Iqaluit, Nunavut (Hikutirvia 14, 2023) - Ublumi Maligaliurvingmi, Hivuliqti P.J. Akeeagok uqarijaa unniudjuti atiqaqtuq, Nunavutim Kavamanga Qanurinmanggaata Katujjiluta kutigut Pitqujaujut Hivulliujuqhanut: Uqagijaujuqhat 2022 Iniktirutaujunut Upalun’ngaijaidjutiqhatlu 2023 mut.
Un qanurinmanggaatigut unniudjutaa maliktaa an’ngiqtaungmat maniit avatqulimaidjutiqaqtutigun tunihidjutijuqjuq ikajurnirmun haffuma kavamaita utuqqaq pitqujautaa, ihumagilluagiplugu utuqqangguliqtuq pittiagijaupluni Nunavunmi, amigaiqjuummiqhuni igluliqidjutinut pidjutihimmaaqhunilu, pipkaidjutipluni aanniaqtailiniq mamihainirmunlu, piumaffaaqtittinirmun iliharnikkut, aadlatkiingguqlugit nunallaami maniliurnikkut.
“Una unniudji tautuktuujaagutigijaa uqariijautivutnut tuhaqtipkaijaami qanurinmanggaat atuliqtittinirmun Katujjiluta atuqtaujuq pijaaqtaalaqijaami. Quviahuutigijara ilitturipkaijaaffingni haffuma naunaitkutiqhaq iniktirutiptingnit atauhirmi ukiumi napaanilu ukiuq hivuliqtirinirmun”, Hivuliqti Akeeagok uqaqtuq.
Taamna unniudji ilaliutilik naittumik havaanik iniktiqhimajunik 2022 mi, aqhuugutainnik kavamata havakpagainnik havaqhugit 2023 mut, iniktirutitlu naunaitkutait atajut tamainnut tallimaujut pitqujaqhat hivulliutigijaujunut.
Nunavummiut qaitqujaujut ihivriuriami una piksa nunavutim qanurinmaariaqhaanik qaritaujakkut uvani Nunavut Kavamanga Progress on Katujjiluta Mandate Priorities.