Uqaqtittijii,
Nangiqtunga ublumi naunaiyaqlugu Ubluqtuhivia 18, 2024, ubluani Kavamatkut Nunavunmi, Nunavut Tunngavik Inc. ukualu Kanatami Kavamatkut atiliuqtaat una Nunavunmi Nunatigut uvalu Ikayuutinun Nanminirhuurnikkut Angirutit. Una ublua ilauliqtuq Taaqhivaliavia 9, 1993mi, atiliurutaa Nunavunmi Angirutip, uvanilu Qitiqqautiyuq 1, 1999, ublua Nunavunmi havaktauvia.
Una atiliurniq havakhimayuq talvuuna pidjutikharnik hivuliqtivut Iningnikhangitlu kinguliuyunik, aivadjutiqangitunik talvuuna ukiunganik, tamaitalu Nunavunmiutat. Quviahukpiaktunga Nunavunmiutlu, nangiqtunga Kanadaup Angayuqqaryuaq Justin Trudeau unalu Nunavut Tunngavik Incorporated Angiyuqqaaq Aluki Kotierk.
Tadja, Uqaqtitiyi, tautuktuumiyaaqtauyuq Iningnikhaptingnun havaktauhimayuq.
Uvani ukiumi 25nik ukiunik tikiutingmiyut, ihumaliuqtugut nunaptingnun uvalu amigaitut igluffaaqtut, humi nanminiriyaa. Una tautuktuuyaaqtauyuq Iningnikhaptingnun.
Tamna nanminiqhuurniq angirut naunairutiqaqtuq anginirmik nunami nuutiqtukharnik talvani Kanatangit ilitquhinga - malrungnik miliannik kikkariktuq kilaamitanik nunami aulaliqtun algangmini Nunavunmiunun. Ikayuutikhamut pivallianiq akhuuquyauyuq munariyauyuqlu ihuaqtumik, uvaptiknut.
Tadja aullaqtiqtuq pingahunik ukiunik nuutiqtirnianik atuqtipkailirnikkullu.
GN-kut ihuaqhailiqtut nunamik havaakhanik ihumaliuqhutik nunamik munaqhidjutikhanik amihuni ukiuni. Havakhimaaqtugut hakugiktumik havaqatigiiktukharnik iliqatigiyaptingnik talvuuna hanaqidjutikharnik.
Avatqumayuni pingahut ukiut, ilauyut atungniaqtait hapkua havaqatigiingniikkut uvalu havaklutik ukpiginikkut iligiiknikkut iniqtigiangani nuutiqniq munagidjutinik.
Uvani Qitiqqautiyuq 1, 2027, ilitagiyauyuq nuutirniq piyauniaqtuq. Niriuqtun'nga quviahuutigilugu ubluq tamaita Nunavunmiut.
Uqautiginiaqtatka Nunavunmi Nunatigut uvalu Ikayuutinun Nanminirutikkut Angirut namagijamni ubluangani.
Quana, Uqaqtittiiji.