ᓯᕗᓕᖅᑎ ᐃᓕᓴᖅᓯᕗᖅ ᓇᐅᔮᕐᒥᐅᑦ ᐃᓐᓇᕆᓚᐅᖅᑕᖓᓂᒃ ᑑᓇᑦ ᒥᓗᖅᑐᖅ, ᓄᓇᕗᒻᒥ ᐊᖏᕈᑎᒥᑦ ᐊᑎᓕᐅᖅᑎᒥᑦ

ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᖃᐅᓯᒃᓴᒥᑦ ᖁᕕᐊᓲᑎᒋᓗᒍ ᐃᓐᓇᐅᑉ ᐃᓅᓯᖓ ᑑᓇᑦ ᒥᓗᖅᑐᖅ ᐱᓕᕆᐊᕆᓚᐅᖅᑕᖓᓗ ᓄᓇᕗᑦ ᓴᖅᑭᑕᐅᑎᓪᓗᒍ:

"ᓇᐅᔮᒨᓚᐅᖅᑎᓪᓗᖓ, ᐃᓕᓴᕆᔪᒪᕙᕋ ᑑᓇᑦ ᒥᓗᖅᑐᖅ ᐱᓕᕆᐊᖃᓪᓚᕆᓚᐅᕐᓂᖓᓄᑦ ᓄᓇᕗᑦ ᓄᓇᓕᖓᑕ ᓴᖅᑭᑕᐅᓂᖓᓂ ᐋᔩᖃᑎᒌᒃᑎᐅᓪᓗᓂ ᐊᒻᒪ ᐊᑎᓕᐅᖅᑎᐅᓪᓗᓂ ᓄᓇᕗᒻᒥ ᐊᖏᕈᑎᒧᑦ.

ᑑᓇᑦ ᐱᒋᐊᖅᑎᑦᑎᔨᐅᓚᐅᖅᐳᖅ ᐊᖓᔪᖅᑳᖑᓯᒪᓪᓗᓂᓗ ᑐᙵᕕᒃᑯᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ, ᒫᓐᓇ ᖃᐅᔨᒪᓕᖅᖢᑎᒍᓪᓗ ᓄᓇᕗᑦ ᑐᙵᕕᒃᑯᓐᓂ. (ᓄᓇᕗᑦ ᑐᙵᕕᒃᑯᑦ ᑎᒥᖓᑦ) ᓂᕈᐊᖅᑕᐅᓯᒪᓪᓗᖓ ᓯᕗᓕᖅᑎᐅᓪᓗᖓ, ᐱᔪᒃᓯᑎᑦᑎᑦᑎᐊᖅᐳᖓ ᑑᓇᑦᒥᑦ, ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐅᓄᖅᑐᓂᒃ ᐊᒃᓱᕈᕐᓇᖅᑐᓂᒃ ᐊᓂᒍᐃᑎᑦᑎᓚᐅᖅᑐᑦ ᓴᖅᑭᑎᑦᑎᓇᓱᒃᖢᑎᒃ ᐱᐅᓂᖅᓴᒥᒃ ᓄᓇᕘᒥ ᑭᖑᕚᒃᓴᑦᑎᓐᓄᑦ.

ᑭᖑᓂᒃᑲᓐᓂᐊᒍᓪᓘᓐᓃᑦ, ᑑᓇᑦ ᑭᒡᒐᖅᑐᐃᖏᓐᓇᓚᐅᖅᑐᖅ ᐃᓄᐃᑦ ᓄᓇᖓᓂᑦ ᐊᖑᓇᓱᒍᓐᓇᕐᓂᕐᒧᓪᓗ ᐱᔪᓐᓇᐅᑎᖏᓐᓂᑦ. ᐅᐱᒍᓱᑦᑎᐊᖅᐳᖓ ᐃᓚᒥᓂᒃ ᑲᑎᖃᑎᖃᕈᓐᓇᓚᐅᕋᒪ ᖁᔭᒋᑦᑎᐊᖅᐸᒃᑲᓗ ᓇᒡᓕᒋᔭᖏᑦ ᐃᓅᔪᓐᓃᓚᐅᕐᓂᖏᓐᓄᑦ ᐊᐃᕐᕆᓕ 26-ᒥ.

ᑑᓇᑦ, ᐊᑖᑕᒋᔭᐅᔪᑎᑦ ᓄᓇᕗᒻᒧᑦ, ᖁᔭᒋᕙᔅᓯᓗ ᐃᓅᓯᓕᒫᒧᑦ ᐱᔨᑦᑎᕋᖃᑦᑕᕋᔅᓯ ᐃᓄᖕᓄᑦ ᓄᓇᕗᒻᒥᐅᓕᒫᓄᓪᓗ."