Iqaluit, Nunavut (Iidjirurvia 16, 2023) – Nunavut Kavamanga hivumuuliqtut uuktuutikhamingnik pinahuaqhutik Katujjiluta pinahuaqtainik hivulliutijakhat piliurlutik Qanuriliurutikhat Upalungaijautikhat Inirnikhaanut Nunavunmi. Tamna upalungairutikhaq malikhautiniaqtun ihumaliurutikharnik aulahimajut talvuuna Iningnikhat ilihairutikharnik ikajuutikharniklu auladjutikharnik taima Iningnikhat inuuhimaagianganik kinguliujunik ukiunganik idjuhiqaqtunik munagidjutikharniklu, qanitumun ilaqaqtunik Nunavunmi.
Uumani havainirmi, kavamatkut katimapkaijut hivulliujut tallimanit avikturniinni katimapkaiplutik, aullaqtiqhutik Kivallirmi Inirnikhaat katimaqatigiiktut Kangiqlinirmi. Malruuk Inirniriit tamainnit nunallaanit tikkuaqtauniaqtut ilaugiamikni avikturhimajuni katimajuni.
“Nunavunmiutat inirninguliqtun takujukhat pimmarikharutinik ubluq tamaat inuuhirmingni,” uqallaktuq Hivuliqti P.J. Akeeagok. "Una aullaqtiqtuq akuniraalungmut ihariagitinnagu ajuittiarhimajunut munariniq. Hivulliuqtaupluta Katujjiluta havagutiptiknin, kavamakput havangniaqtuq pipkaijaami angajuqqaavun ataattiavut anaanattiavullu inirninguliqtaaqtun niamgilutik qajangnaittumilu aihimavingmingni.
"Havaktugut angmaumajumik hivitujunik-kikliqaqtunik munarivingnik agitijaami inirnikhaptiknik aihimaviptiknik, ilihimajugunlu piqangittugullu havagutinik ikajurutiniklu inirnikhaptiknun hamaniittun tadja," Hivuliqti Akeeagok uqaqtuq. "Una parnaquti qinirniaqtuq ihuarhainikkut tahamaniittunik ikajurutikhanik nunallaani ikajurlunilu Inirnikhani pipkainikkut pinahuarutinik hulidjutiniklu tunihimajut GN-kunnin, Inuit timiqutinin, haamlatkunnin, maniliurniarhimangittunilu."
Atuqtukhani tatqiqhiutini, miitirutini piniaqtun Ukiuqtaqtumi Qikiqtaalungmi, Hivuraani Qikiqtaalungmi, Kitikmeonilu, Ottawami katimatjutigilugin Uqautiit Inirnighanin, ilagiiktunin, nunallaanin, paannarijainnullu. Ilauqatigiingnirit ilihaqtitauniaqtut Inuktut uvalu ilihaqatimingnin-katimapkailutik Iningnikhanin uqaudjinin attautini aviktuqhimajuni.
Talimat katimadjutit, aalat katimadjutit atuqtaujut, apiqhuinikkut, katimajut, naalautikkutlu tuhaqtidjutit, atuqtauniaqtut katitiriangini kangiqhidjutit Iningnikhanin ilaulimaitut aviktungniini katimadjutini.
Nunavut Kavamanga uqaffaarniaqtut ilaujunut naunaiqhilutik naunairlugillu nalvaaqtatik.