnik nunallaaptingni. Naunaiqtaqhavutlu maniliurutinggit tikkuaqhimajunut Ukiuqtaqtumun amirinikkut ikajuutiqhainnik piqatigiiqtuni an’ngujaqtiit nunallaamilu hivuniqhait.
"Talvuuna uqautimnik havaqatigiiqtunut, naunaiffaaqtara nunakput aullaranginnaqtumik akhuurutainnik piliuriami hakugiktumik havaqatigiigutiqhanut Ukiuqtaqtumi amirinikkut ihuaqutiqhainnut iharianaittumik hakugingniqhainnutlu Ukiuqtaqtumi. Talvuuna hilaup hulidjutaita, nakuuhivalliadjutigijait kajumiktukkut, naupkaqhugitlu hakugingniqhait inuuqativut, hivumuugutiniaqtavut hivuniqhaqatigiinnaktavut talvungga munariniq inungnik kappiahuqhimaittaamingnik. Niriuqtun’nga ikajurnikkut pidjutihimmaaqhimajumi havaqatigiingnik talvuuna katimanikkut hulijuqhanilu, taapkuatut atautimun kavamait ajuirhauviqhaani Operation Nanook Tatigiit, pidjutiniaqtuq Nunavunmi talvani 2024 mi”.