ᓯᕗᓕᖅᑎᐅᑉ ᓇᓗᓇᐃᕈᑎᖏᑦ

ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 29, 2021) - ᓯᕗᓕᖅᑎ ᓴᕕᑲᑖᖅ ᐅᓪᓗᒥ ᓴᖅᑭᑎᖅᑲᐅᕗᖅ ᐆᒥᖓ ᐅᖃᐅᓯᕐᒥᒃ:  “ᓄᒫᓱᒃᖢᑕ ᑕᕝᕙᐅᕗᑏᓕᕆᕗᒍᑦ ᐃᖅᑲᖅᑐᐃᔨᒥᑦ ᑖᒪᔅ ᐴᕐᔪᕐᒥᒃ, ᑖᓐᓇᓗ ᕿᒪᐃᓪᓗᓂ ᐊᖏᔪᒻᒪᕆᖕᒥᒃ ᐱᓕᕆᐊᕆᖃᑦᑕᖅᓯᒪᔭᒥᓂᒃ ᐊᒃᑐᒃᓯᓂᕆᓯᒪᔭᒥᓂᒡᓗ ᓇᓂᓕᒫᖅ ᑲᓇᑕᒥᐅᑦ ᐅᑭᐅᖅᑕᖅᑐᖓᓂ.  ᐴᕐᔫᑉ ᖃᔅᓯᑲᓪᓚᒻᒪᕇᑦ ᐃᑲᔪᕐᓂᕆᖃᑦᑕᖅᑕᖏᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᓯᕗᒻᒧᐊᖅᐸᓪᓕᐊᔪᓐᓇᕐᓂᖏᓐᓄᓪᓗ ᓵᑕᐅᒐᔪᒃᑐᑦ ᓄᓇᖃᖅᑳᖅᑐᑦ ᐃᓄᐃᓪᓗ ᐊᒃᑐᖅᓯᓯᒪᕗᑦ ᓄᓇᕗᒻᒥᒃ ᐊᖏᔪᑲᓪᓚᒻᒪᕆᒃᑯᑦ. 2005−ᒥ ᓄᓇᕗᒻᒧᑦ ᐱᓕᕆᐊᖑᔪᒧᑦ ᐅᓂᒃᑲᐅᓯᖓ ᐱᒻᒪᕆᐊᓘᓚᐅᖅᐳᖅ ᓇᓗᓇᐃᔭᐃᓪᓗᓂ ᓇᒧᙵᐅᕙᓪᓕᐊᓇᔭᕐᓂᕐᒥᒃ ᓯᕗᒻᒧᑦ ᑐᑭᖃᑦᑎᐊᖅᑐᒃᑯᑦ ᓄᓇᕗᒻᒥ ᐃᓄᐃᑦ ᐃᓚᐅᓇᔭᕐᓂᖏᓐᓄᑦ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᑦᑎᓐᓂ ᐃᓅᖃᑎᒌᒃᐸᖕᓂᑦᑎᓐᓂᓗ.  ᓯᕗᓕᖅᑎᒋᔭᐅᓚᐅᖅᓯᒪᒋᕗᖅ ᐆᒧᖓ, Mackenzie Valley ᓱᓪᓗᓕᖕᒧᑦ ᖃᐅᔨᓇᓱᒍᑕᐅᔪᒧᑦ, ᑖᓐᓇᓗ ᐊᑐᖅᑕᐅᖃᑦᑕᕐᓂᐊᖅᑐᒥᒃ ᐋᖅᑭᒃᓯᕕᐅᓪᓗᓂ ᐅᖃᖃᑎᖃᕐᓂᐊᕐᓗᓂ ᓄᓇᖃᖅᑳᖅᑐᓂᒃ… ᐅᖃᓕᒫᒃᑲᓐᓂᕆᑦ.
ᖃᐅᓱᐃᑦᑐᕐᒥ, ᓄᓇᕗᑦ (ᐃᐳᕈ 26, 2021) - ᓯᕗᓕᖅᑎ ᓴᕕᑲᑖᖅ ᐅᓪᓗᒥ ᓴᖅᑭᖅᑎᑦᓯᖅᑲᐅᔪᖅ ᐅᑯᓂᖓ ᓇᓗᓇᐃᕈᑎᓂᒃ: “ᖁᓅᒻᒥᓚᐅᖅᑐᖓ ᑐᓴᕋᒪ ᐃᓅᒍᓐᓃᓚᐅᖅᑐᓂᒃ ᖁᓛᒎᓕᒃᑯᑦ ᑲᑕᑦᑐᑎᒃ ᖃᐅᓱᐃᑦᑑᑉ ᖃᓂᒋᔮᓂ ᐅᓐᓅᓚᐅᖅᑐᖅ. ᐅᒡᒍᕐᓇᖅᑑᒐᓗᐊᖅ, ᐊᑕᖏᖅᑐᒋᑦ ᐱᖓᓱᐃᑦ ᐃᑭᒪᓚᐅᖅᑐᑦ ᑐᖁᔪᒥᓃᑦ Griffin Island ᐃᓄᒃᓱᒐᓕᒃ ᕿᑭᖅᑕᖓᓂ. ᑕᒪᓐᓇ ᐅᖁᒪᐃᓐᓇᓗᐊᖑᐊᖅᑐᖅ ᐃᓅᓯᑦᑎᓄᓪᓗ ᐊᑕᓪᓗᓂ, ᐱᕐᓗᐊᕿᓂᐅᓚᐅᖅᑐᖅ ᖃᖓᑕᔭᕋᑦᑎᓪᓗᒋᑦ ᓈᓴᐃᓪᓗᑎᒃ ᑕᓪᓗᕈᑎᐅᑉ ᐃᒪᖓᓂ ᓇᓄᕐᓂᒃ, ᑲᒪᒋᔭᐅᓪᓗᓂ ᐊᕙᑎᓕᕆᔨᒃᑯᓐᓄᑦ. ᐸᓖᓯᒃᑯᑦ ᓇᓗᓇᐃᖅᓯᒐᓱᐊᖅᑎᓪᓗᒋᑦ ᓱᒻᒪᑦ ᐱᕐᓗᐊᕿᔪᒥᓂᐅᒻᒪᖔᑕ, ᐃᖅᑲᐅᒪᓂᐊᖅᑲᓯᐅᒃ ᐃᓅᒍᓐᓃᖅᑐᑦ ᓇᓪᓕᒋᔭᖏᓪᓗ. ᓇᓪᓕᒋᓪᓗᒋᑦ ᐃᓚᐅᖃᑕᐅᔪᑦ, ᓇᓗᓇᐃᔾᔮᙱᑕᕗᑦ ᐊᑎᖏᑦ ᐃᓚᓕᒫᖏᑦ ᖃᐅᔨᒃᑲᖅᑕᐅᓚᐅᙱᓐᓂᖏᓐᓂ.”   ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᐅᒍᓐᓇᖅᑐᖅ: ᑲᐃᑦ ᒪᒃᓚᐅᑦ ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ 867-975-5059 cmacleod@gov.nu.ca
ᐃᖃᓗᐃᑦ, ᓄᓇᕗᑦ ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ: “ᐊᕐᕌᒍᑦ 20 ᐊᓂᒍᖅᓯᒪᓕᖅᑐᑦ ᐅᓪᓗᒥ, ᓄᓇᖓᑦ ᑲᓇᑕᐅᑉ ᐊᓯᔾᔨᓚᐅᖅᐳᖅ ᐃᓱᖃᙱᑦᑐᒧᑦ, ᖁᔭᓐᓇᒦᒃ ᐊᓂᒍᐃᔪᓐᓇᖕᓂᖏᓐᓄᑦ, ᖃᓄᖅᑑᕈᓐᓇᖕᓂᖏᓐᓄᑦ ᐋᖅᑭᒋᐊᕆᔪᓐᓇᖕᓂᖏᓪᓗ ᓄᓇᕗᒻᒥᐅᑦ ᐃᓄᖏᑦ. ᐅᒃᐱᕈᓱᑦᑎᐊᖕᓇᙱᑦᑐᖅ ᐊᕐᕌᒍᑦ 20−ᓕᖕᒪᑕ ᓴᖅᑭᓚᐅᖅᑎᓪᓗᒍ ᓄᓇᕗᑦ. ᐊᕐᕌᒍᑦ 20 ᐱᓪᓚᑦᑖᙳᓚᐅᖅᑎᓪᓗᒍ ᓴᙱᔪᒻᒪᕆᒃ ᑕᐅᑐᖅᑰᖅᑕᖅ, ᖁᕕᐊᓇᖕᓂᖓ ᐊᔪᕐᓇᙱᓐᓂᖓᓗ, ᐊᒻᒪᓗ ᑎᒥᒃᑰᖅᑰᔨᔪᖅ ᓂᕆᐅᖕᓂᖃᑦᑎᐊᖕᓂᖅ. ᐱᓪᓚᑦᑖᖕᓂᖓ ᐱᕙᓪᓕᐊᓂᐅᔪᖅ ᓄᓇᕗᒻᒥᑦ ᓱᒃᑲᓕᔪᓐᓇᓗᐊᓚᐅᙱᓚᖅ ᓂᕆᐅᒋᔭᑦᑎᒍᑦ. ᑭᓯᐊᓂᓕ ᑕᑯᓯᒪᔪᒍᑦ ᑲᔪᓯᑦᑎᐊᖕᓂᐅᔪᓂᑦ, ᐱᕈᖕᓂᖕᒥᑦ, ᐱᓇᓱᐊᖏᓐᓇᐃᓐᓇᖕᓂᖏᓐᓂᒡᓗ, ᐃᓕᑦᑎᔪᒻᒪᕆᐅᓪᓗᑕᓗ ᑕᐃᑲᙵᓂᓂᑦ 1999−ᒥᓂᑦ. ᐱᓕᕆᓯᒪᒻᒪᕆᒃᐳᒍᑦ ᐱᒋᐊᓚᐅᖅᑎᓪᓗᑕ. ᐱᕈᖅᐸᓪᓕᐊᕗᒍᑦ- ᐱᔪᓐᓇᖕᓂᑦᑎᓐᓂᑦ, ᐃᓕᓯᒪᔭᑦᑎᓐᓂᑦ, ᐱᓕᕆᖃᑎᒌᖕᓂᑦᑎᓐᓂᑦ ᐃᓛᒃᑯᓪᓗ. ᐅᓪᓗᒥ, ᐃᖅᑲᐅᒪᓂᐊᖅᐳᓯᑐᖅ ᑲᔪᓯᓯᒪᑦᑎᐊᕐᑎᑕᑦᑎᓐᓂᑦ – ᐱᔪᒪᑦᑎᐊᖕᓂᖏᓐᓂᑦ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ   ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:  “ᐃᖅᑲᐅᒪᔾᔪᑕᐅᒍᑎᒃᓴᖏᓐᓂ ᐳᕙᒃᓗᖕᓇᖅ ᐃᓄᖕᓄᑦ ᐋᖅᑭᒃᓯᓯᒪᔪᖅ ᑭᖑᕚᕇᓂᑦ ᐋᓐᓂᐊᕐᓂᕐᒥᒃ, ᐊᒃᓱᕈᕐᓇᕐᓂᕐᒥᒃ ᐊᒻᒪ ᕿᒃᓵᖕᓂᕐᒥᒃ.  ᓄᓇᕗᒻᒥ, ᑕᒪᒃᑭᑲᓴᒃᑐᑦ ᐃᓚᒌᑦ ᐱᐅᙱᑦᑐᒃᑯᑦ ᐊᒃᑐᖅᑕᐅᓯᒪᔪᑦ ᒐᕙᒪᑐᖃᒃᑯᑦ ᒪᒥᓴᐃᔾᔪᑎᖏᓐᓄᑦ ᐳᕙᒃᓗᒃᑐᓄᑦ ᐋᓐᓂᐊᕕᓕᐊᖅᓯᒪᔪᖁᑎᑦᑎᓐᓄᑦ 1940−ᖏᓐᓂ, 1950−ᖏᓐᓂ ᐊᒻᒪ 1960−ᖏᓐᓂ.  ᓱᓕᔪᖅ ᐅᓄᖅᑐᑦ ᓇᒡᓕᒋᔭᕗᑦ ᐃᓅᔪᓐᓃᖅᓯᒪᔪᑦ ᐃᓄᑑᓪᓗᑎᒃ ᐊᖏᕐᕋᖅᑎᑕᐅᓚᐅᖅᓯᒪᙱᖦᖢᑎᒃᓗ ᓈᒻᒪᒃᑐᒃᑯᑦ ᑕᕝᕙᐅᕗᑏᕐᓂᕐᓄᑦ ᓄᑕᐅᙱᑦᑑᖏᓐᓇᖅᐳᖅ ᒪᒥᐊᓇᐃᓐᓇᕐᖢᓂᓗ.  ᑭᒡᒐᖅᑐᐃᓗᒋᑦ ᒐᕙᒪᒃᑯᑦ ᓄᓇᕗᒻᒥ, ᖁᔭᒋᕙᕋ ᑲᓇᑕᐅᑉ ᐊᖓᔪᖅᑳᕐᔪᐊᖓ ᑖᑦᓱᒧᖓ ᒪᒥᐊᓐᓂᖓᓄᑦ, ᒐᕙᒪᑐᖃᒃᑯᓪᓗ ᐱᓕᕆᐊᖓᓄᑦ ᑕᑎᒋᔭᑦᓴᐅᓂᕐᒥᒃ. ᑕᐃᒪᐃᒃᑲᓗᐊᖅᑎᓪᓗᒍ, ᓱᓕᒻᒪᕆᖕᓂᖓ ᓄᓇᕗᒻᒥ ᐃᓄᐃᑦ ᐋᓐᓂᐊᖅᑐᑦ ᓱᓕ ᑕᕝᕙᙵᑦ ᑖᖅᑐᒦᓐᓇᓚᐅᖅᑐᒥᒃ, ᐊᒃᓱᕈᕐᓇᖅᑐᒃᑰᖏᓐᓇᕐᖢᑎᒃᓗ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ  ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:  "ᖁᕕᐊᓇᙱᓪᓚᕆᒃᖢᓂ ᐅᖃᖅᐳᖓ ᐅᒡᒍᐊᖃᑎᒋᓂᕋᖅᖢᒋᑦ ᐃᓚᒋᔭᐅᔪᑦ ᐱᖃᓐᓇᕆᔭᐅᔪᓪᓗ ᓵᓕ ᐸᓂᒍᓂᐊᕐᒧᑦ ᐅᓪᓗᒥ ᐃᓅᔪᓐᓃᖅᑲᐅᑎᓪᓗᒍ.  ᓵᓕᐅᑉ ᐊᑐᖃᑦᑕᖅᓯᒪᔭᖏᑦ ᓄᓇᕘᓕᒫᒥ ᐃᒪᓐᓇᐃᑦᑑᕗᑦ, ᖁᕕᐊᓱᓪᓚᕆᒃᐸᒃᖢᓂ, ᑎᔅᓯᓈᕆᒃᐸᒃᖢᓂ ᐊᓯᒥᓂᒡᓗ ᐱᔪᒃᓯᓕᖅᑎᑦᑎᓯᒪᓪᓗᓂ. ᐃᙱᐅᓯᕆᕙᒃᑕᖏᑦ  ᖃᐅᔨᒪᔭᐅᔪᒻᒪᕆᐊᓘᕗᑦ ᓄᓇᕗᒻᒥ, ᑐᓴᕐᓂᕆᔭᐅᑦᑎᐊᖅᖢᑎᒃ ᐊᓐᓂᕆᔭᐅᔪᒻᒪᕆᐅᓪᓗᑎᒡᓗ ᓄᓇᓕᑦᑎᓐᓂᑦ. ᓰᐲᓰᒦᓚᐅᖅᓯᒪᓂᕐᒥᓂᑦ ᐱᑎᑕᐅᓚᐅᖅᓯᒪᓂᕐᒥᓄᑦ ᓄᓇᕗᒻᒥ ᐃᓕᓴᖅᓯᔾᔪᑦ ᐅᔭᒥᖕᒥᑦ, ᓂᐱᖓ ᓴᙲᓐᓇᐅᔭᓚᐅᖅᐳᖅ ᐃᓄᐃᑦ ᐅᖃᐅᓯᖏᓐᓄᑦ ᐅᑭᐅᖅᑕᖅᑐᒥᐅᓄᓪᓗ.  ᖁᔭᓕᓯᒪᑦᑎᐊᖅᐳᖓ ᖃᐅᔨᒪᓚᐅᕋᒃᑯ ᓵᓕ ᐊᕐᕌᒎᒐᓴᖕᓄᑦ ᐊᒥᓱᓄᑦ, ᐱᓗᐊᙳᐊᖅᖢᓂᓗ, ᑕᑯᓵᑦᑎᐊᓚᐅᕋᒃᑯᑦ ᐱᓇᓱᐊᕈᓯᐅᓵᖅᑐᒥ. ᐃᒪᐃᓯᒪᕗᖓ, ᐊᑐᐃᓐᓇᐅᔭᕐᓂᐊᖅᖢᒍᓗ, ᑐᓴᕐᓂᕈᓱᖃᑕᐅᓪᓚᕆᒃᐸᒃᖢᖓ ᐃᙱᐅᓯᖏᓐᓂᒃ, ᐃᓅᓯᐊᓂᒃ, ᐊᒥᓱᓄᓪᓗ… ᐅᖃᓕᒫᒃᑲᓐᓂᕆᑦ.
ᐃᖃᓗᐃᑦ, ᓄᓇᕗᑦ ​  ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:  “ᐅᓐᓄᒃ, ᐱᒃᑯᒍᓱᑦᑎᐊᖅᖢᖓ ᑐᓂᓯᓚᐅᖅᐳᖓ $1 ᒥᓕᐊᓐᓂᒃ ᐅᑭᐅᖅᑕᖅᑐᖅ ᑲᔪᖏᖅᓴᐃᓂᕐᒧᑦ ᓵᓚᒃᓴᐅᓯᐊᒥᑦ ᐱᔭᕆᐊᖃᒻᒪᕆᒃᑐᒧᑦ, ᓄᓇᕗᒻᒥᑦ ᐱᓕᕆᐊᓖᑦ, ᐱᕈᕐᕕᒃ − ᐱᕈᕐᕕᒃ. ᑐᑭᓯᐅᒪᐃᓐᓇᖃᑦᑕᓚᐅᖅᑐᖓ ᐱᒻᒪᕆᐅᓂᖏᓐᓂᑦ ᐃᓕᓐᓂᐊᕆᐅᓕᓵᖕᓂᖅ ᑐᙵᕕᐅᓗᓂ ᐃᓛᒃᑯᑦ ᐱᔭᕆᐊᓕᖏᓐᓂᑦ ᐱᐅᓯᑐᖃᖅᑐᓪᓗ ᐱᕈᖅᓴᐃᓂᖕᒥᑦ. ᐱᓕᕆᐊᖑᔪᑦ ᑕᒡᕘᓇ ᐱᓕᕆᐊᒃᑯᑦ ᓄᑕᖅᑲᓂᑦ ᐃᓕᑦᑎᔪᒪᓂᖃᓕᖅᑎᓪᓗᒋᑦ ᓈᒻᒪᒋᔭᒥᑎᒍᑦ ᐱᒻᒪᕆᐅᖕᒪᑦ, ᐋᖅᑭᐅᑎᓕᖅᖢᓂ ᓄᑕᖅᑲᓄᑦ ᐊᑯᓂᐅᔪᒥᑦ ᑲᔪᓯᓂᖃᑦᑎᐊᖕᓂᖕᒥᑦ. ᑕᒪᓐᓇᑦᑕᐅᖅ ᐱᓕᕆᐊᒃᓴᖅ ᐊᑐᓲᖑᖕᒥᔪᑦ ᐱᔭᐅᔭᕆᐊᓕᖕᓂᑦ ᓄᓇᓕᖁᑎᑦᑎᓐᓂᑦ ᐋᖅᑭᒃᓱᐃᓗᑎᒃ ᐱᓕᕆᐊᒃᓴᓂᑦ ᐃᒻᒥᓄᑦ ᐊᑑᑎᓕᖕᓄᑦ. ᐊᓕᐊᓇᐃᒍᓱᒃᐳᖓ ᐱᕈᕐᕕᒃ−A Place to Grow ᐱᕈᖅᐸᓪᓕᐊᖕᒪᑦ ᑲᔪᓯᑦᑎᐊᖅᖢᓂᓗ, ᐊᓕᐊᓇᐃᒍᓱᒃᖢᖓᓗ ᐊᒡᒋᖅᑐᒃᓴᓂᑦ. ᐊᓕᐊᓇᐃᒍᓱᖃᑎᒋᕙᒃᑲ ᑕᓴ ᓛᒃᕼᐊᑦ ᑭᐅᕋᓐ ᓄᑕᕋᕐᓗ, ᑐᑭᒧᐊᒃᑎᐅᖃᑎᒌᒃ ᐱᕈᕐᕕᖕᒥᑦ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᑎᑎᕋᖅᓯᒪᔪᓂᒃ:  “ᐅᓪᓗᒥ, ᑲᓇᑕᒥ ᐅᓪᓗᖃᖅᑎᓪᓗᒋᑦ ᐃᖅᑲᐅᒪᓐᓇᒥ ᐊᒻᒪ ᖃᓄᖅᑑᕐᓂᕐᒧᑦ ᐊᕐᓇᐃᑦ ᐋᓐᓂᖅᓯᖅᑕᐅᕙᒃᑐᑦ ᐱᔾᔪᑎᒋᓪᓗᒋᑦ, 14−ᖑᔪᑦ ᐊᕐᓇᐃᑦ ᒪᑦᑐᓕᐊᒥ ᐃᓄᐊᖅᑕᐅᓚᐅᖅᓯᒪᔪᑦ ᐃᖅᑲᐅᒪᕙᕗᑦ ᑖᓐᓇ ᐅᓪᓘᑎᓪᓗᒍ 1989-ᒥᑦ, ᐊᒻᒪ ᓈᓴᒐᒃᓴᐅᙱᑦᑐᑦ ᐊᓯᖏᑦ ᓵᓚᒋᔭᐅᓗᐊᖃᑦᑕᖅᓯᒪᔪᑦ, ᐋᓐᓂᖅᓯᖅᑕᐅᕙᒃᑐᑦ ᐅᕝᕙᓘᓐᓃᑦ ᑐᖁᑕᐅᕙᒃᑐᑦ ᐋᓐᓂᖅᓯᕆᔭᕆᐊᖃᙱᑦᑎᐊᖅᑐᓂᒃ ᐋᓐᓂᖅᓯᖅᑕᐅᔪᓄᑦ.  ᕿᒃᓵᖃᑎᒋᕙᔅᓯ ᐊᒻᒪ ᓂᕆᐅᒃᐳᖓ ᐊᕐᓇᓕᒫᑦᑎᐊᑦ ᓄᓇᕗᒻᒥ, ᑲᓇᑕᒥ ᐊᒻᒪ ᓄᓇᕐᔪᐊᓕᒫᒥ ᐅᓪᓗᖃᓕᓛᕐᓂᖏᓐᓂᒃ ᐊᑦᑕᕐᓇᙱᑦᑐᒦᓪᓗᑎᒃ ᐊᒻᒪ ᑲᒪᒋᔭᐅᑦᑎᐊᕐᓗᑎᒃ ᓲᕐᓗ ᐊᖑᑎᑎᑐᑦ. ᐃᖅᑲᐅᒪᔭᕗᑦ, ᐊᒻᒪ ᐊᓯᔾᔩᔪᒪᓪᓚᑦᑖᖅᐳᒍᑦ ᑕᒪᑐᒥᖓ ᑲᑉᐱᐊᓇᖅᑐᒻᒪᕆᐊᓗᖕᒥᑦ ᐊᑐᖅᑕᐅᓪᓚᑦᑖᖃᑦᑕᖅᑐᒥᑦ.  ᐱᔪᓐᓇᕐᓂᖃᕐᕕᐅᔪᒥᑦ ᐃᓚᒌᑦ ᐋᓐᓂᖅᓯᖅᑕᐅᕙᒃᑐᑦ 11-ᖏᖅᓱᖅᖢᓂ ᖁᑦᑎᖕᓂᖅᓴᐅᕗᑦ ᐊᓯᖏᓐᓂᒃ ᑲᓇᑕᒦᑦᑐᓂᒃ, ᓄᓇᕗᒻᒥ ᐅᓄᖅᑐᑦ ᖃᑕᙳᑎᒌᑦ ᐊᒃᑐᖅᑕᐅᓯᒪᕗᑦ ᐋᓐᓂᖅᓯᕆᓂᕐᒧᑦ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:  "ᓄᓇᕐᔪᐊᒥᑦ ᐅᓪᓗᖓᓂᑦ ᐊᕐᓇᐅᑉ, ᐱᕕᖃᕈᒪᕗᖓ ᐃᖅᑲᐅᒪᓗᒋᑦ ᖁᕕᐊᓲᑎᒋᓗᒋᓪᓗ ᓴᙱᓂᕆᔭᑦ, ᐊᔪᙱᓐᓂᕆᔭᑦ, ᐃᑲᔪᖕᓂᕆᔭᑦ ᐊᒃᓱᕈᑦᑎᐊᖅᐸᖕᓂᖏᓪᓗ ᐊᕐᓇᐃᑦ ᓂᕕᐊᖅᓯᐊᓪᓗ ᓄᓇᕘᑉ ᓄᓇᓕᖏᓐᓄᐊᕆᓲᑦ, ᑲᑐᔾᔨᖃᑎᒌᓄᑦ ᑕᐅᑐᙳᐊᖅᑕᓄᓪᓗ.   ᒫᓐᓇᐅᔪᖅ ᑕᐅᑐᒃᐳᒍᑦ ᑲᑐᔾᔨᓂᒃᑯᑦ ᐱᕙᓪᓕᐊᔪᑦ ᓵᑕᒃᓴᐅᖁᓪᓗᒋᑦ ᐱᓂᕐᓗᒃᑕᐅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ ᓴᖅᑭᔮᖅᑎᑦᑎᔪᑦ, ᐅᖃᖃᑎᒌᖃᑦᑕᖁᕙᒃᑲ ᑕᒪᑐᒪ ᒥᒃᓵᓄᑦ ᓄᓇᕗᒻᒥᑦ. ᐊᑲᐅᙱᒃᑲᓗᐊᕐᓗᑎᒃ, ᐱᔭᕆᐊᖃᖅᐳᑦ ᐱᒻᒪᕆᐅᒋᔭᐅᓪᓗᑎᒡᓗ.  ᐊᖑᑕᐅᓪᓗᖓ ᓯᕗᓕᖅᑎᐅᓪᓗᖓ, ᐊᑖᑕᐅᓪᓗᖓ, ᐊᑖᑕᑦᓯᐊᖑᓪᓗᖓ, ᐅᐃᖑᓪᓗᖓ, ᑕᐱᕆᔭᐅᓪᓗᖓᓗ ᐊᕐᓇᓄᑦ, ᐊᖏᕈᑎᒋᒃᑲᓐᓂᖅᐸᕋ ᑕᒪᓐᓇ ᐱᕙᓪᓕᐊᔪᖅ. ᐊᖏᖅᐳᖓ ᐃᑲᔪᖅᑐᐃᓂᐊᕐᓗᖓ ᖃᐅᔨᕚᓪᓕᕐᓗᖓᓗ ᑐᑭᓯᕚᓪᓕᕐᓗᖓᓗ ᐊᑲᐅᙱᓕᐅᕈᑕᐅᕙᒃᑐᑦ ᐊᕐᓇᓄᑦ ᓂᕕᐊᖅᓵᓄᓪᓗ ᖃᐅᑕᒫᑦ, ᐊᕐᓇᐅᓂᖏᓐᓄᑐᐃᓐᓇᖅ. ᐊᖏᕈᑎᒋᒃᑲᓐᓂᕆᕙᕋ ᕿᒥᕐᕈᓂᐊᕐᓗᒋᑦ ᒫᓐᓇ ᓄᓇᕗᑦ ᒐᕙᒪᒃᑯᖏᑦᑕ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᑖᒃᑯᓂᖓ ᐅᖃᐅᓯᐅᔪᓂᑦ: “ᐃᓴᒃᓯᒪᒋᑦ ᐃᓅᓯᕐᒥ ᐅᓪᓗᖓᓂ, ᓄᓇᕗᒻᒥᐅᑦ ᓂᕆᐅᖕᓂᖃᖁᕙᒃᑲ, ᐊᒻᒪ ᖁᕕᐊᓲᑎᖃᕐᓗᑎᒃ ᐱᓇᔪᓪᓚᑦᑖᕐᓂᑦᑎᓐᓂ ᐊᒻᒪ ᓴᙱᓂᑦᑎᓐᓂ. ᓄᓇᕗᑦ ᓴᐃᒻᒪᖅᑎᑕᐅᓯᒪᕗᖅ ᖃᑕᙳᑎᑦᑎᓐᓂ, ᖃᐅᔨᒪᔭᑦᑎᓐᓂ ᐊᒻᒪ ᐱᔪᓐᓇᕐᓂᖏᓐᓂ. ᐊᒃᑐᐊᖃᑎᒌᒃᑐᐃᓐᓇᐅᕗᒍᑦ, ᑕᒪᑦᑕᓗ ᓇᒡᓕᒋᔭᐅᓪᓗᑕ. ᐅᖃᓪᓚᒋᐊᖃᕈᕕᑦ, ᐅᕗᖓ ᐅᖄᓚᔪᓐᓇᖅᐳᑎᑦ: ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓘᑎᖓᓄᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ) 867-979-3333−ᒧᑦ ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-800-265-3333. ᐊᒃᓱᕈᕐᓇᖅᑐᓄᑦ ᐱᔨᑦᑎᕋᖅᑎᑦ ᑲᓇᑕᒥ – ᖃᕆᓴᐅᔭᒃᑯᑦ ᐅᖃᖃᑎᖃᕆᑦ (www.crisisservicescanada.ca), ᐅᕝᕙᓘᓐᓃᑦ ᐅᖃᓘᑎᕋᓛᒃᑯᑦ ᑎᑎᕋᕐᓗᑎᑦ 1-833- 456-4566. Isaksimagit Inuusirmi Kataujjiqatigiit ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ ᐊᑭᖃᙱᑦᑐᒧᑦ ᐅᖄᓚᐅᑎᖓ 1-866-804-2782 ᐅᕝᕙᓘᓐᓃᑦ ᖃᕆᓴᐅᔭᒃᑯᑦ www.… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᑐᓴᖅᑎᑦᑎᕗᖅ ᑖᒃᑯᓂᖓ ᐅᖃᐅᓯᕐᓂᑦ: ᓄᓇᕗᒻᒥᐅᓄᑦ ᑭᒡᒐᖅᑐᐃᓗᖓ, ᑐᓂᓯᔪᒪᔪᖓ ᖁᕕᐊᓱᖃᑎᒌᖕᓂᕐᒥᑦ ᓇᑕᓐ ᐅᐱᑦᒧᑦ ᓂᕈᐊᖅᑕᐅᒃᑲᓐᓂᕐᓂᖓᓄᑦ ᐊᖏᔪᖃᖑᓂᕐᒧᑦ ᐃᓄᐃᑦ ᑕᐱᕇᑦ ᑲᓇᑕᒥᑦ. ᐱᓕᕆᓯᒪᔭᖏᑦ ᐊᕐᕌᒍᓄᑦ ᐱᖓᓱᓂᑦ ᐱᖁᓯᓕᕆᓂᖅ, ᐊᒃᓱᕈᕐᓂᖅ ᐊᒻᒪᓗ ᓯᕗᓪᓕᐅᔾᔭᕆᐊᓖᑦ ᐃᓄᖕᓄᑦ ᑲᓇᑕᓕᒫᒧᑦ ᐊᒻᒪᓗ ᓄᓇᕐᔪᐊᒧᑦ ᖁᕙᓯᒋᐊᓯᒪᕗᖅ. ᓂᕆᐅᒋᔭᖃᖅᐳᖓ ᑲᔪᓯᓂᕐᒥᑦ ᓴᙱᓂᖃᖅᑐᓂ ᐱᓕᕆᖃᑎᒌᒃᑐᓄᑦ, ᕿᒡᒐᖅᑐᐃᔪᓂ ᐃᓄᖕᓄᑦ ᓄᓇᕗᒥᑦ. ᐱᓕᕆᖃᑎᒌᖕᓂᒃᑯᑦ ᓴᙱᓂᖅᓴᐅᕗᒍᑦ ᑕᑎᑐᔫᕗᖓ ᓂᐱᒋᕙᒃᑕᑦᑎᓐᓂᑦ ᐊᑐᕐᓗᑕ ᓇᓗᓇᐃᖅᓯᓗᑕ ᓈᒻᒪᓛᒥᑦ ᐃᓕᓴᕆᔭᐅᓂᕐᒧᑦ ᐊᒻᒪᓗ ᑭᒡᒐᖅᑐᐃᓂᕐᒧᑦ ᐃᓄᐃᖕᓂᑦ ᐱᓕᕆᐊᖑᕙᓪᓕᐊᔪᒪᔪᓂ ᓲᕐᓗ ᐃᒻᒥᓃᖅᑎᑦᑎᑕᐃᓕᒪᓂᕐᖅ, ᓄᓇᖃᖅᖄᓯᒪᔪᑦ ᐱᔪᓐᓇᐅᑎᖏᑦ ᐱᓕᕆᔾᔪᑕᐅᓂᐊᖅᑐᑦ, ᐅᑭᐅᖅᑕᖅᑐᒥᑦ ᐊᑐᐊᒐᕐᒧᑦ ᐱᓕᕆᔾᒧᑕᐅᓂᐊᖅᑐᑦ, ᐊᒻᒪᓗ ᐱᐅᓯᒋᐊᕐᓂᖅ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᓄᖅ ᐱᓕᕆᐊᔅᓴᑦ. ᖁᔭᓕᔪᔪᒍ ᐱᓕᕆᖃᑦᑕᖅᑕᓐᓂ, ᐊᒻᒪᓗ ᑲᔪᓯᑦᑎᐊᖁᔨᕗᒍᑦ ᓅᑎᓪᓗᑎ ᐊᕐᕌᒎᒃᑲᓐᓂᖅᑐᒧᑦ. ###… ᐅᖃᓕᒫᒃᑲᓐᓂᕆᑦ.