ᓯᕗᓕᖅᑎ ᐊᕿᐊᕈᖅ ᓇᓗᓇᐃᖅᓯᔪᖅ ᒥᓂᔅᑕᐅᕕᐅᓂᐊᖅᑐᓂᒃ

ᐱᕙᓪᓕᐊᔪᑦ ᑐᓴᕋᑦᓴᑦ

ᓯᕗᓕᖅᑎ ᐊᕿᐊᕈᖅ ᓇᓗᓇᐃᖅᓯᔪᖅ ᒥᓂᔅᑕᐅᕕᐅᓂᐊᖅᑐᓂᒃ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 19, 2021) – ᓯᕗᓕᖅᑎ ᐱᔭᐃ ᐊᕿᐊᕈᖅ ᓇᓗᓇᐃᖅᓯᖅᑲᐅᔪᖅ ᒥᓂᔅᑕᐅᕕᐅᓂᐊᖅᑐᓂᒃ ᒥᓂᔅᑕᑖᖅᑲᐅᓄᑦ ᐅᓪᓗᒥ. ᑖᒃᑯᐊ ᒥᓂᔅᑕᐅᕕᐅᓂᐊᖅᑐᑦ ᓇᓗᓇᐃᖅᓯᒋᐊᖅᑐᑦ ᓯᕗᓕᖅᑎ ᐊᕿᐊᕉᑉ ᐊᑦᓱᕉᑎᖃᕐᓂᐊᕐᓂᖓᓂᒃ ᓄᑖᓂᒃ ᐊᓯᔾᔨᖅᑐᓂᓪᓗ ᑐᙵᕕᖃᕐᓗᑎᒃ ᐊᓯᔾᔨᖅᐸᓪᓕᐊᓂᕐᒧᑦ, ᖃᐅᔨᓴᖅᑕᐅᒍᓐᓇᕐᓗᑎᒃ ᐊᓯᔾᔩᓂᕐᒧᑦ.

“ᐊᐅᓚᑦᓯᔩᑦ ᑲᑎᒪᔨᑖᖅᑲᐅᕗᑦ ᑲᑎᖅᓱᐃᓯᒪᔪᑦ ᐊᑑᑎᒋᓯᒪᔭᖏᓐᓂᒃ ᖃᐅᔨᒪᓂᖏᓐᓂᓪᓗ ᓄᑖᓂᒃ ᐃᓱᒪᒍᓯᖃᕈᓐᓇᕐᓗᑎᒃ ᑲᔪᖏᕈᑎᖃᕐᓗᑎᓪᓗ. ᓇᓗᙱᑦᑐᖓ ᑖᒃᑯᐊ ᑎᓕᔭᐅᒍᑎᖏᑦ ᑐᕌᖓᑦᓯᐊᕐᓂᖏᓐᓂᒃ ᐱᔪᓐᓇᕐᓂᖏᓐᓄᑦ ᒥᓂᔅᑕᐃᑦ, ᓇᓗᓇᐃᖅᓯᓯᒪᓂᐊᖅᑐᖓᓗ ᕿᓚᒥᐅᔪᒃᑯᑦ ᐱᒋᐊᕐᓂᐊᕋᑦᑕ ᑲᒪᒋᔭᐅᖁᓪᓗᒋᑦ ᓯᕗᓪᓕᐅᑎᔭᐅᖁᔭᐅᔪᑦ ᑐᓴᖅᓯᒪᔭᕗᑦ ᓄᓇᕗᒻᒥᐅᓂᒃ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ.

ᓯᕗᓕᖅᑎ ᐊᕿᐊᕈᖅ ᒥᓂᔅᑕᐅᓂᐊᕐᒥᔪᖅ ᒐᕙᒪᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᑐᒥᓂᓕᕆᓂᕐᒧᑦ, ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᒨᖅᐸᓪᓕᐊᔪᓕᕆᓂᕐᒧᑦ ᐊᒻᒪᓗ ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ.

ᒥᓂᔅᑕᐃᑦ ᑎᓕᔭᐅᓯᒪᔪᑦ ᐅᑯᓄᖓ ᒐᕙᒪᒃᑯᑦ ᐱᓕᕆᕕᖏᓐᓄᑦ ᒥᓂᔅᑕᐅᕕᓐᓄᑦ:

  • ᓯᕗᓕᖅᑎᐅᑉ ᑐᒡᓕᐊ, ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᓄᓇᕗᑦ ᓯᓚᑦᑐᓴᕐᕕᒻᒥᒃ, ᐸᒥᓚ ᒍᕋᔅ,
  • ᒐᕙᒪᒃᑯᑦ ᑲᑎᒪᕕᖓᓂ ᓯᕗᓕᖅᑎ, ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᒃ, ᖁᐊᓴ ᑯᓱᒐᖅ,
  • ᒥᓂᔅᑕ ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ, ᑕᐃᕕᑎ ᐊᕿᐊᕈᖅ,
  • ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᐊᕐᓇᐃᑦ ᐃᓕᓴᕆᔭᐅᓯᒪᓂᖏᓐᓄᑦ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᙱᑦᑐᓕᕆᓂᕐᒧᑦ, ᒫᒍᓚ ᓇᑲᓱᒃ,
  • ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᐋᑕᒻ ᓚᐃᑦᓯᑑᓐ,
  • ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᐃᒻᒥᓃᖅᑕᐅᓕᔪᓕᕆᓂᕐᒧᑦ, ᔮᓐ ᒪᐃᓐ,
  • ᒥᓂᔅᑕ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᓐᓄᑦ, ᑕᐃᕕᑎ ᔪᐊᓇᓯ,
  • ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᒃ, ᒥᓂᔅᑕ ᑲᒪᒋᔭᓕᒃ ᐅᖃᐅᓯᓕᕆᓂᕐᒧᑦ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᐃᓐᓇᒻᒪᕆᓐᓂᒃ ᔪᐊᓇ ᖁᐊᓴ

“ᖁᕕᐊᓪᓚᕆᑦᑐᖓ ᐱᓕᕆᖃᑎᒋᒍᓐᓇᕐᓂᐊᕋᒃᑭᑦ ᒪᓕᒐᓕᐅᖅᑎᓕᒫᑦ ᐋᖅᑭᑦᓱᐃᓗᑕ ᑐᕌᒐᖅᑖᖅᑲᐅᑎᓂᒃ ᐊᖅᑯᑎᓕᐅᕐᓗᑕᓗ ᐊᕐᕌᒎᓄᐊᖅᑐᓄᑦ ᓯᑕᒪᓄᑦ. ᒫᓐᓇ, ᐱᓕᕆᒋᐊᖃᓕᖅᑐᒍᑦ ᐊᓯᔾᔨᖅᓯᓪᓚᑦᑖᕐᓗᑕᓗ ᓄᓇᕗᒻᒥᐅᓄᑦ ᓄᓇᓕᓕᒫᓂ ᓄᓇᕗᑦᓯᐊᕚᓗᒻᒥ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ.

###

ᐊᑕᖏᖅᑐᑦ ᒥᓂᔅᑕᐅᕕᐅᓂᐊᖅᑐᑦ ᑎᑎᕋᖅᓯᒪᔪ ᐃᓚᒍᑕᖓᓂ.

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

ᑲᐃᑦ ᒪᒃᓚᐅᑦ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎᐅᑲᐃᓐᓇᖅᑐᖅ
ᓯᕗᓕᖅᑎ ᐊᕿᐊᕉᑉ ᐊᓪᓚᕝᕕᖓ
cmacleod6@gov.nu.ca
867-975-5059

 



ᓯᕗᓕᖅᑎ ᓄᓇᕗᒻᒥᓗ ᐊᐅᓚᓯᔩᑦ ᑲᑎᒪᔨᖏᑦ

ᐱᔭᐃ ᐊᕿᐊᕈᖅ, ᓄᓇᕗᒻᒥ ᓯᕗᓕᖅᑎ
ᒥᓂᔅᑕ ᒐᕙᒪᓕᕆᔨᒃᑯᓐᓄᑦ
ᒥᓂᔅᑕ ᓄᓇᖃᖅᑳᖅᑐᒥᓂᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᑲᓇᑕᒨᖅᐸᓪᓕᐊᔪᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ

ᐸᒥᓚ ᒍᕋᔅ, ᓯᕗᓕᖅᑎᐅᑉ ᑐᒡᓕᐊ
ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᓄᓇᕗᑦ ᓯᓚᑦᑐᓴᕐᕕᒃᑯᓐᓂᒃ

ᖁᐊᓴ ᑯᓱᒐᖅ
ᒐᕙᒪᒃᑯᑦ ᑲᑎᒪᕕᖓᓐᓂ ᓯᕗᓕᖅᑎ
ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ
ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᒃ
ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᓇᒻᒥᓂᖃᖅᑎᐅᔪᓄᑦ ᐊᑐᖅᑐᐊᖅᑎᑦᓯᔨᒃᑯᑦ ᑎᒥᖁᑎᖏᓐᓂᒃ
ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᑦ ᑎᒥᖁᑎᖏᓐᓂᒃ
ᒥᓂᔅᑕ ᑲᒪᒋᔭᓕᒃ ᐅᔭᕋᕐᓂᐊᖅᑐᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᑕᐅᖅᓰᖃᑦᑕᖅᑐᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᐆᒻᒪᖅᑯᑎᓕᕆᓂᕐᒧᑦ

ᑕᐃᕕᑎ ᐊᕿᐊᕈᖅ
ᒥᓂᔅᑕ ᐊᕙᑎᓕᕆᔨᒃᑯᓐᓄᑦ
ᒥᓂᔅᑕ ᒪᓕᒐᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᐃᖅᑲᓇᐃᔭᖅᑐᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᓂᕈᐊᖅᑐᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑲᑎᒪᔨᓂᒃ

ᒫᒍᓚ ᓇᑲᓱᒃ
ᒥᓂᔅᑕ ᐃᓄᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᐊᕐᓇᐃᑦ ᐃᓕᓴᕆᔭᐅᓯᒪᓂᖏᓐᓄᑦ
ᒥᓂᔅᑕ ᑲᒪᒋᔭᓕᒃ ᐊᖏᕐᕋᖃᙱᑦᑐᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᐊᔪᖅᓴᓗᐊᕈᓐᓃᖅᑎᑦᓯᓇᓱᐊᕐᓂᕐᒧᑦ

ᐋᑕᒻ ᓚᐃᑦᓯᑑᓐ
ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ
ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪᓗ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᒥᓂᔅᑕ ᑲᒪᒋᔭᓕᒃ ᐃᒥᐊᓗᓐᓄᑦ ᓚᐃᓴᓐᓯᑖᖅᑎᑦᓯᓂᕐᒧᑦ ᑲᑎᒪᔨᖏᓐᓂᒃ

ᔮᓐ ᒪᐃᓐ
ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᐃᒻᒥᓃᖅᑕᐃᓕᔪᓕᕆᓂᕐᒧᑦ

ᑕᐃᕕᑎ ᔪᐊᓇᓯ
ᒥᓂᔅᑕ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᓐᓄᑦ

ᔪᐊᓇ ᖁᐊᓴ
ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ
ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᖏᓐᓂᒃ
ᒥᓂᔅᑕ ᑲᒪᒋᔭᓕᒃ ᐅᖃᐅᓯᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᐃᓐᓇᒻᒪᕆᓐᓂᒃ