ᐃᖃᓗᐃᑦ, ᓄᓇᕗᑦ (ᒫᔾᔨ 25, 2024) − ᐃᑲᔪᖅᑎᖃᖅᖢᑎᒃ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃ ᑎᒥᖓᓐᓂᒃ. (ᓄᓇᕗᑦ ᑐᙵᕕᒃᑯᑦ) ᓇᓗᓇᐃᖅᓯᓚᐅᖅᐳᑦ ᓄᓇᕐᔪᐊᒥ ᐳᕙᒡᓗᖕᓇᖅ ᐅᓪᓗᖃᓛᕐᓂᖓᓂᒃ ᓈᑦᑎᖑᔭᖅ, ᒫᔾᔨ 24, 2024−ᒥ, ᓇᓗᓇᐃᖅᓯᒃᑲᓐᓂᖅᖢᑎᒃ ᑐᓂᓯᒪᑦᑎᐊᕐᓂᕐᒥᓂᒃ ᐃᓱᓕᑎᓪᓗᒍ ᐳᕙᒃᓗᖕᓇᖅ ᓄᓇᕗᒻᒥ.
ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᒻᒪ ᓄᓇᕗᑦ ᒐᕙᒪᒃᑯᑦ ᐋᖅᑭᒃᓯᓯᒪᓕᖅᑐᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᑕᖅᓯᖅᓱᒐᒃᓴᓂᒃ ᑲᑎᙵᓪᓗᑎᒃ ᐅᖃᒪᔭᒍᑕᐅᓪᓗᑎᒃ ᖃᐅᔨᒪᔾᔪᑎᒃᓴᑦ ᐊᖓᔪᖅᑳᓄᑦ, ᐸᖅᑭᔨᓄᑦ, ᐊᒻᒪ ᐃᓐᓇᕐᓄᑦ. ᑖᒃᑯᐊ ᐃᑲᔫᑎᒃᓴᑦ ᐃᑲᔫᑕᐅᓂᐊᖅᐳᑦ ᓄᓇᕗᒥᐅᓄᑦ ᐅᖃᐅᓯᖃᖅᐸᓪᓕᐊᓕᕐᓗᑎᒃ ᐳᕙᒡᓗᖕᓇᐅᑉ ᒥᒃᓵᓄᑦ ᑕᒻᒪᖅᓯᒪᙱᑦᑐᓂᒃ ᐊᒻᒪ ᒫᓐᓇᓕᓴᕐᓂᒃ ᑐᑭᓯᒋᐊᒐᒃᓴᓂᒃ. ᑕᖅᓯᖅᓱᒐᒃᓴᑦ ᑎᑎᕋᖅᓯᒪᔪᑦ ᐋᖅᑭᒃᑕᐅᓚᐅᖅᐳᑦ ᓄᑕᖅᑲᑦ ᐃᓚᐅᖁᓪᓗᒋᑦ ᐃᓕᓐᓂᐊᖃᑕᐅᓗᑎᒃ ᐳᕙᒡᓗᖕᓇᐅᑉ ᒥᒃᓵᓄᑦ ᐊᐃᓯᒪᓗᑎᒃ ᐱᓕᕆᖃᑎᒌᒡᓗᑎᒃ ᐊᒻᒪ ᐃᑲᔪᖅᓱᐃᓗᑎᒃ. ᐃᓚᒌᑦ ᐅᖃᖃᑎᒌᒍᓐᓇᖅᓯᑎᓪᓗᒋᑦ ᐃᑲᔪᖅᓱᐃᓗᑎᒃ… ᐅᖃᓕᒫᒃᑲᓐᓂᕆᑦ.
ᐊᕐᕌᒍᑕᒫᑦ, ᑲᓇᑕᒥ ᓯᕗᓕᖅᑏᑦ, ᐃᑲᔪᖅᑐᐃᑦᓱᑎᒃ ᑲᓇᑕᒥ ᓯᕗᓕᖅᑏᑦ ᑲᑎᒪᔨᖏᑦ, ᐃᓚᐅᖃᑕᐅᒋᑦ ᖁᕕᐊᓱᓐᓂᖃᕐᓂᕐᒧᑦ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᒧᓪᓗ. ᐅᐱᒍᓱᓐᓂᕐᒧᑦ ᑕᐃᒃᑯᓇᖓ ᐃᑲᔪᖅᑐᐃᔪᓂ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᕐᒧᓪᓗ ᓄᓇᕗᒻᒥ, ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᓂᕈᐊᑦᑕᐅᔪᑦᓴᖅᓯᐅᖅᑐᖅ 2024-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕐᒧᑦ.
ᑐᓂᕐᕈᓯᐊᖅ ᐅᐱᒍᓱᓐᓂᕐᒧᑦ ᐃᑲᔪᖅᑐᐃᔪᓂ ᑲᔪᖏᖅᓴᐃᓂᕐᒧᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᓪᓗ ᐅᖃᓕᒫᕈᓐᓇᖅᑐᓂ ᑎᑎᕋᕈᓐᓇᖅᑐᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᕋᑦᓴᙳᖅᑎᑦᓯᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᓪᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᓯᓂᕐᒥᒃ ᐅᖃᓕᒫᕈᓐᓇᖅᑐᓂ ᑎᑎᕋᕈᓐᓇᖅᑐᓂᓪᓗ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓐᓂᐊᑎᑦᓯᔨ, ᓄᓇᓕᓐᓂ ᐊᑭᓕᖅᑐᖅᑕᐅᓇᑎᒃ ᐃᑲᔪᖅᑎᒥᑦ, ᐃᓄᑐᖃᕐᒥ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ ᐅᔾᔨᕈᓱᑦᑎᑦᓯᔪᒥ ᐱᒻᒪᕆᐅᓂᖓᓂᒃ ᐃᓕᓐᓂᐊᕐᓂᖅ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᕕᕝᕗᐊᕆ 14, 2024) − ᓄᓇᕗᑦ ᒐᕙᒪᖓᑦ, ᓄᓇᕗᑦ ᑐᙵᕕᒃᑯᑦ, ᐊᒻᒪ ᑲᓇᑕᐅᑉ ᒐᕙᒪᒃᑯᖏᑦ ᐅᓪᓗᒥ ᐃᓄᙳᖅᓴᐃᕕᖕᒥ ᓴᖅᑭᑎᑦᑎᖅᑲᐅᕗᑦ: ᐃᓕᑦᑎᕙᓪᓕᐊᓂᖅ ᐱᔾᔪᑎᖃᕐᓗᓂ.
ᑖᓐᓇ ᓄᑖᖑᓪᓗᓂ ᐃᓕᓐᓂᐊᕐᓂᕐᒥᑦ ᐃᑲᔪᖅᑐᐃᔪᖅ ᐱᓕᕆᐊᖑᕙᓪᓕᐊᔪᖅ ᐃᓄᖕᓂᑦ ᓄᓇᕗᒻᒥ ᐊᔪᕈᓐᓃᖅᓴᕈᑕᐅᓂᐊᖅᐳᖅ ᖃᐅᔨᒪᑦᑎᐊᓕᕐᓗᑎᒡᓗ ᑲᒪᒋᔭᖃᑦᑎᐊᕐᓂᕐᒥᒃ ᐊᐅᓚᑦᑎᓂᕐᒥᒃ ᓄᓇᕗᑦ ᓄᓇᖏᓐᓂᒃ, ᐃᒪᖏᓐᓂᒃ, ᐱᔾᔪᑎᒃᓴᖏᓐᓂᒡᓗ ᐱᓕᕆᐊᒃᓴᖏᑦ ᑲᒪᒋᔭᕆᐊᓕᖏᓪᓗ ᓄᓇᕗᑦ ᒐᕙᒪᖓᓄᑦ ᓅᑎᑕᐅᓯᒪᓕᖅᐸᑕ ᒐᕙᒪᑐᖃᒃᑯᓐᓂ. ᐃᑲᔪᖅᑐᐃᓂᐊᕆᕗᑦ ᑲᑎᑎᑦᑎᓗᓂᓗ ᐅᓄᖅᑐᓂᑦ ᐃᓄᖕᓂᑦ−ᐊᐅᓚᑕᐅᖏᓐᓇᖅᑐᓂᑦ ᓄᓇᓂᑦ ᐱᔾᔪᑎᒃᓴᖏᓐᓂᓪᓗ ᑲᒪᒋᔭᖃᑦᑎᐊᕐᓂᕐᒧᑦ ᐱᓕᕆᐊᖑᕙᓪᓕᐊᔪᓂᒃ ᓄᓇᕗᒻᒥ.
ᐃᓄᙳᖅᓴᐃᕕᒃ ᓄᓇᕗᒻᒥ ᐃᓄᖕᓂᑦ ᐃᑲᔪᕐᓂᐊᖅᐳᖅ ᓇᓗᓇᐃᖅᓯᔪᓐᓇᖅᓯᓗᑎᒃ ᐊᑐᕈᓐᓇᕐᓗᑎᒡᓗ ᐃᓕᓐᓂᐊᕐᓂᕐᒥᒃ, ᐱᓕᒻᒪᒃᓴᕐᓂᕐᒥᒃ, ᐊᒻᒪᓗ ᐃᖅᑲᓇᐃᔭᕆᐅᖅᓴᕆᐊᖃᖅᑕᖏᓐᓂᒃ ᐃᖅᑲᓇᐃᔮᖅᑖᕋᓱᖕᓂᐊᕐᓗᓂ ᓄᓇᒥᑦ ᑲᒪᒋᔭᖃᑦᑎᐊᕐᓂᕐᒥᑦ… ᐅᖃᓕᒫᒃᑲᓐᓂᕆᑦ.
ᓄᓇᕗᑦ ᓴᖅᑭᑕᐅᓚᐅᕐᑎᓪᓗᒍ ᓄᓇᕗᙳᕐᖢᓂ ᖃᒡᓕᔪᑦ ᐊᕐᕌᒍᑦ 25, ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ, ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐱᓕᕆᖃᑎᒌᒃᓯᒪᕗᑦ ᖃᓂᒌᒃᖢᑎᒃ ᖃᐅᔨᓇᓱᒃᖢᑎᒃ ᑎᑭᑕᐅᓇᓱᒃᑐᑦ ᑮᓇᐅᔭᓕᐅᕋᓱᓐᓂᕐᒧᑦ, ᐃᓄᓕᕆᓂᖕᓄᑦ, ᐊᒻᒪᓗ ᐃᓕᖅᑯᓯᐅᑉ ᖃᓄᐃᙱᑦᑎᐊᕐᓂᖓ ᓄᓇᕗᒻᒥᑦ ᓇᖕᒥᓂᕐᓱᖕᓂᒃᑯᑦ.
ᐅᓪᓗᒥ, ᑲᓇᑕᐅᑉ ᐊᖓᔪᖅᑳᕐᔪᐊᖓ, ᔭᔅᑎᓐ ᑐᓘᑑ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ, ᑖᓐ ᕚᓐᑎᐅᓪᓗ, ᓯᕗᓕᖅᑎ ᓄᓇᕗᒻᒧᑦ, ᐲ.ᔭᐃ. ᐊᕿᐊᕗᖅ, ᐊᖓᔪᖅᑳᕐᓗ ᓄᓇᕗᑦ ᑐᙵᕕᒃᑯᑦ ᑎᒥᖁᑖᓄᑦ, ᐊᓗᑭ ᑰᑦᑎᖅ, ᐊᑎᓕᐅᓚᐅᕐᐳᑦ ᓄᓇᕗᑦ ᓄᓇᓄᑖᓄ ᐱᔾᔪᑎᒃᓴᓄᓪᓗ ᓇᖕᒥᓂᕐᓱᕐᓂᖕᒧᑦ ᐊᖏᕈᑎᒥᑦ − ᐱᕐᔪᐊᒻᒪᕆᒃ ᐊᑐᕐᑕᐅᔪᒥᑦ ᓄᓇᕗᒻᒥᑦ ᑕᐅᑐᒃᑕᐅᓚᐅᕐᑐᖅ ᐃᓄᖕᓂᑦ ᓯᕗᓕᖅᑎᐅᔪᓂᑦ, ᑎᓕᔭᐅᓯᒪᔪᓂᑦ, ᓄᓇᓕᖕᒥᐅᓂᓪᓗ ᐃᓄᖕᓂᑦ.
ᑖᓐᓇ ᐊᖏᕈᑎ ᐊᖏᓂᕐᐹᖑᕗᖅ ᓄᓇᒥ ᓅᑕᐅᔪᒥᑦ ᑲᓇᑕᐅᑉ ᐊᑐᕐᓯᒪᔭᖏᓐᓂᑦ. ᐊᖏᕈᑎᒥᑦ, ᓄᓇᕗᑦ ᓄᓇᕗᒻᒥᐅᓪᓗ ᐃᓱᒪᓕᐅᕆᔪᓐᓇᕐᓂᐊᓕᕐᐳᑦ ᖃᓄᖅ ᐃᓄᐃᑦ ᓄᓇᖁᑎᖏᑦ, ᐃᒪᖁᑎᖏᑦ, ᑭᖑᕝᕕᒃᑲᓐᓂᕈᓐᓇᖏᑦᑐᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᐅᑐᐱᕆ 27, 2023) − ᓯᕗᓕᖅᑎ ᐲᔭᐃᑦ ᐊᕿᐊᕈᖅ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᑎᒃᑯᐊᖅᑕᐅᔪᖃᕐᓂᖓᓂᒃ ᓄᑖᒧᑦ ᒥᓂᔅᑕᒧᑦ ᑐᒡᓕᕆᔭᐅᓕᖅᖢᓂ ᒐᕙᒪᓕᕆᔨᒃᑯᓐᓄᑦᒐᕙᒪᓕᕆᔨᒃᑯᓐᓄᑦ, ᐃᕐᖐᓐᓇᖅ ᐱᒋᐊᕐᓂᐊᖅᖢᓂᐱᒋᐊᕐᓂᐊᖅᖢᓂ.
ᐋᓇ ᕙᐅᓗ ᐃᖅᑲᓇᐃᔮᒧᑦ ᐊᕐᕌᒍ ᐊᓂᒍᖅᑎᓪᓗᒍ ᒐᕙᒪᓕᕆᔨᒃᑯᑦ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᐊ ᐊᒻᒪ ᑎᑎᕋᖅᑎᐅᑉ ᑐᒡᓕᐊ ᒥᓂᔅᑕᐅᖃᑎᒌᓄᑦᒥᓂᔅᑕᐅᖃᑎᒌᓄᑦ. ᐃᖅᑲᓇᐃᔮᖃᓚᐅᖅᑐᖅ ᐱᓕᕆᕝᕕᖕᒥ ᑐᑭᒧᐊᒃᑎᑦᑎᔨᐅᓪᓗᓂ ᒐᕙᒪᓕᕆᔨᒃᑯᓐᓄᑦᒐᕙᒪᓕᕆᔨᒃᑯᓐᓄᑦ, ᑐᑭᒧᐊᒃᑎᑦᑎᔨᒻᒪᕆᒃ ᐅᐸᓗᖓᐃᔭᖅᑎᓄᑦ ᐊᐅᓚᑦᑎᔨᒧᑦᐊᐅᓚᑦᑎᔨᒧᑦ, ᐊᒻᒪ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᒋᓪᓗᓂᐅᒃᐃᑲᔪᖅᑎᒋᓪᓗᓂᐅᒃ.
"ᖁᕕᐊᓱᖃᑎᒋᕙᕋ ᒥᔅ ᕙᐅᓗ ᓄᑖᒧᑦ ᑎᒃᑯᐊᖅᑕᐅᓂᖓᓄᑦᑎᒃᑯᐊᖅᑕᐅᓂᖓᓄᑦ. ᐊᔪᙱᑦᑎᐊᕐᓂᖓ ᖃᐅᔨᒪᓂᖓᓗ ᐃᑲᔫᑎᖃᖅᐳᑦ ᓄᓇᕗᑦ ᒐᕙᒪᖓᓄᑦ ᐱᓕᕆᐊᖃᖅᑎᓪᓗᑕ ᑲᔪᓯᑎᑦᑎᔪᒪᓪᓗᑕ ᑲᑐᔾᔨᓗᑕ ᐱᓕᕆᐊᒃᓴᑦᑎᓐᓂᒃᐱᓕᕆᐊᒃᓴᑦᑎᓐᓂᒃ," ᐅᖃᓚᐅᖅᐳᖅ ᓯᕗᓕᖅᑎ ᐲᔾᔭᐃ ᐊᕿᐊᕈᖅᐊᕿᐊᕈᖅ.
"ᐱᔪᒪᓂᖅᐳᑦ ᑎᓕᐅᕆᔪᒪᓪᓗᑕ ᒥᓂᔅᑕᐅᑉ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ ᓄᓇᕗᑦ ᐋᒡᒌᓯ ᓄᓇᕗᑦ ᒐᕙᒪᒃᑯᑦ ᑐᓂᓯᔪᒪᓪᓚᑦᑖᖅᐳᑦ ᓂᒃ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᑦᓯᐊᒥ ᑐᐊᕕᕐᓇᖅᑐᒧᑦ ᖃᓄᐃᓕᐅᕈᑕᐅᔪᒥᑦ ᑮᓇᐅᔭᑦ ᓄᓇᓕᖕᒥᐅᓂᒃ ᐃᑲᔪᖅᑐᐃᓪᓗᑎᒃ ᓄᓇᒥ ᐃᑭᕐᔪᐊᖅᑐᓄᑦ ᐊᒃᑐᖅᑕᐅᓯᒪᔪᓂᑦ.
ᑕᐅᓴᖏᓐᓃᑦᑐᑦ ᓄᓇᑦᑎᐊᕐᒥᐅᑦ ᐊᓂᖁᔭᐅᓚᐅᖅᐳᑦ ᓄᓇᒥ ᐃᑭᕐᔪᐊᖅᑐᖃᑐᐃᓐᓇᕆᐊᖃᕐᓂᖓᓄᑦ ᐊᑦᑕᕐᓇᕐᓂᖓᓗ ᓱᓕ ᐊᓂᒍᖅᓯᒪᙱᑉᐳᖅ ᐃᑲᔪᕈᒪᓪᓗᒋᑦ ᑕᐃᒃᑯᐊ ᐊᒃᑐᖅᑕᐅᓯᒪᔪᑦ ᐃᓂᖃᕈᓐᓃᖅᑐᓪᓗ ᑖᒃᑯᐊ ᑮᓇᐅᔭᑦ ᑐᓂᐅᖅᑲᐅᑕᐅᓂᐊᖅᐳᑦ ᓄᓇᓕᖕᒥᐅᓄᑦ ᐊᔾᔨᒌᙱᑦᑐᓄᓪᓗ ᑲᑐᔾᔨᖃᑎᒌᓄᑦ ᐃᑲᔪᖅᓱᐃᔪᓄᑦ ᐊᒻᒪ ᐃᑲᔫᑎᒃᓴᓄᑦ ᕿᒫᖁᔭᐅᓚᐅᖅᑐᓄᑦ.
ᓄᓇᕗᒻᒥ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐱᓕᕆᖃᑎᖃᖅᑐᑦ ᐊᒃᑐᖅᑕᐅᓯᒪᔪᓂᑦ ᐅᓗᕆᐊᓇᖅᑐᒦᑦᑐᓂᓪᓗ ᓄᓇᓕᖕᓂᑦ ᐊᒻᒪ ᓱᓕ ᐅᓂᒃᑳᓂᑦ ᐱᑎᑕᐅᖏᓐᓇᖅᐳᑦ ᐊᕕᒃᑐᖅᓯᒪᔪᓕᒫᓂᑦ ᓄᓇᑦᓯᐊᒥ ᒐᕙᒪᒃᑯᑦ ᐱᓕᕆᖃᑎᖃᐃᓐᓇᖅᐳᑦ ᒐᕙᒪᑐᖃᒃᑯᑦ ᓄᓇᓕᖕᓂ ᐊᒻᒪ ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓂᒃ ᐃᑲᔪᖅᑐᐃᓪᓗᑎᒃ ᐃᑲᔪᕐᓗᒋᓪᓗ ᐊᐅᓚᑦᑎᑎᓪᓗᒋᑦ ᑐᐊᕕᕐᓇᖅᑐᓕᕆᓂᕐᒧᑦ ᖃᓄᐃᓕᐅᕈᑕᐅᔪᓂᑦ.
ᑲᑐᔾᔨᖃᑎᒌᒍᑕᐅᔪᖅ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᐊᒋᓯ 17, 2023) - ᓄᓇᕗᑦ ᒐᕙᒪᒃᑯᖏᑦ ᓱᓕ ᐊᑦᓱᕉᑎᖃᖅᑐᑦ ᐃᑲᔪᖅᓱᐃᓂᕐᒧᑦ ᓴᓂᓪᓕᑦᑎᓐᓂᒃ ᓇᓗᓇᐃᖅᓯᓯᒪᒐᓱᐊᕐᓂᒧᓪᓗ ᓄᓇᕗᒻᒥᐅᓕᒫᑦ ᐊᑦᑐᖅᑕᐅᓂᖃᖅᓯᒪᔪᑦ ᐃᑯᐊᓚᔪᓄᑦ ᓄᓇᑦᓯᐊᕐᒥ ᐊᑦᑕᓇᖅᑐᒦᑦᑎᑕᐅᑦᑕᐃᓕᖁᓪᓗᒋᑦ ᐅᓐᓅᓚᐅᖅᑐᖅ ᐃᓱᒪᓕᐅᕈᑎᖃᓚᐅᖅᑎᓪᓗᒋᑦ ᓄᓇᑦᓯᐊᕐᒥ ᒐᕙᒪᒃᑯᖏᑦ ᕿᒫᑎᑦᓯᓂᕐᒧᑦ ᔭᓗᓇᐃ ᓄᓇᓕᐸᐅᔭᖓᓂᒃ ᑕᓪᓕᕐᒥᐅᑉ ᑐᖔᓂ ᐅᓪᓗᕈᕐᒥᓴᕐᓇᐅᑉ, ᓯᕿᕐᖑᔭᖓᑦ ᒪᓕᑦᑐᒍ.
“ᐆᒻᒪᑎᕗᑦ ᐅᖁᒪᐃᑦᑐᑦ ᐅᓪᓗᒥ ᓄᓇᕗᒻᒥ ᓴᓂᓪᓕᕆᔭᕗᑦ ᓄᓇᑦᓯᐊᕐᒥ ᐃᑯᐊᓚᔪᓄᒃ ᓱᕋᑦᑎᖅᑕᐅᒻᒪᑕ ᓄᓇᓕᖏᑦ . ᐅᖃᖃᑎᒋᓯᒪᔭᕗᑦ ᐱᖃᓐᓇᕆᔭᕗᑦ ᐱᓕᕆᔨᐅᖃᑎᕗᓪᓗ, ᓄᓇᑦᓯᐊᕐᒥ ᑳᓚᐃ ᑳᒃᑯᕆᓐ,
“ᐊᖏᔪᖅᑳᖃᕐᕕᖓ ᔭᓗᓇᐃ ᖃᓂᒋᔭᖏᓪᓗ ᓄᓇᓖᑦ ᕿᒫᑎᑦᓯᒐᓱᐊᖅᑎᓪᓗᒋᑦ 20,000 ᕈᔪᓐᓂᒃ, ᐃᓕᓴᕆᒻᒥᔭᕗᑦ ᐊᒥᓱᑦ ᓄᓇᓖᑦ ᓄᓇᑦᓯᐊᕐᒥ ᕿᒫᖁᔭᐅᓯᒪᔪᑦ ᐅᔾᔨᖅᓱᖁᔭᐅᓪᓗᑎᒃᓪᓗ. ᖃᐅᔨᒪᔪᒍᑦ ᐃᓚᒌᑦ ᓅᒋᐊᖃᖅᓯᒪᔪᑦ ᐊᖏᕐᕋᒥᓐᓂᒃ, ᐃᓚᒋᔭᐅᓪᓗᑎᒃ ᐃᓚᖏᑦ ᓇᓪᓕᒋᔭᖏᓪᓗ ᓄᓇᕗᒻᒥᐅᑦ. ᑕᒪᓐᓇ ᓱᕋᑦᑎᕈᔾᔭᐅᒍᑎᖃᕐᓂᖏᑦ ᐃᑉᐱᓐᓇᖅᑐᒻᒪᕆᒃ.”… ᐅᖃᓕᒫᒃᑲᓐᓂᕆᑦ.
ᑐᕌᓐᑐ, ᐋᓐᑎᐅᕆᐅ (ᐋᒡᒌᓯ 3, 2023) – ᓄᓇᕗᒻᒥ ᓯᕗᓕᖅᑎ P.J. ᐊᕿᐊᕈᖅ ᐊᒻᒪ ᐋᓐᑎᐅᕆᐅᒥ ᓯᕗᓕᖅᑎ ᑕᒡ ᕗᐊᑦ ᐅᓪᓗᒥ ᐊᑎᓕᐅᖅᑲᐅᕗᑦ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᕐᒥᒃ (MOU) ᐱᓕᕆᖃᑎᒌᒃᑲᓐᓂᕈᒪᓪᓗᑎᒃ ᐊᔾᔨᒌᙱᑦᑐᓂᒃ ᓯᕗᓪᓕᐅᔾᔭᐅᔭᕆᐊᓕᖕᓂᒃ, ᐅᑯᓂᖓᓗ ᐋᓐᓂᐊᖅᑐᓕᕆᓂᖅ, ᐃᖏᕐᕋᔪᓕᕆᓂᖅ, ᓄᓇᓖᑦ ᐊᐅᓚᔪᓐᓇᐅᑎᖏᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᒃᐸᖕᓂᖏᑦ.
"ᓄᓇᕗᑦ ᐊᒻᒪ ᐋᓐᑎᐅᕆᐅ ᐊᑯᓂᐊᓗᒃ ᖃᓄᐃᓕᐅᖃᑦᑕᖅᓯᒪᓂᑰᕗᑦ ᐱᓕᕆᖃᑎᒋᔭᐅᓪᓗᑎᒃ ᖁᔭᒋᔪᒪᕙᕋᓗ ᓯᕗᓕᖅᑎ ᕗᐊᑦ ᐃᑲᔪᖅᑐᐃᑦᑎᐊᓚᐅᕐᓂᖓᓄᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᑦᑎᓐᓂ," ᐅᖃᓚᐅᕐᑐᖅ P.J. ᐊᕿᐊᕈᖅ. "ᐊᒥᓱᓄᑦ ᓄᓇᕗᒻᒥᐅᓄᑦ, ᐋᓐᑎᐅᕆᐅ ᐊᐅᓪᓚᕐᕕᐅᓪᓗᐊᑕᖃᑦᑕᖅᑐᖅ. ᐃᓕᓐᓂᐊᕕᔾᔪᐊᒨᖓᒐᓗᐊᖅᑲᑦ, ᐊᔾᔨᐅᖏᑦᑐᒥᒃ ᐋᓐᓂᐊᖅᑐᓕᕆᓂᕐᒥᒃ, ᐅᕝᕙᓘᓐᓃᑦ ᓂᐅᕕᕐᓂᕐᒥᒃ ᐊᒻᒪᓗ ᐳᓚᕋᑦᑐᓕᕆᓂᕐᒥᒃ, ᑕᐅᓴᖏᓐᓃᑦᑐᑦ ᓄᓇᕗᒻᒥᐅᑦ ᐅᐸᖃᑦᑕᖅᑐᑦ ᓴᓂᓪᓕᑦᑎᓐᓄᑦ ᐊᕕᑦᑐᖅᓯᒪᔪᓄᑦ ᐊᕐᕌᒍᑕᒫᑦ.
ᑖᓐᓇ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ ᐊᑐᕐᓗᒍ, ᒐᕙᒪᕗᑦ… ᐅᖃᓕᒫᒃᑲᓐᓂᕆᑦ.
WHISTLER, B.C. – ᓯᕗᓕᖅᑏᑦ ᑲᓇᑕᐅᑉ ᐅᐊᖕᓇᖓᓂ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᑲᑎᖦᖢᑎᒃ Whistler−ᒥ ᐅᖃᐅᓯᖃᕐᖢᑎᒃ ᐊᑐᕆᐊᕈᑎᓂᒃ ᐊᔾᔨᒌᙱᕈᓘᔭᖅᑐᓄᑦ ᓴᙱᒃᑎᒋᐊᕐᓗᒍᓗ ᖃᐅᔨᒪᖃᑎᒌᖕᓂᖓ ᒪᑭᐅᒪᐃᓐᓇᕈᑎᒃᓴᓂᑦ, ᐱᕕᒃᓴᓂᒡᓗ ᐱᕈᖅᐸᓪᓕᐊᑎᓪᓗᒍ ᓯᕗᓂᒃᓴᒧᑦ ᐊᔪᖅᓴᙱᓐᓂᖅ.
ᓯᕗᓕᖅᑏᑦ ᐅᖃᐅᓯᖃᓚᐅᖅᑐᑦ ᑲᔪᓯᔪᒥᒃ ᓄᓇᒥ ᐃᑭᕐᔪᐊᖅᑐᓄᑦ ᐊᒃᓱᕈᕐᓇᖅᑐᒥᒃ ᐊᒻᒪᓗ ᐅᓗᕆᐊᓇᖅᑐᒥᒃ ᓯᓚᐅᑉ ᖃᓄᐃᓐᓂᖓᓄᑦ ᖃᓄᐃᓕᐅᕐᓂᐅᔪᑦ ᓄᓇᓕᖕᓄᑦ, ᒪᑭᒪᔾᔪᑎᒃᓴᓄᑦ ᐊᒻᒪᓗ ᐱᒻᒪᕆᐅᔪᓄᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ. ᐱᓕᕆᖃᑎᒌᖏᓐᓇᕐᓂᐊᖅᐳᑦ, ᒐᕙᒪᑐᖃᒃᑯᓐᓂᓪᓗ, ᐃᑲᔪᖅᑐᐃᓗᑎᒃ ᓄᓇᓕᖕᓂᒃ ᓇᓗᙱᑦᑎᐊᕈᒪᓂᕐᒧᓪᓗ ᓈᒻᒪᒃᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᒪᓂᒪᔪᖃᕋᓗᐊᕐᒪᖔᑦ ᐃᓄᐃᑦ ᖁᐊᖅᓵᕐᓇᖅᑐᒦᖁᓇᒋᑦ ᒥᑭᒡᓕᒋᐊᖅᑎᑦᑎᓗᑎᒡᓗ ᖁᐊᖅᓵᕐᓇᖅᑐᓂᒃ ᐊᖏᕐᕋᕆᔭᒥᓄᑦ ᐃᓅᓂᕐᒧᓪᓗ.
ᐅᐊᖕᓇᖓᓂᑦ ᓯᕗᓕᖅᑏᑦ ᐅᖃᖃᑎᖃᑦᑎᐊᓚᐅᖅᑐᑦ ᐊᒥᓱᓂᒃ ᑲᑐᔾᔭᐅᔪᓂᒃ ᓯᕗᓪᓕᖅᐸᐅᑎᔭᐅᔪᒪᔪᓂᒃ ᐃᓚᐅᓪᓗᑎᒃ: ᖃᓄᖅᑑᕈᑎᑦ ᓄᓇᓖᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ (ᒪᐃ 15, 2023) – ᐃᓕᓐᓂᐊᕐᓂᓕᕆᔨᒃᑯᑦ ᓯᕗᓪᓕᖅᐹᒥᒃ ᖃᐅᔨᓴᕐᓂᐅᔪᒥᒃ ᐊᔪᕐᓇᙱᒻᒪᖔᑦ ᐊᑐᓕᖅᑎᑦᑎᓂᐊᕐᓗᓂ ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᕈᑎᖏᓐᓂᒃ ᓄᓇᕗᒻᒥ.
ᓇᓄᖅ ᐃᓕᓐᓂᐊᕐᕕᒃ (ᓂᐊᖁᙴ), ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᒃ (ᐃᒡᓗᓕᒑᕐᔪᒃ), ᖃᖅᑲᓕᒃ ᐃᓕᓐᓂᐊᕐᕕᒃ (ᑭᒻᒥᕈᑦ), ᔨᒥ ᕼᐃᑯᒃ ᐃᓕᕼᐊᒃᕕᒃ (ᖁᕐᓗᖅᑐᖅ), ᐊᒻᒪ ᐃᓄᒡᓚᒃ ᐃᓕᓐᓂᐊᕐᕕᒃ (ᑎᑭᕋᕐᔪᐊᖅ) ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐆᒃᑑᑕᐅᓛᖅᑐᑦ ᐅᑭᐊᒃᓵᖅ ᐱᒋᐊᕐᓗᒍ.
ᑖᒃᑯᐊ ᐃᓕᓐᓂᐊᕐᕖᑦ ᓂᕈᐊᖅᑕᐅᓚᐅᖅᐳᑦ ᓯᕗᓪᓕᖅᐹᒥ ᐱᓕᕆᐊᖑᓂᐊᖅᑐᒧᑦ ᑐᙵᕕᖃᖅᖢᑎᒃ ᐊᑭᑐᔪᑦ ᓄᑖᙳᕆᐊᖅᑕᐅᔪᑦ ᐊᑐᓂ ᐃᑲᔪᖅᑐᐃᔭᕆᐊᖃᕋᔭᕐᒪᑕ ᐱᓕᕆᐊᒥᒃ ᑭᒡᒐᖅᑐᕐᓗᒋᓪᓗ ᐊᑐᓂ ᐊᕕᒃᑐᖅᓯᒪᔪᓂ.
ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐹᒥᓚ ᕼᐊᑯᖓᒃ ᒍᕉᔅ, ᐃᓚᒋᓪᓗᒋᑦ ᐃᖃᓗᐃᑦ-ᓂᐊᖁᙴᒧᑦ ᒪᓕᒐᓕᐅᖅᑎ ᐊᒻᒪ ᓯᕗᓕᖅᑎ ᐲᔭᐃ. ᐊᕿᐊᕈᖅ, ᑲᑐᔾᔨᖃᑎᒌᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓂᐊᖁᙴᒥᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑲᑎᓚᐅᖅᑐᑦ ᓇᓄᖅ ᐃᓕᓐᓂᐊᕐᕕᒻᒥ… ᐅᖃᓕᒫᒃᑲᓐᓂᕆᑦ.