Uqaqtittijii, Qulliq Alrujaqtuqtunik Ikumadjutiit quviahuktun unniutiliramanikkut angirutimik hitamanik havagaanginnaqtunik ajuiqharnikkut havaakhanik timiqutimi. Una angijuq qilamiklu talvannga pijakhaq talvannga Inuit havaktunut ihuaqhainiq ihumaliurniq Qiqailruq 25, 2023mi. Tautuktitiyuq QECtkut aghuurutait ikayuutikhat Inuinnarnik Havaktitinirmun Upalungaiyautit uvalu amigaiyuumilugit qaffiuniit Inuinnait havaktit kuapaliisit.
Hapkua ayuiqhayut havaaghat tunihiniaqtut ihuaqtunik ilihaidjutinik uvalu atuqhimayamingnik attautinun piumayunun piumablutik nakuuyunik havaanik auladjutikkut havakvikyuani. Tamangnik hitamauyut havaangit piqarniaqtun ayuittiagiikhimayunik ayuiqhautikharnik piqaqtitiniaqtun ayuiqhautikharnik. Hapkua ayuiqhaqtut piyaghat tunihilimaitut ihuaqtunik ilihaidjutinik uvalu atuqhimayamingnik attautinun atiliuqhimayut kihimi ikayuutauniaqtut angiklivalianikkut uvalu nakuunikkut QECtkunun kuapaliisit haffumuuna pihimanikkut hivituyumik-kikliqaqtut ihuaqhainikkut ilihimanikkut uvalu ikiliyuumiqlugit atuguminaqniit hivuraani havaktut.
Atuqhimayunik talimani ukiuni, QEC-kut hakugikhivaalirutauyut tungavikhamik havaanik, ilaa Havaaguriyakhainik Pivalianikut Upalugaiyaut, Auyami Ilihaqtut Havaami, Ayuiqhanirmiklu Havaamik, pivagiagani Inuit Havaliriagani Havaami iniqtirumayainik. Ilaliutihimayut hapkua hitamat ayuiqhaqtut ayuiqhaqtut tunihiyut Inuinnarnun amigaiqyuumilugit piyakhat naunaitkutiqariangini havaaghanun inuit Nunavunmi.
QEC-kut havaliqtun qinirhiahimaaqtun tikkuaqtaunikkut angirutimik ukununga malruuknun havaktinun uumunga ayuiqhanikkut pinahuarutimun. Malruk Inuinnait havaktit tautuktitiyut anginiqharmik aktilaangit ayuitait uvalu akhuugutit inmi hananikkut. Ilakuit malruk havaak havaktiqangniaqtuq atuqluni QECtkut iluani ayuiqhanikkut uuktuutinik havauhiinik. Tamna kuapuraisingit nigiukhimayut aulahimaaqtukharnik angikliyumirutikharnik Ayuiqhayunik Havaagumayainik Ilihairutikharnik hivunirmi. QEC-kut quviahuktut uuktuqhimaariagani pivaliayaagani aalatqiinik ilaliutivalianiginiklu havaktut takuupkaiyunik nunagiyauyunik kivgaqtuqtaptiknik.
Quana Uqaqtittiji.