ᐱᕙᓪᓕᐊᔪᑦ ᑐᓴᕋᑦᓴᑦ
ᓴᓂᑭᓗᐊᕐᒥ ᐆᑦᑐᕋᐅᑕᐅᓚᐅᖅᑐᖅ ᖃᖓᑕᔫᖃᖃᑦᑕᓂᕐᒧᑦ ᐅᖓᕙᕆᐊᖅᑕᖅ ᔪᓚᐃ 2022-ᒧᓄᑦ
ᐃᖃᓗᐃᑦ, ᓄᓇᕗᑦ (ᕕᕝᕗᐊᓕ 3, 2022) − ᓯᕗᓕᖅᑎ ᐱᔭᐃ ᐊᕿᐊᕈᖅ, ᖁᕕᐊᑦᑐᖅ ᓇᓗᓇᐃᖅᓯᒍᓐᓇᕋᒥ ᐅᖓᕙᕆᐊᖅᑕᐅᓂᖓᓂᒃ ᓴᓂᑭᓗᐊᕐᒥ ᐆᑦᑐᕋᐅᑕᐅᓚᐅᖅᑐᒥᒃ ᖃᖓᑕᔫᖃᖃᑦᑕᓂᕐᒧᑦ ᔪᓚᐃ 5, 2022-ᒧᓄᑦ.
“ᐆᑦᑐᕋᐅᑎᐅᓚᐅᖅᑐᖅ ᐱᓕᕆᐊᖅ ᐊᑐᓕᖅᑎᑕᐅᓚᐅᖅᑐᖅ ᑲᒪᒍᐅᓪᓗᓂ ᐊᐅᓪᓚᕐᕕᐅᖃᑦᑕᕆᐊᖃᕐᓂᖏᓐᓄᑦ ᓄᓇᓕᖓᑦ, ᑕᑎᖃᓗᐊᖁᒍᓐᓃᖅᑐᒋᑦ ᖃᖓᑕᑎᑕᐅᔪᓂᒃ ᖃᖓᑕᔫᓂᒃ ᓄᓇᕗᑦ ᒐᕙᒪᒃᑯᖏᓪᓗ ᐱᔨᑦᓯᕋᑦᓯᐊᒃᑲᓐᓂᕈᒪᓪᓗᑎᒃ ᓴᓂᑭᓗᐊᕐᒥ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ. “ᐅᖓᕙᕆᐊᖅᑕᐅᓂᖓ ᓇᓗᓇᐃᖅᓯᓯᒪᒍᑕᐅᓂᐊᖅᑐᖅ ᓄᓇᖓᓐᓄᑦ ᖃᖓᑕᕕᐅᔫᒃᑯᑦ ᐱᔨᑦᓯᖅᑕᐅᒍᓐᓇᖁᓪᓗᒋᑦ ᐅᓗᕆᐊᓇᖅᑐᒦᑦᑕᐃᓕᑎᑦᓯᓂᕐᒧᓪᓗ ᓯᐊᕐᒪᕕᐅᑐᐃᓐᓇᕆᐊᖃᕐᓂᖏᓐᓂᒃ ᓄᕙᔾᔪᐊᕐᓇᖅ 19-ᒥᒃ ᐊᑐᐃᓐᓇᐅᑎᑦᓯᓂᒃᑯᑦ ᑐᕌᖅᑐᒥᒃ ᖃᖓᑕᔫᖃᖃᑦᑕᕐᓂᒃᑯᑦ ᓴᓂᑭᓗᐊᕐᒥᒃ ᐃᖃᓗᓐᓄᑦ”.
ᐆᑦᑐᕋᐅᑎᐅᓚᐅᖅᑐᖅ ᐱᓕᕆᐊᖅ ᐱᒋᐊᓚᐅᖅᓯᒪᔪᖅ ᔪᓚᐃ 2021-ᒥ ᐅᖓᕙᕆᐊᖅᑕᐅᓪᓗᓂ ᔪᓚᐃ 5, 2022-ᒧᑦ. ᓄᓇᕗᑦ ᒐᕙᒪᒃᑯᖏᑦ ᑲᔪᓯᒍᑎᖃᕐᓂᐊᖅᑐᑦ ᓇᓗᓇᐃᖅᓯᓯᒪᓂᕐᒧᑦ ᓂᐅᕕᖃᑦᑕᕐᓗᑎᒃ ᐱᖓᓲᔪᖅᑐᓂᒃ ᐃᑦᓯᕙᐅᑕᕐᓂᒃ ᐅᓪᓗᒥᒧᓪᓗ ᐊᑐᖅᓯᒪᔪᑦ $359,805 ᐆᑦᑐᕋᐅᑎᐅᔪᒧᑦ. 400-ᕈᔪᐃᑦ ᓄᓇᕗᒻᒥᐅᑦ ᐱᕚᓪᓕᕈᑎᖃᖅᓯᒪᔪᑦ ᑕᕝᕙᙵᑦ ᐱᔨᑦᓯᕋᐅᑎᐅᔪᒥᒃ, ᐊᑐᐃᓐᓇᐅᕙᑦᑐᑦ ᒪᕐᕈᐊᖅᑎ ᐱᓇᓱᐊᕈᓯᐅᑉ ᐃᓗᐊᓂ ᐊᑯᓐᓂᖓᓐᓂ ᒪᕐᕉᒃ ᓄᓇᓖᑦ. ᐊᒥᓱᕐᖑᐸᓪᓕᐊᖏᓐᓇᖅᑐᑎᒃ ᐃᑭᒪᕙᑦᑐᑦ, ᓄᓇᕗᑦ ᒐᕙᒪᒃᑯᖏᑦ ᓂᕆᐅᓐᓂᖃᖅᑐᑦ ᖃᖓᑕᔫᖃᖅᑎᑦᓯᖃᑦᑕᕐᓂᖅ ᓂᐅᕐᕈᑎᖃᕈᓐᓇᓂᒃᑯᑦ ᒪᑭᑕᔪᓐᓇᖅᓯᑦᓯᐊᖁᓪᓗᒍ ᐊᑐᐃᓐᓇᐅᑎᑕᐅᖁᓗᒍᓗ ᐊᑯᓂᐅᔪᒧᑦ ᓯᕗᓂᑦᓴᑎᓐᓄᑦ.
###
ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:
ᓰᒪ ᓴᕼᐊ ᔨᕼᐃᕆ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ, ᓯᕗᓕᖅᑎ ᐊᕿᐊᕈᖅ ᐊᓪᓚᕝᕕᖓᓂᒃ
867-975-5058 or
867-222-5344
szerehi6@gov.nu.ca