Uqaqtittiji, Nangiqtunga uqallagumaplunga imaninuaq katimaqatigivakhimajaga Angajuqqarjuaq Kanatami.
Ilauqatigivakhimajunga malrungnik katimadjutikharnik Angijuqqaaq Tuglia Angijuqqaaq Nunavut Tunngavikkut Timingangit. Uqallakpakhimajugut igluiliurnikkut taimaaqtitauliqtukhaq Nunavunmi igluiliurnikkut. Ilituqhaipluta Nunavutim igluiliurniq ajungnairutiginiaqtuq Kanata Kavamakkut Atanniqtuinniqarniq Angirutiqarniq Tununganirmi. Hakugiktumik, aulahimaanginaqtun nunalaangit ikajuutiqaqhimajut ihuarutikharnik igluiliurniq inungnun iglukharnik.”
Uqaqtittiji, kingulirmi katimadjutigijaptingnik Angajuqqarjuaq Justin Trudeau apigivaktanga tautuktitijaangat kavamavut havakhimaaliqtun atautimiitilunik Inuit katimajiingit upalungailiqhutiklu igluiliurnikkut.
Uqaqtittiji, uvani katimaqatigiirnirmi atautimiitilunuk uqallautivakhimajaqqut Angajuqqarjuaq: igluiliurnikkut hanaqidjutikhangit nallaumaliqtun.
Nunavut Kavamangit Nunavut Tunngavikkut Timingatlu tunihivakhimajut Angajuqqarjuamun Havagvianun titiraqhimajumik - iliqatigiiktukharnik apigivakhimajut $500 milian taalakharmik ihumagijakhanga talvuuna maniit atugakhat kanatami ukiunga. Una aviktuqhimaniaqtuq talvuuna kavamavut Nunavut Tunngavikkutlu pijaangat naunaitumik maniktarvikharnik.
Uqaqtittiji, igluiliurniq hivulliutihimajuq piumaluaqtangit kavamaptingni Katujjiluta atugakharni.
Angilraviit aulatitivakhimajut atuqtakharnik inuuhirinikkut naunairutigivakhimajuq aanniaqtailinirmi. Nutqaqtitijaangat igluiliurniq ikajuutiniaqtuq ilihainikkut ihumaliqinikkutlu. Ikiklijumiqtitiniaqtun auladjutingnik ipiralailaqidjutingnik, ningarniq, inminirnikkutlu.
Uqaqtittiji inuit apigiliqtun hanaqidjutikharnik aulajukharnik. Kavamavut tautugumaliqtun qaangiqhimajut akiligakhait tikiutijaangat ihagiagijaujuq piumaluaqtangnik. Nunavunmi Igluliqijirjuatkut upalungaiqhimaliqtun napaqtigijaangat iglungnik hadjanuaq.
Uqaqtittiji, maligaliurjuarvingmi Angajuqqarjuaq uqallautivaktangit Nunavunmi MPngujuq Lori Idlout: kanatam kavamatuqatkut ilauniaqtun katimadjutikharnik igluiliqinikkut. Kingulirmi katimadjutikharnik Ottawami naamainaqtunga tautugianganik Kanatam ikajuutikharnik numiktiqhimaniaqtun tainirnik iglukharniklu inungnun tamainun.
Quana Uqaqtittiji.