Uqaqtittiji, Uqautigijumajatka ukua Katimajiit Taiguqtaaliqtipkainikkut Aitutainik.
Uqaqtittiiji, una aituut ihuaqpiaqtuq ikajuut havaktauhimajuq hapkunanga Kanadamiunin havaarijaujunun taigualiqinirmun. Nunavunmi, una aituutip ilitaridjutigijait atautit kitut ikajuqtut aalanik taigungnirmun inuktut pivlliablugillu inmi taiguarnirmun ajuiqhautitik uqaqhutik, titiraqhutik titiraujarnikuluuniin.
Uvani Apitilirvia 8, Nan'ngahuktunga tuhaqtilugit una Katimajiit Taiguqtaaliqtipkainikkut Aitutainik akimajuq Jeela Palluq-Cloutier.
Una aituutip ilitarijaa Jeela unaguhukhimaitumik atuliqpalianiranun hakugikhijuumiqtitugu Inuktut uqauhiq amigaituni ukiuni. Qanganuaq numiktirijuq 11,000 tainirnik pijaaliriangani Facebookmi pijaaliqtitugu Inuktitut. Havakpaghugillu tutqighaqhugit Inuktut uqauhiit atugahat kitut pipkaijut Inuktitut unalu Inuinnaqtun atuqtaujaangini haffumani Microsoft Numiktirutaani.
Tungahuktitumajara Jeela qujagilugulu aghut havakpauhia hakugikhijuumirutighaanun Inuktut uqauhiqqut.
Quana Uqaqtittiji.