Uqaqtittiiji,
Aglihimaanginaqtunga nunagitumik nunaqaqtun piniqtumik nunaptingni uataani aviktungniarmiituni. Qangnuaq pulaaqhimajara Kitikmeoni nunalaanun Uqhuqtuumi ilaulukaanginaqtuq.
Qaitquyaudjutit Uqaqtittijii, pulaaqpaktunga Uqhuqtuumi uvani Niqiliqivik 1mi 2milu. Quyagiyumayagit aipatlu Annie tunngahurnirmik aituivakangma pulaaqtilunga.
Uqhuqtuumi tikijaqtitiluta tungahuktitauvakhimajugut Miiyamin Megan Porter-mi. Uunauvaktuq hiqinaaqhunilu, nanngagivaktunga nikhiugianganik hiqinaaqhimajungnik niqivalungnik nunaqaqtunun talvani nigiaqtuqtunun.
Uqaqtittijii, talvuuna tutqiqidjutitigun katimaqatigivaktatka hamlatkut katimajiinni naalakhugit kiuyaangatlu apirhuutigijauvaktunik. Katimaqatigivaktatkalu Kikitak Igluliqiitkut Katimayingit nangiqhungalu iglukhangit najugakhaingit talvuuna Nunavut 3 tausin napaktitiniaqtun aulajukhat uvani aujami. Pulaaqtaralu quvianaqtumik munarhitkut aulapkaihimaaqtun havadjagiktunik havaktinik. Munariyauhimmaarvikmilu, uqaqatigiyatka Inirnikhat avikturniannit ilitturiplugillu 10-inikhaaqtunik munaqhiviat aulatitihimaaqtuq nunallaami havaktitihimaaqtuq.
Akhut titiraqhimayunik, pulaaqtatka nunallaat huiqhimajunik najugaanga, utuqangajuq igluqpak uunaqutiqangituq munagidjutikharmik piqarngituq. Una attauhiq uuktuut qanuqtun ihaagiaqaqhimajuq aviktuqhimayumi igluqpangnik atugaa, hulaqutigaluaqtilugit munagiyaunikkut huiqhimayut.
Ilitariniaqtatka Uqaqtittijii, pulaarutiga nalaumangman nunallaamiutamiituni mamitiqtilunik tuquffinaqtumik huiqtuqaqtiluni nunalaamiutauhimajumi. Ikpiguhuktilugit, atuqpakhimayunga Uqhuqtuup tungahuktitibluni quviahuutinik uvalu mahulingainikkutlu. Inuit pitquhiit aulahimaanginaqtun uvalu inuuhiqattiaqtutlu uvani nunallaami. Quyagiumayatka Tainiit qilaudjaqtut uvalu tamaita numiqtut, inulgamiqnin Inirnikhanun, kitut uqautigiyait una pitquhikkut atuqtauyuq uvamnun.
Kingulirmiklu uqautivut imaatun, kihimi aturuiqqat pidjaringnirnik pinirhinikkullu Uqhuqtuumi, tukiqaqtuq uqaraangama:
Quana, Uqaqtittiji.