ᐃᖃᓗᐃᑦ, ᓄᓇᕗᑦ (ᐊᒋᓯ 17, 2023) - ᓄᓇᕗᑦ ᒐᕙᒪᒃᑯᖏᑦ ᓱᓕ ᐊᑦᓱᕉᑎᖃᖅᑐᑦ ᐃᑲᔪᖅᓱᐃᓂᕐᒧᑦ ᓴᓂᓪᓕᑦᑎᓐᓂᒃ ᓇᓗᓇᐃᖅᓯᓯᒪᒐᓱᐊᕐᓂᒧᓪᓗ ᓄᓇᕗᒻᒥᐅᓕᒫᑦ ᐊᑦᑐᖅᑕᐅᓂᖃᖅᓯᒪᔪᑦ ᐃᑯᐊᓚᔪᓄᑦ ᓄᓇᑦᓯᐊᕐᒥ ᐊᑦᑕᓇᖅᑐᒦᑦᑎᑕᐅᑦᑕᐃᓕᖁᓪᓗᒋᑦ ᐅᓐᓅᓚᐅᖅᑐᖅ ᐃᓱᒪᓕᐅᕈᑎᖃᓚᐅᖅᑎᓪᓗᒋᑦ ᓄᓇᑦᓯᐊᕐᒥ ᒐᕙᒪᒃᑯᖏᑦ ᕿᒫᑎᑦᓯᓂᕐᒧᑦ ᔭᓗᓇᐃ ᓄᓇᓕᐸᐅᔭᖓᓂᒃ ᑕᓪᓕᕐᒥᐅᑉ ᑐᖔᓂ ᐅᓪᓗᕈᕐᒥᓴᕐᓇᐅᑉ, ᓯᕿᕐᖑᔭᖓᑦ ᒪᓕᑦᑐᒍ.
“ᐆᒻᒪᑎᕗᑦ ᐅᖁᒪᐃᑦᑐᑦ ᐅᓪᓗᒥ ᓄᓇᕗᒻᒥ ᓴᓂᓪᓕᕆᔭᕗᑦ ᓄᓇᑦᓯᐊᕐᒥ ᐃᑯᐊᓚᔪᓄᒃ ᓱᕋᑦᑎᖅᑕᐅᒻᒪᑕ ᓄᓇᓕᖏᑦ . ᐅᖃᖃᑎᒋᓯᒪᔭᕗᑦ ᐱᖃᓐᓇᕆᔭᕗᑦ ᐱᓕᕆᔨᐅᖃᑎᕗᓪᓗ, ᓄᓇᑦᓯᐊᕐᒥ ᑳᓚᐃ ᑳᒃᑯᕆᓐ,
“ᐊᖏᔪᖅᑳᖃᕐᕕᖓ ᔭᓗᓇᐃ ᖃᓂᒋᔭᖏᓪᓗ ᓄᓇᓖᑦ ᕿᒫᑎᑦᓯᒐᓱᐊᖅᑎᓪᓗᒋᑦ 20,000 ᕈᔪᓐᓂᒃ, ᐃᓕᓴᕆᒻᒥᔭᕗᑦ ᐊᒥᓱᑦ ᓄᓇᓖᑦ ᓄᓇᑦᓯᐊᕐᒥ ᕿᒫᖁᔭᐅᓯᒪᔪᑦ ᐅᔾᔨᖅᓱᖁᔭᐅᓪᓗᑎᒃᓪᓗ. ᖃᐅᔨᒪᔪᒍᑦ ᐃᓚᒌᑦ ᓅᒋᐊᖃᖅᓯᒪᔪᑦ ᐊᖏᕐᕋᒥᓐᓂᒃ, ᐃᓚᒋᔭᐅᓪᓗᑎᒃ ᐃᓚᖏᑦ ᓇᓪᓕᒋᔭᖏᓪᓗ ᓄᓇᕗᒻᒥᐅᑦ. ᑕᒪᓐᓇ ᓱᕋᑦᑎᕈᔾᔭᐅᒍᑎᖃᕐᓂᖏᑦ ᐃᑉᐱᓐᓇᖅᑐᒻᒪᕆᒃ.”
ᓄᓇᕗᒻᒥᐅᓕᒫᑦ ᒐᕙᒪᒃᑯᓐᓄᑦ ᐃᑉᐱᒋᔭᐅᔪᑦ ᐊᑦᑕᓇᖅᑐᒦᖏᑦᑐᑦ ᐊᐅᓪ ᓚᕇᖅᓯᒪᔪᑦ ᐅᕝᕙᓘᓐᓃᑦ ᐊᐅᓪᓚᕐᓂᐊᖅᑐᑦ ᔭᓗᓇᐃᒥᒃ ᑕᓪᓕᒥᕐᒥ ᐅᓪᓗᕈᒻᒥᓴᕐᓇᐅᑉ ᑐᖔᓂ. ᐃᓚᒋᔭᐅᓪᓗᑎᒃ ᑕᐃᒃᑯᐊ ᐋᓐᓂᐊᕐᕕᓕᐊᖅᓯᒪᔪᑦ ᐃᖅᑲᓇᐃᔭᕆᐊᖅᓯᒪᓪᓗᑎᓪᓘᓐᓃᑦ ᐊᐅᓪᓚᖅᓯᒪᔪᑦ, ᐃᑲᔪᖅᑕᐅᔪᓪᓗ ᐱᓕᕆᐊᑦᓴᖏᑎᒍᑦ ᐃᓄᓕᕆᔨᒃᑯᑦ ᒪᓕᒐᓕᕆᔨᒃᑯᓪᓗ.
ᓯᕗᕐᖓᒍᑦ ᖃᓄᐃᓕᔭᐅᒋᐊᕈᑎᐅᓪᓗᓂ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐊᒻᒪᓗ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ ᐱᓕᕆᖃᑎᖃᖅᓯᒪᔪᑦ ᑲᓇᐃᑎᐊᓐ ᓄᐊᑦᑯᓐ ᓂᒃ ᐊᑭᓖᓯᒪᓪᓗᑎᒃ ᖃᖓᑕᑎᑕᕐᒥᒃ ᓅᑕᐅᒍᓐᓇᖁᓪᓗᒋᑦ ᐋᓐᓂᐊᕐᕕᓕᐊᖅᓯᒪᓪᓗᑎᒃ ᐊᐅᓪᓚᖅᑎᑕᐅᓯᒪᔪᑦ ᒪᓕᑦᑎᖏᓪᓗ ᔭᓗᓇᐃᒥᒃ ᐃᐊᑦᒥᓐᑕᓐᒧᑦ. ᐱᖓᑦᓯᕐᒥᒃ ᐅᓐᓄᑐᖃᒃᑯᑦ, ᐊᑕᖏᖅᑐᒋᑦ 85 ᐋᓐᓂᐊᕐᕕᓕᐊᖅᓯᒪᓪᓗᑎᒃ ᐊᐅᓚᖅᑎᑕᐅᓯᒪᔪᑦ ᒪᓕᑦᑎᖏᓪᓗ ᓇᒦᒻᒪᖔᑕ ᓇᓗᓇᐃᖅᑕᐅᓯᒪᓕᖅᑐᑦ ᑎᑭᑦᓯᒪᔪᐃᓐᓇᐅᓕᖅᑐᑎᓪᓗ ᐊᑦᑕᓇᖏᑦᑐᒦᑦᑐᑎᒃ ᐃᐊᑦᒪᓐᑕᓐᒧᑦ.
ᑖᒃᑯᐊ ᐊᐅᓪᓚᖅᑎᑕᐅᓯᒪᔪᑦ ᐅᓄᐊᖏᓐᓈᓚᐅᖅᑐᑦ ᓛᒐ ᕿᑎᕐᒥᐅᓂ ᓚᑑᒃ, ᐃᐅᓪᐳᑕ ᒥ ᑲᔪᓯᒍᑕᓪᓗᑎᒃ ᐃᓅᓕᓴᖅᑕᐅᓂᖏᑦ ᑕᐃᑲᓂ ᐅᕝᕙᓘᓐᓃᑦ ᐊᑦᑕᓇᖏᑦᑐᒦᑦᑐᑎᒃ ᐅᑕᖅᑭᔪᑦ ᐅᑎᖅᑎᑕᐅᓛᕐᓂᕐᒥᓂᒃ ᐊᖏᕐᕋᒥᓄᑦ ᓄᓇᓕᒥᓄᑦ.
“ᐆᒻᒪᑎᓐᓃᖔᖅᑐᒥᒃ ᐃᑉᐱᓐᓂᐊᖃᑎᒋᕙᒃᑲ ᐊᑦᑐᖅᑕᐅᓂᖃᖅᓯᒪᔪᑦ ᐃᑯᐊᓚᔪᓄᑦ ᓱᕋᑦᑎᕈᑕᐅᑐᐃᓐᓇᕆᐊᓕᓐᓄᑦ ᓄᓇᓕᓐᓂ ᓄᓇᑦᓯᐊᕐᒥ ᓄᓇᕗᒻᒥᐅᓪᓗ ᐊᐅᓪᓚᖅᑎᑕᐅᓯᒪᔪᑦ ᖃᓪᓗᓈᓄᑦ ᐋᓐᓂᐊᕐᕕᓕᐊᖅᓯᒪᒋᐊᓖᑦ,” ᐅᖃᖅᓯᒪᔪᖅ ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᔮ ᓐ ᒪᐃᓐ. “ᖁᔭᓕᔪᒍᑦ ᐅᑕᖅᑭᑦᓯᐊᕈᓐᓇᕋᑦᓯ ᑐᑭᓯᐅᒪᒍᓐᓇᕋᑦᓯᓗ ᐋᖅᑭᑦᓱᐃᒐᓱᐊᖅᑎᓪᓗᑕ ᓇᓗᓇᐃᖅᑐᒃᑰᕐᓇᑎᓪᓗᒍ ᓂᕆᐅᓇᖏᑦᑐᓂᓪᓗ ᐊᑦᓱᕈᕐᓇᖅᑐᖃᖅᑎᓪᓗᒍ ᓯᕗᓪᓕᐅᑎᑕᐅᒐᓱᐊᖅᑎᓪᓗᒋᑦ ᐋᓐᓂᐊᕐᕕᓕᐊᖅᓯᒪᔪᑦ ᐊᑦᑕᓇᖅᑐᒦᑦᑕᐃᓕᑎᑕᐅᓂᖏᓐᓂᒃ, ᖃᓄᐃᑦᑕᐃᓕᑎᑕᐅᓂᖏᓐᓂᒃ, ᐊᑐᐃᓐᓇᖃᖅᑎᑕᐅᒐᓱᐊᕐᓂᖏᓐᓂᓪᓗ ᐱᐅᔪᓂᒃ ᐃᑉᐱᒋᔭᐅᒍᑎᓂᒃ.”
ᓄᓇᕗᒻᒥᐅᑦ ᒫᓐᓇ ᓄᓇᑦᓯᐊᕐᒦᑦᑐᑦ, ᑕᑯᒋᐊᕐᓗᒍᑦ Government of the Northwest Territories’ website ᐃᑭᐊᖅᑭᕕᒃᑯᑦ ᐃᑲᔪᖅᑕᐅᒍᒪᒍᑦᓯ ᒪᓕᑦᑕᐅᖁᔭᐅᔪᓂᓪᓗ ᖃᓄᖅ ᕿᒫᖃᑕᐅᒍᓐᓇᕐᒪᖔᖅᐱᑦ.
ᐋᓐᓂᐊᕐᕕᓕᐊᖅᓯᒪᔪᓄᑦ ᑐᐊᕕᕐᓇᖅᑐᒃᑯᑦ ᐃᓅᓕᓴᖅᑕᐅᒋᐊᓖᑦ ᓯᕗᓪᓕᐅᔾᔭᐅᓂᐊᖅᑐᑦ, ᕿᑎᕐᒥᐅᓂ ᖃᖓᑕᔫᒃᑯᑦ ᑐᐊᕕᕐᓇᑐᒃᑯᑦ ᐋᓐᓂᐊᕐᕕᓕᐊᖅᑎᑕᐅᔪᑦ ᐃᐊᑦᒥᓐᑕᓐᒨᖅᑕᐅᖃᑦᑕᓂᐊᖅᑐᑦ.
ᐊᐱᖅᑯᑎᑦᓴᖃᕈᑦᓯ ᐃᓱᒫᓘᑎᖃᕈᑦᓯᓘᓐᓃᑦ ᐋᓐᓂᐊᕐᕕᓐᓄᑦ ᐃᓂᑦᓴᓕᐅᖅᑕᐅᓯᒪᒍᑎᑦᓯᓐᓂᒃ ᐊᑦᑐᖅᑕᐅᓯᒪᓂᖏᑕ ᕿᒫᑎᑕᐅᒋᐊᖃᕐᓂᖏᓐᓂᒃ ᔭᓗᓇᐃᒥ, ᖃᐅᔨᒋᐊᕐᕕᒋᓗᓯᐅᒃ ᓄᓇᑦᓯᓐᓂ ᐋᓐᓂᐊᕐᕕᒻᒧᑦ. ᑭᒃᑯᑐᐃᓐᓇᐃᑦ ᐊᐱᖅᑯᑎᑦᓴᖃᖅᑲᑕ ᐋᓐᓂᐊᕐᕕᓕᐊᕐᓗᑎᒃ ᐊᐅᓪᓚᕆᐊᖃᕐᓂᖏᑦ ᔭᓗᓇᐃᒧᑦ ᖃᐅᔨᒋᐊᕈᓐᓇᖅᑐᑦ ᕿᑎᕐᒥᐅᑦ ᐋᓐᓂᐊᕐᕕᓕᐊᖅᑐᑦ ᐊᐅᓚᖃᑦᑕᖅᑐᑦ ᐱᓕᕆᕕᖓᓄᑦ ᐊᑭᖃᖏᑦᑐᒥᒃ ᐅᖄᓚᕕᑦᓴᖅ 1 844 886 8010 ᐅᕝᕙᓘᓐᓃᑦ, ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ, 983 4506 ᐊᒻᒪᓗ 983 5196.
ᐃᓱᒪᒋᓪᓗᒍ ᓄᓇᑦᓯᐊᒥ ᖃᓄᐃᓕᐅᖅᑎᐅᓂᖏᑦ ᑲᓲᒪᓂᕐᒧᑦ ᕿᑎᕐᒥᐅᓄᑦ ᑲᓇᑕᒥᓗ ᖃᓪᓗᓈᓄᑦ, ᓄᓇᕗᑦ ᒐᕙᒪᒃᑯᑦ ᐱᓕᕆᕕᖏᓐᓃᖔᖅᑐᓂᒃ ᑲᑎᒪᔨᕋᓛᓂᒃ ᖃᐅᔨᓴᖅᐸᓪᓕᐊᔪᑦ ᐊᑦᑐᐃᓂᖃᖅᐸᓪᓕᐊᓂᐊᕐᓂᖓᓂᒃ ᓴᖅᑭᖅᐸᓪᓕᐊᔪᓄᑦ ᐃᖏᕐᕋᔪᓕᕆᓂᕐ ᒧᑦ ᐱᔨᑦᓯᕋᕐᓂᒧᓪᓗ ᓄᓇᕗᒻᒧᑦ. ᒐᕙᒪᒃᑯᑦ ᑲᑎᖃᑎᖃᖅᓯᒪᔪᑦ ᓄᓇᓕᓐᓂ ᓯᕗᓕᖅᑎᓂᒃ ᑐᓴᖅᑎᑦᓯᒋᐊᖏᓐᓇᕐᓂᐊᖅᑐᑎᓪᓗ ᐅᖃᖃᑎᒌᖃᑎᖃᖅᐸᓪᓕᐊᓗᑎᓪᓗ ᐃᓱᒫᓘᑎᖃᖅᑐᖃᑐᐊᕋᐃᑉᐸᑦ.
“ᑕᒪᓐᓇ ᖁᐊᖅᓵᓇᖅᑐᓂ ᓱᕈᖅᐸᓪᓕᐊᓂᖅ ᓄᓇᑦᓯᐊᒥ ᓲᕐᓘᕈᑕᐅᒍᓐᓇᖅᑐᖅ ᖃᓂᒌᒥᒃ ᑲᓲᖓᐅᑎᓂᖏᓐᓂᒃ ᓄᓇᓕᕗᑦ ᐅᑭᐅᖅᑕᖅᑐᒥ ᐱᒻᒪᕆᐅᓂᖓᓂᓪᓗ ᐱᓕᕆᖃᑎᒌᒋᐊᖃᕐᓂᐅᑉ ᓴᐳᒻᒥᔭᐅᖁᓪᓗᒋᑦ ᓄᓇᓕᕗᑦ ᐊᓯᔾᔨᖅᐸᓪᓕᐊᖏᓐᓇᖅᑐᓄᑦ ᐅᓗᕆᐊᓇᖅᑐᒦᒍ ᑕᐅᒍᓐᓇᖅᑐᓄᑦ,” ᐅᖃᖅᓯᒪᔪᖅ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ ᒥᓂᔅᑕ ᑕᐃᕕᑎ ᔪᐊᓇᓯ. “ᓇᐹᖅᑐᓕᓐᓂ ᐃᑯᐊᓚᔪᐃᑦ ᓄᓇᑦᓯᐊᕐᒥ ᑲᑉᐱᐊᓇᖅᑐᑦ ᐊᑦᑐᐃᓂᕐᓗᓐᓂᖏᑦ ᐱᓕᕆᕕᑦᑎᓐᓂᓗ ᐊᑕᖏᖅᑐᒥᒃ ᐊᑦᓱᕉᑎᖃᖅᑐᑦ ᐱᓕᕆᖃᑎᖃᕐᓂᕐᒥᒃ ᐱᓕᕆᖃᑎᑦᑎᓐᓂᒃ ᓄᓇᑦᓯᐊᑉ ᒐᕙᒪᒃᑯᖏᓐᓂᒃ ᓄᓇᓕᑦᑎᓐᓂᓪᓗ ᑕᒫᓂ ᓄᓇᕗᒻᒥ ᑲᒪᒋᔭᖃᕐᓂᕐᒧᑦ ᒪᑭᑉᐸᓪᓕᐊᒍᑎᖃᕐᓂᒧᓪᓗ ᑭᖑᓂᐊᒍᑦ ᑕᕝᕙᖓᑦ ᑕᐃᒪᐃᓚᐅᖅᓯᒪᖏᑦᑐᒥᒃ ᖃᖓᓕᒫᖅ."