ᓯᕗᓕᖅᑎ ᑲᓇᑕᒥᐅᑦ ᑲᓇᖕᓇᖅᐸᓯᐊᓃᑦᑐᑦ ᐃᓱᒪᒋᑦᑎᐊᖅᐸᖏᑦ ᐃᑲᔪᖅᓱᑦᑎᐊᖅᐸᖏᓪᓗv

ᐊᒃᑐᐸ 05, 2022

ᐅᖃᐅᓯᒃᓴᑦ

ᓯᕗᓕᖅᑎ ᑲᓇᑕᒥᐅᑦ ᑲᓇᖕᓇᖅᐸᓯᐊᓃᑦᑐᑦ ᐃᓱᒪᒋᑦᑎᐊᖅᐸᖏᑦ ᐃᑲᔪᖅᓱᑦᑎᐊᖅᐸᖏᓪᓗ

ᓄᓇᕗᒻᒥ ᓯᕗᓕᖅᑎ, ᐲᔾᔭᐃ ᐊᕿᐊᕈᖅ, ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᒃ:

“ᑕᐃᒃᑯᐊ ᐊᒃᑐᖅᑕᐅᕐᔪᐊᖅᑐᐊᓗᐃᑦ ᐅᓚᓗᔭᕐᔪᐊᖅ Fiona-ᒧᑦ ᐊᑦᓛᓐᑎᒃ ᑕᕆᐅᕐᔪᐊᖓᓂ ᑲᓇᑕᒥ. ᐃᓱᒪᒋᑦᑎᐊᖅᐸᕗᑦ ᑕᐃᒃᑯᐊ ᓴᙱᔪᐊᓘᓪᓗᑎᒃ ᑲᓇᑕᒥᐅᑕᑦ ᑲᓇᖕᓇᖅᐸᓯᖕᒦᑦᑐᑦ ᐊᒃᓱᕈᕐᓇᖅᑐᐊᓗᖕᒧᑦ ᐊᖅᑯᓵᖅᑕᐅᔪᑦ ᓄᓇᖓ ᓱᕋᒃᑎᕈᓘᔭᖅᑐᐊᓘᑎᓪᓗᒍ.

ᓄᓇᕗᑦ ᒐᕙᒪᒃᑯᑦ ᑮᓇᐅᔭᑎᒍᑦ ᐃᑲᔪᕐᓂᐊᕐᒪᑕ $25,000−ᓂᒃ ᑲᓇᑕᒥ ᑐᐊᕕᕐᓇᖅᑐᖃᖅᑎᓪᓗᒍ ᐃᑲᔪᕆᐊᖅᑎᓄᑦ ᐊᑐᖅᑕᐅᓂᐊᕐᓗᑎᒃ ᐊᒃᑐᖅᑕᐅᕐᔪᐊᖅᑐᓄᑦ.

ᐃᓄᐃᑦ ᖃᐅᔨᒪᔭᑐᖃᖏᑦ ᐃᓕᑦᑎᕝᕕᒋᓯᒪᒐᑦᑎᒍᑦ ᐃᑲᔪᕆᐊᖃᕐᓂᑦᑎᓐᓂᒃ ᐃᓚᒌᓂᒃ ᐊᒻᒪ ᓄᓇᖅᑲᑎᒌᓂᒃ. ᓄᓇᕗᑦ ᒐᕙᒪᒃᑯᑦ ᐅᐱᒍᓱᑦᑎᐊᖅᐳᑦ ᐃᑲᔪᖅᑕᐅᒋᐊᓕᖕᓂᒃ ᐃᑲᔪᕈᓐᓇᕐᒪᑕ ᓄᓇᖅᑲᑎᒌᓄᑦ. ᓄᓇᕗᒥᐅᑦ ᐃᑲᔪᐃᓐᓇᕈᒪᖕᒪᑕ ᐱᖃᓐᓇᕆᔭᑦᑎᓐᓄᑦ ᑲᓇᖕᓇᕐᒥ ᐃᒪᕕᐅᑉ ᓯᓈᓃᑦᑐᓄᑦ."