ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᑦ:
ᐅᓪᓛᒃᑯᑦ,
ᐅᓪᓛᖑᔪᖅ ᓄᓇᕗᑦ 172−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ.
ᖁᓕᓪᓗ ᐱᖓᓱᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᑦ−ᐅᑯᐊ ᐅᓄᕐᓂᖏᑦ:
- ᐊᕙᑎᑦ ᐊᕐᕕᐊᓂ.
- 8 ᖃᒪᓂ'ᑐᐊᕐᒥᑦ.
- ᖁᓕᑦ ᐃᖃᓗᒃᑑᑦᑎᐊᒥ.
- ᑕᓪᓕᒪᑦ ᐃᒡᓗᓕᒑᕐᔪᖕᒥ.
- 38 ᐃᖃᓗᖕᓂ.
- 17 ᑭᙵᕐᓂ.
- 8 ᐸᓐᓂᖅᑑᒥ.
- ᐊᑕᐅᓯᖅ ᒥᑦᑎᒪᑕᓕᖕᒥ.
- ᑎᓴᒪᑦ ᕿᑭᖅᑕᕐᔪᐊᕐᒥ.
- 38 ᑲᖏᖅᖠᓂᕐᒥ.
- ᐊᑕᐅᓯᖅ ᓴᓂᑭᓗᐊᕐᒥ.
- ᐊᕐᕕᓂᓖᑦ ᓴᓂᕋᔭᖕᒥᑦ
- 7 ᑎᑭᕋᕐᔪᐊᕐᒥ.
ᐊᒻᒪᓗ, ᐊᑕᐅᓯᕐᒥ ᑲᖐᓇᖅᑐᖃᕆᓪᓗᓂ ᑕᓗᕐᔪᐊᕐᒥ. ᐅᓪᓗᒥ 26−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. 202−ᓂᒃ ᑲᑎᖦᖢᒋᑦ ᐱᔪᓐᓃᖅᓯᒪᔪᖃᓕᖅᑐᖅ ᐅᓪᓗᒥᒧᑦ ᐊᐃᑦᑐᕐᓗᒃᑕᐅᓯᒪᔪᓂᑦ.
ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᖃᔅᓯᑲᓪᓚᖕᓂᒃ ᐱᓕᕆᐊᖑᕙᓪᓕᐊᔪᖃᓕᕐᒪᑦ ᓄᓇᕗᑦ ᒐᕙᒪᒃᑯᑦ ᓄᕙᕐᔪᐊᕐᓇᖅ-19−ᒥ ᖃᓄᐃᓕᐅᕈᑎᓄᑦ ᐸᕐᓇᒃᑕᐅᓯᒪᔪᓄᑦ ᐃᓚᒋᔭᐅᓪᓗᓂ. ᑖᒃᑯᐊ ᐱᒋᐊᖅᑎᑕᐅᔪᑦ ᑐᕌᖓᕗᑦ ᓄᓇᕗᒻᒥᐅᑦ ᐱᔭᕆᐊᓕᖏᓐᓂᒃ ᐃᑲᔪᖅᑐᖅᑕᐅᑦᑎᐊᖁᓪᓗᒋᑦ ᐊᐃᑦᑐᕐᓗᐃᖃᑦᑕᐅᑎᔪᑦ ᐊᓂᒍᐃᖁᓪᓗᒋᑦ.
ᐅᓪᓗᒥ, ᑐᓴᖅᑎᑦᑎᔪᒍᑦ 4−ᒥᓕᐊᓂᒃ ᓄᕙᕐᔪᐊᕐᓇᖅ-19−ᒧᑦ ᐃᑲᔪᖅᑐᐃᔾᔪᑎᒃᓴᓂᑦ ᕼᐋᒻᒪᓚᒃᑯᓐᓄᑦ. ᑕᒪᓐᓇ ᐱᓕᕆᐊᖑᕙᓪᓕᐊᔪᒪᔪᖅ ᐊᑐᐃᓐᓇᐅᑎᑕᐅᔪᖅ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂ. ᑮᓇᐅᔭᐃᑦ ᐃᑲᔫᑕᐅᓂᐊᖅᐳᑦ ᕼᐋᒪᓚᕗᑦ ᐱᔨᑦᑎᕋᖅᑕᐅᔭᕆᐊᖃᓪᓚᕆᒃᑐᓂᑦ ᓄᓇᕗᒻᒥᐅᓂᑦ ᐃᑲᔪᖁᓪᓗᒋᑦ ᖄᒃᑲᓐᓂᐊᒍᑦ ᐱᓇᔪᒍᑕᐅᔪᓄᑦ ᓄᕙᕐᔪᐊᕐᓇᖅ-19 ᖃᓂᒪᓐᓇᒧᑦ ᐊᒃᑐᐊᓂᓕᖕᓂᑦ.
ᖁᔭᓐᓇᒦᒃ ᒥᓂᔅᑕ ᔪᐊᓇᓯ ᑕᒪᑐᒥᖓ ᐱᓕᕆᓚᐅᕐᒪᑦ. ᒥᓂᔅᑕ ᑖᔅᓱᒪ ᐱᓕᕆᐊᖑᑎᑕᐅᔫᑉ ᒥᒃᓵᓄᑦ ᐊᐱᖅᑯᑎᒃᓴᓕᖕᓂᑦ ᑭᐅᔪᓐᓇᕐᓂᐊᖅᑐᖅ.
ᖁᕕᐊᓱᒃᑭᕗᖓ ᑐᓴᖅᑎᑦᑎᔭᕆᐊᒃᓴᖅ ᓴᓂᕐᕙᐃᓚᐅᕋᑦᑕ ᖄᒃᑲᓐᓂᐊᒍᑦ ᓄᕙᕐᔪᐊᕐᓇᖅ-19−ᒧᑦ ᐃᑲᔪᖅᑐᐃᔾᔪᑎᒃᓴᓂᒃ ᒥᑭᑦᑐᓄᑦ ᓇᖕᒥᓂᓕᖕᓄᑦ. ᓴᓇᙳᐊᖅᑎᑦ, ᒥᖅᓱᖅᑎᑦ, ᓂᐅᕐᕈᑎᒃᓴᓕᐅᖅᑎᑦ, ᐊᒻᒪ ᓂᕿᒃᓴᖅᓯᐅᖅᑎᑦ ᑮᓇᐅᔭᓂᒃ ᑐᒃᓯᕋᕈᓐᓇᖅᐳᑦ $5,000−ᒧᑦ ᑎᑭᓪᓗᒍ ᒥᑭᑦᑐᑦ ᓇᖕᒥᓂᓖᑦ ᐃᑲᔫᑎᖏᑦ ᐊᖅᑯᑎᒋᓗᒋᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᑲᔪᖅᑕᐅᓗᑎᓪᓗ ᐱᓇᔪᖕᓂᐊᕐᓗᑎᑦ, ᐅᕗᖓᕆᑦ www.gov.nu.ca/sbsp ᐅᖃᕐᕕᒋᓗᒍᓗ ᓄᓇᓕᖕᓂ ᐱᕙᓪᓕᐊᔪᓕᕆᔨᓯ ᐊᕕᒃᑐᖅᓯᒪᔪᓂᓪᓘᓐᓃᑦ ᐱᕙᓪᓕᐊᔪᓕᕆᔨᒃᑯᑦ ᐊᐅᓚᑦᑎᔨᖓᓄᑦ. ᑖᓐᓇ ᐱᓕᕆᐊᖑᑎᑕᐅᔪᖅ ᐊᐅᓚᑕᐅᓪᓗᓂ ᐱᕙᓪᓕᐊᔪᓕᕆᔨᒃᑯᓐᓂ ᐃᖏᕐᕋᔪᓕᕆᔨᒃᑯᓐᓂᓪᓗ.
ᖁᔭᓐᓇᒦᒃ ᒥᓂᔅᑕ ᑯᓱᒐᖅ ᑖᔅᓱᒥᖓ ᐱᒋᐊᖅᑎᑦᑎᓚᐅᕋᕕᑦ. ᒥᓂᔅᑕ ᑖᔅᓱᒪ ᐱᓕᕆᐊᖑᑎᑕᐅᔫᑉ ᒥᒃᓵᓄᑦ ᐊᐱᖅᑯᑎᒃᓴᓕᖕᓂᑦ ᑭᐅᔪᓐᓇᕐᓂᐊᖅᑐᖅ.
ᓴᓂᕐᕙᐃᓚᐅᕐᒥᔪᒍᑦ 4.5-ᒥᓕᐊᑲᓴᑦᑎᐊᓂᒃ ᓂᕆᔭᒃᓴᓂᑦ ᑲᑎᖅᓱᖅᓯᒪᔪᓂᒃ ᐱᒋᐊᖅᑎᑦᑎᔪᒪᓪᓗᑕ. ᑖᒃᑯᐊ ᑮᓇᐅᔭᐃᑦ ᓄᓇᕗᒻᒥᐅᓄᑦ ᐃᑲᔫᑕᐅᓂᐊᖅᐳᑦ ᐊᓂᑦᑕᐃᓕᔭᕆᐊᖃᖅᑎᓪᓗᒋᑦ ᓄᕙᕐᔪᐊᕐᓇᖅ-19 ᐱᔾᔪᑎᒋᓪᓗᒍ ᓱᓇᒃᑯᑖᓂᒃ ᐱᔪᓐᓇᖁᓪᓗᒋᑦ.
ᓂᕆᔭᒃᓴᖅᑖᕆᐊᖃᕈᕕᑦ ᐊᓂᑦᑕᐃᓕᔭᕆᐊᖃᖅᑎᓪᓗᑎᑦ, ᐱᔪᓐᓇᖅᐳᑎᑦ:
- ᐃᕐᖐᓈᖅᑕᐅᒃᑯᑦ ᑎᑎᕋᕐᓗᑎᑦ IsolationSupports@gov.nu.ca−ᒧᑦ; ᐅᕝᕙᓘᓐᓃᑦ
- ᐅᖃᓗᒡᓗᑎᑦ 1-888-902-0872−ᒧᑦ.
ᓄᓇᕗᒻᒥᐅᑦ ᖁᔭᓕᔪᒪᕙᒃᑲ ᐱᓕᕆᖃᑕᐅᖕᒪᑕ ᓇᒧᙵᐅᑲᑕᒋᐊᖃᙱᑎᓪᓗᑕ ᓄᓇᖅᑲᑎᕗᑦ ᐊᑦᑕᕐᓇᙱᑦᑐᒦᖁᓪᓗᒋᑦ ᖃᓄᐃᙱᓪᓗᑎᒡᓗ. ᑕᐃᒪᑐᖅ ᐅᔾᔨᖅᓱᑦᑎᐊᖏᓐᓇᕐᓂᐊᖅᐳᓯ ᓅᑉᐸᓪᓕᐊᑎᓪᓗᑕ ᑭᒡᓕᖃᖅᑎᑦᑎᙱᓐᓂᖅᓴᓄᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᒃᑕᐅᖁᔭᖏᓐᓂᒃ.
ᐅᑯᐊ ᐊᑐᐃᓐᓇᕐᓂᐊᖅᐸᓯᐅᒃ.
- ᐊᖏᕐᕋᖅᓯᒪᕙᒡᓗᑎᑦ ᐊᔪᕐᓇᙱᑦᑕᕌᖓᑦ
- ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ
- ᐱᖓᔪᖓᓂ ᑲᐱᔭᐅᓗᑎᓗ
- ᒪᑐᐊᖅᓯᒪᕙᒡᓗᓯ
ᓄᕙᕐᔪᐊᕐᓇᒧᑦ ᐅᖄᓚᕝᕕᒃᓴᖅ ᑐᓴᖅᑎᓪᓗᒍ ᐊᒻᒪ ᐊᓂᑦᑕᐃᓕᒪᓗᑎᑦ ᖃᓂᒪᑲᑕᓕᕈᕕᑦ. ᐱᓗᐊᖅᑐᒥ, ᐱᑦᑎᐊᖃᑦᑕᐅᑎᓗᑕ ᐊᒻᒪ ᓄᓇᓕᖕᓂ ᐃᓱᒪᖃᕐᓗᑕ−ᑕᒪᑦᑕ ᑲᑐᔾᔨᖃᑎᒌᒃᐳᒍᑦ.
ᖁᔭᓐᓇᒦᒃ.
ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑐᓴᒐᒃᓴᖏᑦ ᓄᑖᑦ:
ᐅᓪᓛᒃᑯᑦ,
ᓇᒡᒐᔾᔭᒥ, ᔮᓄᐊᕆ 17, ᑭᒡᓕᖃᖅᑎᑕᐅᔪᓂᑦ ᐊᑐᓗᐊᕈᓐᓃᕐᓂᐊᓕᖅᐳᒍᑦ ᓄᓇᕘᓕᒫᒥ
ᓇᒡᒐᔾᔭᒥ ᐱᒋᐊᕐᓗᓂ:
- ᓄᓇᓕᖕᓂ ᐊᐅᓚᖃᑦᑕᖅᑐᓄᑦ ᑭᒡᓕᖃᖅᑎᑕᐅᔪᑦ ᐊᑐᓗᐊᔾᔮᔪᓐᓃᖅᐳᑦ.
- ᓯᓚᒥ ᑲᑎᙵᖃᑦᑕᖅᑐᑦ ᒫᓐᓇ 25-ᖑᔪᓐᓇᖅᓯᕗᑦ ᐃᓄᐃᑦ.
- ᐃᓘᑉ ᐃᓗᐊᓂ ᑲᑎᙵᔪᑦ ᑕᓪᓕᒪᐅᔪᓐᓇᖅᓯᕗᑦ, ᐃᒡᓗᒥᐅᖃᑎᒌᓪᓗ ᐃᓚᐅᓗᑎᒃ.
- ᒐᕙᒪᒃᑯᑦ, ᐃᓄᐃᑦ ᑲᑐᔾᔨᖃᑎᒌᖏᑦ ᑎᑎᕋᕐᕕᓕᒫᓪᓗ ᒪᑐᐃᕈᓐᓇᖅᓯᔪᑦ.
- ᐸᐃᕆᕝᕖᑦ ᒪᒃᐱᕈᓐᓇᖅᓯᔪᑦ.
- ᑲᒪᒋᔭᐅᖏᓐᓇᕆᐊᖃᖅᑐᒃᑯᕖᑦ ᐊᒻᒪᓗ ᐃᓐᓇᒃᑯᕖᑦ ᐊᑕᐅᓯᕐᒥᒃ ᐳᓛᖅᑎᖃᕈᓐᓇᖅᑐᑦ ᐊᑐᓂ, ᑭᓯᐊᓂ ᒪᑐᐊᖅᓯᒪᐃᓐᓇᕆᐊᖃᖅᑐᑦ.
- ᐃᓄᒋᐊᒃᑐᒃᑯᕕᑦ ᐃᓗᐊᓂ, ᐅᑯᓇᓂᓗ ᐱᙳᐊᕐᕕᑦ ᑭᐱᙳᐃᔭᕐᕕᓪᓗ 25−ᓂᑦ ᐃᓄᖃᕈᓐᓇᖅᓯᔪᑦ ᐅᕝᕙᓘᓐᓃᑦ 25 ᐳᓴᓐᑎ ᐃᓄᒋᐊᒍᓐᓇᕐᓂᖓ.
- ᐃᖃᐃᓕᓴᕐᕖᑦ ᐅᒃᑯᐃᖓᔪᓐᓇᖅᑐᑦ 25−ᓄᑦ ᐃᓄᖕᓄᑦ ᐅᕝᕙᓘᓐᓃᑦ 25 ᐳᓴᓐᑎ ᐃᓄᒋᐊᒍᓐᓇᕐᓂᖓ, ᐃᓄᑐᐊᖑᓗᑎᒃ ᑭᓯᐊᓂ ᐃᖃᐃᓕᓴᕐᓗᑎᒃ; ᑲᑎᙵᔪᑦ ᐱᓕᕆᔭᕆᐊᖃᙱᑦᑐᑦ.
- ᐅᖃᓕᒫᒐᖃᕐᕖᑦ, ᑕᑯᔭᒐᖃᕐᕖᑦ ᒪᑐᐃᖓᔪᓐᓇᖅᐳᑦ 25−ᓂᒃ ᐃᓄᖃᕐᓗᑎᒃ ᐅᕝᕙᓘᓐᓃᑦ 25 ᐳᓴᓐᖓ ᐃᓄᒋᐊᒍᓐᓇᕐᓂᖓ; ᐃᓄᐃᑦ ᑲᑎᙵᓗᑎᒃ ᕿᒥᕐᕈᑎᑕᐅᖃᑦᑕᔾᔮᙱᑦᑐᑦ.
- ᑐᒃᓯᐊᕐᕖᑦ 50−ᓂᒃ ᐃᓄᖃᕈᓐᓇᖅᓯᔪᑦ ᐅᕝᕙᓘᓐᓃᑦ 25−ᐳᓴᓐᑎᖓ ᐃᓐᓄᒋᐊᒍᓐᓇᕐᓂᖓ; ᐃᙱᕆᐊᖃᙱᖦᖢᑎᒡᓗ.
- ᓯᐊᕐᕆᔮᕐᕖᑦ 25−ᓂᒃ ᐃᓄᖃᕈᓐᓇᖅᓯᔪᑦ ᐅᕝᕙᓘᓐᓃᑦ 25−ᐳᓴᓐᑎᖓ ᐃᓄᒋᐊᒍᓐᓇᕐᓂᖓ, ᐊᒻᒪᓗᑦᑕᐅᖅ 25−ᓂᒃ ᖁᙱᐊᕆᐊᖅᑐᓂᒃ. ᕿᑎᖃᑎᒌᙱᓪᓗᑎᑦ.
- ᐱᔭᕆᐊᖃᓪᓚᕆᙱᑦᑐᑦ ᓇᖕᒥᓂᖁᑎᒋᔭᐅᔪᑦ ᐅᒃᑯᐃᕈᓐᓇᖅᑐᑦ, ᐅᑯᐊᓗ ᐃᓄᖕᓄᑦ ᐱᔨᑦᑎᕋᖅᑏᑦ ᓲᕐᓗ ᓄᔭᓕᕆᕖᑦ.
- ᑖᒃᓰᑦ ᐊᑕᐅᓯᑐᐊᕐᒥᑦ ᐃᑭᒪᑎᑦᑎᔪᓐᓇᖅᓯᓗᑎ ᐊᑐᓂ ᑖᒃᓯᑐᖃᖅᑎᓪᓗᒍ ᒪᑐᐊᖅᓯᒪᔭᕆᐊᖃᕐᓗᑎᓪᓗ.
- ᑲᑎᙵᔪᓂᑦ ᐃᓅᓯᓕᕆᔭᐅᕙᒃᑐᑦ ᖁᓕᐅᔪᓐᓇᖅᐳᑦ ᐃᓄᐃᑦ.
- ᒥᕐᙳᐃᖅᓯᕐᕖᑦ ᓯᓚᒥ ᐱᙳᐊᕐᕖᓪᓗ ᒪᑐᐃᕈᓐᓇᖅᓯᔪᑦ, ᐃᒡᓗᕐᔪᐊᑦ ᓱᓕ ᒪᑐᓯᒪᔭᕆᐊᓖᑦ.
- ᓂᕆᔭᖅᑐᕐᕖᑦ ᐱᔨᑦᑎᕋᕐᕕᐅᔪᓪᓗ ᓂᕿᓄᑦ ᑭᓯᐊᓂ ᐊᓐᓂᓯᔭᐅᔪᓂᒃ ᓂᕿᑖᕐᕕᐅᔪᓐᓇᑲᓚᐅᖅᑐᑦ, ᖁᓕᑦ ᐅᖓᑖᓄᐊᕆᐊᖃᙱᑦᑐᑦ ᑐᑭᓕᕇᖑᓗᑎᒃ ᐅᑕᖅᑭᔪᑦ.
- ᐃᓕᓐᓂᐊᕐᕖᑦ ᔮᓄᐊᕆ 24−ᒥ ᐅᒃᑯᐃᓛᖅᑐᑦ.
ᓱᓕ ᒪᑐᐊᖅᓯᒪᔭᕆᐊᖃᓪᓚᕆᒃᐳᑦ ᑕᒪᐃᓐᓂᒃ ᓄᓇᓕᖕᓂ ᐊᒻᒪᓗ ᐱᔭᕆᐊᖃᓪᓚᕆᙱᑦᑐᑦ ᓱᓕ ᐊᐅᓪᓚᑲᑕᖁᔭᐅᙱᑉᐳᑦ.
ᐊᑐᕐᓂᐊᖅᑕᑦᑎᓐᓂ ᑲᔪᓯᔪᓐᓇᖁᓪᓗᑕ ᑭᒡᓕᖃᖅᑎᑕᐅᔪᑦ ᐊᑐᓗᐊᕈᓐᓃᖁᓪᓗᒋᑦ ᓄᓇᕗᒻᒥᐅᓕᒫᑦ ᒪᓕᑦᑎᐊᖁᕙᒃᑲ ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᒃᑕᐅᖁᔭᖏᓐᓂᒃ, ᑲᐱᔭᐅᓗᑎᒃ ᐊᒻᒪᓗ ᖃᓂᒌᓗᐊᖃᑦᑕᙱᓪᓗᑎᒃ. ᐊᑕᐅᑦᑎᒃᑯᑦ ᒪᓕᒃᑕᐅᖁᔭᐅᔪᑦ ᒪᓕᒃᑯᑦᑎᒍᑦ ᐊᐃᑦᑐᕐᓗᐃᖃᑦᑕᐅᑎᔪᓂᑦ ᓄᖅᑲᖅᑎᑦᑎᓂᐊᖅᐳᒍᑦ.
ᓇᓗᓇᐃᖅᓯᔪᒪᒋᕗᖓ ᖃᓄᖅ ᖃᐅᔨᓴᕈᑎᒋᓂᐊᖅᑕᕗᑦ ᐱᓕᕆᐊᖑᖃᑦᑕᕐᓂᐊᕐᒪᖔᑦ ᓯᕗᒻᒧᐊᒃᐸᓪᓕᐊᑎᓪᓗᑕ. ᐅᓄᓗᐊᙱᑦᑐᓂᒃ ᖃᐅᔨᓴᖃᑦᑕᕐᓂᐊᖅᑎᓪᓗᑕ, ᐃᓚᖏᓐᓂᒃ ᐃᓄᖕᓂᒃ ᓱᓕ ᖃᐅᔨᓴᖃᑦᑕᕐᓂᐊᖅᐳᒍᑦ. ᐃᓚᖏᓐᓂ, ᖃᓂᒪᑲᑕᒃᑐᓂᑦ ᑕᑎᖃᖃᑦᑕᕐᓂᐊᖅᐳᒍᑦ ᓄᕙᕐᔪᐊᕐᓇᖅ-19−ᖃᕐᒪᖔ ᖃᐅᔨᔭᐅᓇᓱᒡᓗᑎᒃ. ᖃᐅᔨᔭᐅᒐᓗᐊᕈᕕᑦ ᓄᕙᕐᔪᐊᕐᓇᖃᕐᓂᕐᓂ ᖃᐅᔨᓴᖅᑕᐅᓪᓗᑎᑦ ᐋᒃᑲᓘᓐᓃᑦ, ᑐᓴᖅᑎᑕᐅᓂᐊᖅᐳᑎᑦ ᖃᐅᔨᔭᐅᒍᕕᑦ ᐊᒻᒪᓗ ᖃᔅᓯᓂᒃ ᐅᓪᓗᓂᒃ ᐅᓄᙱᓛᓂᒃ ᐊᓂᑦᑕᐅᓕᔭᕆᐊᖃᕐᒪᖔᖅᐱᑦ.
ᓄᓇᕗᒻᒥᐅᓕᒫᑦ ᖁᔭᓕᔪᒪᕙᒃᑲ ᐱᓕᕆᖃᑕᐅᑦᑎᐊᕐᒪᑕ ᕿᓄᐃᓵᑦᑎᐊᖅᖢᑎᒡᓗ ᖃᓂᒪᓐᓇᐅᑎᓪᓗᒍ. ᐋᓐᓂᐊᖃᕐᓇᙱᑦᑐᓕᕆᑦ ᒪᓕᒃᑕᐅᖁᔭᖏᑦ ᒪᓕᑦᑎᐊᖏᓐᓇᕐᓂᐊᖅᐸᓯᐅᒃ, ᑖᒃᑯᐊ ᑭᒃᑯᓕᒫᓂᒃ ᓴᐳᔾᔨᔾᔪᑎᐅᖕᒪᑕ.
ᖁᔭᓐᓇᒦᒃ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᒃᑯᑦ ᐱᓇᔪᒃᑕᖏᓐᓄᑦ ᓄᓇᕗᒥᐅᓂᒃ ᓴᐳᔾᔨᓯᒪᓇᓱᒃᖢᑎᒃ ᓄᕙᒃᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᑦ ᐊᑐᓕᖅᑎᑦᑎᕗᑦ ᐅᑯᓂᖓ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ
ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ:
https://www.gov.nu.ca/health/information/covid-19-novel-coronavirus
ᓄᑖᖑᓛᓂᒃ ᑐᓴᒐᒃᓴᓂᒃ ᐱᔪᒪᒍᕕᑦ ᒫᓐᓇ ᑭᒃᑯᑐᐃᓐᓇᓄᑦ ᖃᓄᐃᙱᑦᑐᓄᑦ ᐊᑐᖅᑕᐅᖁᔭᐅᔪᓂᒃ, ᐅᕗᙵᕐᓗᑎᑦ:
https://www.gov.nu.ca/health/information/nunavuts-path
ᑐᑭᓯᒋᐊᕈᒪᒍᕕᑦ ᑲᐱᔭᐅᓐᓇᐅᓛᖅᑐᓂᑦ ᐅᕗᙵᕐᓗᑎᑦ:
https://gov.nu.ca/health/information/covid-19-vaccination
ᓄᕙᒡᔪᐊᕐᓇᖅ−19−ᖃᖅᑐᑦ ᖃᓄᐃᓕᖓᓂᖏᑦ: ᔭᓐᓄᐊᓕ 13, 2022
| ᑲᑎᖦᖢᒋᑦ ᖃᐅᔨᓴᖅᑕᐅᓯᒪᔪᑦ | ᑲᑎᖦᖢᒋᑦ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂᒃ | ᑲᑎᖦᖢᒋᑦ ᐆᒪᔪᒥᒃ ᐱᖃᕐᓂᖏᑦ | ᑲᑎᖦᖢᒋᑦ ᐊᓂᒍᐃᓯᒪᔪᑦ | ᐃᓅᔪᓐᓃᖅᑐᑦ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᓯᕗᓪᓕᖅᐹᖓᓐᓂᑦ ᓄᓇᕗᒻᒥ | ᑲᑦᑎᓪᓗᒋᑦ ᐃᓄᐃᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓕᖅᑐᑦ ᒪᕐᕉᓐᓂᒃ ᓄᓇᕗᒻᒥ |
| 27,246 | 1048 | 172 | 872 | 4 | 31,227 | 24,998 |
ᓄᕙᒡᔪᐊᕐᓇᖅ-19−ᒧᑦ ᓄᓇᓕᖕᓂ ᖃᓂᒻᒪᒃᑐᑦ ᑭᒡᓕᓯᓂᐊᖅᑕᐅᓯᒪᔪᑦ: ᔭᓐᓄᐊᓕ 13, 2022
| ᓄᓇᓕᒃ | ᓄᕙᒡᔪᐊᕐᓇᖅ-19 ᖃᓄᐃᓕᖓᓂᖓ | ᖃᖓᒃᑯᑦ | ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐃᑉᐸᒃᓴᖅ (ᑲᑎᖦᖢᒋᑦ) |
ᑭᒃᑯᑐᐃᓐᓇᐃᑦ ᓇᐃᓴᖅᑕᐅᓯᒪᔪᑦ ᐅᓪᓗᒥ (ᑲᑎᖦᖢᒋᑦ) |
ᐊᓯᔾᔨᕐᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) | ᑲᑎᖦᖢᒋᑦ ᖃᓄᐃᑦᑐᓐᓃᖅᑐᑦ |
ᐊᓯᔾᔨᖅᑐᑦ ᐃᑉᐸᒃᓴᕐᓂᑦ (ᐱᖃᖅᑐᑦ) |
ᑲᑎᖦᖢᒋᑦ ᐱᖃᕐᓂᖏᑦ |
| ᓴᓪᓕᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 9 ᔭᓄᐊᕆ 2022−ᒥ | 9 | 9 | 0 | 0 | 0 | 9 |
| ᑎᑭᕋᕐᔪᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 7 ᔭᓄᐊᕆ 2022−ᒥ | 7 | 8 | 1 | 1 | 1 | 7 |
| ᓴᓂᑭᓗᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 4 ᔭᓄᐊᕆ 2022−ᒥ | 1 | 1 | 0 | 0 | 0 | 1 |
| ᑭᙵᐃᑦ | ᑲᔫᓰᓐᓇᖅᑐᖅ | ᑕᐃᒪᙵᓂ 1 ᔭᓄᐊᕆ 2022−ᒥ | 23 | 24 | 1 | 7 | 6 | 17 |
| ᒥᑦᑎᒪᑕᓕᒃ | ᑲᔫᓰᓐᓇᖅᑐᖅ | ᑕᐃᒪᙵᓂ 1 ᔭᓄᐊᕆ 2022−ᒥ | 1 | 1 | 0 | 0 | 0 | 1 |
| ᐃᒡᓗᓕᒑᕐᔪᒃ | ᑲᔫᓰᓐᓇᖅᑐᖅ | ᑕᐃᒪᙵᓂ 1 ᔭᓄᐊᕆ 2022−ᒥ | 4 | 5 | 1 | 0 | 0 | 5 |
| ᐃᖃᓗᒃᑑᑦᑎᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 30-ᑎᓯᐱᕆ | 18 | 18 | 0 | 8 | 6 | 10 |
| ᐃᒡᓗᓕᒃ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 18 | 18 | 0 | 18 | 0 | 0 |
| ᖃᒪᓂ'ᑐᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 2 | 9 | 7 | 1 | 0 | 8 |
| ᐊᕐᕕᐊᑦ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 64 | 64 | 0 | 44 | 1 | 20 |
| ᓴᓂᕋᔭᒃ | ᑲᔫᓰᓐᓇᖅᑐᖅ | ᑕᐃᒪᙵᓂ 29-ᑎᓯᐱᕆ | 17 | 17 | 0 | 11 | 0 | 6 |
| ᕿᑭᖅᑕᕐᔪᐊᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 28-ᑎᓯᐱᕆ | 7 | 7 | 0 | 3 | 0 | 4 |
| ᑲᖏᖅᖠᓂᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 23-ᑎᓯᐱᕆ | 68 | 71 | 3 | 33 | 1 | 38 |
| ᐸᓐᓂᖅᑑᖅ | ᑲᔫᓰᓐᓇᖅᑐᖅ | ᑕᐃᒪᙵᓂ 23-ᑎᓯᐱᕆ | 26 | 26 | 0 | 18 | 0 | 8 |
| ᐃᖃᓗᐃᑦ | ᑲᔫᓰᓐᓇᖅᑐᖅ | ᑕᐃᒪᙵᓂ 04-ᓄᕕᐱᕆ | 96 | 96 | 0 | 58 | 11 | 38 |
| ᑲᑎᖦᖢᒋᑦ | 361 | 374 | 13 | 202 | 26 | 172 |
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᔪᑦ ᖃᓄᐃᓕᖓᓂᖏᑦ: ᔭᓄᐊᕆ 10, 2022
ᑐᑭᓯᒋᐊᒐᒃᓴᑦ/ᑭᒡᓕᒋᑎᑕᐅᔪᑦ:
ᐅᑯᐊ ᑐᑭᓯᒋᐊᒐᒃᓴᑦ ᑕᑯᒃᓴᐅᑎᑦᑎᕗᑦ ᓈᓴᐅᑎᓂᒃ ᓄᓇᖅᑲᑎᒌᑦ ᑲᐱᔭᐅᔪᑦ ᓇᓗᓇᐃᖅᑕᐅᕙᓪᓕᐊᔪᓂᒃ ᐱᒋᐊᖅᖢᒍ ᔭᓄᐊᕆ 11, 2022. ᐳᓴᓐᑎᖓ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐃᒪᐃᑉᐳᖅ ᐋᓐᓂᐊᓕᕇᒃᑯᑎᓂ ᐊᐅᓚᑕᐅᓂᕆᔭᖓ ᐊᕕᒃᓯᒪᓪᓗᑎᒃ ᓄᓇᕗᒥᐅᑦ ᐃᓄᒋᐊᓐᓂᖏᑕ ᓇᓚᐅᑦᑖᖅᑕᐅᓯᒪᓂᖏᑦ 18-ᓂ ᐅᖓᑖᓂᓪᓗ ᐅᑭᐅᓖᑦ.
ᓄᓇᕘᓕᒫᒥ ᑲᑎᖦᖢᒋᑦ ᑲᐱᔭᐅᔪᑦ ᑕᒻᒪᖅᓯᒪᙱᖦᖢᑎᒃ ᓇᐃᒡᓕᒋᐊᖅᓯᒪᔪᑦ. ᓄᓇᓖᑦ ᖃᕆᑕᐅᔭᒃᑯᑦ ᑎᑎᕋᖅᓯᒪᔪᑦ ᕿᒥᕐᕈᔭᐅᕙᓪᓕᐊᑐᐃᓐᓇᖅᐳᑦ ᖃᐅᔨᒪᔪᒪᓪᓗᑎᒃ ᓈᒻᒪᒃᑲᓗᐊᕐᒪᖔᑕ ᓇᓗᓇᐃᖅᓯᔾᔪᑎᑦ. ᓄᓇᓕᖕᓂ ᑲᑎᖦᖢᒋᑦ ᐋᖅᑭᒋᐊᖅᑕᐅᖃᑦᑕᕐᓂᐊᖅᐳᑦ ᐱᔭᕆᐊᖃᕌᖓᑦ. ᑐᕌᖓᑐᐃᓐᓇᕆᐊᖃᖅᑐᖅ ᐊᓯᔾᔨᒐᓚᒋᐊᖃᕋᔭᖅᑐᓄᑦ ᐳᓴᓐᑎᖏᑦ ᓄᓇᓖᑦ ᒪᓕᒡᓗᒋᑦ.
ᑲᐴᑎᑦ ᓇᓗᓇᐃᖅᑕᐅᖃᑦᑕᖅᐳᑦ ᓄᓇᓕᖕᓄᑦ ᐊᐅᓚᑦᑎᕝᕕᒋᔭᐅᔪᓄᑦ.
ᑲᑎᖦᖢᒋᑦ ᑲᐱᔭᐅᔪᑦ ᐅᑯᐊᖑᓂᐊᖅᐳᑦ ᓄᓇᖃᖅᑐᑦ ᓄᓇᖃᙱᑦᑑᒐᓗᐊᓪᓗ, ᐃᓚᓕᐅᔾᔭᐅᓪᓗᑎᒃ ᐅᓐᓄᐊᖅᓯᐅᑕᐅᓕᖅᐸᒃᑐᑦ ᐃᖅᑲᓇᐃᔭᖅᑏᑦ.
ᖃᔅᓯᑲᓪᓚᑦ ᓄᓇᓖᑦ ᐃᓄᒃᑕᖃᖅᑐᑦ ᑲᐱᔭᐅᓂᑯᓂᒃ ᒪᕐᕉᖕᓂ ᐊᔾᔨᒌᙱᑦᑑᖕᓂ ᓄᓇᓕᖕᓂ, ᐅᕝᕙᓘᓐᓃᑦ ᓄᓇᒋᙱᑕᒥᓂᒃ ᑲᐱᔭᐅᖃᑕᐅᓯᒪᔪᖃᖅᑐᖅ.
ᐃᓄᖕᒥᒃ ᑲᐱᔭᐅᓯᒪᔪᖃᑐᐃᓐᓇᕆᐊᖃᖅᐳᖅ ᓯᕗᓪᓕᕐᒥᒃ ᐊᒻᒪ/ᐅᕝᕙᓘᓐᓃᑦ ᐊᐃᑉᐸᖓᓂᒃ ᓄᓇᒋᙱᑕᒥᓂᒃ ᑲᐱᔭᐅᔪᓂᒃ.
ᑖᓐᓇ ᐱᔾᔪᑎᖃᙱᑦᑐᖅ ᐃᓄᖕᓄᑦ ᑲᐱᔭᐅᓚᐅᖅᑐᓄᑦ ᐃᓚᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᓄᓇᕘᑉ ᓯᓚᑖᓂ.
ᖁᑦᑎᒃᐸᑦ ᐳᓴᓐᑎᖓ ᐊᑕᐅᓯᕐᒥᒃ ᓄᓇᓕᖕᓂ ᓇᓕᒧᙱᒻᒪᑦ ᐃᓄᒐᓴᒡᔪᐊᓄᑦ ᑲᐳᖅᓴᖅᑕᐅᔪᓄᑦ. ᐋᖅᑭᒃᑕᐅᔪᖃᖅᓯᒪᙱᑦᑐᖅ ᓇᓗᓇᐃᖅᑕᐅᓯᒪᔪᖃᙱᑦᑐᕐᓘᓐᓃᑦ ᐳᓴᓐᑎᖓᓐᓂᒃ ᖃᓄᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᔪᓂᒃ ᓄᕙᕐᔪᐊᕐᓇᖅ-19−ᒧᑦ. ᖃᓄᒥᐊᖅ ᐃᓄᒐᓴᒡᔪᐊᑦ ᑲᐳᖅᓴᖅᑕᐅᒐᓗᐊᖅᐸᑕ ᒫᓐᓇ ᑲᐴᑎᓄᑦ ᐊᖏᖅᑕᐅᓯᒪᔪᓄᑦ (ᓲᕐᓗ ᓄᑕᖅᑲᑦ 12 ᑐᖔᓂ ᐅᑭᐅᖃᑐᐊᖅᐸᑕ ᑲᐱᔭᐅᔪᓐᓇᙱᑦᑐᑦ).
ᓇᑭᙶᕐᓂᖏᑦ:
ᑲᓇᑕᒥ ᑭᒡᓕᓯᓂᐊᖅᑎᒃᑯᑦ, ᓄᓇᓖᑦ ᐃᓄᖏᑦᑕ ᖃᓄᐃᓕᕙᓪᓕᐊᓂᖏᓐᓄᑦ ᐱᓕᕆᕝᕕᒃ, ᑎᑎᖅᑲᙳᖅᑎᑕᐅᔪᒃᓴᑦ. ᐱᕙᒌᔭᖅᑕᐅᔪᖅ ᐅᑯᓄᖓ: ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ, ᔭᓄᐊᕆ 27, 2021.
ᑲᐱᔭᐅᓯᒪᔪᑦ ᖃᔅᓯᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᓐᓂᐊᕕᓕᐊᖅᑐᓄᑦ ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓃᖔᖅᑐᖅ.
ᐊᔪᙱᑦᑐᑦ ᐃᓐᓇᐃᑦ ᓄᓇᓕᖕᓂ ᓇᓗᓇᐃᖅᑕᐅᓯᒪᕗᑦ ᖃᔅᓯᐅᓂᖏᓐᓄᑦ ᐃᓄᐃᑦ ᐅᑭᐅᓖᑦ 18-ᓂᒃ ᐅᖓᑖᓂᓪᓗ ᒪᓕᒡᓗᒍ 2020-ᒥ ᐃᓄᐃᑦ ᖃᔅᓯᐅᓇᓱᒋᔭᐅᓂᖏᑦ.
ᓄᓇᖅᑲᑎᒌᑦ ᐃᓄᒋᐊᖕᓂᖏᑦ ᒥᒃᓴᐅᑦᑎᓯᒪᔪᑦ "ᐊᒃᑐᐊᓂᖃᙱᑦᑐᑦ" ᑐᙵᕕᖃᙱᓐᓂᖏᓐᓄᑦ ᐃᓗᓕᖅᑕᓄᑦ ᐃᓄᒋᐊᒃᓯᕙᓪᓕᐊᔪᓄᑦ (ᐃᓅᕙᓪᓕᐊᔪᑦ, ᑐᖁᕙᓪᓕᐊᔪᑦ ᐊᒻᒪ ᐊᓯᐊᓂᒃ ᓄᓇᓂᙶᖅᑐᑦ ᓄᒃᑕᖅᐸᒃᑐᑦ). ᑲᒪᒋᔭᐅᑦᑎᐊᕐᓗᑎᒃ ᐊᑐᖅᑕᐅᔭᕆᐊᓖᑦ.
ᖃᐅᔨᓴᕐᓂᒧᑦ ᑭᒡᓕᓯᓂᐊᖅᑕᐅᓯᒪᔪᑦ ᒫᓐᓇᒧᑦ ᑎᑭᖦᖢᒍ ᑕᒪᐃᓐᓂᒃ ᓄᓇᓕᖕᓂ: ᔭᓐᓄᐊᓕ 13, 2022
| ᓄᓇᓕᒃ |
ᖃᐅᔨᓴᖅᑕᐅᕌᓂᒃᓯᒪᔪᑦ |
ᖃᐅᔨᓴᖅᑕᐅᒐᒥ ᐱᖃᓪᓚᕆᖕᓂᕋᖅᑕᐅᔪᑦ | ᖃᐅᔨᓴᖅᑕᐅᒐᒥ ᐱᖃᙱᓐᓂᕋᖅᑕᐅᔪᑦ |
| ᓴᓪᓕᖅ (ᑕᐃᒪᙵᑦ 9 ᔮᓄᐊᕿ 2022−ᒥ) | 43 | 9 | 34 |
| ᑎᑭᕋᕐᔪᐊᖅ (ᑕᐃᒪᙵᑦ ᔮᓄᐊᕆ 7, 2022−ᒥ) | 24 | 8 | 16 |
| ᓴᓂᑭᓗᐊᖅ (ᑕᐃᒪᙵᑦ ᔮᓄᐊᕆ 4, 2022−ᒥ) | 13 | 1 | 12 |
| ᑭᙵᐃᑦ (ᑕᐃᒪᙵᓂ 2 ᔭᓄᐊᕆ 2022−ᒥ) | 86 | 24 | 62 |
| ᒥᑦᑎᒪᑕᓕᒃ (ᑕᐃᒪᙵᓂ 1 ᔭᓄᐊᕆ 2022−ᒥ) | 45 | 1 | 44 |
| ᐃᒡᓗᓕᒑᕐᔪᒃ (ᑕᐃᒪᙵᓂ 1 ᔭᓄᐊᕆ 2022−ᒥ) | 36 | 5 | 31 |
| ᐃᖃᓗᒃᑑᑦᑎᐊᖅ (ᑕᐃᒪᙵᓂ 30 ᑎᓯᐱᕆ 2021−ᒥ) | 110 | 18 | 92 |
| ᐃᒡᓗᓕᒃ (ᑕᐃᒪᙵᓂ 29 ᑎᓯᐱᕆ 2021−ᒥ) | 174 | 18 | 156 |
| ᖃᒪᓂ'ᑐᐊᖅ (ᑕᐃᒪᙵᓂ 29 ᑎᓯᐱᕆ 2021−ᒥ) | 59 | 9 | 50 |
| ᐊᕐᕕᐊᑦ (ᑕᐃᒪᙵᓂ 29 ᑎᓯᐱᕆ 2021−ᒥ) | 247 | 64 | 183 |
| ᓴᓂᕋᔭᒃ (ᑕᐃᒪᙵᓂ 29 ᑎᓯᐱᕆ 2021−ᒥ) | 123 | 17 | 106 |
| ᕿᑭᖅᑕᕐᔪᐊᖅ (ᑕᐃᒪᙳᙵᓂ 28 ᑎᓯᐱᕆ 2021−ᒥ) | 89 | 7 | 82 |
| ᑲᖏᖅᖠᓂᖅ (ᑕᐃᒪᙵᓂ 23 ᑎᓯᐱᕆ 2021−ᒥ) | 647 | 72 | 575 |
| ᐸᖕᓂᖅᑑᖅ (ᑕᐃᒪᙵᓂ 23 ᑎᓯᐱᕆ 2021−ᒥ) | 387 | 26 | 361 |
| ᐃᖃᓗᐃᑦ (ᑕᐃᒪᙵᓂ 23 ᑎᓯᐱᕆ 2021−ᒥ) | 1372 | 97 | 1275 |
*ᖃᐅᔨᒪᖁᔭᐅᕗᑎᑦ: ᖃᔅᓯᐅᓂᖏᑦ ᐊᓯᔾᔨᖅᑕᖃᑦᑕᖅᐳᑦ. ᖃᓄᑐᐃᓐᓇᓕᒫᑦᑎᐊᖅ ᐱᓇᔪᒃᑐᖃᖃᑦᑕᖅᐳᖅ ᑖᒃᑯᐊ ᑎᑎᕋᖅᑕᐅᕙᓪᓕᐊᕙᒃᑐᑦ ᓄᑖᖑᐃᓐᓇᖁᓪᓗᒋᑦ ᐱᐊᓂᑦᑎᐊᖅᓯᒪᖁᓪᓗᒋᓪᓗ, ᑭᓯᐊᓂ ᑕᒪᐃᓂᒃ ᐃᓄᖕᓂᒃ ᒪᓕᒃᑕᐅᔪᓂᑦ ᖃᐅᔨᓴᖅᑕᐅᓯᒪᔪᓂᓪᓗᓐᓂᑦ ᓴᖅᑭᔭᖅᑎᑦᑎᙱᑐᐃᓐᓇᕆᐊᓕᒃ.
**ᓇᓗᓇᐃᖅᑕᐅᓯᒪᔪᑦ ᐊᒻᒪ ᑕᐃᒪᐃᑦᑐᖃᑐᐃᓐᓇᕆᐊᓕᑦ ᐱᖃᓯᐅᔾᔨᕗᑦ ᑲᓇᑕᓕᒫᒥ ᖃᓂᒪᓇᓱᒋᔭᐅᔪᑦ ᖃᐅᔨᓴᖅᑕᐅᓯᒪᔪᓂᑦ.
***ᑭᖑᕙᓯᒃᑐᖃᑐᐃᓐᓇᕆᐊᓕᒃ ᐅᖃᐅᓯᖃᕐᓂᐊᕐᓗᓂ ᖃᓄᐃᓕᖓᓂᖏᓐᓄᑦ ᑭᒡᓕᓯᓂᐊᖅᑕᐅᓯᒪᔪᓂᓪᓗ ᐱᔭᐅᔪᓂᑦ ᖃᓪᓗᓈᑦ ᓄᓇᖓᓐᓂᑦ ᑲᓇᑕᒥᑦ. ᖁᓕᓪᓗ ᒪᕐᕉᒡᓗ ᓄᕙᒡᔪᐊᖅᑐᑦ ᖃᐅᔨᔭᐅᓚᐅᖅᑐᑦ ᓄᓇᕗᑦ ᓯᓚᑖᓂ ᓇᓗᓇᐃᖅᑕᐅᓚᐅᖅᐳᑦ ᓄᓇᕗᒥᐅᑕᐅᓂᕋᖅᑕᐅᓪᓗᑎᒃ. ᐱᖓᓱᑦ ᐃᓅᔪᓐᓃᖅᑐᑦ ᐱᖃᓯᐅᔾᔭᐅᓪᓗᑎᒃ. ᓄᓇᕗᒥᐅᑦ ᓄᕙᒡᔪᐊᕐᓇᖅ-19−ᖃᖅᑐᑦ ᓄᓇᕗᑦ ᓯᓚᑖᓂ ᖃᐅᔨᔭᐅᔪᑦ ᓇᓗᓇᐃᖅᑕᐅᔪᐃᓐᓇᐅᔾᔮᙱᑉᐳᑦ ᓄᓇᕗᒥᐅᑕᐅᓂᖏᓐᓂᒃ.
ᐊᓂᑦᑕᐃᓕᕕᖕᒦᑦᑐᑦ ᐃᓄᐃᑦ:
| ᐊᐅᓪᓚᕐᓂᐊᖅᑐᖅ ᖃᓄᐃᑦᑑᓂᖓ | ᑐᔪᕐᒥᑎᑕᐅᔪᑦ ᐊᓂᑦᑕᐃᓕᒪᔪᓂ ᔭᓄᐊᕆ 12-ᖑᓕᕐᑎᓪᓗᒍ |
| ᐋᓐᓂᐊᕐᕕᓕᐊᖅᑐᑦ | 38 |
| ᑭᒃᑯᑐᐃᓐᓇᑦ | 9 |
| ᑐᐊᕕᕐᓇᖅᑐᒃᑯᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᑦ ᐊᓂᑦᑕᐃᓕᓂᕐᓗ | 2 |
| ᐃᒡᓗᓕᐅᕐᑎᑦ | 0 |
| ᑲᑎᖦᖢᒋᑦ | 49 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓯᒪᓕᖅᑐᑦ ᓇᐃᓈᕐᓯᒪᔪᖅ:
| ᐊᐅᓪᓚᕐᕕᒃᓴᖓᑕ ᐅᓪᓗᐊ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐊᓂᑦᑕᐃᓕᕕᖕᒥᙶᖅᑐᑦ |
| ᔭᓄᐊᕆ 13 2022 | 1 |
| ᔭᓄᐊᕆ 14 2022 | 2 |
| ᔭᓄᐊᕆ 15 2022 | 0 |
| ᔭᓄᐊᕆ 16 2022 | 2 |
| ᔭᓄᐊᕆ 17 2022 | 1 |
| Total | 6 |
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᓄᑖᑦ ᐱᕙᓪᓕᐊᓯᒪᔪᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
- ᑭᓯᐊᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᑎᓕᓯᒃᐸᑦ, ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᑦ ᐅᑎᕐᕕᒃᓴᖃᕐᓂᐊᓕᖅᐳᑦ ᔭᓐᓄᐊᓕ 17−ᒥ ᖃᕆᓴᐅᔭᒃᑯᑦ ᐃᓕᓴᐃᔾᔪᑎᒃᓴᓂᒃ ᐋᖅᑭᐃᓱᖁᓪᓗᒋᑦ ᐱᕙᒌᔭᕐᓗᑎᒡᓗ ᐃᓕᓐᓂᐊᖅᑎᑦ ᐅᑎᕐᕕᒃᓴᖓᓄᑦ ᔭᓐᓄᐊᓕ 24−ᖑᓕᖅᐸᑦ.
- ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᓂᒃ ᖃᐅᔨᒋᐊᕆᐊᓕᑦ ᐃᓕᓐᓂᐊᕈᑎᒃᓴᓂᒡᓗ ᐱᑎᓪᓗᒋᑦ ᐊᒻᒪᓗ/ᐅᕝᕙᓗᓃᑦ ᖃᕆᓴᐅᔭᕋᓛᓂᒃ ᐃᓕᓐᓂᐊᖅᑎᓄᑦ ᔮᓄᐊᕆ 17 ᐱᓇᓱᐊᕈᓯᖓᓂ.
- ᐃᓕᓐᓂᐊᕐᕕᓕᒫᑦ ᐱᑎᑕᐅᓯᒪᔪᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᐊᖏᖅᑕᐅᓯᒪᔪᓂᒃ ᐱᓕᕆᔾᔪᓯᕐᓂᒃ ᐊᑦᑕᕐᓇᙱᑦᑐᒃᑯᑦ ᑐᓂᐅᖅᑲᐃᖁᓪᓗᒋᑦ ᑲᑎᑦᑎᖁᓪᓗᒋᓪᓗ ᐃᓕᓐᓂᐊᕈᑎᒃᓴᓂᒃ ᖃᕆᓴᐅᔭᕋᓛᓂᓪᓗ ᖃᐅᔨᓴᖅᑕᐅᔪᓄᑦ.
- ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᐅᖃᐅᔾᔨᓚᐅᖅᐳᖅ ᐃᓕᓐᓂᐊᕐᕖᑦ ᒪᑐᐃᒃᑲᓐᓂᖅᐸᑕ ᔮᓄᐊᕆ 24−ᒥ, 100−ᐳᓴᓐ ᐅᕝᕙᓘᓐᓃᑦ 50−ᐳᓴᓐ ᐃᓄᖃᕈᓐᓇᕐᓂᖓᓂ ᐊᑐᕐᓂᐊᖅᐳᑦ, ᓄᕙᕐᔪᐊᕐᓇᖅ-19 ᓄᓇᓕᖕᓂ ᓯᐊᒻᒪᒃᐸᓪᓕᐊᓂᖓ ᒪᓕᒡᓗᒍ.
- ᐃᓕᓐᓂᐊᕐᕖᑦ ᐅᑯᓇᓂ ᓄᓇᓕᖕᓂ ᒪᑐᐃᕐᓂᐊᖅᐳᑦ 50−ᐳᓴᓐᑎᖓᓂ ᐃᓕᓐᓂᐊᖅᑎᑦ ᐃᓄᖃᕈᓐᓇᕐᓂᖓᓂ: ᐃᖃᓗᖕᓂ, ᑭᙵᕐᓂ, ᑲᖏᖅᖠᓂᕐᒥ ᐃᖃᓗᑦᑑᑦᑎᐊᕐᒥᓪᓗ.
- ᐃᓕᓐᓂᐊᕐᕖᑦ ᐊᓯᓕᒫᖏᓐᓂ ᓄᓇᓕᖕᓂ ᒪᑐᐃᕐᓂᐊᖅᐳᑦ 100−ᐳᓴᓐ ᐃᓄᖃᕈᓐᓇᕐᓂᖓᓂ
- ᐃᓕᓐᓂᐊᕐᕕᖕᒧᑦ ᐅᑎᕐᓂᐊᖅᑐᑦ ᖃᖓᑐᐃᓐᓇᑦᑎᐊᖅ ᐊᓯᔾᔨᕈᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑎᓕᐅᕈᑎᖏᑦ ᒪᓕᒡᓗᒋᑦ.
- ᐃᓕᓐᓂᐊᕐᕕᖕᒥ ᓯᕗᓕᐅᖅᑎᒋᔭᐅᔪᑦ ᐅᖃᐅᔾᔭᐅᓚᐅᖅᐳᑦ ᐃᓕᓐᓂᐊᕐᕕᓕᒫᑦ ᐱᕙᒌᔭᕆᐊᖃᕐᓂᖏᓐᓂᒃ ᐱᓕᕆᖃᑎᒌᓂᑦ ᐸᕐᓇᐅᑎᓕᐅᕐᓗᑎᒃ ᓂᑭᑦᑖᕐᓂᐊᖅᑐᓂᑦ 50−ᐳᓴᖓᓂ ᐃᓄᖃᕈᓐᓇᕐᓂᖓᓄᑦ ᐅᖃᐅᔾᔭᐅᑐᐊᕈᑎᒃ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
- ᐃᓕᓐᓂᐊᕐᕖᑦ ᐃᓕᓐᓂᐊᖅᑎᓄᑦ ᖃᑕᙳᑎᖏᓐᓂᓪᓗ ᑐᓴᐅᒪᑎᑦᑎᓂᐊᖅᐳᑦ ᐃᓕᓐᓂᐊᕐᕕᐅᑉ ᖃᓄᐃᓕᖓᓂᖓᓂ ᐊᒻᒪᓗ ᐱᓕᕆᖃᑎᒌᓂᑦ ᐸᕐᓇᒃᑕᐅᔪᓂᑦ.
- ᐃᓕᓐᓂᐊᕐᕖᑦᑕᐅᖅ ᐱᑎᑕᐅᓚᐅᕐᒥᔪᑦ ᐅᓄᖅᑐᒻᒪᕆᐊᓗᖕᓂᑦ ᐃᒋᑦᑕᕆᐊᓕᖕᓂ ᒪᑐᐊᕐᓂᒃ ᓄᑕᖅᑲᓄᑦ ᐃᓐᓇᕐᓄᓪᓗ.
ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
- ᐸᐃᕆᕝᕖᑦ ᒪᒃᐱᒃᑲᓐᓂᕈᓐᓇᖅᑎᑕᐅᕗᑦ ᔮᓄᐊᕆ 17−ᒥ ᓄᑕᖅᑲᓄᑦ ᑕᒪᐃᓐᓄᑦ.
- ᐸᐃᕆᕝᕖᑦ ᖃᓄᐃᓕᖓᓂᖏᑦ ᖃᖓᑐᐃᓐᓇᑦᑎᐊᖅ ᐊᓯᔾᔨᕈᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑎᓕᐅᕈᑎᖏᑦ ᒪᓕᒡᓗᒋᑦ.
ᐱᔨᑦᑎᕋᖅᑕᐅᖏᓐᓇᖅᑐᑦ:
- ᐊᐱᖅᑯᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐱᔾᔪᑎᒋᓗᒋᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ fans@gov.nu.ca.
- ᐃᓕᓐᓂᐊᖅᑎᑦ ᐊᐱᖅᑯᑎᒃᓴᓕᑦ ᑮᓇᐅᔭᖅᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᖃᖓᑦᑕᐅᓯᖅᑕᐅᔪᓐᓇᕐᒪᖔᑦ ᖃᐅᔨᒋᐊᕈᓐᓇᖅᑐᑦ ᐅᕗᖓ fanstravel@gov.nu.ca ᑐᑭᓯᒋᐊᒃᑲᓐᓂᒐᒃᓴᓂ.
- ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᕐᕕᖕᒥ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐸᕐᓇᐅᑏᑦ ᐃᑲᔪᖅᑐᐃᔾᔪᑎᓪᓗ ᓇᓂᔭᐅᔪᓐᓇᖅᑐᖅ ᐅᕙᙵᑦ: https://gov.nu.ca/education/information/2021-22-opening-plan-nunavut-sch...
ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:
- ᑭᐅᔭᐅᓇᓵᖃᑦᑕᑐᐃᓐᓇᕆᐊᖃᕐᓂᐊᖅᐳᓯ ᑎᑎᕋᕐᕕᖕᒥ ᓄᕙᒡᔪᐊᕐᓇᖅ-19−ᒧᑦ ᖃᓂᒪᔪᖃᐅᕐᓂᖓᓄᑦ ᐊᕐᕕᐊᓂ.
ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:
ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ
- ᐃᓕᓐᓂᐊᓕᓵᖅᑐᑦ ᐊᔪᙱᓐᓂᓕᖕᓄᑦ 12−ᒧᑦ ᑎᑭᓪᓗᒍ ᑕᒪᕐᒥᒃ ᐃᓕᓐᓂᐊᕐᕕᖏᑦ ᒪᑐᓯᒪᓂᐊᖅᐳᑦ ᔮᓄᐊᕆ 24−ᖑᕋᓱᖕᓂᖓᓄᑦ 2022, ᐅᕝᕙᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᐅᖃᐅᔾᔭᐅᒃᐸᑕ.
- ᔭᓄᐊᕆᒥ ᐱᔭᕇᕈᓯᐊᕐᒧᑦ ᖃᐅᔨᓴᕈᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᓄᖅᑲᖅᑎᑕᐅᓯᒪᓕᖅᑐᑦ. ᐃᓕᓐᓂᐊᖅᑎᑦ ᑎᑎᕋᕆᐊᖃᓚᐅᖅᑐᑦ ᐱᔭᕇᕈᓯᐊᖏᑦᑕ ᖃᐅᔨᓴᕈᓯᖏᓐᓂᒃ ᔭᓄᐊᕆ 2022−ᒥ ᐱᑎᑕᐅᖔᓛᖅᑐᑦ ᐃᓱᒪᖅᓲᑎᒃᓴᒥᓂᒃ ᐃᓕᓐᓂᐊᕐᕕᖕᒥᓪᓗ ᓇᓗᓇᐃᒃᑯᑕᖏᑦ ᐋᖅᑭᒃᑕᐅᓯᒪᖃᑦᑕᕐᓂᐊᖅᖢᑎᒃ 100%−ᒧᑦ ᐊᑕᖏᖅᑕᐅᓗᑎᒃ ᓇᓗᓇᐃᒃᑯᑕᖅᑖᕆᖃᑦᑕᕐᓂᐊᖅᑕᖏᓐᓄᑦ.
ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ
- ᓄᓇᕗᑦ ᒐᕙᒪᒃᑯᑦ ᐸᐃᕆᕝᕕᓕᕆᔨᓂᑦ ᒪᒃᐱᒃᑲᓐᓂᖁᔨᓪᓗᑎᒃ ᐊᐱᕆᓚᐅᖅᐳᑦ ᓄᑕᖅᑲᓄᑦ ᒪᑐᐃᒃᑲᓐᓂᖁᓪᓗᒋᑦ ᓴᓇᔭᕆᐊᖃᓪᓚᕆᒃᑐᖅ ᐱᓕᕆᔨᑦ ᐱᔾᔪᑎᒋᓪᓗᒋᑦ.
- ᐱᕐᔪᐊᕌᓗᖕᓂ ᐃᖅᑲᓇᐃᔮᓖᑦ ᐅᑯᐊᖑᓪᓗᑎᒃ ᑕᐃᒃᑯᐊ ᐃᓄᐃᑦ ᐃᖅᑲᓇᐃᔮᓖᑦ ᐱᕐᔪᐊᓂᒃ ᖃᓄᐃᙱᑦᑎᐊᕐᓇᖅᑐᓂᒃ ᐊᑦᑕᕐᓇᙱᑦᑐᓂᒡᓗ ᓄᓇᕗᒥᐅᓄᑦ, ᑕᐃᒃᑯᐊᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᖃᑕᐅᔪᑦ, ᕼᐋᒻᒪᓚᒃᑯᓐᓂ, ᓂᐅᕕᕐᕕᖕᓂ, ᐊᒻᒪ ᖃᖓᑕᓲᓕᕆᔨᓂᒃ.
ᓄᓇᕗᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.