ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᒃᑯᖏᑦᑕ ᑐᓴᖅᑎᑦᑎᒋᐊᒃᑲᓐᓂᕈᑎᖏᑦ - ᕕᕗᐊᕆ 1, 2022

ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᑦ:

ᐅᓪᓛᒃᑯᑦ,

ᐅᓪᓛᖑᔪᖅ ᓄᓇᕗᒻᒥ 462−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ.

18−ᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᒃ−ᐅᑯᐊ ᐅᓄᕐᓂᖏᑦ:

  • 21 ᐊᕐᕕᐊᓂ,
  • 44 ᖃᒪᓂ'ᑐᐊᒥ,
  • 39 ᐃᖃᓗᒃᑑᑦᑎᐊᒥ,
  • ᒪᕐᕉᒃ ᐃᒡᓗᓕᒑᕐᔪᖕᒥ,
  • 26 ᓴᓪᓕᕐᒥ,
  • 94 ᐃᒡᓗᓕᖕᒥ
  • 84 ᐃᖃᓗᖕᓂ,
  • ᐅᖅᓱᖅᑑᕐᒥ ᐱᑕᖃᖏᑦᑐᖅ,
  • ᑭᒻᒥᕈᒻᒥ ᐱᑕᖃᙱᑦᑐᖅ
  • 21 ᑭᙵᕐᓂ,
  • ᑰᒑᕐᔪᖕᒥ ᐱᑕᖃᙱᑦᑐᖅ,
  • 10 ᖁᕐᓗᖅᑑᕐᒥ
  • 7 ᓇᐅᔮᓂ,
  • 5 ᐸᖕᓂᖅᑑᒥᑦ,
  • 14 ᒥᑦᑎᒪᑕᓕᖕᒥᑦ,
  • 2 ᕿᑭᖅᑕᕐᔪᐊᕐᒥ,
  • 23 ᑲᖏᖅᖠᓂᕐᒥ,
  • 7 ᓴᓂᕋᔭᖕᒥᑦ,
  • 32 ᓴᓂᑭᓗᐊᕐᒥ,
  • 24 ᑕᓗᕐᔪᐊᕐᒥ, ᐊᒻᒪᓗ
  • 7 ᑎᑭᕋᕐᔪᐊᕐᒥ. 

ᐅᓪᓗᒥ 83−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. ᐅᓪᓗᒥᒧᑦ ᑎᑭᔅᖢᒍ 684 ᐋᓐᓂᐊᕈᓐᓃᖅᓯᒪᓕᖅᑐᑦ ᓇᓗᓇᐃᖅᑕᐅᓚᐅᖅᓯᒪᔪᑦ ᓄᕙᒡᔪᐊᕐᓇᖅᑐᖃᓚᐅᖅᑐᑦ.

ᓄᓇᕗᒻᒥᐅᑦ ᐃᖅᑲᐃᓯᔪᒪᕙᒃᑲ ᓄᕙᕐᔪᐊᕐᓇᖅ-19−ᒧᑦ ᐃᑲᔫᑎᒃᓴᐃᑦ ᐅᖄᓚᕝᕕᐅᔪᓐᓇᖅᐳᑦ ᐅᑯᓇᓂ. ᐃᖅᑲᐅᒪᓂᐊᕐᐳᓯ ᐋᓐᓂᐊᖅᑕᐃᓕᒪᓂᖅ ᖃᓄᐃᙱᑦᑎᐊᕐᓂᕐᓗ ᓄᓇᓕᖁᑎᑦᑎᓐᓂ ᑕᒪᑦᑕ ᑲᒪᒋᔭᒃᓴᕆᕙᕗᑦ.

ᐋᓐᓂᐊᕈᑕᐅᖃᑦᑕᖅᑐᓂ ᐋᓐᓂᐊᓕᕈᕕᑦ ᓲᕐᓗ − ᑲᒃᑮᓖᓪᓇᕐᓂᖅ, ᖁᐃᖅᓱᑲᑕᖕᓂᖅ, ᐃᒡᒋᐊᕐᓗᖕᓂᖅ, ᐆᑎᕐᓂᖅ, ᐅᕝᕙᓘᓐᓃᑦ ᐊᓂᖅᑎᕆᑦᑎᐊᖏᒃᑯᕕᑦ −ᐅᖃᓗᒋᑦ ᓄᕙᒡᔪᐊᕐᓇᖅᑐᓕᕆᓂᕐᒧᑦ ᐅᖄᓚᐅᑎᖓᓄᑦ 1-888-975-8601.

ᐊᓂᑦᑕᐃᓕᔭᕆᐊᖃᕈᕕᑦ ᓄᕙᕐᔪᐊᕐᓇᖅ-19 ᐱᔾᔪᑎᒋᓪᓗᒍ, 1-888-902-0872−ᒧᑦ ᐅᖄᓚᔪᓐᓇᖅᑐᑎᑦ ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᓗᑎᑦ isolationsupports@gov.nu.ca−ᒧᑦ ᓄᓇᕗᑦ ᒐᕙᒪᒃᑯᑦ ᐊᓂᑦᑕᐃᓕᔪᓄᑦ ᓂᕆᔭᒃᓴᖅᑖᕈᒪᒍᕕᑦ.

ᑕᐃᒃᑯᐊ ᐊᐅᓪᓚᕐᓂᐊᖅᑐᑦ ᐊᐱᖅᑯᑎᒃᓴᖃᖅᑐᑦ ᓄᓇᕗᑦ ᒐᕙᒪᒃᑯᑦ ᐊᐅᓪᓚᕐᓂᐊᖅᑐᓄᑦ ᐅᖄᓚᕝᕕᒃᓴᖓᓄᑦ ᐊᑭᖃᙱᑦᑐᒧᑦ ᐅᖄᓚᓗᑎᒃ 1-833-524-0735−ᒧᑦ.

ᐊᑏ ᑲᐱᔭᐅᓂᐊᖅᐳᑎᑦ, ᕿᑐᙵᑎᑦ ᑲᐱᔭᐅᑎᓪᓗᒋᑦ, ᐊᒻᒪᓗ ᐱᖓᔪᖓᓂ ᑲᐱᔭᐅᖕᒥᓗᑎᑦ.

ᑕᐃᒪᙵᓕᒫᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᖁᔭᖏᓐᓂᒃ ᒪᓖᓐᓇᕐᓗᓯ.

  • ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᑦᑕᕌᖓᑦ.
  • ᐃᓄᑮᓐᓇᖅᐸᒡᓗᓯ.
  • ᒪᑐᐊᖅᓯᒪᓗᑎᑦ.

ᐊᑕᐅᑦᑎᒃᑯᑦ ᓄᓇᓕᖁᑎᕗᑦ ᐅᓗᕆᐊᓇᖅᑐᒦᙱᑎᑦᑐᓐᓇᕐᑕᕗᑦ ᑕᒪᐃᓐᓄᑦ.

ᖁᔭᓐᓇᒦᒃ.

 

ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑐᓴᒐᒃᓴᖏᑦ:

ᐅᓪᓛᒃᑯᑦ,

ᐸᖅᑭᒃᖠᓂᖅ ᓴᐳᔾᔨᓂᕐᓗ ᐃᓐᓇᖁᑎᑦᑎᓐᓂᑦ ᓄᓇᕐᔪᐊᒥ ᖃᓂᒪᓂᖃᕐᑎᓪᓗᒍ ᓱᓕ ᖁᓛᓃᓛᓂ ᓯᕗᓪᓚᐅᔾᔭᕆᕙᕗᑦ. ᐃᑉᐸᒃᓴᐅᓕᕐᑎᓪᓗᒍ, ᐊᒥᓲᓂᖏᑦ ᐃᓐᓇᐃᑦ ᐸᖅᑭᕕᖕᓂᓪᓗ ᐃᖅᑲᓇᐃᔭᕐᑎᑦ ᓄᓇᕗᒻᒥ ᓄᕙᒡᔪᐊᕐᓇᖅ-19−ᓕᑦ 10−ᖑᓚᐅᕐᐳᑦ. ᐊᒥᓲᓂᖏᑦ ᑲᑎᖦᖢᒋᑦ ᐃᖃᓗᒃᑑᑦᑎᐊᒥ ᐸᖅᑭᔭᐅᕕᖕᒥᑦ, ᐊᕐᕕᐊᓂ ᐸᖅᑭᔭᐅᕕᒃ, ᐅᖅᓱᖅᑑᒥ ᐸᖅᑭᔭᐅᕕᒃ ᐊᒻᒪᓗ ᐃᒡᓗᓕᖕᒥᑦ ᐸᖅᑭᔭᐅᕕᖕᒥᑦ. ᑖᒃᑯᓇᙵᑦ, ᐊᑕᐅᓯᖅ ᐃᓐᓇᐅᕗᖅ. ᓄᕙᒡᔪᐊᕐᓂᖃᖅᑐᓕᒫᖅ ᐃᖅᑲᓇᐃᔭᕐᑎᑦ ᐊᐃᓯᒪᔪᑦ ᐊᓂᑦᑕᐃᓕᓪᓗᑎᒃ ᑭᓯᐊᓂ ᐊᓂᒍᐃᒃᐸᑕ.

ᐊᓕᐊᓇᐃᒍᓱᒃᐳᖓ ᑐᓴᖅᑎᑦᑎᔭᕆᐊᒃᓴᖅ ᐊᓂᒍᐃᔪᑦ ᓄᕙᒡᔪᐊᕐᓇᖅ-19−ᒥᑦ ᑲᔪᓰᓐᓇᕐᒪᑕ ᐃᓐᓇᒃᑯᕕᖕᒥᑦ (Embassy West) ᐋᑐᕚᒥ ᐊᒥᓲᙱᓐᓂᕐᓴᐃᓪᓗ ᑕᓪᓕᒪᓂ ᓄᓇᕗᒻᒥᐅᖑᙱᑦᑐᑦ ᐃᓐᓇᐃᑦ ᐃᓐᓇᒃᑯᕕᖕᒥᑦ ᓄᕙᒡᔪᐊᕐᓇᖅ-19−ᖃᕐᑐᑦ.

ᖁᔭᓕᔪᒪᔭᐃᓐᓇᕆᕙᒃᑲ ᐊᖏᕐᕋᒥᑦ ᐸᖅᑮᓐᓇᕐᑐᑯᕕᖕᓂᓪᓗ ᐃᖅᑲᓇᐃᔭᕐᑎᑦ ᐱᓕᕇᓐᓇᕐᐸᖕᓂᖏᓐᓄ ᓴᙱᓂᖏᓐᓂᓪᓗ ᐊᒃᓱᕈᕐᓇᕐᑎᓪᓗᒍ.

ᐱᓕᕆᖃᑎᖃᑦᑎᐊᕐᒥᔪᒍᑦᑕᐅᖅ ᒪᓕᒐᓕᕆᔨᒃᑯᓐᓂᑦ ᐊᐅᓚᓐᓇᓱᒃᖢᒍ ᓯᐊᒻᒪᒃᐸᓪᓕᐊᓂᖅ ᓄᕙᒡᔪᐊᕐᓇᖅ-19 ᐃᖃᓗᖕᓂᑦ ᒪᒥᓴᕐᕕᐊᓂᑦ. ᐅᑉᐱᒃᓴᐅᓚᐅᕐᑐᖅ, 45−ᓂᑦ ᓄᕙᒡᔪᐊᕐᓇᖅ-19−ᖃᖅᑐᖃᓚᐅᕐᑐᖅ ᑎᒍᔭᐅᒪᕕᖕᒥᑦ−30 ᑎᒍᔭᐅᒪᔪᑦ 15−ᓗ ᐃᖅᑲᓇᐃᔭᕐᑎᑦ.

ᑭᒃᑯᓕᒫᑦᑎᐊᖅ ᒪᓖᓐᓇᖁᕙᒃᑲ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᖕᓂᑦ. ᐊᑲᕐᕉᑎᒋᓯᐅᒃ ᑲᐱᔭᐅᓐᓇᐃᑦ ᓴᖅᑭᑦᓂᐊᕐᑐᑦ ᓄᓇᕗᒻᒥᑦ, ᐃᓂᒃᓴᓕᐅᕐᓗᑎᓪᓘᓐᓃᑦ ᑲᐱᔭᐅᓂᐊᕐᓗᑎᒃ. ᑕᒪᑦᑕ ᑲᐱᔭᐅᔪᐃᓐᓇᐅᓚᐅᕐᑕ ᐅᓗᕆᐊᓇᓗᐊᕈᓐᓃᕐᑎᓪᓗᒍᓗ ᓄᕙᒡᔪᐊᕐᓇᖅ-19 ᐃᓚᑦᑎᓐᓂ, ᐱᖃᓐᓇᕆᔭᑦᑎᓐᓂᑦ ᓄᓇᓕᖁᑎᑦᑎᓐᓂᓪᓗ.

ᒪ'ᓇ.

 

ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᖏᑦ:

ᐅᓪᓛᒃᑯᑦ.

ᐃᓱᒪᒋᕙᒃᑲ ᐃᓄᐃᑦ ᐊᓂᑦᑕᐃᓕᔪᑦ ᖁᐱᕐᕈᐊᕐᔪᖕᒥ ᐊᓂᒍᐃᓇᓱᒃᑐᑦ. ᖃᐅᔨᒪᔪᖓ ᐊᒃᓱᕈᕐᓇᖅᑐᖅ ᑭᐱᙳᓇᕐᖢᓂᓗ ᒫᓐᓇ. ᑭᓯᐊᓂ ᐃᓄᑑᙱᑦᑐᑎᑦ. ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᕐᑎᖏᑦ ᐃᓚᖏᓪᓗ ᐅᖃᓗᒍᓐᓇᕐᑐᑦ ᐊᑭᖃᙱᑦᑐᒧ 1-800-663-1142 ᐃᓅᓯᓕᕆᔨᔭᐅᔪᒪᒍᑎᑦ ᐃᖅᑲᓇᐃᔭᖅᑎᓄᑦ ᐃᓚᒌᓄᓪᓗ ᐃᑲᔪᕐᑕᐅᕕᖕᒧᑦ ᓇᓕᐊᒃᑯ ᓄᓇᕗᒻᒥ ᐃᓕᓴᕆᔭᐅᓯᒪᔪᑎᒍ ᐅᖃᐅᓯᒃᑯᑦ. ᐊᑭᖃᙱᑦᑐᖅ ᑐᓴᖅᑕᐅᔭᕆᐊᖃᕋᓂᓗ.

ᐅᑎᕈᑦᑕ ᐃᖅᑲᓇᐃᔭᕐᕕᑦᑎᓐᓄᑦ, ᒪᓕᒋᐊᖃᕐᐳᒍ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᖕᒧᓪᓗ ᒪᓕᒋᐊᓕᖕᓂᑦ ᖃᓄᐃᙱᑦᑎᐊᖁᓪᓗᒋᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓕᒫᑦ. ᓄᑖᙳᕆᐊᕐᓯᒪᔪᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᖕᒧᓪᓗ ᒪᓕᒋᐊᓕᑦ ᓴᖅᑭᑕᐅᓯᒪᓕᕐᑐᑦ ᓄᓇᕗᑦ ᒐᕙᒪᒃᑯᖏᑦᑕ ᐃᑭᐊᖅᑭᕕᖓᓂ ᓇᒃᓯᐅᔾᔨᐅᓯᒪᓕᕐᖢᑎᒃᓗ ᓄᓇᕗᑦ ᒐᕙᒪᒃᑯᖏᑦᑕ ᐃᖅᑲᓇᐃᔭᕐᑎᖏᓐᓄᑦ ᐃᕐᖐᓈᖅᑕᐅᑎᒃᑯᑦ.

ᖃᐅᔨᒪᖕᒥᔪᒍᑦᑕᐅᖅ ᐅᓗᕆᐊᓇᒃᑲᓐᓂᕐᓂᖓᓂ ᐊᐃᑦᑐᕐᑕᐅᓗᓂ ᐋᒥᒃᕌᒧ ᓄᕙᒡᔪᐊᕐᓇᖅ-19−ᒥᑦ. ᐃᓚᒋᔭᐅᓪᓗᓂ ᐊᖏᕐᓯᒪᓂᑦᑎᓐᓄᑦ ᐊᑦᑕᕐᓇᕐᑕᐃᓕᒪᓂᖕᒥ ᖃᓄᐃᙱᑦᑎᐊᕐᓂᖕᒧᓪᓗ ᐃᖅᑲᓇᐃᔭᕐᕕᖕᓂᑦ, ᐅᖃᐅᑎᔪᒪᕙᕗᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᕐᑎᓕᒫᑦ ᐃᓚᒋᐊᕐᑕᐅᓯᒪᓕᕐᒪᓄᑕ ᒪᓕᒋᐊᓕᑦ ᓯᐊᒻᒪᓗᐊᖁᓇᒍ ᖁᐱᕐᕈᐊᕐᔪᑦ ᐱᕙᒌᔭᕐᓂᐊᓕᕐᑎᓪᓗᒋᑦ ᐅᑎᕐᓂᖅ ᐃᖅᑲᓇᐃᔭᕐᕕᖕᒧᑦ.

ᐊᑐᕐᓂᒃᑯᑦ ᑭᖑᓪᓕᕐᐹᓂ ᑐᓴᐅᒪᔭᒃᓴᓂ ᑎᑎᕋᕐᕕᐊᓂ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᐅ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ  ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᑦ, ᓴᓇᕕᐅᔪᖤ ᐱᐅᓛᓂ ᐱᐅᓯᖅᑎᒍᑦ, ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᕝᕕᖏᑦ ᐊᐅᓚᑦᑎᑦᑎᐊᕈᑎᖃᕈᓐᓇᕐᓂᐊᑐᑦ ᐊᐅᓚᓐᓂᐊᕐᓗᒍ ᐅᓗᕆᐊᓇᕐᓂᖓ ᓄᕙᒡᔪᐊᕐᓇᖅ-19 ᓯᐊᒻᒪᒃᐸᓪᓕᐊᓂᖓ.

ᐋᓐᓂᐊᖅᑕᐃᓕᒪᑎᑦᑎᓂᖅ, ᐊᑦᑕᕐᓇᖅᑐᒦᑦᑕᐃᓕᒪᓂᕐᓗ ᖃᓄᐃᙱᑦᑎᐊᕐᓂᕐᓗ ᓄᓇᕗᒻᒥᐅᓄ ᓯᕗᓪᓕᐅᔾᔭᕆᕙᕗᑦ. ᑲᑎᖦᖢᒋᑦ ᐱᐅᓛᑦ ᑐᓴᐅᒪᔭᒃᓴᑦ ᑕᑎᒃᓴᐅᔪᓪᓗ ᖃᐅᔨᒋᐊᕐᕕᒃᓴᑦ ᖃᐅᔨᒪᔨᑕᓪᓗ ᐃᖅᑲᓇᐃᔭᕐᑎᑦᑎᓐᓂ ᐱᔪᓐᓇᐅᑎᐅᓂᐊᕐᐳ ᓄᓇᕗᑦ ᒐᕙᒪᒃᑯᖏᓐᓂᑦ ᑲᔪᓰᓐᓇᕐᑎᑦᑎᓗᑎᒃ ᐱᔨᑦᑎᕋᐅᑎᓂ ᓴᐳᔾᔨᐅᔮᕐᔪᒃᓗᑎᒃᓗ ᐃᖅᑲᓇᐃᔭᕐᑎᒥᓂ. 

ᖃᐅᔨᓴᖃᑦᑕᕆᐊᖃᕐᓂᐊᖅᐳᒍᑦ ᐊᑦᑕᕐᓇᖅᑕᐃᓕᒪᔾᔪᓯᕐᓂ  ᐃᖅᑲᓇᐃᔭᕐᕕᖕᒥᓂ ᐋᖅᑭᒋᐊᕐᓗᒋᓪᓗ, ᐱᔭᕆᐊᖃᖅᐸᑦ. 

ᓄᓇᕗᑦ ᒐᕙᒪᒃᑯᖏᑦ ᐃᒡᓗᓕᖕᒥᑦ ᐃᖅᑲᓇᐃᔭᐃᓐᓇᕐᓂᐊᕐᑐᑦ ᐊᐃᓯᒪᓗᑎᒃ ᑭᓯᐊᓂ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᓄᓇᓕᖓᓂ ᐊᓯᔾᔨᖅᑕᐅᒃᐸᑕ. 
ᐊᓯᓕᒫᖏᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᕐᑎᑦ ᐅᑎᕈᓐᓇᕐᓂᐊᕐᑐᑦ ᐃᖅᑲᓇᐃᔭᕐᕕᖕᒥᓄᑦ ᐅᓪᓗᒥ, ᑭᓯᐊᓂᓕ ᑎᑎᕋᕐᕕᓕᒫᑦ ᒪᑐᓯᒪᔭᕆᐊᖃᕐᐳᑦ ᐃᓄᖕᓄᑦ ᑭᓯᐊᓂ ᐃᓂᒃᓴᓕᐅᕐᓂᒃᑯᑦ. 

ᑲᔪᖏᖅᓱᖅᐸᕗᑦ ᐊᖓᔪᖅᑳᕆᔭᐅᔪᑦ ᐃᑲᔪᖅᑐᐃᓗᑎᒃ ᐊᓯᔾᔨᕐᓯᒪᔪᓂ ᐃᑲᕐᕋᓂ ᐃᖅᑲᓇᐃᔭᖅᑎᖏᓐᓄᑦ ᐋᖅᑭᐅᒪᖁᓪᓗᒋᑦ ᐊᐃᓯᒪᓗᑎᒃ ᑎᑎᕋᕐᕕᖕᒥᓪᓘᓐᓃᑦ ᐃᖅᑲᓇᐃᔭᕐᓗᑎᒃ ᓯᐊᒻᒪᒃᕕᐅᖁᓇᒋᑦ ᐃᖅᑲᓇᐃᔭᕐᑎᑦ ᐃᒻᒥᓄᑦ.  ᑕᒪᓐᓇ ᑕᐃᒪᐃᓕᖓᓂᐊᕐᑐᖅ ᕕᕝᕗᐊᕆ 11−ᖑᕋᓱᖕᓂᖓᓂ.

ᑭᖑᓪᓕᖅᐹᒥ ᐱᒻᒪᕆᐅᔪᒻᒪᕆᖕᒥᓪᓗ, ᑲᐱᔭᐅᒋᑦ ᐱᖓᔪᖓᓐᓂᓪᓗᑦᑕᐅᖅ ᑲᐱᔭᐅᒃᑲᓐᓂᕐᓗᑎᑦ.

ᐊᔪᙱᒃᑯᕕᑦ, ᐊᑏ ᑲᐱᔭᐅᒋᑦ. ᑲᐱᔭᐅᓂᒃᑯᑦ ᐃᑲᔪᖅᐳᑎᑦ ᐃᓄᖕᓂᑦ ᑲᐱᔭᐅᔪᓐᓇᙱᑦᑐᓂ ᐊᑦᑕᕐᓇᖅᑕᐃᓕᒪᑎᑦᑎᓂᖕᒥᑦ.

ᓇᑯᕐᒦᒃ.

 

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:

ᐅᓪᓛᒃᑯᑦ,

ᐃᖅᑲᐃᓯᔪᒪᕙᒃᑲ ᐃᓄᐃᑦ ᐅᓪᓗᒥ ᐊᓂᑦᑕᐃᓕᒪᓂᖕᒧᑦ ᒪᓕᒋᐊᓕᖕᓂᑦ ᖃᓄᕐᓗ ᐊᒃᑐᐊᓂᖏᓐᓂ ᓱᒃᑲᔪᓂ ᖃᐅᔨᓴᕈᑎᓄᑦ. ᓄᓇᕗᑦ ᒐᕙᒪᒃᑯᖏᑎᒍᑦ, ᑭᒡᓕᓕᖕᓂᑦ ᓱᒃᑲᔪᓂ ᖃᐅᔨᓴᕈᑎᑖᕐᑎᑕᐅᑲᑕᒃᐳᑦ ᐃᖅᑲᓇᐃᔭᕆᐊᖃᓪᓚᕆᒃᑐᓂ ᑐᓂᔭᐅᔪᓪᓘᓐᓃᑦ ᑎᑭᑉᐸᓪᓕᐊᔪᑦ ᖃᓪᓗᓈᓂ. ᐃᓚᖏᑦ ᐃᓄᐃᑦ ᓂᐅᕕᑲᑕᖕᒥᔪᐃᑦᑕᐅᖅ ᖃᐅᔨᓴᕈᑎᓂᑦ ᐃᒻᒥᒃᑯᑦ. ᐱᒻᒪᕆᐅᕗᖅ ᑐᑭᓯᐅᒪᓗᑎᒃ ᐅᑯᐊ ᖃᐅᔨᓴᕈᑎᑦ ᐃᓇᖏᖅᓯᓯᒪᙱᒻᒪᑕ ᐊᓂᑦᑕᐃᓕᒪᔾᔪᑎᓂ ᓇᐃᒃᓕᒋᐊᕆᓇᓂᓘᓐᓃᑦ ᐊᓂᑦᑕᐃᓕᒪᔭᕆᐊᖃᕐᓂᖕᓂᑦ. ᐊᓂᑦᑕᐃᓕᒪᓂᖕᒧᑦ ᑎᓕᐅᕐᑕᐅᓯᒪᒍᕕᑦ ᓄᕙᒡᔪᐊᕐᓇᖅ-19−ᒧᑦ ᖃᓄᐃᑦᑑᔮᕐᓗᑎᒃ, ᐃᓱᓕᑦᑕᕆᐊᖃᕐᑕᐃᑦ ᐊᓂᑦᑕᐃᓕᒪᔭᕆᐊᖃᕐᓃᑦ ᑕᒪᐃᓐᓂᒃ. ᓱᒃᑲᔪᐃᑦ ᖃᐅᔨᓴᕈᑎ ᑐᙵᕕᒃᓴᐅᙱᓚᑦ ᓲᕐᓗ PCR ᖃᐅᔨᓴᕈᑎᑐᑦ, ᐊᑦᑕᕐᓇᕐᓂᕐᓴᐅᓪᓗᓂᓗ ᓱᓕᙱᑦᑐᒥ ᐱᑕᖃᕐᓂᕋᐃᓗᓂ. ᑕᐃᒪᓕ ᐊᓂᑦᑕᐃᓕᔪᓐᓃᕐᓵᓕᒍᕕᑦ ᐊᑦᑕᕐᓇᕐᓂᕐᓴᐅᒧᐊᕐᑎᑦᑎᕗᑎᑦ ᓯᐊᒻᒪᒃᑎᕆᔭᕆᐊᒃᓴᖅ ᓄᕙᒡᔪᐊᕐᓇᖅ-19 ᐊᓯᖕᓄᑦ.

ᐊᑐᕈᕕᑦ ᐃᒻᒥᓂᒃ ᓱᒃᑲᔪᒥ ᖃᐅᔨᓴᕈᑎᒥ, ᐃᖅᑲᐅᒪᓂᐊᕐᐳᑎ ᐅᑯᓂᖓ:

  • ᐱᖃᕈᕕᑦ, ᐅᖃᓗᒃᓗᑎᒃ ᓄᕙᒡᔪᐊᕐᓇᖅ-19−ᒧᑦ ᐅᖄᓚᕕᖕᒧᑦ ᐅᕗᖓ 1-888-975-8601.
  • ᐱᖃᙱᒃᑯᕕᑦ, ᐊᓂᑦᑕᐃᓖᓐᓇᕐᓗᑎᒃ ᖃᓄᐃᑦᑐᓐᓃᕈᕕᑦ ᑭᓯᐊᓂ ᐃᒻᒪᖄ ᐃᑲᕐᕋᓄᑦ 24−ᓄᑦ.
  • ᑭᓇᑐᐃᓐᓇᖅ ᐋᓐᓂᐊᖅᑑᔮᕈᓂ, ᐊᐃᓯᒪᔭᕆᐊᓕᒃ.

ᖃᓄᐃᓐᓂᐅᔪᑦ ᐊᔾᔨᒌᙱᑐᐃᓐᓇᕆᐊᓕᑦ ᐃᓄᖕᓄᑦ ᐊᒻᒪᓗ ᒪᓕᒃᖢᓂ ᖃᓄᐃᑦᑑᓂᖓᓂ ᓄᕙᒡᔪᐊᕐᓇᖅ-19−ᒋᔭᕐᓂᑦ. ᐋᒥᒃᕌᓐ ᖃᓄᐃᙱᓐᓂᕐᓴᐅᕗᖅ ᐊᓯᖏᓐᓂᑦ ᓄᕙᒡᔪᐊᕐᓇᖅ-19−ᓂ ᑲᒃᑭᓕᑲᑕᖕᓇᕐᖢᓂ, ᓂᐊᖁᕐᓕᖓᓐᓇᕐᖢᓂ, ᓄᑭᑭᓐᓇᕐᖢᓂ, ᑕᒋᐅᒃᓴᕐᓇᕐᖢᓂ ᐃᒡᒋᐊᕐᓗᖕᓇᕐᖢᓂᓗ. ᐊᓯᖏᑦ ᐊᔾᔨᒌᙱᑦᑐᐃᑦ ᓄᕙᒡᔪᐊᕐᓇᖅ-19 ᖃᓄᐃᓐᓂᐅᔪᑦ ᐆᓇᕐᓂᖅ, ᖁᐃᕐᓱᕐᓂᖅ, ᓇᐃᔪᓐᓇᙱᓐᓂᕐ ᖃᓂᒃᑯᑦ ᓱᕐᓗᒃᑯᓪᓗ. ᑕᐃᒪᐃᓐᓂᖓᓄ ᑭᓇᑐᐃᓐᓇᖅ ᐋᓐᓂᐊᖅᑰᔨᒋᒍᓂ, ᐱᓗᐊᙱᒃᑲᓗᐊᕐᓗᓂ, ᐊᐃᓯᒪᓗᑎᒃ ᐊᓂᑦᑕᐃᓕᓗᑎᒃᓗ.

ᖃᓂᒪᒍᕕᑦ, ᐊᐃᓯᒪᓗᑎᑦ ᐅᓪᓗᓄᑦ 7−ᓄᑦ ᑲᐱᔭᐅᓯᒪᒍᕕᑦ ᐅᓪᓗᓄᓪᓘᓐᓃᑦ 10−ᓄᑦ ᑲᐱᔭᐅᓯᒪᙱᒃᑯᕕᑦ. ᐊᓂᑦᑕᐃᓕᐊᓂᒃᑯᕕᑦ ᖃᓄᐃᑦᑑᔮᕐᓗᑎᓪᓗ, ᐊᓂᑦᑕᐃᓕᒃᑲᓐᓂᕆᑦ ᖃᓄᐃᑦᑐᓐᓃᕋᓗᐊᕈᕕᑦ ᐃᑲᕐᕋᓄᑦ 24−ᓄᑦ.

ᐅᓪᓗᒥᐅᓕᕐᑐᖅ, 13 ᐅᓂᒃᑎᑕᐅᓯᒪᓕᕐᑐᑦ ᑕᒪᑐᒧᖓ ᓄᕙᒡᔪᐊᕐᓇᖅ-19 ᐱᒋᐊᓚᐅᕐᑎᓪᓗᒍ ᑎᓯᐱᕆ ᐱᒋᐊᕐᓂᖓᓂ.

 

 

ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:
https://www.gov.nu.ca/health/information/covid-19-novel-coronavirus

ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ: 
https://www.gov.nu.ca/health/information/nunavuts-path

ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://gov.nu.ca/health/information/covid-19-vaccination

 

ᓄᕙᕐᔪᐊᕐᓇᖅ-19−ᒥ ᑭᒡᓕᓯᓂᐊᖅᑕᐅᓯᒪᔪᑦ: ᔭᓄᐊᕆ 27, 2022

ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ ᑲᑎᖦᖢᒋᑦ ᐊᓂᒍᐃᓯᒪᔪᑦ ᐃᓅᔪᓐᓃᖅᑐᑦ ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ ᑲᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᐱᖓᓱᓂᑦ ᓄᓇᕗᒻᒥ
31,531 1820 462 1353 5 32,139 25,925 11,770

ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᔭᓄᐊᕆ 27, 2022

ᓄᓇᓕᒃ ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ ᖃᖓᒃᑯᑦ ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐃᑉᐸᒃᓴᖅ (ᑲᑎᖦᖢᒋᑦ)

ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐅᓪᓗᒥ (ᑲᑎᖦᖢᒋᑦ)

ᐊᓯᔾᔨᕐᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) ᑲᑎᖦᖢᒋᑦ ᖃᓄᐃᑦᑐᓐᓃᖅᑐᑦ

ᐊᓯᔾᔨᖅᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ)

ᑲᑎᖦᖢᒋᑦ ᐱᖃᕐᓂᖏᑦ

ᖁᕐᓗᖅᑐᖅ

ᐱᓕᕆᐊᖑᐃᓐᓇᖅᑐᖅ ᑕᐃᒪᙵᓂ 23 ᔭᓄᐊᕆ 2022−ᒥ 11 11 0 1 0 10

ᑭᒻᒥᕈᑦ

ᐱᓕᕆᐊᖑᐃᓐᓇᖅᑐᖅ ᑕᐃᒪᙵᓂ 22 ᔭᓄᐊᕆ 2022−ᒥ 1 1 0 1 0 0
ᓇᐅᔮᑦ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 15 ᔭᓄᐊᕆ 2022−ᒥ 14 24 10 17 7 7
ᑰᒑᔪᒃ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 14 ᔭᓄᐊᕆ 2022−ᒥ 2 2 0 2 0 0
ᐅᖅᓱᖅᑑᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 14 ᔭᓄᐊᕆ 2022−ᒥ 4 4 0 4 0 0
ᑕᓗᕐᔪᐊᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 11 ᔭᓄᐊᕆ 2022−ᒥ 24 31 7 7 3 24
ᓴᓪᓕᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 9 ᔭᓄᐊᕆ 2022−ᒥ 45 48 3 22 6 26
ᑎᑭᕋᕐᔪᐊᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 7 ᔭᓄᐊᕆ 2022−ᒥ 20 20 0 12 0 7
ᓴᓂᑭᓗᐊᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 4 ᔭᓄᐊᕆ 2022−ᒥ 46 52 6 20 2 32
ᑭᙵᐃᑦ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 1 ᔭᓄᐊᕆ 2022−ᒥ 68 72 4 51 3 21
ᒥᑦᑎᒪᑕᓕᒃ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 1 ᔭᓄᐊᕆ 2022−ᒥ 16 17 1 3 2 14
ᐃᒡᓗᓕᒑᕐᔪᒃ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 1 ᔭᓄᐊᕆ 2022−ᒥ 6 7 1 5 0 2
ᐃᖃᓗᒃᑑᑦᑎᐊᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 30-ᑎᓯᐱᕆ 87 93 6 54 8 39
ᐃᒡᓗᓕᒃ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 29-ᑎᓯᐱᕆ 128 140 12 46 26 94
ᖃᒪᓂ'ᑐᐊᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 29-ᑎᓯᐱᕆ 77 87 10 43 9 44
ᐊᕐᕕᐊᑦ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 29-ᑎᓯᐱᕆ 129 129 0 108 3 21
ᓴᓂᕋᔭᒃ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 29-ᑎᓯᐱᕆ 27 28 1 21 1 7
ᕿᑭᖅᑕᕐᔪᐊᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 28-ᑎᓯᐱᕆ 10 10 0 8 0 2
ᑲᖏᖅᖠᓂᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 23-ᑎᓯᐱᕆ 105 108 3 85 6 23
ᐸᓐᓂᖅᑑᖅ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 23-ᑎᓯᐱᕆ 28 31 3 26 0 5
ᐃᖃᓗᐃᑦ

ᐱᓕᕆᐊᖑᐃᓐᓇᖅᑐᖅ

ᑕᐃᒪᙵᓂ 04-ᓄᕕᐱᕆ 216 232 16 148 18 84
ᑲᑎᖦᖢᒋᑦ     1064 1147 83 6684 93 462

*ᖃᐅᔨᒪᖁᔭᐅᕗᑎᑦ: ᖃᔅᓯᐅᓂᖏᑦ ᐊᓯᔾᔨᖅᑕᖃᑦᑕᖅᐳᑦ. ᖃᓄᑐᐃᓐᓇᓕᒫᑦᑎᐊᖅ ᐱᓇᔪᒃᑐᖃᖃᑦᑕᖅᐳᖅ ᑖᒃᑯᐊ ᑎᑎᕋᖅᑕᐅᕙᓪᓕᐊᕙᒃᑐᑦ ᓄᑖᖑᐃᓐᓇᖁᓪᓗᒋᑦ ᐱᐊᓂᑦᑎᐊᖅᓯᒪᖁᓪᓗᒋᓪᓗ, ᑭᓯᐊᓂ ᑕᒪᐃᓂᒃ ᐃᓄᖕᓂᒃ ᒪᓕᒃᑕᐅᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗᓐᓂᑦ  ᓴᖅᑭᔭᖅᑎᑦᑎᙱᑐᐃᓐᓇᕆᐊᓕᒃ.

**ᔮᓄᐊᕆ 17, 2022−ᒥ ᐱᒋᐊᕐᓗᓂ, ᓇᓗᓇᐃᖅᑕᐅᔪᑦ ᓄᕙᕐᔪᐊᕐᓂᕋᖅᑕᐅᓪᓗᑎᒃ ᐱᖃᓯᐅᔾᔨᕗᑦ ᑕᐃᒃᑯᐊ ᒪᓕᒃᑐᑦ ᐋᖅᑭᒋᐊᖅᓯᒪᔪᓂᑦ ᓄᓇᕗᒻᒥ ᐱᖃᕐᓂᕋᖅᑕᐅᔪᑦ ᑐᑭᖏᓐᓂ. ᐅᑯᐊ ᐱᖃᓯᐅᑎᓪᓗᒋᑦ ᓄᕙᕐᔪᐊᕐᓇᖅ-19−ᒥ ᖃᐅᔨᔭᐅᓯᒪᔪᑦ ᓇᓗᓇᐃᖅᑕᐅᓪᓗᑎᒃ (PCR) ᐅᕝᕙᓘᓐᓃᑦ ᐱᖃᕋᓱᒋᔭᐅᓪᓗᑎᒃ (ᓱᒃᑲᔪᒥᒃ) ᖃᐅᔨᓴᖅᑕᐅᔪᑦ.

***ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ  ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥᑦ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒥᐅᑕᐅᓂᕋᖅᑕᐅᓪᓗᑎᒃ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒻᒧᑦ.

ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᔭᓄᐊᕆ 25, 2022

ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:

ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᕕᕗᐊᕆ1, 2022. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᒃᓯᒪᓪᓗᑎᒃ ᓄᓇᕗᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐅᑭᐅᓖᑦ.

ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ.  ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.

ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.

ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.

ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.

ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.

ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.

ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ.  ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᕐᔪᐊᕐᓇᖅ-19−ᒧᑦ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).

ᓇᑭᙶᕐᓂᖏᑦ:

ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.

ᑲᐱᔭᐅᓯᒪᔪᑦ ᖃᔅᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.

ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.

ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ).  ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.

 

ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:

ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔭᓄᐊᕆ 26-ᖑᓕᕐᑎᓪᓗᒍ
ᐋᓐᓂᐊᕐᕕᓕᐊᖅᑐᑦ 13
ᑭᒃᑯᑐᐃᓐᓇᑦ 0
ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ 0
ᐃᒡᓗᓕᐅᕐᑎᑦ 0
ᑲᑎᖦᖢᒋᑦ 13

ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:

ᐊᐅᓪᓚᕐᕕᒃᓴᖓᑕ ᐅᓪᓗᐊ ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ
ᕕᕗᐊᕆ 1 2022 0
ᕕᕗᐊᕆ 2 2022 0
ᕕᕗᐊᕆ 3 2022 0
ᕕᕗᐊᕆ 4 2022 2
ᕕᕗᐊᕆ 5 2022 0
Total 2

 

 

ᐃᓕᓐᓂᐊᕐᓂᓕᕆᔨᒃᑯᑦ ᐱᔨᑦᑎᕋᕐᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

  • ᐅᖃᐅᔾᔭᐅᓚᐅᖅᑎᓪᓗᑕ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅᑉ, ᓇᑦᑎᓕᒃ ᐃᓕᓐᓂᐊᕐᕕᒃ ᑕᓗᕐᔪᐊᓂ ᒪᑐᔭᐅᓯᒪᔪᑦ ᐃᓕᓐᓂᐊᖅᑎᓄᑦ ᐃᖃᓇᐃᔭᖅᑎᓄᓪᓗ ᐱᒋᐊᖅᑎᑕᐅᓪᓗᓂ ᔭᓄᐊᕆ 27, 2022.
    • ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᑕᓗᕐᔪᐊᓂ ᑐᓴᕐᑎᑦᑎᑲᑕᒃᑐᑦ ᐃᓕᓐᓂᐊᕐᑎᓂ ᐊᖓᔪᖅᑳᖏᓐᓂᓪᓗ ᐊᐃᓯᒪᓗᑎᒃ ᐃᓕᓐᓂᐊᕐᓂᐊᕐᓂᖏᓐᓂᑦ.
  • ᐃᖃᓗᖕᓂᑦ ᐃᓕᓐᓂᐊᕐᕕᑦ ᐅᒃᑯᐃᕐᑐᑦ 100 ᐳᓴᓐᑎᐅᔪᓐᓇᕐᖢᑎᒃ ᐃᓄᒋᐊᒍᓐᓇᕐᓂᖏ ᔮᓄᐊᕆ 31, 2022−ᒥᑦ.
    • ᐃᖃᓗᖕᓂᑦ ᐃᓕᓐᓂᐊᕐᕕᑦ ᒪᓕᖕᓂᐊᕐᑐᑦ ᑕᒪᐃᓐᓂᓕᒫᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᖕᒧᓪᓗ ᐅᔾᔨᖅᑐᕈᑎᓂ ᒪᓕᒃᓗᑎᒃ ᐱᓕᕆᕝᕕᖕᒥᑦ ᒪᓕᒃᑕᐅᔭᕆᐊᓕᖕᓂᑦ.
    • ᐃᓕᓐᓂᐊᕐᑎᑦ ᐃᖅᑲᓇᐃᔭᕐᑎᓪᓗ ᐃᖅᑲᐃᓯᔭᐅᕗᑦ ᒪᑐᐊᕐᓯᒪᖃᑦᑕᖁᔭᐅᓪᓗᑎᒃ ᐃᓕᓐᓂᐊᕐᕕᖕᒥᑦ ᓄᓇᓯᐅᑎᑯᑖᒥᓪᓗ.
  • ᓴᒃᑯ ᐃᓕᓐᓂᐊᕐᕕᒃ ᓴᓪᓕᕐᓂᖅ ᒪᑐᓯᒪᔪᖅ ᐃᓕᓐᓂᐊᕐᑐᓄ ᕕᕗᐊᕆ 4, 2022−ᖑᕋᓱᖕᓂᖓᓄ ᐊᐅᓚᑕᑦᑎᔾᔪᑎᖃᕆᐊᖃᕐᓂᖏᓐᓄᑦ.
    • ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᓴᓪᓕᕐᓂᑦ ᑐᓴᕐᑎᑦᑎᑲᑕᒃᑐᑦ ᐃᓕᓐᓂᐊᕐᑎᓂ ᐊᖓᔪᖅᑳᖏᓐᓂᓪᓗ ᐊᐃᓯᒪᓗᑎᒃ ᐃᓕᓐᓂᐊᕐᓂᐊᕐᓂᖏᓐᓂᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐅᖃᐅᔾᔪᖅᑕᐅᓚᐅᕐᑎᓪᓗᒋᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ, ᐸᐃᕆᕕᑦ ᑕᓗᕐᔪᐊᓂ ᓴᓪᓕᕐᓂᓪᓗ ᐅᒃᑯᐃᖓᐃᓐᓇᕈᓐᓇᕐᑐᑦ ᑕᒪᐃᓐᓄ ᐃᓚᒌᓄᑦ.

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐃᖃᓗᖕᓂᑦ ᐃᓕᓐᓂᐊᕐᕕᑦ ᐅᒃᑯᐃᕐᑐᑦ 100 ᐳᓴᓐᑎᐅᔪᓐᓇᕐᖢᑎᒃ ᐃᓄᒋᐊᒍᓐᓇᕐᓂᖏ ᔮᓄᐊᕆ 31, 2022−ᒥᑦ.

  • ᐃᖃᓗᖕᓂᑦ ᐃᓕᓐᓂᐊᕐᕕᑦ ᒪᓕᖕᓂᐊᕐᑐᑦ ᑕᒪᐃᓐᓂᓕᒫᖅ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᖕᒧᓪᓗ ᐅᔾᔨᖅᑐᕈᑎᓂ ᒪᓕᒃᓗᑎᒃ ᐱᓕᕆᕝᕕᖕᒥᑦ ᒪᓕᒃᑕᐅᔭᕆᐊᓕᖕᓂᑦ.
  • ᐃᓕᓐᓂᐊᕐᑎᑦ ᐃᖅᑲᓇᐃᔭᕐᑎᓪᓗ ᐃᖅᑲᐃᓯᔭᐅᕗᑦ ᒪᑐᐊᕐᓯᒪᖃᑦᑕᖁᔭᐅᓪᓗᑎᒃ ᐃᓕᓐᓂᐊᕐᕕᖕᒥᑦ ᓄᓇᓯᐅᑎᑯᑖᒥᓪᓗ.

ᓴᓪᓕᖅ, ᐃᒡᓗᓕᒃ ᑕᓗᕐᔪᐊᕐᓗ ᐱᙱᖦᖢᑎᒃ, ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᒪᑐᐃᒃᑲᓐᓂᕐᓂᐊᓕᖅᐳᑦ 50−ᐳᓴᖓᓂ ᐅᕝᕙᓘᓐᓃᑦ 100−ᐳᓴᖓᓂ ᐃᓄᖃᕈᓐᓇᕐᓂᖓᑕ, ᓄᕙᕐᔪᐊᕐᓇᖅ-19−ᖃᖅᑐᑦ ᒪᓕᒃᑕᐅᓗᑎᒃ ᐊᑐᓂ ᓄᓇᓕᖕᓂ.

  • ᐃᓕᓐᓂᐊᕐᕖᑦ ᐊᕐᕕᐊᓂ, ᖃᒪᓂ'ᑐᐊᒥ, ᐃᖃᓗᒃᑑᑦᑎᐊᕐᒥᑦ, ᑭᙵᕐᓂ, ᑲᖏᖅᖠᓂᖅ, ᐊᒻᒪᓗ ᓴᓂᑭᓗᐊᖅ ᒪᑐᐃᖅᑕᐅᓚᐅᖅᑐᖅ 50% ᐃᓄᒋᐊᒍᓐᓇᕐᒥᑦ.
  • ᐃᓕᓐᓂᐊᕐᕖᑦ ᐊᓯᓕᒫᖏᓐᓂ ᓄᓇᓕᖕᓂ ᒪᑐᐃᖓᓂᐊᖅᐳᑦ 100−ᐳᓴᓐ ᐃᓄᖃᕈᓐᓇᕐᓂᖓᓂ.
  • ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
  • ᐊᖓᔪᖅᑳᕆᔭᐅᔪᑦ ᑐᑭᓯᐅᒪᑦᑎᐊᙱᑉᐸᑕ ᖃᖓ ᐃᓕᓐᓂᐊᖅᑏᑦ ᐅᑎᓛᕐᒪᖔᑕ, ᐃᓕᓴᐃᔨᓄᑦ ᖃᐅᔨᒋᐊᕆᐊᖃᖅᐳᑦ.

ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

  • ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑎᑦᑎᔨᑦ ᐊᒡᓚᕝᕕᖓ ᓱᓕ ᐊᑭᓕᖅᓱᐃᕙᓪᓕᐊᔪᑦ ᐃᓕᓐᓂᐊᖅᑎᓄᑦ ᑎᑎᕋᕆᐊᓕᖕᒥᒃ ᓇᒃᓯᐅᔾᔨᓚᐅᖅᑐᓄᑦ.
  • ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᑦ ᓱᓕ ᐱᓕᕆᓚᐅᙱᑦᑐᑦ ᓇᒃᓯᐅᔾᔨᔭᕆᐊᖃᓕᖅᐳᑦ FANS SEF−ᒥᓂᒃ (A−ᖓ ᑎᑎᕋᕐᓗᒍ) ᐊᒻᒪ ᓄᓇᕗᒻᒥ ᓯᓚᑦᑐᖅᑕᕝᓴᕐᕕᖕᒧᑦ ᑎᑎᕋᖅᑕᐅᓯᒪᔭᔾᔪᑎᖓ ᓇᓗᓇᐃᖅᓯᒪᔪᖅ ᑎᑎᖅᑲᖅ FANS−ᑯᑦ ᐊᒡᓚᕝᕕᖓᓄᑦ.
  • ᐃᓕᓐᓂᐊᖅᑏᑦ ᐱᕕᖃᖅᑎᑦᑎᔭᕆᐊᓕ 15ᓂ ᐃᖃᓇᐃᔭᕐᓇᐅ ᐅᓪᓗᓂᑦ ᑐᓂᓯᓚᐅᖅᑎᓪᓗᒋᑦ ᐃᓕᓐᓂᐊᖅᑎᓄᑦ ᐊᑎᓕᐅᕆᐊᓖᑦ ᑕᑕᑎᕆᐊᓖᑦ ᓄᓇᕗᒻᒥᑦ ᐃᓕᓐᓂᐊᖅᑏᑦ ᑭᓇᐅᔭᖃᖅᑎᑕᐅᓂᖏᓐᓄᑦ ᐃᑲᔪᑎᓄᑦ  ᑮᓇᐅᔭᑦ ᐃᓕᔭᐅᕝᕕᒃᓴᖓᓄᑦ ᑮᓇᐅᔭᒃᑯᕕᖕᒧᑦ.
  • 15 ᐃᖃᓇᐃᔭᕐᓇᐅ ᐅᓪᓗᖓᓄᑦ ᖄᖏᖅᐸᑦ ᐃᓕᓐᓂᐊᖅᑏᑦ ᑮᓇᐅᔭᒃᓴᖅᑖᓚᐅᖏᑉᐸᑦ ᑮᓇᐅᔭᖃᕐᕕᐊᓄᑦ, ᐃᕐᒌᓐᓇᖅᑐᐊᒃᑯᑦ ᑎᑎᕋᕈᓐᓇᖅᑐᑦ fans@gov.nu.ca ᖃᐅᔨᒃᑲᐃᓗᑎᑦ. ᐃᓕᓐᓂᐊᖅᑏᑦ ᐃᓚᓕᐅᑎᓗᑎᑦ ᐊᔾᔨᖓᓂ ᑮᓇᐅᔭᒃᑯᕕᐅ ᓇᐃᓴᐅᑎᖓᓂ ᐱᒋᐊᕐᓗᓂ ᔭᓄᐊᕆ 1ᒥᑦ ᒫᓐᓇᒧᑦ.
  • ᐊᐱᖅᑯᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ fans@gov.nu.ca.
  • ᐃᓕᓐᓂᐊᖅᑎᑦ ᐊᐱᖅᑯᑎᒃᓴᓕᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᖅᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ.
  • ᐃᓕᓐᓂᐊᖅᑎᑦ ᖃᖓᑦᑕᐅᑎᒥᓂᒃ ᐊᓯᔾᔨᖅᑕᐅᒍᔾᔨᔪᑦ ᖃᖓᑦᑕᕐᕕᒃᓴᖓᓂᑦ ᐃᕐᖐᓐᓇᖅᑐᐊᒃᑯᑦ ᑎᑎᕋᖁᔭᐅᕗᑦ fanstravel@gov.nu.ca ᐃᖃᓇᐃᔭᕐᓇᒃᑯᑦ ᐅᕝᕙᓘᓐᓃᑦ, ᐃᖃᓇᐃᔭᕐᓇᐅᖏᑉᐸᑦ, ᐃᖃᓇᐃᔭᕐᓇᐅᖏᑎᓪᓗᒍ ᐅᖃᓗᒍᓐᓇᖅᐳᑎᑦ ᖃᖓᑦᑕᐅᓯᓕᕆᔨᒃᑯᓐᓄᑦ ᐅᕗᖓ 1-867-857-6950.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

  • ᑎᐅᓕᐅᖅᑐᖅᑕᐅᔪᖅ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅ, ᐃᒡᓗᓕᖕᒥᑦ ᐸᐃᕆᕝᕖᑦ ᒪᑐᐃᖓᐃᓐᓇᕐᓂᐊᖅᑐᑦ ᐃᖃᓇᐃᔭᕆᐊᖃᓪᓚᕆᒃᑐᑦ.

ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ

  • ᖁᑦᑎᒃᓯᓯᒪᑎᓪᓗᒍ ᓄᓇᕗᒻᒥᑦ ᐃᓕᓐᓂᐊᖅᑏᑦ ᑮᓇᐅᖃᖅᑎᑕᐅᓂᕐᖏᓐᓄᑦ ᐃᑲᔫᑎᓄᑦ ᑎᑎᕋᕐᕕᒃ, ᒨᕐᓗ ᓄᑖᒥᑦ ᐃᓕᓐᓂᐊᒐᒃᓴᓕᕆᑎᓪᓗᒋᑦ, ᐱᔨᑦᑎᕋᐅᑎᓄᑦ ᒪᓕᒃᑕᐅᔭᕆᐊᓖᑦ ᑭᐅᔾᔪᑕᐅᔪᓄᑦ ᐃᕐᖐᓐᓇᖅᑐᐊᒃᑯᑦ 3−5 ᐃᖃᓇᐃᔭᕐᓇᐅ ᐅᓪᓗᓄᑦ. ᑭᐅᔭᐅᓇᓵᖃᑦᑕᑐᐃᓐᓇᕆᐊᖃᕐᓂᐊᖅᐳᓯ ᑎᑎᕋᕐᕕᖕᒥ ᓄᕙᒡᔪᐊᕐᓇᖅ-19−ᒧᑦ ᖃᓂᒪᔪᖃᐅᕐᓂᖓᓄᑦ ᐊᕐᕕᐊᓂ.
  • ᒫᓐᓇ, FANS−ᑯᓐᓂ ᐃᖅᑲᓇᐃᔭᖅᑎᑦ ᖃᕆᓴᐅᔭᒃᑯᑦ ᐱᓕᕆᑲᑕᒃᐳᑦ, FANS−ᑯᓐᓄᓪᓗ ᐅᖄᓚᕝᕕᐅᕙᒃᑐᖅ ᖃᐅᔨᒋᐊᖅᑕᑲᑕᙱᖦᖢᓂ. ᐅᖃᖃᑎᖃᕈᒪᒍᕕᑦ ᑭᒡᒐᖅᑐᐃᔨᔪᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ, ᐃᕐᖐᓈᖅᑕᐅᑎᒃᑯᑦ ᑎᑎᕋᕆᑦ ᐃᓂᒃᓴᓕᐅᕐᑕᐅᔪᒪᓗᑎᑦ ᐅᕗᖓ fans@gov.nu.ca.
  • ᐊᑲᐅᓛᖑᕗᖅ ᐃᕐᙲᓐᓈᖅᑕᐅᒃᑯᑦ ᖃᐅᔨᒋᐊᖅᐸᒡᓗᓂ ᐅᕗᖓ fans@gov.nu.ca.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐅᖃᐅᔾᔭᐅᓚᐅᖅᑎᓪᓗᑕ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᐅᑉ, ᐃᒡᓗᓕᖕᒥᑦ ᑕᓗᕐᔪᐊᓂᓪᓗ ᐃᓕᓐᓂᐊᕐᕖᑦ ᒪᑐᔭᐅᓯᒪᔪᑦ ᐃᓕᓐᓂᐊᖅᑎᓄᑦ ᐃᖃᓇᐃᔭᖅᑎᓄᓪᓗ.

  • ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᐃᒡᓗᓕᖕᒥᑦ ᑕᓗᕐᔪᐊᓂᓪᓗ ᑐᓴᕐᑎᑦᑎᑲᑕᒃᑐᑦ ᐃᓕᓐᓂᐊᕐᑎᓂ ᐊᖓᔪᖅᑳᖏᓐᓂᓪᓗ ᐊᐃᓯᒪᓗᑎᒃ ᐃᓕᓐᓂᐊᕐᓂᐊᕐᓂᖏᓐᓂᑦ.

ᓴᒃᑯ ᐃᓕᓐᓂᐊᕐᕕᒃ ᓴᓪᓕᕐᓂᖅ ᒪᑐᓯᒪᔪᖅ ᐃᓕᓐᓂᐊᕐᑐᓄ ᕕᕗᐊᕆ 4, 2022−ᖑᕋᓱᖕᓂᖓᓄ ᐊᐅᓚᑕᑦᑎᔾᔪᑎᖃᕆᐊᖃᕐᓂᖏᓐᓄᑦ.

  • ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᓴᓪᓕᕐᓂᑦ ᑐᓴᕐᑎᑦᑎᑲᑕᒃᑐᑦ ᐃᓕᓐᓂᐊᕐᑎᓂ ᐊᖓᔪᖅᑳᖏᓐᓂᓪᓗ ᐊᐃᓯᒪᓗᑎᒃ ᐃᓕᓐᓂᐊᕐᓂᐊᕐᓂᖏᓐᓂᑦ.

 

 

ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.