Uqaqtittiji, Nangiqtunga ublumi ilitugipkaktaumaplugut havaqatigiyatka talvuuna Iidjirurvia 4mi Katimayiingit Havaqatigiiktunik (COF) katimadjutigiyangit ilauvakhimayuq talvuuna piksasuutigun katimayuarutaatigun.
Uqaqtittiji, tamna Katimayiingit Havaqatigiiktunik tunihimaaqtuq katimayukharnik talvani Kanatami Hivuliqtiit katimayukhat hivunirmi piumaluaqtainik, havaqatigiikhutik naunaitunik hanaqidjutikhatingnik ihumagiyaunik. Talvuuna katimadjutigiyaptingni, agligivaktunga havaktamingnik, auladjutigiyaingit, piumayainiklu tamangnik havaqatigiyatka tautuktitivakhimayut, talvuunaluangitunik pittiarutigiyainik nunalaangit kihimi ayungnautigivakhimayaptingnik akuktauhimaanginaqtugut.
Uqaqtittiji, uqaqpaktaptingnik ihumagiyauvakhimayut amigaqhuutiqaqtunik kivgaktuutigiluaqtauyutlu: atuqtauffaagiaqaqtuniklu aanniaqtailinikkut avatingni Kanatami.
Nunavunmi, ilitangnaqtuq taima aanniaqtailinikkut havaktiit piqaqtukhauliqtuq ikayuutikharnik, hivutunirmiklu ihuaqhaidjutikahrnik ikikliyumiqtitiyaangat auladjutigihimaaqtangit Hivuraani aanniaqtailinikkut atuqtangitni. Havaqatitka uvangalu angirutiqaqhimayugut talvuuna tuqhulaurutikharnik kanatamin kavamatuqatkutnin angikliyumiqtakhaanganik nunat avikhimayut/ukiuktaqtuniitunlu aanniaqtailiqinikkut akikharnik talvuuna Kanatam Aanniaqtailiqinikkut Nuutirutikharnik talvanga tikiutiryuliqtunik 22pusanmik 35pusanmiklu ukiumi akikhaanganik.
Kihiani, Kanatam Aanniaqtailinikkut Nuutirutikharnik mikigaluaqtuq pusanmik Nunavutim aanniaqtailinikkut maniktaqvikhangit, nunaptingnik auladjtuiqaqhimayuq havaqatigiikharnik hivuraanin nunalaangitni taimaitutun Ontariomi Manitobamilu anniaqtailiqinikkut ikayuutikharnik.
Uqaqtittiji, hivutunirmik atuguminaqtumik aanniaqtailiqinikkut munagidjutikharnik Nunavunmi avatingnilu Kanatami piqaqtukhaq inuuhirikharnik ihagianaitkutikharnik nunalaaptingnik, nigiukhimayunga aulahimaaqtunik ihuaqhaidjutikharnik ihumagiyauyut atuqtangitni kanatam kavamatuqatkut nunat avikhimayuniklu ukiuktaqtuniituniklu havaqatigiyaqqut.
Quana, Uqaqtittiiyi.