ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᓂᒍᐃᒃᑲᓐᓂᕐᒥᔪᑦ ᐊᓂᒍᖅᑕᐅᒋᐊᓕᖕᒥᒃ ᑲᑐᔾᔨᖃᑎᒌᒍᑕᐅᓪᓗᓂ ᐊᑎᓕᐅᖅᑕᐅᓂᒃᑯᑦ ᐱᓕᕆᖃᑎᒌᖕᓂᕐᒧᑦ ᓱᓕᓂᕋᕈᑎᒃᑯᑦ

ᒫᑦᓯ 25, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᓂᒍᐃᒃᑲᓐᓂᕐᒥᔪᑦ ᐊᓂᒍᖅᑕᐅᒋᐊᓕᖕᒥᒃ ᑲᑐᔾᔨᖃᑎᒌᒍᑕᐅᓪᓗᓂ ᐊᑎᓕᐅᖅᑕᐅᓂᒃᑯᑦ ᐱᓕᕆᖃᑎᒌᖕᓂᕐᒧᑦ ᓱᓕᓂᕋᕈᑎᒃᑯᑦ

ᐃᖃᓗᒃᑑᑦᑎᐊᖅ, ᓄᓇᕗᑦ (ᒫᑦᓯ 25, 2022) − ᐅᓪᓗᒥ, ᓄᓇᕗᒻᒥ ᓯᕗᓕᖅᑎ ᐱᔭᐃ ᐊᕿᐊᕈᖅ ᐊᒻᒪ ᓄᓇᕗᑦ ᑐᙵᕕᒃᑯᑦ (ᓄᓇᕗᑦ ᑐᙵᕕᒃᑯᑦ) ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᑎᓕᐅᖅᑲᐅᕗᖅ ᓱᓕᓂᕋᕈᑎᒥᒃ ᐋᖅᑭᒋᐊᕆᔪᒪᓪᓗᓂ ᐱᓕᕆᖃᑎᒌᖕᓂᒃᑯᑦ ᑲᑐᔾᔨᖃᑎᒌᒍᑕᐅᓂᐊᖅᑐᒥᒃ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᓄᓇᕗᑦ ᑐᙵᕕᒃᑯᓐᓂ ᐱᒋᐊᖅᑎᑕᐅᓗᑎᒃ ᓄᓇᕗᒻᒥ ᐱᓕᕆᖃᑎᒌᓄᑦ ᑲᑎᒪᔨᕋᓛᑦ.

"ᐅᐱᒍᓱᑦᑎᐊᖅᐳᖓ ᐊᓪᓗᕆᐊᒃᑲᓐᓂᕈᓐᓇᕋᒪ ᐱᓇᔪᐊᕇᓐᓇᖅᑕᑦᑎᓐᓂ ᓴᙱᒃᑎᒋᐊᕋᓱᒃᖢᑎᒍᑦ ᓄᓇᕗᑦ ᒐᕙᒪᒃᑯᑦ ᐱᓕᕆᖃᑎᒌᒍᓯᖏᑦ ᓄᓇᕗᑦ ᑐᙵᕕᒃᑯᓐᓂ," ᐅᖃᓚᐅᖅᐳᖅ ᓯᕗᓕᖅᑎ ᐊᕿᐊᕈᖅ. "ᐅᑯᐊ ᐱᓕᕆᖃᑎᒌᒍᓯᕐᓄᑦ ᓱᓕᓂᕋᕈᑎᑦ ᒪᓕᒃᐳᑦ ᑕᒪᑐᒪᓂ ᐱᓇᓱᐊᕈᓯᕐᒥ ᓴᖅᑭᑕᐅᓚᐅᖅᑐᖅ ᑲᑐᔾᔨᓗᑕ ᐱᓕᕆᐊᒃᓴᒧᑦ, ᐋᖅᑭᒃᑕᐅᓚᐅᖅᓯᒪᔪᖅ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᕗᒻᒥ ᐃᓄᖕᓄᑦ ᑲᑐᔾᔨᖃᑎᒌᓄᑦ. ᖃᐅᔨᒫᓂᒃᑲᒪ ᑲᑐᔾᔨᖃᑎᒌᒡᓗᑕ ᐱᓕᕆᒍᑦᑕ, ᑲᑐᔾᔨᖃᑎᒌᖕᓂᒃᑯᑦ ᐋᖅᑭᒃᓯᔪᓐᓇᕋᑦᑕ ᐃᑲᔫᑎᒃᓴᓂᒡᓗ ᓴᖅᑭᑦᑎᔪᓐᓇᕋᑦᑕ ᐱᓕᕆᐊᒃᓴᑦᑎᓐᓂ ᓄᓇᕗᒻᒥ ᐊᑐᖅᑕᐅᓚᐅᖅᓯᒪᙱᑦᑐᓂᒃ ᓈᒻᒪᙱᓪᓕᐅᕈᑕᐅᓲᓂᒃ ᓄᓇᕗᓪᓗ ᓄᓇᒃᑯᒥᓇᖅᓯᑎᑦᑎᐊᕐᓗᒍ ᓄᓇᕗᒥᐅᓄᑦ."

ᐱᓕᕆᐊᕆᓪᓗᒍ ᑲᑐᔾᔨᖃᑎᒌᖕᓂᕐᒧᑦ ᒪᓕᒋᐊᓕᑦ, ᓴᖅᑭᑕᐅᑎᓪᓗᒍ ᓄᓇᕗᒻᒥ ᐱᓕᕆᖃᑎᒌᕗᑦ ᑲᑎᒪᔩᑦ ᐱᒻᒪᕆᐅᓪᓗᓂ ᐊᓪᓗᕆᐊᕐᓂᐅᖕᒪᑦ ᐱᐅᓯᒋᐊᖅᑎᓐᓂᐊᖅᐸᑕ ᐱᓕᕆᐊᒃᑯᒥᒋᔭᐅᔪᑦ ᐃᓄᖕᓄᑦ ᐊᒻᒪ ᓄᓇᕗᒥᐅᓄᑦ ᑲᑐᔾᔨᖃᑎᒌᖃᑦᑕᕐᓂᒃᑯᑦ.

"ᓄᓇᕗᒻᒥ ᐊᖏᖃᑎᒌᒍᑎᑦ ᓴᖅᑭᔾᔪᑕᐅᓚᐅᖅᑐᖅ ᓄᓇᕗᒻᒥ ᐃᓄᖕᓄᑦ ᑮᓇᐅᔭᓕᐅᕋᓱᐊᕐᕕᐅᖁᓪᓗᒍ ᐱᕙᓪᓕᐊᕝᕕᐅᖁᓪᓗᒍᓗ, ᐃᓄᖕᓄᑦ ᐊᒻᒪ ᐃᓕᖅᑯᓯᕆᔭᖏᓐᓄᑦ, " ᐅᖃᓚᐅᖅᐳᖅ ᐊᓗᑭ ᑰᑦᑎᖅ, ᑐᙵᕕᒃᑯᑦ ᐊᖓᔪᖅᑳᖓ. "ᐅᓇ ᓱᓕᓂᕋᕈᑎ ᑕᑯᔪᓐᓇᕐᓂᐊᖅᐳᖅ ᐅᕙᑦᑎᓐᓂ ᐱᓕᕆᖃᑎᒌᒃᑎᓪᓗᑕ ᑕᐅᑐᖅᑰᖅᑕᑦᑎᓐᓄᑦ ᐱᓇᔫᑕᐅᑦᑎᐊᕐᓗᓂ ᐊᒻᒪ ᑲᑐᔾᔨᖃᑎᒌᒍᑕᐅᑦᑎᐊᕐᓗᓂ. ᐱᐅᓂᖅᓴᐅᒐᑦᑕ ᐊᒻᒪ ᑲᑐᔾᔨᖃᑎᒌᒃᑯᑦᑕ ᐊᓂᒍᖅᑎᑦᑎᓂᖅᓴᐅᖃᑦᑕᕐᓂᐊᕋᑦᑕ."

ᑐᕌᒐᕆᔭᐅᔪᑦ ᐊᕙᓗᔭᐅᓯᒪᓗᑎᒃ ᑖᒃᑯᓇᙵᑦ ᑲᑐᔾᔨᖃᑎᒌᒍᑕᐅᓗᑎᒃ ᐊᑐᓕᖅᑕᐅᖁᓪᓗᒋᑦ ᐃᓄᖕᓄᑦ ᐊᔪᖅᓴᙱᔾᔪᑎᖏᓐᓄᑦ. ᑕᐃᒪᐃᓕᐅᕐᓂᐊᖅᑐᖓ ᐋᖅᑭᒋᐊᕈᑕᐅᖃᑦᑕᓚᐅᖅᑐᑦ ᓇᓗᓇᐃᔭᕐᓗᒋᑦ, ᓯᕗᓕᖅᑎᐅᕝᕕᒋᕙᒡᓗᒋᑦ, ᐊᒃᓱᕈᕐᓇᖅᑐᓪᓗ ᓴᖅᑭᑉᐸᒡᓗᒋᑦ.  ᐋᖅᑭᒃᑕᐅᓯᒪᖕᒪᑕ ᖃᐅᔨᒪᔭᐅᔪᒪᓪᓗᑎᒃ ᐊᓂᒍᖅᑎᑕᐅᕙᓪᓕᐊᔪᑦ ᑕᒪᐃᓐᓄᓕᒫᖅ ᐱᓕᕆᐊᖑᓗᑎᒃ ᑐᙵᕕᖃᕐᓗᑎᒃ ᐱᓕᕆᖃᑎᒌᓂᒃ ᐊᒻᒪ ᓵᑕᒃᓴᐅᓗᑎᒃ.

ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑲᑐᔾᔨᖃᑎᒌᓵᓚᐅᖅᐳᑦ ᑲᖏᖅᑐᒑᐱᖕᒥ ᐱᓕᕆᐊᖑᓚᐅᖅᓯᒪᔪᒥᒃ 1999-ᒥ, ᐃᖅᑲᓇᐃᔭᖃᑎᒌᓂᒃ 2004-ᖑᑎᓪᓗᒍ, ᐋᔩᖃᑎᒌᖕᓂᒃ 2011-ᒥ, ᐊᒻᒪ ᑲᑐᔾᔨᖃᑎᒌᖕᓂᕐᒧᑦ ᐱᓕᕆᐊᖑᓚᐅᖅᑐᒥᒃ 2020-ᒥ ᖃᐅᔨᒪᔭᐅᔪᒪᓪᓗᑎᒃ ᐱᐅᓂᖏᓐᓂᒃ ᐱᓕᕆᖃᑎᒌᒍᓯᑦᑎᐊᕙᖕᓂᒃ ᑕᒪᐃᓐᓂᒃ ᐱᓕᕆᕝᕕᖕᓂ.

ᓄᓇᕗᒻᒥ ᐱᓕᕆᖃᑎᒌᓄᑦ ᓱᓕᓂᕋᕈᑎᑦ ᐱᔭᒃᓴᐅᕗᑦ ᐃᑭᐊᖅᑭᕕᒃᑯᑦ ᐅᕙᙵᑦ www.tunngavik.com. 

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᑦ:

ᓰᒪ ᓴHᐊᐅ ᔨᕆHᐃ,
ᐱᕙᓪᓕᐊᔪᓂᒃ ᑐᓴᒐᒃᓴᓕᐅᖅᑏᑦ
ᑎᑎᕋᕐᕕᐊᓂᑦ ᓯᕗᓕᖅᑎ ᐊᕿᐊᕈᖅ
867-222-5344
867-975-5059
szerehi6@gov.nu.ca 

ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᓄᓇᕗᒻᒥ ᑐᙵᕕᒃᑯᑦ
867-975-4900, ᐊᑭᖃᙱᑦᑐᖅ ᐅᖄᓚᕝᕕᒃ 1-888-646-0006
mmikijuk@tunngavik.com
www.tunngavik.com