Nutaaq Kalaallit-Nunavut Angiruti sainiqtaujuq
Kalaallit Angajuqqaarjuanga Múte B. Egede unalu Hivuliqti Premier P. J. Akeeagok sainiqtuq Titiraqmik Tukihimaqatigiigutimik (MOU) ukunani kavamangani Kalaallit kavamanganilu Nunavut Nuukmi ublumi.
Nunavut Kalallillu qangataimaa pidjutilgit atauttikkullu Inuinnauqatiiguutimik, talvannga ingilraanin. Una atauttiikut qangataimaa, pitquhikkut, inuuqatigiingnikkut, nunakkullu pidjutiqatigiingniq pipkaijaa tunngavikhaq atauttikkut havagiami havaqatigiikluni ukunani malrungni nunagijaujuni.
Hivulliqpaaq Titiraq Tukihimaqatigiiguti Kalaallimi Nunavunmilu sainiqtauhimajuq 2000mi. Taimaatun taapkuat turaangajun pijumajaujullu iliuraqhimajun piqqaarhimajumi MOUmi huli atuqtun, ublumi angirutaa hakugikhaqjuummirniaqtaa pidjutiqatiigiigutivun pipkailunilu hivunikhani havaqatigiigutini ukunani malruungni nunagijaujuni.
Uumani MOUmi, Kavamagijaik Kalaallimi Nunavunmilu ilitarijaa pijumajait piniarhimajaillu angikliharnikkut havaqatigiigutinik qaffiujuni pivikhani ilaujullu pitquhikkut hanaujarnikkut; iliharnikkut, aullaarnikkut aquinikkullu, imakkut aulapkaidjutikhat, iqaluliqinikkut, nakuujuniklu auladjutikhanik.
Uqaqtait:
“Una Titiraq Tukihimaqatigiigutimik aulahimmaarutaujuq qangataimaa pidjutiqatigiigutiptikni nuatqatiptikni Kalaallimi. Malruuk nunagijavut atahimajuk amigaittuni kinguliriigutini taimaittuq nunaptigun, uqauhiptigun pitquhiptigullu pidjutainnin. Ublumi angirutaa naudjutauniaqtuq taimanin pipkainiaqtuqlu Kalaallit Nunavullu havaqatigiikhimmaarniaqtuk nakuutqijaujumik havagutigilugin inuptiknun uvanilu atauttikkut pijumajaptikni hivumuupkainikkut Inuit pitquhia, hanaujani, qaujihimanik nutaanik qanuriliurutikhakkullu.”
– Hivuliqtia Nunavut, P. J. Akeeagok
“Quviahuktunga sainirapku una Titiraq Tukihimaqatigiiguti, hakugikharutniaqtuq atadjutainnik Nunavunmi Kalaallimilu. Naalakkersuisut piliurumajuq angijumik havaqatigiigutimik Nunavunmi Kalaallimilu, una pijumainnarutaujuq uvaptiknun taimaatun qanitpiarapta nunakkut ukunanilu pitquhirni uqauhirnilu. Kalaallit Nunavullu havaqatigiiktukhak pivallialiurnikkut nunaptiknik, piqarluni Ukiuqtaqtumi inungnik pidjutiqarluni. Inuinnaqtun nipivun, pitquhivun ukuallu ublumiutanik Ukiuqtaqtumi qanurittunik qaujihimanirnik atuqtitaujukhaq tamaptikni, pipkainikkut pilaarutikhaptiknik pivallialiurnirnun.”
– Kalaallit Angajuqqaarjuanga, Múte B. Egede