Ukiuq tamaat, Kanadap Hivuliqtiit, ataani ilaudjutaani Kanadami Katimajiit, ilauvaktun quviahuutigiplugu taigurniq. Ihumagittiaruutigiplugin taapkuat ikajuqtun taigurnirnik Nunavunmi, HIvuliqti P.J. Akeeagok pijumajuq niruarutikhanik uvunga 2025 Kanadami Katimajiit Taiguqtaaliqtipkainikkut Ilitaridjutimik.
Ilitaridjujtit ihumagittiaqtaa inuk ikajuqpaktuq pilaqhuutijuqlu aallanun aturiami Inuktut pivallialiuqhugillu taigurnikkut ajuiqhimaniit – uqautikkut, titiraqhimanikkut talvuunaluunniit hanaujarutikkut tautungnaqtuni.
Niruaqlugu kinalikiaq havakpiaqhimajuq avatqutipluni ikajurnikkut akhuuqhainikluu aallanik pivallialiurnirnun inmingni taiguqtaalirnirnun ajuiqhimajatik. Taamnauttaaqtuq ilihaqtuq, ilihaiji, nunallaami ikajuqti, Inirnikhaq, havaqatigiiktaujuqluunniit akhuuqhaijuq akhuurnarninganik iliharnirnik atadjutiniklu.
Akimajuq ilitarijauniaqtuq haviqutikhamun titiramullu tunijauniaqtun Hivuliqti Akeeagokmin ukiakhami. Tunijauniaqtullu $300 manikkut ikajuutimik.
Niruarutikhat takujauttaaqtun uvani HIvuliqtiani Nunavunmi qaritaujakkuurutaani.
Umikvikhaa niruarutinun una Julai 18, 2025. Tujuqtaaqtatin niriuarutitit qaritaujakkut-titiqqilugucommunications@gov.nu.ca.