Ukiuqtaqtumi Hivuliqtit Katimajut Yukonmi

Uqaqtittiji, Uqautigijumajara katimaqatigiingnikkut katimadjutit Tunungani Hivuliqtit avatqumajumi malruk ukiuk.

Uvani Qiqaiyarluarvia 9, Hivuliqti Cochrane uvangalu tungahuktitaujuguk Whitehorsemun uvanga Hivuliqtimin Silver, tadja Ighivautaqaqtuq haffumani Tunungani Hivuliqtit katimajiinun. Uqautigijaqqut ikitut aghuungnaqtut hivuliujughat ilaujut Ukiuqtaqtumi munaridjutighat, iglutigut, aanniaqtailinirmunlu.

Uqaqtittiji, ukua Tunungani Hivuliqtit aghut havaqatigijait kanadami kavamatkut ukualu Nunaqaqaaqtut havaqatigiit hakugikhijuumiriangani Kanadap qanurinia Ukiuqtaqtumi. Angirutigijaqtu Kavamakkut Atanniqtuinniqarniq Angirutiqarnirluuniit munaridjutillu ihuaqhijuumiqtut imaa hakugikhijuumiqhugit nunallaat, uqautigiblugulu ihariagijaujuq tutqighaqhimajumik kanadami maniliurutit kangiqhidjutiqaqtut Tununganirmiutanin. Uqautigiblugit ihariaginirmun amigaiqjuumiqlugit
maniliurutit ukununga Angujaktiunirmun pinahuarutit nutaallu maniliurutit aghuungnaqtut imaatun ingilradjutit, auladjutit, tuhaqtidjutillu.

Uqaqtittiji, angirutigiblugu aulahimaaqtumik havaqatigiingniq kanadap kavamainun ukualu Nunaqaqaaqtut havaqatigiit ihuaqhaidjutighanik iglughailiunirmun ajuqhautit. uqautigiblugit hivitujumik-kikliqaqtut aturuminaqtut ihuaqtullu manikhat ihariagijaujut igluqpangnun, auladjutinun, ihuaqhainirmunlu akiinun. Aghuuqhablugillu kanadap kavamait ilaliutilugit naunaitut maniliurutit Ukiuqtaqtumi Tununganilu Maliruagahanun Tungavia tapkua ikajuutiqaqtut igluqpangnun, napaqtirinirmun, mamitpalianirmun, Ukiuqtaqtumi munaridjutit hilaplu aalanguqpalianiranun.

Uqaqtittiji, uqautigilugulu qanuqtut aanniarut nunaqjuami aulahimaaqtumik ajuqhaqtitijut tamainun aanniaqtailinirmun auladjutinun uqautigiblugillu ihariahuutit ihuaqhivalianirmun Inirnighat munaridjutait. Angirutigiblugu Tamaini-Ukiuqtaqtumi upautidjutit aanniaqtailinirmun havaktuliqiinun tapkua turaangajut ihariahungnirmun Tunungani, ungahiktuni kangiqhidjutiqaqtughat qujaginaq Tamaini-Kanadami hanaqidjutinun.

Uqaqtittiji, tamapta pingahuujugut niriuktugut katimadjutigilugu Hivuliqpaaq Ministat' angirutaa aturuminaqtumik aanniaqtailinirmun maniliqtuutit aulahimaaqtumiklu turaangajumiklu havaqatigiigutit hakugikhijuumiriangani Ukiuqtaqtuq.

Quana, Uqaqtittijii.

Date