Uqaqtittiji, nangiqtunga ublumi uqautigilugu havaanga ukua Inuit Uqausinginnik Taiguusiliuqtiit, ilikuuqtut maligakkut timingitu havaktauhimajut ataanu ukua Inuit Uqauhiinun Tamaqtailinirmun Maligaq.
Nutaanguqtiqhimajut hiuvliqhungnirmun ukualu ikajuutit Havagvianun Pitquhiliqijitkut, havagviit hivumuuliqtaat uqauhikkut nanaijautit, uqariijautikkut, havaqatigiingnikkullu.
Uqaqtittiji, siksit taidjuhikkut katimadjutit atugahaqaqtut iniqtaublutiklu atuqtilugu una maniliqinikkut ukiungani 2024–2025. Hapkua katimaqjuarutit—pingahut Inuktitut ukualu pngahut Inuinnaqtun—atautimuktitijut uqauhikkut ajuittiaqhimajut tamainin aviktungniinin Nunavunmi.
Taimaali, avatqumajut 600 pitquidjutit nutaanun tisjuhiinun havaktauhimajut angiqtaublutik ukunanga Inuit Uqausinginnik Taiguusiliuqtiit Katimajiinin. Amigaitut hapkua taidjuiit ilaujut iliharnirmun, ikajuutaujut pivallianirmun nutaamun havaktauhimajuq-Nunavunmi Iliharnirmun ilihaidjutit ikajuutikhat ilihaqtunun iliharnirmun Inuktut.
Uqaqtittiji, Inuktut akugiktuq uqauhiq tamna hungiutivaliajuq haffumunga 21st centurymun. Havangniq nutaanik taidjuhirnik iharianaqtuq pihimanirmun atungnia Inuktut ukiuni qaijuni.
Una havaakhaq pidjutaujuq anginirharmun pituidjutainun Inuit Uqausinginnik Taiguusiliuqtiit ikajuutikhaq akhuurutainun inuktut. Imaa ilauqatigiingnirmun havagvingnun, havagvingnun, Inuit timinginun, inungnunlu, pihimajavut Inuktut ulahimaaqtumik angiklivalianirmun uqauhiq iliharnikkut, aaniudjutikkut, ublunilu inuuhirmi.
Quana, Uqaqtittijii.