Uqaqtittiyi, Nangiktunga ublumi iliqatigiiktukharnik Iidjirurvia 7mi, katimaqatigivakhimayaga Ontario Hivuliqti Doug Fordmik katimadjutikharnik Ottawami.
Nunavut pidjutiqaqtuq hivuraanin nuatqatigijaingit hunanik kivgaqtuutiniklu. Una itquumalluaqtuq ayuittiaqtunut munarhiliqinirmut tunilimaitavut nunavunmi.
Uqaqtittijii, qujagijumajatka ilannara Hivuliqtiujuq Ford piijarnikkut ikajurutainnik Kanadaup Ukiuqtaqtuni Kanadami, atauttikkut avikturhimanirni ukiuqtaqtunilu aivadjutigiplugin aanniaqtailinikkut maniliqtuutikhanik ukununga kavamatuqatkunnin.
Hivuliqti Ford Nunavunmungaungittuq. Qaitquyatka pulaaquplugu Iqalungnun ihuaqqat.
Uqaqtittijii, talvuuna paannariigutikkut Hivuliqti Ford, kavamakput parnaijun angikliharnikkut piqatigiigutiptiknik Avikturhimanirnun Ontario-mi. Atauttikkut havaqatigittaaqtugut piangaijarnikkut uuktuqvikhanik havagvingni havagviinnilu, ukuallu aanniaqtailinikkut inuuhirittiarnikkullu uuktuqvikhanik Nunavunmiunnun.
Quana, Uqaqtittiji.