ᓂᕈᐊᒐᒃᓴᓕᐅᕈᓐᓇᖅᓯᔪᑦ 2023-ᒥ ᑲᑎᒪᔩᑦ ᑲᑐᔾᔨᖃᑎᒌᖑᔪᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᓂᒃ. ᓯᕗᓕᖅᑎ ᐲᔾᔭᐃ ᐊᕿᐊᕈᖅ ᐱᔪᓐᓇᖅᓯᑎᑦᑎᔪᖅ ᐱᓇᓱᐊᕈᑎᓂᑦ ᐃᓕᓴᕆᔭᐅᖁᔭᐅᔪᓂᒃ ᐃᑲᔪᖅᑐᐃᓲᓂᒃ, ᑎᓕᐅᕆᓲᓂᒃ ᐊᒻᒪ ᖃᐅᔨᑎᑦᑎᓲᓂᒃ ᖃᓄᖅ ᓴᙱᓕᑎᑦᑎᓂᕐᒥᑦ ᑎᑎᕋᕈᓐᓇᕐᓂᖅᒥ/ᐅᖃᓕᒫᕈᓐᓇᕐᓂᕐᒥ ᐱᕚᓪᓕᕈᑕᐅᔪᓐᓇᖅᑐᓂᒃ ᓄᓇᕗᒻᒥ.
2023-ᒥ ᓄᓇᕗᒻᒥ ᑲᑎᒪᔩᑦ ᑲᑐᔾᔨᖃᑎᒌᑦ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᓪᓗ ᑐᓐᓂᖅᑯᓯᐊᕈᑎᒃᓴᖅ ᐃᓕᓴᖅᓯᓂᐊᖅᑐᖅ ᐃᑲᔪᖅᑐᐃᕙᒃᑐᒥᑦ ᐱᔪᒃᓯᑎᑦᑎᕙᒃᑐᒥᓪᓗ ᐊᓯᖏᓐᓂᒃ ᐃᓄᒃᑑᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐅᖃᓕᒫᒐᒃᓴᓂᒃ ᑎᑎᕋᒐᒃᓴᓂᓪᓗ − ᓂᐱᒃᑯᑦ, ᑎᑎᖅᑲᒃᑯᑦ ᓴᓇᙳᐊᕐᓂᒃᑯᓪᓘᓐᓃᑦ.
ᓂᕈᐊᒐᒃᓴᙳᖅᑎᑦᑎᒋᑦ ᐱᓕᕆᕐᔪᐊᖅᓯᒪᔪᒥᒃ ᐃᑲᔪᖅᑐᐃᕐᔪᐊᖅᓯᒪᔪᒥᒡᓗ ᐊᒻᒪ ᑎᓕᐅᕆᔪᓐᓇᖅᑐᒥᒃ ᐊᓯᖏᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐅᖃᓕᒫᕆᐅᖅᓴᓂᕐᒧᑦ ᑎᑎᕋᕆᐅᖅᓴᓂᕐᒧᑦ. ᐃᓕᓐᓂᐊᖅᑎᐅᔪᓐᓇᖅᑐᖅ, ᐃᓕᓴᐃᔨ, ᓄᓇᓕᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᒥᑦ, ᐃᓐᓇᖅ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᔭᐅᔪᑦ ᖁᕝᕙᕆᐊᖅᑎᑦᑎᔪᓐᓇᖅᑐᒥ ᐱᒻᒪᕆᐅᓂᖓᓂᒃ ᐃᓕᑦᑎᕙᓪᓕᐊᓂᖅ ᐊᒃᑐᐊᖃᑦᑕᐅᑎᓂᕐᓗ, ᓄᕙᕐᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ ᐱᑕᖃᕋᓗᐊᖅᑎᓪᓗᒍ.
ᓵᓚᒃᓴᖅᑐᖅ ᐃᓕᑕᕆᔭᐅᓛᖅᑐᖅ ᐅᔭᒥᒃᑖᖅᑎᑕᐅᓗᓂ ᐊᒻᒪ ᓇᓗᓇᐃᒃᑯᑕᖅᑖᒃᓗᓂ ᑐᓂᔭᐅᓛᖅᖢᓂ ᓯᕗᓕᖅᑎ ᐊᕿᐊᕈᖕᒧᑦ ᐅᑭᐊᒃᓵᖅ. ᐱᑎᑕᐅᓂᐊᕐᒥᔪᑦ $300.00−ᓂᒃ ᐃᓕᓐᓂᐊᕈᑎᒃᓴᓂᒃ.
ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑎᑎᕋᕆᐊᓕᒃ ᐃᓚᓕᐅᑎᓯᒪᔪᖅ ᓇᓂᔭᐅᔪᓐᓇᖅᖢᓂᓗ ᓯᕗᓕᖅᑎᐅᑉ ᐃᑭᐊᖅᑭᕕᖓᓂ.
ᓂᕈᐊᒐᒃᓴᓕᐅᕈᒪᔪᓄᑦ ᒪᑐᕝᕕᒃᓴᖓ ᒪᐃ 31, 2023. ᑐᓐᓂᖅᑯᑎᒋᔪᓐᓇᖅᑕᑦ ᑕᑕᑎᕆᐊᓕᒃ ᐃᕐᖐᓐᓈᖅᑕᐅᒃᑯᑦ communications@gov.nu.ca.