ᐃᓕᓐᓂᐊᕐᓂᓕᕆᔨᒃᑯᑦ ᒫᓐᓇᐅᔪᖅ ᕿᒥᕐᕈᕙᓪᓕᐊᔪᑦ ᑮᓇᐅᔭᑎᒍᑦ ᐃᑲᔫᑎᓂᒃ ᓄᓇᕗᒻᒥ ᐃᓕᓐᓂᐊᖅᑎᑦ ᐱᓕᕆᐊᖏᓐᓄᑦ.
ᐊᑕᖐᑦᑎᐊᖅᑐᓂᑦ ᕿᒥᕐᕈᓚᐅᖅᑎᓪᓗᒋᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ, ᓄᓇᕗᑦ ᒐᕙᒪᒃᑯᑦ ᐊᑐᓕᖅᑎᑦᑎᓂᐊᖅᑐᑦ ᐊᑐᓕᖁᔭᐅᔪᓂᑦ ᐊᓯᔾᔨᖅᑕᐅᔪᓂᑦ:
- ᐅᓄᖅᓯᒋᐊᕐᔪᐊᖅᑐᑦ ᐃᓅᓇᓱᐊᕐᓂᕐᒧᑦ ᐃᑲᔫᓯᐊᑦ, ᐱᖃᓯᐅᑎᓪᓗᒋᑦ ᓄᑖᖅ ᐃᒡᓗᒧᑦ ᐃᑲᔫᑎᑦ.
- ᐊᒥᓱᕈᕆᐊᕐᓗᑎᒃ ᐊᑕᐅᓯᕐᒧᑦ ᐃᓕᓐᓂᐊᖅᑎᒧᑦ ᐃᓕᓐᓂᐊᕆᐊᖅᑐᑦ ᖃᓪᓗᓈᓄᑦ $1,500/ᑕᖅᑭᒧᑦ $2,900−ᒧᑦ ᑎᑭᓪᓗᒍ/ᑕᖅᑭᒧᑦ.
- ᐊᔪᕐᓇᙱᓐᓂᖅᓴᐅᑎᑦᑎᓂᖅ ᑮᓇᐅᔭᖁᑎᒋᔭᐅᓂᐊᖅᑐᓂᒃ − ᐃᑲᔫᑎᓂᒃ ᐃᓄᖕᓄᑦ ᐊᑐᖅᑐᐊᖅᑕᐅᔪᓄᓪᓗ ᐃᓄᓪᓚᑦᑖᖑᙱᑦᑐᓄᑦ.
- ᐊᒥᓱᕈᕆᐊᖅᑐᒻᒪᕆᐅᕗᑦ ᑎᒥᒥᒍᑦ ᐊᔪᕈᑎᖃᖅᑐᑦ ᑮᓇᐅᔭᖅᑖᕆᕙᑦᑕᖏᑦ.
- ᐲᖅᑕᐅᓂᖏᑦ ᐃᓕᓐᓂᐊᕆᐊᖃᓪᓚᕆᒃᑐᑦ ᐃᓱᓕᕝᕕᒃᓴᖏᑦ.
- ᐊᓯᔾᔨᒐᒃᓴᐅᓂᖅᓴᐅᔪᑦ ᐃᓕᓐᓂᐊᖅᑎᓄᑦ ᓄᖅᑲᖅᑐᓄᑦ − ᐊᔪᕐᓇᙱᓐᓂᖅᓴᐅᑎᓪᓗᒍ ᐱᓇᔪᒃᑲᓐᓂᕆᐊᒃᓴᖅ.
ᐱᓕᕆᕝᕕᒃ ᐃᓇᖐᓂᐊᖅᑐᖅ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒥᑦ ᐊᕐᕌᒎᓂᐊᖅᑐᖅ ᐱᓕᕆᐊᖃᒃᑲᓐᓂᕐᓂᕐᒥᑦ ᐃᓕᓐᓂᐊᖅᑎᓄᑦ ᐃᑲᔪᖅᑕᐅᓂᕐᒥᑦ ᐱᓕᕆᐊᒥᑦ ᐃᓚᒋᔭᖃᖅᑐᓂᑦ ᑮᓇᐅᔭᐅᙱᑦᑐᓄᑦ ᐃᓕᓐᓂᐊᖅᑎᓄᑦ ᐃᑲᔪᖅᑐᕐᓂᕐᒥᑦ ᓄᑖᒥᓪᓗ ᐱᓕᕆᐊᑉ ᐊᑎᖓᓂᑦ.
ᐅᐸᒡᓗᒍ ᓄᓇᕗᑦ ᒐᕙᒪᒃᑯᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐃᑭᐊᖅᑭᕕᖓ ᑐᑭᓯᒋᐊᒃᑲᓐᓂᕈᒪᒍᕕᑦ ᑭᐅᔭᐅᔪᒪᒍᕕᓪᓗ ᐊᐱᖅᑯᑕᐅᒐᔪᒃᑐᓄᑦ, ᖃᐅᔨᒋᐊᕐᓗᑎᓪᓘᓐᓃᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐅᔭᙵᑦ fans@gov.nu.ca ᐅᕝᕙᓘᓐᓃᑦ 1-877-860-0680.