Hivuliqtip Tuhaadjutikhaa
Turaaqtavut tautuktuuyaaqtauyuq 22nguyunit ilauyut Nunavuutim tallimauyuq Maligaliurvinganit. Titiraq naunaipkarniaqtaa Nunavut Kavamaup havaanga taimaa 2021mut, atauhiq naunaiqtaa ihariagininngit hivulliutiyakhangillu nunaptikni.
Pitillugu una pitquyau innganik, naunaiqtavut malruuk naunaitkutat: 2018mi tamna 25nguqtuq tikiutigiyanganik sainiutinganik Nunavut Angirutinganik, uumanittauq April 1, 2019 tamna 20nguqtuq tikiutigiyanganik Nunavunguqmat. Hapkuat quviahuutingit tuniyuq pivikhaqautikhamik tautuktuuyaarniqmut, nutaanguffaarhimayuq ihumagilluaqtanginnik quvianaqtumiklu.
Nunavut angikliyuq tamainnit nunaryuaptiknit -ilitariyauyuq nuna, pitquhivullu, nutaanguqtiriniq, ilitquhiq ilumuurutingillu agliruttiktiyuq pipkaidjutiyuqlu inungnut tamainni nunaryuaptikni.
Havakhimmaaqtugut ihuaqtumik piplugit ayurhautiptiknik– Nunavut ihariagiyuq angikliyuumiqtumik aulapkaitjutikhanik, aadlamik aaniaqtailiniqmut nakurudjutimullu ikayuutimik, maniliurniqlu maniliurniqmut pivikhaqautinginnik nakuuyumik pigiami. Nunavummiut, biibinnuamit Inirniriinut, ihariagiyut akuniraalukmik ikayuutikhamik ilihainiqmi munariniqmilu, hamani nunagiyaptikni. Kavamavut akhuraaluk havakniaqtut tunigiami nakuutqiyauyunik havaanik, qinirhiatilluta angikliyuumiqtuq manikhaq nakuutqianiklu qanuriliurutingit hapkunani, aadlanilu, akhuurutauyumi.
Nunavut nunauyuq nakuuqpiaqtumik pigiami, piyunnautinga pivikhaqautingalu. Qun’ngiaqtugut nakuuyumik piyaptiknik – uqaqtiuyugut angitqiyauyumik nunataarutimut angirutingit Kaanataup pidjutingani, angikliyuumiliqtuq havaktiuyut Inuinnait havakvingani, akhuraaluklu piyavut nunaptiknut, uqauhiptiknut inungnullu. Hakugiktugut. Akhuuqtumik piyugut. Qaangani ittugut nakuuqpiaqtumik piyaptiknik.
Hivuliqtiupluni taimaa pingahunik nampanganiklu ukiunik, upalungaiyaqtunga naunairiami hivulliutiyakhat piliurhimayuq uumani Turaaqtavut, hakugiktumiklu nipigiyakhaq ikayuqtiugiami Nunavunmut. Kavamatit havaktuq iliknut. Akhuuqtugut naunaittiaqtumik, uqaqatigiiktumik, aadlanut piyuq hivuliqtiniq iquhimaittumiklu. Atauttikkut, munariyavut ihumagiyanginnik tautugumayanginniklu Nunavunmiutanut, piplugit ihariagiyanginnik tamainnit
Joe Savikataaq
Hivuliqtiuyuq Nunavunmut
Talvuuna uvaniituq maliktakharnik, hanaqiniaqtugut kavamautilunuk tallimauyunik piumaluaqtangit ukuninga:
- Havauhikhavut inuuhirittiarnikkut inmikkuliringainillu inuutivut nunallavullu Inuusivut.
- Pivalliadjutikhanut aulapkaidjutikhaptingnik maniliurutikhaniglu ikayuutauyut ihuaqtumik hivunikhanut inuutipta, nunallaavullu, nunakpullu talvunga Pivaallirutivut.
- Iliharvikhainuglu ayuiqavikhainiglu hanaiyautikhanginik nutaqqat, inulramiit inirnirillu ihuaqtunik ikayuutikhainik inuuhirmingnut ihuaqtuniglu havaakhainik talvuuna Sivummuaqpalliajjutivut.
- Hakugikhivalliayangani Nunavut naunaittumiklu avikturnianik Kanatami nunaryuamillu talvuuna Inuunivut.
- Havaqatigiikhuta tikinnahuarutikhanik pinahuaqtavut piyumayainiglu Nunavunmiut talvuuna Katujjiqatigiinnivut.