(Saptaiba 12, 2025 – Iqaluit, Nunavut) Nunavut Kavamanga (GN) unalu Nunavut Tunngavik Inc. (NTI) ublumi tunijaa una Nunavut Ukiuqtaqtumi Atanniqtuidjutikkut Amiridjutillu Hanaqidjuti, piliuqtauhimajuq kangiqhihimadjutinin hivuliutiujumadjutinillu uqautaujun uvani Ukiuqtaqtumi Atanniqtuidjutikkut Amiridjutillu Kaimanirjuami pihimajuq Iqalungni qaangilihaaqtumi Juunmi.
Taimaatun nunakkut-kavamatigun pijumaniit Ukiuqaqtumi akuulirutainnun ukunanilu hulaqutainnun uvani hilaup aallanguqtirninganut kajumikhidjutaanun, akhuurnaqtuq Nunavut nipingit hivulliuqtakhait Kanadaup atanniqtuidjutaani katimadjutainnun. Katimanirjuaq hanaqidjutikhaqlu tamarnik naunaijaqtaa qitqaniittuq havaguti Inuinnait piqaqtaa naunaijarnianik Kanadaup nanminiutaanik Ukiuqtaqtumun. Una Nunavut Ukiuqtaqtumi Atanniqtuidjutikkut Amiridjutillu Hanaqidjuti katipkaqhimajait naliit tautugutait uumunga Nunavutim hivunikhaani amiridjutaani, tunngadjutigijaalu taamna tautungniq uppiridjutainnun hivulliutiujumajainnullu inungnin uqaqhimajun Nunavut aihimavia.
Hanaqidjutit tautuktitaa uqautait Inuinnait hivulliuqtiinnin, ukiuqtaqtumi kavamatuqatkunnilu havaktiinnin, Inirnikhanin, inulrammiinnin aallallu paannarijaujun.
“Hakugikhaqtiqhugu Kanadaup inninga Ukiuqtaqtumi, Nunavut ilaujukhaq katimanirni ihuaqhainikkut atugakhanik naunaijautiujut hivunikhaptingnik,” uqaqtuq Hivuliqti P.J. Akeeagok. “Una hanaqidjuti pipkaijaa hivulliuqtiuniit Nunavunmiunnun hivumuudjutinun nunakhanik-naudjutikhanun aulapkaidjutinik, auladjutinik piqarutikhainnun ingilradjutikkullu havaktakhanik pipkaidjutaanun Kanadaup atanniqtuidjutaanun taimaalu angmaqtirlugin uuktuqvikhat inuptingnun.”
“Inuinnait tunngaviuraanginnaqtun Kanadaup inniani Ukiuqtaqtumi. Piqangittuq Kanadamin atanniqtuidjutinik pihimaittumik Inuinnarnin qangnaidjutikhainnik,” uqaqtuq NTIkut Angijuqqaanganin Jeremy Tunraluk. “Una hanaqidjuti naunaiqhimajuq atanniqtuidjutit Ukiuqtqaqtumi hivulliuqtaujukhaq ukunanga Inuinnarnin-hivuliuqtaujunin hivulliutijaujukhanin.”
Taiguriami Nunavutim Ukiuqtaqtumi Atanniqtuidjutikkut Amiridjutillu Hanaqidjutaanik, takulugu: https://www.arcticsecuritysummit.ca