ᔪᓚᐃ 12, 2023
ᐃᖃᓗᐃᑦ, ᓄᓇᕗᑦ
ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐊᒻᒪ ᓯᕗᓕᖅᑎᐅᑉ ᑐᒡᓕᐊ ᐹᒥᓚ ᕼᐊᑯᖓᒃ ᒍᕉᔅ ᓴᖅᑭᑦᑎᖅᑲᐅᕘᒃ ᐅᑯᓂᖓ ᑲᑐᔾᔨᓪᓗᑎᒃ ᐅᖃᐅᓯᒃᓴᓂᒃ ᐃᓕᓴᕆᔭᐅᓪᓗᑎᒃ ᒥᐊᓕᒐᐃᑦ ᐳᓛᕆᐊᓚᐅᕐᓂᖏᑦ ᑭᒡᒐᖅᑐᖅᑎᒻᒪᕆᖓᓐᓂ ᑲᓇᑕᒥ, ᒪᓕᒐᓕᐅᖅᑎ ᑕᐃᕕᑦ ᑰᕼᐊᓐ:
"ᖁᔭᓕᔪᒪᑦᑎᐊᖅᐸᕗᑦ ᒥᐊᓕᒐᕐᒥᐅᑦ ᑭᒡᒐᖅᑐᖅᑎᖓᑦ ᑲᓇᑕᒧᑦ ᓂᐅᕐᕈᓚᐅᕐᓂᖓᓄᑦ ᓄᓇᕗᒻᒧᑦ ᔪᓚᐃ 9-ᒥᑦ 12-ᒧᑦ, 2023−ᒥ. ᒪᓕᒐᓕᐅᖅᑎ ᑕᐃᕕᑦ L. ᑰᐊᓐ ᓄᓕᐊᖓᓗ ᕌᓐᑕ ᐊᒃᓱᕈᖅᑐᒻᒪᕆᐅᓚᐅᖅᐳᑦ ᑲᑎᖃᑎᖃᖅᖢᑎᒃ ᓄᓇᕗᒥᐅᓂᒃ ᑐᑭᓯᖁᓪᓗᒋᑦ ᐊᔾᔨᐅᙱᓐᓂᖏᓐᓂᑦ ᓄᓇᓕᕗᑦ.
ᑕᒪᓐᓇ ᐳᓛᕆᐊᕐᓂᕆᔭᐅᔪᖅ ᑕᑯᑎᑦᑎᕗᖅ ᓴᙱᒃᑎᒋᐊᖅᓯᒪᓕᖅᑐᒥᒃ ᐱᓕᕆᖃᑎᒌᒃᐸᖕᓂᖏᓐᓂᒃ ᓄᓇᕗᒥᐅᑦ ᐊᒻᒪᓗ ᒥᐊᓕᒐᕐᒥᐅᑦ, ᑕᒪᓐᓇᓗ ᑲᔪᓯᑎᑦᑎᓂᐊᖅᖢᓂ ᐊᖏᒡᓕᒋᐊᖅᓯᒪᔪᒥᒃ ᐱᓕᕆᖃᑎᒌᖕᓂᕐᒥᒃ ᐅᑭᐅᖅᑕᖅᑐᒥ. ᓴᙱᔪᒥᑦ ᑲᑎᙵᓂᖃᖅᑐᒍᑦ ᒪᕐᕉᒃ ᐊᕕᒃᑐᖅᓯᒪᔫᖕᓂᑦ, ᐱᔪᒪᓂᖃᖅᓯᒪᓪᓗᑕᓗ ᐊᕙᑎᖏᓐᓂᑦ ᓲᕐᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᑦ, ᓇᖕᒥᓂᖃᕐᓂᕐᒥᑦ ᓴᐳᔾᔨᓂᕐᒥᓪᓗ, ᐃᖏᕐᕋᔾᔪᑎᓂᑦ, ᐱᒻᒪᕆᐅᔪᓂᑦ ᐅᔭᖅᑲᓂᒃ, ᓴᐳᔾᔨᓂᕐᒥᓪᓗ ᐃᒪᖁᑎᑦᑎᓐᓂ. ᓇᓗᓇᐃᖅᓯᔪᒪᒋᕗᖓᑦᑕᐅᖅ ᐱᒻᒪᕆᐊᓘᓂᖓᓂᒃ ᓄᓇᕗᒻᒥᐅᑦ ᐱᓕᕆᖃᑎᖃᖅᐸᖕᓂᖏᑦ ᐊᓛᔅᑲᒥ ᐊᑕᓂᕆᔭᑦᑎᒍᑦ ᐃᓄᖕᓄᑦ ᐊᓯᖏᓐᓄᓪᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᑐᑦ ᓄᓇᓕᖏᓐᓄᑦ.
ᑖᒃᑯᐊ ᖃᐃᖁᔭᐅᓯᒪᔪᑦ ᓄᓇᕗᑦ ᐅᓪᓗᖓᓂ ᐱᓕᕆᕈᓘᔭᖅᑎᓪᓗᒋᑦ ᑐᓐᖓᓱᑦᑎᑕᐅᑦᑎᐊᓚᐅᖅᑐᓪᓗ ᓄᓇᕗᑦ ᑲᒥᓴᓇᖓᓄᑦ, ᒪᓕᒐᓕᐅᖅᑏᑦ, ᐃᖃᓗᐃᑦ ᒪᐃᔭᖓᑦ, ᑲᓇᑕᒥ ᐅᓇᑕᖅᑐᒃᓴᓐᖑᐊᑦ, ᐊᒻᒪᓗ ᓇᒻᒥᓂᖃᐅᑎᓖᑦ.
ᑭᒡᒐᖅᑐᐃᔨᐅᑉ ᐊᐅᓪᓚᕐᓂᖓ ᒪᓕᓚᐅᖅᐳᖅ ᐊᒥᐊᓕᒐᑦ ᐅᐊᖕᓇᖓᓂᑦ ᐅᔭᕋᖕᓂᐊᒐᒃᓴᓕᕆᔨᑦ ᐊᐅᓚᑦᑎᓪᓗᑎᒃ ᐱᓕᕆᔾᔪᑎᓄᑦ ᑲᑎᒪᓂᖕᒥᑦ ᐋᖅᑭᒃᓱᖅᑕᐅᔪᖅ ᐊᒥᐊᓕᒐᑦ ᓄᓇᖓᓐᓂᑦ. ᐄᐳᕉᑎᓪᓗᒍ ᐃᖃᓗᓐᓂ ᑲᖏᖅᖠᓂᕐᒥᓗ ᑲᑎᒪᓚᐅᖅᑐᑦ. ᑕᒪᓐᓇ ᐃᓚᒋᐊᕈᑕᐅᓚᐅᖅᐳᖅ ᐳᓛᕆᐊᖅᑕᐅᔪᓄᑦ ᐊᒥᐊᓕᒐᕐᒥᐅᓄᑦ. ᐃᖃᓗᖕᓄ ᒥᑦᑎᒪᑕᓕᖕᒧᓪᓗ ᐄᑉᐳᒥᑦ, ᐊᒻᒪ ᐊᒥᐊᓕᒐᐃᑦ ᓄᓇᖓᓂ. ᐃᖃᓗᖕᓂ ᐅᑐᐱᕆᐅᓚᐅᖅᑐᒥ. ᒐᕙᒪᕗᑦ ᓂᕆᐅᒋᔭᖃᖅᐳᑦ ᐱᓕᕆᖃᑎᖃᐃᓐᓇᕐᓂᐊᕐᓂᑦᑎᓐᓂᒃ ᒥᐊᓕᒐᕐᒥᐅᓂᒃ ᑐᙵᓱᒃᑎᑦᑎᓪᓗᑎᒡᓗ ᐱᓕᕆᖃᑎᒌᖕᓂᖕᒥᑦ ᐊᒥᐊᓕᒃᑲᓐᓂᕐᒥᐅᓂᒃ.”