ᓂᕈᐊᒐᒃᓴᓕᐅᕈᓐᓇᖅᓯᔪᑦ 2019-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᔫ ᓴᕕᑲᑖᖅ ᐱᑎᑕᐅᑲᑕᒃᑐᖅ ᐱᓇᔫᑎᓂᒃ ᐃᓕᑕᕆᔭᐅᖁᔭᐅᔪᓂᒃ ᐃᑲᔪᖅᓱᐃᓲᓂᒃ, ᑎᓕᐅᕆᓲᓂᒃ ᐊᒻᒪ ᖃᐅᔨᑎᑦᑎᓲᓂᒃ ᐱᐅᓯᕆᔭᐅᓲᓂᒃ ᑎᑎᕋᕈᓐᓇᕐᓂᖅ/ᐅᖃᓕᒫᕈᓐᓇᕐᓂᖅ ᐱᕚᓪᓕᕈᑕᐅᔪᓐᓇᖅᑐᓂᒃ ᓄᓇᕗᒻᒥ.
2019-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᒐᒃᓴᙳᖅᑎᑦᑎᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᒡᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ – ᐃᓕᓐᓂᐊᖅᑎᒥᒃ, ᐃᓕᓴᐃᔨᒥᒃ, ᓄᓇᓕᖕᓂ ᐃᑲᔪᖅᑎᒥᒃ, ᐃᓐᓇᕐᒥᒃ ᐅᕝᕙᓗᓐᓃᑦ ᐃᖅᑲᓇᐃᔭᖃᑎᒋᔭᕐᓂᒃ. ᓵᓚᒃᓴᖅᑐᖅ ᐃᓕᑕᕆᔭᐅᓛᖅᑐᖅ ᐅᔭᒥᒃᑖᖅᑎᑕᐅᓗᓂ ᐊᒻᒪ ᓇᓗᓇᐃᒃᑯᑕᖅᑖᒃᓗᓂ ᑐᓂᔭᐅᓛᖅᖢᓂ ᓯᕗᓕᖅᑎ ᓴᕕᑲᑖᕐᒧᑦ ᐅᑭᐊᒃᓵᖅ.
ᓂᕈᐊᒐᒃᓴᓕᐅᕈᒪᔪᓄᑦ ᒪᑐᕝᕕᒃᓴᖓ ᒪᐃ 31, 2019.
ᑲᑐᔾᔨᖃᑎᒌᖏᑦ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᕐᒧᑦ ᑐᓐᓂᖅᑯᑎᖃᕐᓂᕐᒧᑦ ᓂᕈᐊᒐᒃᓴᙳᖅᑎᑦᑎᓂᖅ
ᓂᕈᐊᒐᒃᓴᓕᐅᕈᒪᒍᕕᑦ ᑐᑭᓯᒋᐊᒃᑲᓐᓂᕈᒪᒍᕕᓪᓘᓐᓃᑦ, ᖃᐅᔨᒋᐊᕐᕕᒋᓗᒍ:
ᕗᐊᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
whalonen@gov.nu.ca