ᓯᕗᓕᖅᑎ ᓴᖅᑭᑎᑦᓯᔪᖅ ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᕐᓂᑦ

ᐃᖃᓗᐃᑦ, ᓄᓇᕗᑦ (ᓅᕙᐃᒻᕙ 8, 2022) − ᐅᓪᓗᒥ ᒪᓕᒐᓕᐅᕐᕕᒻᒥ, ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᓴᖅᑭᑎᑦᓯᔪᖅ ᐃᒻᒥᑰᖅᑐᓂᒃ ᐱᓕᕆᐊᑦᓴᓂᒃ ᑎᑎᖅᑲᕐᓂᑦ ᐊᑐᓂᑦ ᒥᓂᔅᑕᓄᑦ.

“ᑖᓐᓇ ᓯᕗᓪᓕᖅᐹᖅ ᓄᓇᕗᒻᒥ ᓯᕗᓕᖅᑎ ᓴᖅᑭᑎᑦᓯᑎᓪᓗᒍ ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᕐᓂᑦ ᒥᓂᔅᑕᐃᑦ ᑲᑎᒪᔨᖏᓐᓄᑦ,” ᓯᕗᓕᖅᑎ ᐊᕿᐊᕈᖅ ᐅᖃᖅᑐᖅ. “ᑖᓐᓇ ᐆᑦᑐᕋᕐᓂᖅ ᑕᑯᑦᓴᐅᑎᑦᓯᔪᖅ ᑖᑦᓱᒪᖓᑦ ᒐᕙᒪᒥᒃ ᑲᔪᓯᑎᑦᓯᓂᕐᒧᑦ ᑕᑯᑦᓴᐅᑦᓯᐊᕐᓂᕐᒧᑦ ᐱᓕᕆᐊᑦᓴᑎᓐᓂᒃ. ᑐᓴᖅᑎᑦᓯᔪᒪᒐᑦᑕ ᐱᕙᓪᓕᐊᓂᕆᔭᑦᑕ ᒥᑦᓵᓄᑦ. ᐱᓕᕆᐊᖑᓂᐊᖅᑐᐃᑦ ᓄᓇᕗᒻᒥᐅᓄᑦ ᒐᕙᒪᑦᑎᓐᓄᑦ ᐆᑦᑐᕋᑦᓴᐅᔪᓐᓇᖅᑐᑦ, ᐱᓪᓚᕆᓪᓗᓂ, ᑕᑯᑦᓴᐅᓗᓂᓗ.”

ᒥᓂᔅᑕᐃᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᖅ ᑐᓴᖅᑎᑦᓯᓂᐅᕗᖅ ᑐᕌᒐᓪᓚᕆᓐᓂᒃ ᖃᓄᐃᓕᐅᕈᑕᐅᓂᐊᖅᑐᓂᑦ ᖃᓄᐃᓕᖓᓕᕐᓂᖏᓐᓂᓪᓗ ᓂᕆᐅᒋᔭᐅᔪᑦ ᒥᓂᔅᑕᐅᖃᑎᒌᓄᑦ ᐊᑐᓂ ᐱᓕᕆᐊᑦᓴᖏᓐᓂᒃ ᒪᓕᒐᓕᐅᖅᑎᐅᓂᖏᓐᓂᒃ. ᓇᓂᔭᐅᔪᓐᓇᖅᑐᑦ ᓯᕗᓕᖅᑎᐅᑉ ᐃᑭᐊᖅᑭᕕᖓᓂᑦ ᐅᕙᓂ https://www.premier.gov.nu.ca/iu/ministauvvingmi-piliriaksanut-nalunaija.... ᓴᖅᑭᔮᖅᑎᑕᐅᓂᐊᖅᑐᑦ ᒐᕙᒪᒃᑯᑦ ᑎᑎᖅᑲᖁᑎᖏᓐᓄᑦ ᒪᓕᒐᓕᐅᕐᕕᐅᑉ ᐃᑭᐊᖅᑭᕕᖓᓂᑦ ᐅᕙᓂ https://assembly.nu.ca/ius/tabled-documents.

ᑖᒃᑯᐊ ᑎᑎᖅᑲᐃᑦ ᑐᑭᒧᐊᑦᑎᑦᓯᓂᐊᖅᑐᑦ ᒥᓂᔅᑕᓂᒃ ᐱᓕᕆᐊᑦᓴᖏᓐᓄᒃ ᐊᑐᓕᖅᑎᑦᓯᓂᕐᒧᑦ ᑲᑐᔾᔨᓗᑕ ᐱᓕᕆᐊᕐᓴᕐᓂᑦ. ᑲᑐᔾᔨᓗᑕ ᑭᒡᒐᖅᑐᐃᔪᖅ ᖃᓄᐃᓕᐅᕈᑕᐅᓂᐊᖅᑐᓂᑦ ᐱᓕᕆᐊᖑᕙᓪᓕᐊᔪᒪᔪᓂᓪᓗ ᑕᓪᓕᒪᓄᑦ ᓯᕗᓪᓕᐅᑎᔭᕆᐊᓕᓐᓄᑦ:

  • ᐃᓐᓇᕈᖅᐸᓪᓕᐊᑦᑎᐊᕐᓂᖅ ᓄᓇᕗᒻᒥ.
  • ᐃᓪᓗᓕᕆᓂᐅᕙᒃᑐᖅ ᐃᓚᒋᐊᖅᓯᒪᓗᒍ.
  • ᖃᓄᐃᙱᑎᑦᑎᓂᖅ ᒪᒥᓴᖅᑎᑦᑎᓂᕐᓗ.
  • ᐃᑲᔫᑎᑖᕋᓱᐊᒃᑲᓐᓂᕐᓗᑎᒃ ᐃᓕᓐᓂᐊᕐᓂᕐᒥᒃ.
  • ᓄᓇᓕᖕᓂ ᒪᑭᒪᓇᓱᐊᕈᑎᑦ ᐊᔾᔨᒌᙱᑦᑐᓂᙶᖅᑐᑦ.

“ᐊᖏᕈᑎᖃᓚᐅᖅᐳᒍᑦ ᐱᓕᕆᐊᑦ-ᕿᑎᐊᓂ ᕿᒥᕐᕈᓂᕐᒧᑦ ᐱᕙᓪᓕᐊᓂᕆᔭᑦᑎᓐᓂᑦ, ᐊᓂᒍᐃᓯᒪᓂᖏᓐᓄᑦ, ᐸᕐᓇᐅᑏᓪᓗ ᖃᓄᐃᓕᐅᕈᑕᐅᑲᓐᓂᕐᓂᐊᖅᑎᓪᓗᒋᑦ ᓄᑖᙳᕆᐊᕆᓂᐊᖅᓱᑎᓪᓗ ᒥᓂᔅᑕᓕᒫᑦ ᐱᓕᕆᐊᑦᓴᖏᓐᓂᒃ ᑎᑎᖅᑲᕐᓂᒃ ᒪᓕᓪᓗᒍ ᕿᒥᕐᕈᔭᐅᓯᒪᓂᖓ,” ᐊᕿᐊᕈᖅ ᐅᖃᖅᑐᖅ.