ᓄᑖᖅ ᑲᓛᖦᖡᑦ ᓄᓈ−ᓄᓇᕗᑦ ᐊᖏᖃᑎᒌᒍᑎ ᐊᑎᓕᐅᕐᑕᐅᔪᖅ
ᑲᓛᖦᖡᑦ ᓄᓈᓂ ᐊᖓᔪᖅᑳᕐᔪᐊᖓ ᒧᑦᓯ B. ᐃᖏᑦ ᐊᒻᒪᓗ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐊᑎᓕᐅᓚᐅᕐᒪᑏᒃ ᑐᑭᓯᐅᒪᓂᖕᒧᑦ ᑎᑎᖅᑲᒥᑦ ᑖᒃᑯᖕᓇᙵ ᒐᕙᒪᓂᒃ ᑲᓛᖦᖡᑦ ᓄᓈᓂ ᐊᒻᒪ ᓄᓇᕗᒃ ᓅᖕᒥᑦ ᐅᓪᓗᒥ.
ᓄᓇᕗᓪᓗ ᑲᓛᖦᖡᑦ ᓄᓈᓗ ᐊᑯᓂᐊᓗᒃ ᐊᔾᔨᒌᓂᓪᓗ ᐃᓄᖕᓄ ᐃᑦᑕᕐᓂᓴᖃᕐᒪᑏᒃ, ᑕᐅᕗᖓᑐᖃᐅᔮᓗᒃ ᑕᐅᓴᓐ ᐊᕐᕌᒍᒐᓴᖕᓄᑦ. ᑕᒪᓐᓇ ᐊᑕᐅᑦᑎᒃᑯᑦ ᐊᑐᕐᓯᒪᔭᑎᒃ, ᐃᓕᖅᑯᓯᖅ, ᐃᓅᖃᑎᒌᖕᓂᖅ, ᐊᒻᒪᓗ ᓄᓇᒥ ᐋᖅᑭᒍᑎᕗᖅ ᑐᙵᕕᐊᓂ ᐃᑲᔪᖅᑎᒌᒃᓗᑎᒃ ᐱᓕᕆᓗᑎᒃ ᐱᓕᕆᖃᑎᒌᒃᓗᑎᒃᓗ ᑖᒃᑯᓇᓂ ᒪᕐᕉᖕᓂᒃ ᐱᔪᓐᓇᕐᓂᓖᒃ.
ᓯᕗᓪᓕᖅᐹᖅ ᑐᑭᓯᐅᒪᓂᖕᒧᑦ ᑎᑎᖅᑲᖅ ᑖᒃᑯᖕᓇᙵ ᑲᓛᖦᖡᒃ ᓄᓈᓂ ᐊᒻᒪᓗ ᓄᓇᕗᓪᓗ ᐊᑎᓕᐅᕐᑕᐅᓚᐅᕐᓯᒪᔪᖅ 2000-ᒥᑦ. ᑕᒪᒃᑯᐊ ᑐᕌᒐᕆᔭᐅᔪᑦ ᑎᑭᑕᐅᓇᓱᐊᖅᑐᓪᓗ ᐋᖅᑭᒃᓯᒪᒐᓗᐊᕐᖢᑎᒃ ᓯᕗᓪᓕᕐᒥ ᑐᑭᓯᐊᒪᓂᖕᒧᑦ ᑎᑎᖅᑲᕐᒥᑦ ᐊᑐᕋᓗᐊᕐᖢᓂ ᓱᓕ ᐅᓪᓗᒥ, ᐅᓪᓗᒥ ᐊᖏᕈᑎ ᓴᙱᒃᑎᒃᑲᓐᓂᕈᑕᐅᓂᐊᕐᐳᖅ ᐱᓕᕆᖃᑎᒌᖕᓂᕗᑦ ᑲᒪᒋᓗᒋᓪᓗ ᓯᕗᓂᑦᑎᓂ ᐃᑲᔪᖅᑎᒌᖕᓂᖅ ᑕᒪᐃᓐᓂᒃ ᐱᔪᓐᓇᕐᓂᖃᕐᕕᑦᑎᓐᓂᑦ.
ᐅᕘᓇ ᑐᑭᓯᐊᒪᓂᖕᒧᑦ ᑎᑎᖅᑲᒃᑯᑦ, ᒐᕙᒪᐃᑦ ᑲᓛᖦᖠᑦ ᓄᓈᓂ ᐊᒻᒪᓗ ᓄᓇᕗᒻᒥᑦ ᖃᐅᔨᒪᔫᒃ ᐱᔪᒪᔭᑎᒃ ᑎᑭᓐᓇᓱᐊᕐᑕᑎᒃᓗ ᐱᓕᕆᖃᑎᒌᒃᑲᓐᓂᕈᓐᓇᖁᓪᓗᒋᒃ ᐊᒥᓱᓂ ᐱᔾᔪᑎᓕᖕᓂᑦ ᐃᓕᖅᑯᓯᕐᒧᑦ ᓴᓇᐅᒐᓕᕆᓂᖕᓄᓪᓗ; ᐃᓕᓐᓂᐊᕐᓂᖅ, ᐊᐅᓪᓚᖃᑦᑕᕐᓂᖅ ᐳᓚᕋᖅᑐᓕᕆᓂᕐᓗ, ᐃᒪᕐᒥ ᒪᑭᐅᒪᔾᔪᑎᑦ, ᐃᖃᓗᓕᕆᓂᑦ ᓴᓗᒪᔪᓂᓪᓗ ᐆᒻᒪᖅᑯᑎᓕᕆᓂᖕᓂᑦ.
ᐅᖃᖅᑕᐅᔪᑦ:
“ᐅᓇ ᑐᕿᓯᐅᒪᓂᖕᒧᑦ ᑎᑎᖅᑲᖅ ᑲᔪᓰᓐᓇᕈᑕᐅᔪᖅ ᖃᖓᓕᓴᕐᓂᖅ ᐱᓕᕆᖃᑎᒌᖕᓂᑦᑎᓐᓂᑦ ᓯᓚᖅᑲᑎᑦᑎᓐᓂᑦ ᑲᓛᖦᖡᖅ ᓄᓈᓂᒥᖕᓂᐅᓂᑦ> ᑖᒃᑯᐊᒃ ᒪᕐᕉᒃ ᐱᔪᓐᓇᕐᓂᖃᕐᕕᕗᑦ ᑲᓱᕐᓯᒪᕘᒃ ᓯᕗᓕᑦᑎᓐᓂᑦ ᓄᓇᑦᑎᓐᓄᑦ, ᐅᖃᐅᓯᑦᑎᓐᓂᑦ ᐃᓕᖅᑯᓯᑦᑎᓐᓄᓪᓗ ᑲᑎᙵᓂᑦᑎᓐᓄᑦ. ᐅᓪᓗᒥ ᐊᖏᕈᑎ ᐱᕈᖅᐸᓪᓕᐊᔾᔪᑕᐅᓂᐊᕐᑐᖅ ᓯᕗᓕᑦᑎᓐᓂᑦ ᑖᒃᑯᐊᒃᓗ ᑲᓛᖦᖡᑦ ᓄᓈᑦ ᓄᓇᕗᓪᓗ ᐱᓕᕆᖃᑎᒌᖏᓐᓇᕐᓗᑎᒃ ᐱᔨᑦᑎᕋᑦᑎᐊᑦᑎᐊᕈᓐᓇᖁᓪᓗᒋ ᐃᓄᕗᑦ ᐊᒻᒪᓗ ᐊᔾᔨᒌᓂᑦ ᐱᔪᒪᒋᔭᖃᕐᓂᖅᐳᑦ ᖁᕝᕙᖅᐹᓪᓕᖁᓪᓗᒋᑦ ᐃᓄᐃᑦ ᐃᓕᖅᑯᓯᖏᑦ, ᓴᓇᐅᒐᖏᑦ, ᖃᐅᔨᒪᓂᖏᑦ ᐃᓱᒪᑐᓕᖕᓂᖏᓪᓗ.”
-ᓯᕗᓕᖅᑎ ᓄᓇᕗᒻᒧᑦ, ᐸᐅᓗᓯ ᐊᕿᐊᕈᖅ
“ᐊᓕᐊᓇᐃᒍᓱᒃᐳᖓ ᐊᑎᓕᐅᕆᐊᒃᓴᖅ ᑐᑭᓯᐅᒪᓂᖕᒧᑦ ᑎᑎᖅᑲᒥᑦ, ᓴᙱᒃᑎᒃᐹᓪᓕᕈᑕᐅᔪᖅ ᑖᒃᑯᖕᓇᙵ ᓄᓇᕗᑦ ᐊᒻᒪᓗ ᑲᓛᖦᖠᑦ ᓄᓈᓂᑦ. ᓈᓚᒃᑲᕐᓯᓲᑦ ᐋᖅᑭᒃᓯᔪᒪᕗᑦ ᐱᓕᕆᖃᑎᒌᖕᓂᒃᑯᑦ ᑖᒃᑯᓇᓂ ᓄᓇᕗᑦ ᑲᓛᖦᖠᑦ ᓄᓈᓂᓪᓗ, ᑕᐃᒪᐃᒻᒪᑦ ᖃᓂᒌᒃᐹᓪᓕᕈᑎᒋᕙᕗᑦ ᐃᓕᖅᑯᓯᒃᑯᑦ ᐅᖃᓯᒃᑯᓪᓗ. ᑲᓛᖦᖠᑦ ᓄᓈᓂᑦ ᓄᓇᕗᓪᓗ ᐱᓕᕆᖃᑎᒌᓪᓗᐊᕐᑑᒃ ᐋᖅᑭᖕᓂᐊᕐᓗᓂᔾᔪᒃ ᐱᔪᓐᓇᕐᕕᖃᕐᕕᒃᐳᑦ, ᐅᑭᐅᖅᑕᖅᑐᒥ ᐃᓄᖕᓄᑦ ᐃᓱᒪᖃᕐᓗᑎᒃ. ᐃᓄᒃᑐᑦ ᐅᖃᐅᓯᕗᑦ, ᐱᐅᓯᖅᐳᖅ ᓄᑖᓪᓗ ᐅᑭᐅᖅᑕᖅᑐᒥ ᖃᐅᔨᒪᓕᕐᑕᕗᑦ ᑐᓴᕐᑕᐅᓪᓗᐊᕐᑐᑦ ᐅᕙᑦᑎᓐᓄᑦ, ᐱᔪᓐᓇᕐᓂᕗᑦ ᐱᕙᓪᓕᐊᕐᓂᖕᒧᑦ.
− ᑲᓛᖦᖡᑦ ᓄᓈᓂ ᐊᖓᔪᖅᑳᖅ, ᒨᑎ B. ᐃᖏᑦ