John Main hivullirpaamik niruaqtauhimajuq uvani 2017 kivgaqtuqhuni uvani 5th Maligaliurvik Nunavunmi Maligaliurtiupluni hapkununga Arviat Tunnganilu Tikirarjuamunlu. Niguaqtauffaaqtuq uvani 2021mi uvalu 2025mi kivgaqtuqhuni hapkunani 6th unalu 7th Maligaliurvikmun.
Nunavunmi Hivullikhurnikkut Katimarjuarutit niguaqtaujuq Mr. Main Hivullirtingukhuni Nunavunmun uvani Hikutirvia 18, 2025mi. Uqariiqtitaujuq havagvingmun uvani Hikutirvia 20, 2025. Hadja Ministaupluni Kavamaliqiijitkunni, Ministaupluni Maniliqiijitkunni, Ministaupluni Nunakjuami, Ministaupluni Igluin Auladjutitigun Akitutilaanginnut Katimajiit, Ministaupluni Inirnikhaanut, Minista munarijalik Nunavunmi Tanngaliqinirmun Higaarlungniklu Katimajiita Ministaupluni Nunavut Tanngaliqinirmun Higaarlungniklu Katimajiit.
Uvani Hikutirvia 2021 ukua Nunavunmi Hivullikhurnikkut Katimajiit niruaqtaat Mr. Main kivgaqtuqlugu hapkununga Ministat Katimajiinun. Uqariiqtitauhimajuq havaaminut havagvianut Hikutirvia 19, 2021mi. Hadja kivraqtuqtuq Ministaupluni Munakhiliqiijitkunnut Ministauplunilu munarijaqaqhuni Inminiiqtailinirmun Ministauplunilu munarijaqaqhuni Qulliq Auladjutiqhanut Kuapuraisini
Ilaupluni talimani Maligaliurvingmi, Mr. Main kivraqtuqhimavaktuq Iqhivautaupluni Katimajalaami Maligaliurnikkut, Iqhivautaujuq Katimajalaami Atauttini Kavamat Aulapkaidjutainnut Maniliqidjutinutlu, Iqhivautaujuqlu Maligaliuqtiikaffuktuni ‘ Katimadjutainni.
Mr. Main an’ngiqlihimajuq Arviani. Iniktigami ilihagutainnik, ilihariaqjuummiriaqtuqtuq Mount Allison Universitymi, iniktiqhuni 2002 mi naunaijautiqaliqhuni maniliurnikkut. Mr. Main nunarjuami ilihagutaita atuqhimajait ilihaqhuni Oslo, Norway mi, havaamilu ajuirhaqhuni tahapkunani United Nations Ilinniarnikkut, Qauhimanahuarnikkut Pitquhikkutlu Katimajiinni (UNESCO) Paris, France mi.
Mr. Main havaarivaktait ajuittiarnirmun havaani havaligami, havakpaqhimaplunilu Tiiviikkut Apiqhuijipluni Kanatian Qun’ngiaqtittijuni Kuapuraisingani Ukiuqtaqtumi havagvianni, Pivalliajuliqiijinilu Havaktiupluni Nunallaanut Arviat Avikturviannilu Nanminiqaqtunut Havaktiupluni Kitikmeot Inuit Katimajiitanut. Niruaqtautinnani, Mr. Main inmikkut-havakpaktuq maniliurnahuagutinut qauhijaigupluni.
Mr. Main Angijuqaanguvaktuq Kivalliq Havagvingnut Katimajiinni ilauqvaqhunilu katimajiitani aulapkaijini Nunavut Pivallianirmun Kuapuraisini.
Mr. Main nulianilu, Amanda Hanson, quviahuktut an’ngajuqqaangguplutik Augustus Angmaaqmun, Odin Ihumatanaaq mun Maeve Arnahungaaqmunlu.