ᓴᖅᑭᑕᐅᓂᖏᑦ ᒥᓂᔅᑕᐅᑉ ᑐᓪᓕᐊᑕ ᐃᑲᔪᖅᑎᐊᑕ ᐃᖅᑲᓇᐃᔮᒃᓴᖏᑦ

ᐃᖃᓗᐃᑦ, ᓄᓇᕗᑦ (ᕕᐅᓪᓗᐊᓕ 27, 2023) – ᓄᓇᕗᑦ ᒐᕙᒪᖓ ᐱᓕᕆᐊᖃᓪᓚᕆᒍᒪᕗᖅ ᓇᓗᓇᐃᖅᓯᓂᕐᒧᑦ ᐃᓄᐃᑦ ᐃᓱᒪᓕᐅᖅᑎᓗᐊᑕᐅᖁᓪᓗᒋᑦ ᓯᕗᓂᑦᓴᖓᓄᑦ ᓄᓇᕗᑦ.

ᐅᓄᖅᓯᒋᐊᖁᓪᓗᒋᑦ ᑭᒡᒐᖅᑐᐃᓂᐅᔪᑦ ᖁᑦᓯᑦᑐᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᒥᓂᔅᑕᐃᑦ ᑲᑎᒪᔨᖏᑦ ᐊᖏᖅᓯᓚᐅᖅᑐᑦ ᐊᑐᐊᒐᕐᒥᒃ ᐱᔪᓐᓇᖅᑎᑦᓯᔪᒥᒃ ᐱᓕᕆᕝᕕᓕᒫᓂᒃ ᑐᑦᑕᕐᕕᐅᔪᓂᓪᓗ ᑎᓕᓯᓗᑎᒃ ᒥᓂᔅᑕᐅᑉ ᑐᓪᓕᐊᑕ ᐃᑲᔪᖅᑎᖓᓂᒃ ᐊᕐᕌᒍᓄᑦ ᐱᖓᓱᓄᑦ ᑎᑭᓪᓗᒍ.

"ᓴᖅᑭᑎᑕᐅᓂᖓ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᐊᒃᓴᖏᑦ ᐃᖅᑲᓇᐃᔭᕐᕕᓕᒫᓂᒃ ᐊᕐᕌᒍᓄᑦ ᐱᖓᓱᓄᑦ ᑎᑭᓪᓗᒍ ᐊᒃᑐᐊᓂᖃᖅᑐᖅ ᑐᓂᓯᒪᑦᑎᐊᕐᓂᕐᒥᒃ ᑲᑐᔾᔨᖃᑎᒌᔾᔨᓗᑕ ᐱᓕᕆᐊᒃᓴᖓᓂ ᐱᓇᓱᒃᓗᑎᒃ ᑭᒡᒐᖅᑐᐃᓂᕐᒥᒃ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᕐᓂᕐᒥᒃ ᐱᔭᕆᐊᖃᖅᑎᑕᖅ ᑎᑎᕋᖅᓯᒪᔪᖅ 23 ᓄᓇᕗᒻᒥ ᐊᖏᕈᑎᒥᒃ,” ᐅᖃᖅᑐᖅ ᓯᕗᓕᖅᑎ ᐸᐅᓗᓯ. ᐊᕿᐊᕈᖅ. “ᓂᕆᐅᑉᐳᖓ ᑕᑯᒃᑲᓐᓂᕆᐊᑦᓴᖅ ᐱᓕᕆᕝᕕᓐᓂᒃ ᓴᖅᑭᑎᓪᓗᒋᑦ ᒥᓂᔅᑕᐅᑉ ᑐᓪᓕᒃᑲᓐᓂᖏᓐᓂᑦ ᓯᕗᓂᑦᓴᑦᑎᓐᓂᑦ ᓯᕗᓕᖅᑎᐅᓛᖅᑐᓂᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑎᓐᓄᑦ.”

ᐊᑐᓂ ᐱᓕᕆᖃᑕᐅᔪᑦ ᒪᓕᖃᑦᑕᕐᓂᐊᖅᐳᑦ ᐊᒻᒪ ᐅᓂᒃᑳᖅᐸᓪᓗᑎᑦ ᒥᓂᔅᑕᐅᑉ ᑐᓪᓕᐊᓄᑦ ᐱᓕᕆᕝᕕᒻᒥ ᑐᑦᑕᕐᕕᒻᒥᓘᓐᓃᑦ.

ᓄᑖᖅ ᐱᓕᕆᐊᑦᓴᖅ ᐋᖅᑭᑦᓯᒪᔪᖅ ᐱᔪᓐᓇᖅᑎᓪᓗᒋᑦ ᐊᔪᙱᑦᑐᑦ ᓄᓇᕗᒻᒥ ᐃᓄᐃᑦ ᐃᓱᒪᓗᑎᒃ ᖁᑦᓯᓐᓂᖅᓴᒥ ᑲᒪᒋᔭᕆᐊᖃᖅᑕᖏᓐᓂ ᖃᖓᙳᖅᐸᓪᓕᐊᑎᓪᓗᒍ, ᐱᓯᒪᓕᕐᓗᒋᓪᓗ ᐱᔭᕆᐊᖃᖅᑐᓪᓗ ᐊᔪᙱᓐᓃᑦ ᐱᓕᕆᐊᑦᓴᑎᒍᑦ ᑲᔪᖏᖅᓴᐃᔪᓕᕆᓂᒃᑯᑦ, ᐋᖅᑭᑦᓯᒪᑦᓯᐊᖅᑐᓄᑦ ᐱᓕᕆᖃᑎᒌᓄᑦ ᑕᕌᒐᖃᓗᐊᑕᖅᓗᑎᓪᓗ ᐱᕙᒌᔭᐃᓂᕐᓂ.