ᐊᓱᐃᓛᒃ ᐊᓂᒍᐃᕗᒍᑦ! ᐱᑐᐃᓐᓇᕆᐊᖃᓕᖅᐳᒍᑦ.
ᐃᓄᒃᑎᑐᑦ
ᓄᓇᕗᑦ, ᐱᔾᔪᑎᒃᓴᕗᑦ, ᐃᓄᖁᑎᑦᑎᓐᓄᑦ ᐱᓯᒪᔭᐅᓗᑎᒃ.
ᓄᓇᕗᑦ, ᐱᔾᔪᑎᒃᓴᕗᑦ, ᐃᓄᖁᑎᑦᑎᓐᓄᑦ ᐱᓯᒪᔭᐅᓗᑎᒃ.
ᐃᓄᒃᑎᑐᑦ
ᓇᖕᒥᓂᖅᓱᕐᓂᖅ, ᑕᐅᑐᖅᑰᖅᑕᑦᑎᓐᓂ ᓴᖅᑭᑎᑦᑎᓂᐅᕗᖅ ᓇᖕᒥᓂᖅ−ᐱᓕᕆᔪᓐᓇᕐᓂᕐᒥᒃ ᓄᓇᕗᒻᒥ. ᑖᓐᓇ ᐃᓚᒋᔭᐅᓪᓚᕆᒃᐳᖅ ᓄᓇᕗᒻᒥ ᐅᓂᒃᑳᕆᔭᐅᔪᒥ.
ᐊᓱᐃᓛᒃ ᐊᓂᒍᐃᕗᒍᑦ!
ᓯᕗᓪᓕᕐᒥ, ᓇᓗᓇᐃᖅᓯᔪᒪᔪᖓ: ᑲᓇᑕᐅᑉ ᐊᖓᔪᖅᑳᕐᔪᐊᖓ, ᔭᔅᑎᑦ ᑐᕉᑑ, ᓄᓇᕗᑦ ᑐᙵᕕᒃᑯᑦ, ᐊᖓᔪᖅᑳᖓ ᐊᓗᑭ ᑰᑦᑎᖅ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ, ᑖᓐ ᕚᓐᑖᓪ, ᐊᒻᒪᓗᑦᑕᐅᖅ ᐊᓯᓕᒫᖏᑦ ᓯᕗᓕᖅᑎᐅᓚᐅᖅᓯᒪᔪᑦ ᑲᒥᓯᓇᐅᓚᐅᖅᑐᓪᓗ ᓄᓇᕗᒻᒥ ᐊᖓᔪᖅᑲᐅᑏᓪᓗ ᐅᕙᑦᑎᓐᓂᒃ ᐃᓚᐅᔪᑦ ᑖᔅᓱᒥᖓ ᐱᒻᒪᕆᐊᓗᖕᒥᑦ.
ᐃᓄᒃᑎᑐᑦ: ᑐᙵᓱᖁᑦᑎᐊᖅᐸᒃᑲ ᐊᑎᓕᐅᖃᑕᐅᓂᐊᖅᑐᑦ ᓄᓇᕗᒻᒥ ᐊᖏᕈᑎᖓ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖓ, ᒪᓕᒐᓕᐅᖅᑎᓪᓗ ᓄᓇᕗᒻᒥ.
ᐊᑕᐅᑦᑎᒃᑯᑦ ᐱᒻᒪᕆᐊᓗᖕᒥᒃ ᐱᓕᕆᕗᒍᑦ.
ᐃᓄᒃᑎᑐᑦ: ᐊᔪᕆᖅᓲᔾᔭᐅᓪᓗᑎᒃ ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ ᑐᙵᕕᖏᓐᓂᒃ.
ᐱᓕᕆᖃᑎᒌᖕᓂᖅ ᐊᑕᐅᓯᕐᒥᒃ ᐱᔾᔪᑎᖃᖅᖢᑎᒃ−ᐃᓄᐃᑦ ᐱᒻᒪᕆᐅᒋᔭᖏᑦ ᑕᒪᐅᖓ ᑎᑭᐅᑎᔾᔪᑎᒋᓪᓗᑎᒍᑦ.
ᑕᒫᓂ ᓇᖏᖅᐳᖓ 6−ᒋᔭᐅᓪᓗᖓ ᓯᕗᓕᖅᑎᒋᔭᐅᓪᓗᖓ ᓄᓇᕗᒻᒥ−ᐃᖅᑲᓇᐃᔭᖃᑎᑦᑕ ᐱᓕᕆᐊᕆᓚᐅᖅᑕᖏᓐᓂᒃ ᐱᓕᕆᓪᓗᖓ ᐃᓚᒋᔭᐅᓪᓚᕆᒃᓯᒪᔪᑦ ᑖᓐᓇ ᐊᖏᖃᑎᒌᖕᓂᖅ ᐅᔾᔨᕆᔭᐅᓪᓗᓂ.
ᐅᕙᒍᑦ, ᓯᕗᓕᖅᑎᐅᓪᓗᑕ ᐅᓪᓗᒥᒧᑦ ᑎᑭᑉᐳᒍᑦ ᐊᒃᓱᕈᖅᖢᑕ ᐱᓕᕆᖃᑦᑕᕐᓂᑦᑎᓐᓄᑦ ᑕᐅᑐᖅᑰᖅᖢᑎᒍᓪᓗ ᓯᕗᓕᖅᑎᒋᓚᐅᖅᑕᕗᑦ ᐱᒋᐊᖅᑎᑦᑎᓚᐅᖅᓯᒪᔪᑦ ᓄᓇᕗᒻᒥ−ᑭᓯᐊᓂᓕ ᐅᓪᓗᒥ ᐊᑎᓕᐅᖅᑕᐅᔪᖅ ᐊᓂᒍᖅᓯᒪᔭᑦᑎᓐᓂ ᐱᔾᔪᑎᖃᙱᒻᒪᑦ ᓯᕗᓂᒃᓴᑦᑎᓐᓂᓕ ᐱᔾᔪᑎᖃᖅᐳᖅ.
ᐃᓄᒃᑎᑐᑦ: ᐅᓪᓗᒥ ᓯᕗᓂᒃᓴᑦᑎᓐᓂ ᐱᔾᔪᑎᖃᖅᐳᒍᑦ.
ᓇᖕᒥᓂᖅᓱᕐᓂᖅ ᐱᔾᔪᑎᖃᖅᐳᖅ ᓄᓇᕗᒻᒥᐅᑦ ᐃᓱᒪᓕᐅᕆᔪᓐᓇᕐᓗᑎᒃ ᓄᓇᑦᑎᓐᓂ ᐃᒪᑦᑎᓐᓂᓪᓗ.
ᓇᖕᒥᓂᖅᓱᕐᓂᖅ, ᐱᔾᔪᑎᖃᖅᐳᖅ ᓄᓇᕗᒻᒥᐅᑦ ᐃᓱᒪᓕᐅᕆᔪᓐᓇᕐᓗᑎᒃ ᓄᓇᑦᑎᓐᓂ ᐃᒪᑦᑎᓐᓂᓪᓗ. ᑕᐃᒪᓕ ᐅᕙᒍᑦ, ᐃᓄᐃᑦ ᐱᕈᖅᓴᐃᓯᒪᔪᑦ ᓄᓇᑦᑎᓐᓂ, ᐊᐅᓚᑦᑎᓂᐊᖅᐳᒍᑦ ᓄᓇᒥᐅᑕᓂᑦ ᐊᑐᖅᑐᒃᓴᓂᑦ.
ᓄᓇᕗᑦ ᓄᓇᐅᕗᖅ ᐱᒃᓴᖃᑦᑎᐊᖅᖢᓂ−ᐃᒪᖅᐳᑦ ᐳᐃᔨᖃᑦᑎᐊᖅᐳᖅ ᐃᖃᓗᖃᑦᑎᐊᖅᖢᓂᓗ ᐃᑲᔫᑕᐅᔪᓐᓇᖅᑐᓂᒃ ᐃᖃᓗᒐᓱᐃᓐᓇᖃᑦᑕᕈᓐᓇᕐᓗᑎᒃ. ᓄᓇᑦᑎᓐᓂ ᓴᕕᕋᔭᑦᑎᐊᕙᖕᓂ ᐱᑕᖃᑦᑎᐊᖅᐳᖅ, ᐅᔭᕋᖕᓂᐊᒐᒃᓴᓂᑦ, ᐱᑕᖃᒐᔪᙱᑦᑐᓂᒡᓗ ᓄᓇᒦᑦᑐᓂᒃ ᑮᓇᐅᔭᓕᐅᕈᑕᐅᑦᑎᐊᓕᕈᓐᓇᖅᑐᓂᒃ ᓯᕗᓂᒃᓴᑦᑎᓐᓄᑦ.
ᐃᒪᖅᐳᑦ, ᐊᓄᕆᕗᑦ ᐊᐅᔭᒃᑯᓪᓗ ᓯᕿᓂᖅ ᐃᓚᓕᐅᔾᔭᐅᔪᓐᓇᖅᐳᑦ ᓄᓇᒥᒃ ᓱᕈᖅᑎᕆᙱᑦᑐᒥᒃ ᐆᒻᒪᖅᑯᑎᖃᖅᑎᑦᑎᔪᓐᓇᖅᑐᓂᒃ ᓄᑖᓂᒃ ᓴᓇᕝᕕᖕᓂᒃ ᑲᔪᓯᑎᑦᑎᔪᓐᓇᖅᑐᓂᒃ. ᓯᒡᔭᖅᐳᑦ ᐊᕙᓗᓯᒪᕗᖅ ᑲᓇᑕᒥ ᓯᐊᒻᒪᒃᓯᒪᓂᖅᐹᒥᑦ ᓯᒡᔭᖃᖅᖢᓂ ᓄᓇᓕᒡᔪᐊᓄᑦ ᐊᑦᑕᔪᓂᒃ ᐅᑭᐅᖅᑕᖅᑑᑉ ᓄᓇᕐᔪᐊᖓᓄᑦ ᐅᖓᑖᓄᓪᓗ.
ᑭᓯᐊᓂ, ᐃᓄᖁᑎᕗᓪᓕ ᐃᑲᔫᑎᒃᓴᑦᑎᐊᕙᐅᓛᖑᕗᑦ−ᐱᓗᐊᖅᑐᒥ ᒪᒃᑯᒃᑐᑦ.
ᐅᓪᓗᒥ ᐊᑎᓕᐅᖅᑕᐅᔪᖅ ᒪᒃᑯᒃᑐᒧᑦ ᐊᖑᑎᒧᑦ ᑐᕌᖅᑐᖅ ᒥᑦᑎᒪᑕᓕᖕᒥᐅᑕᕐᒧᑦ, ᖃᐅᔨᓴᖅᑎᒻᒪᕆᖕᓂᑦ ᐱᓕᕆᖃᑎᖃᖃᑦᑕᖅᓯᒪᓪᓗᓂ ᓯᑰᑉ ᖃᓄᐃᑉᐸᓪᓕᐊᓂᖓᓂᒃ ᖃᐅᔨᓴᖅᖢᑎᒃ ᓄᓇᒥᓂ. ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᑕᐅᓗᑎᒃ ᐃᓐᓇᑦᑎᓐᓂ ᖃᐅᔨᔭᐅᓯᒪᔪᑦ ᓄᑖᓄᑦ ᖃᐅᔨᓴᖅᑎᒻᒪᕆᖕᓄᑦ.
ᒪᒃᑯᒃᑐᒧᑦ ᐊᕐᓇᒧᑦ ᑐᕌᖓᕗᖅ ᐃᖃᓗᒃᑑᑦᑎᐊᒥᐅᑕᕐᒧᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᕋᓱᓪᓚᕆᒃᑐᒥᒃ ᓄᓇᑦᑎᓐᓂ ᐱᔨᑦᑎᕋᑦᑎᐊᒃᑲᓐᓂᕈᓐᓇᕐᓂᐊᕐᒪᑦ ᖃᐅᔨᒪᔭᓂ ᐊᑐᕐᓗᓂᐅᒃ ᐊᐅᓚᑦᑎᔾᔪᑕᐅᔪᑦ ᒪᓕᒐᓕᕆᓂᕐᓗ.
ᐊᒻᒪᓗ ᒪᒃᑯᒃᑐᑯᓗᖕᒧᑦ ᓂᕐᔪᑎᓂᒃ ᖃᐅᔨᓴᖅᑎᒧᑦ PhD−ᒥ ᐱᔭᕇᖅᐸᓪᓕᐊᔪᒥᒃ ᑕᕆᐅᕐᒥᐅᑕᓂᒃ ᐳᐃᔨᓂᒃ ᓄᓇᓕᑦᑎᓐᓂ ᐅᖃᐅᔾᔪᐃᑦᑎᐊᖃᑦᑕᕐᓂᖅᓴᐅᓂᐊᕐᒪᑦ ᐆᒪᔪᓂᒃ−ᐊᐅᓚᑦᑎᓂᕐᒥᒃ.
ᐅᓪᓗᒥ ᐊᑎᓕᐅᖅᑕᐅᔪᖅ ᒪᒃᑯᒃᑐᓕᒫᓄᑦ ᓄᓇᕗᒻᒥᐅᓄᑦ ᑐᕌᖓᕗᖅ ᓯᕗᓂᒃᓴᖃᑦᑎᐊᖁᔨᔪᓂᒃ, ᑕᐅᑐᙳᐊᖅᑐᓂᒃ ᐊᓯᑦᑎᓐᓂᒃ ᐊᔪᕐᓇᕋᓱᒋᔭᐅᔪᓂᒃ, ᐊᒃᓱᕈᖅᖢᑎᒃ ᐱᓕᕆᔪᑦ ᑲᔪᓯᑎᑦᑎᓇᓱᒃᖢᑎᒃ ᓱᓕ ᐱᓇᔪᒃᑕᐅᓚᐅᙱᑦᑐᒥᒃ.
ᖃᐅᔨᒪᑦᑎᐊᖅᑐᖓ ᖃᓄᐃᒻᒪᖔᑦ ᓄᓇᓕᕋᓛᖑᓂᖅᓴᒥᒃ ᓄᓇᖃᖅᖢᓂ.
ᓄᑲᑉᐱᐊᖑᓪᓗᖓ ᐊᐅᓱᐃᑦᑐᒥ ᐱᕈᖅᓴᑎᓪᓗᖓ, ᐊᒃᑐᐊᓂᖃᖅᑰᔨᓚᐅᙱᑦᑐᖓ ᑲᓇᑕᓗᒃᑖᒥ.
ᓯᓚᑎᑦᑏᓐᓃᑦᑐᑦ ᐅᖓᓯᒃᑐᒦᖅᑰᔨᓪᓗᑎᒃ.
ᑎᑭᑦᑐᖃᓗᐊᖃᑦᑕᓚᐅᙱᑦᑐᖅ ᐊᐅᓪᓚᖅᑐᖃᓗᐊᖅᐸᙱᖦᖢᓂᓗ ᒥᑦᑕᕐᕕᑦᑎᓐᓂ ᒥᑭᖦᖢᓂ ᖃᖅᑲᒦᑦᑐᒥᒃ ᓯᕐᒥᓕᖕᒥᑦ.
ᐱᖁᑏᑦ ᐅᒥᐊᕐᔪᐊᒃᑯᑦ ᑎᑭᑉᐸᓚᐅᖅᐳᑦ, ᓲᖃᐃᒻᒪ, ᐊᕐᕌᒍ ᐊᑕᐅᓯᐊᑐᐃᓐᓇᖅᖢᓂ, ᐅᒥᐊᕐᔪᐊᓪᓗ ᓯᒡᔭᑦᑎᓐᓄᑦ ᑐᓚᒃᐸᓚᐅᙱᑦᑎᐊᖅᖢᑎᒃ ᑐᓚᒃᑕᕐᕕᖃᙱᓐᓂᖓᓄᑦ.
ᐅᓪᓗᒥᓕ, ᓄᑖᒥᒃ ᑕᐅᑐᙳᐊᖅᑕᖃᖅᐳᖓ ᐊᐅᓱᐃᑦᑐᒥ.
ᐃᓄᒃᑎᑐᑦ: ᐊᔾᔨᒋᙱᑕᖓᓂ ᓄᓇᒐ ᒫᓐᓇ ᑕᑯᔪᓐᓇᖅᓯᒐᒃᑯ.
ᐱᖒ ᖄᖓᓂ ᓇᖏᖅᖢᓂ, ᓘᑎ ᐱᔾᔭᒥᓂᐅᑉ ᐃᓄᙳᐊᓕᐊᕆᓚᐅᖅᑕᖓᑕ ᓵᑦᑎᐊᖓᓂ ᐊᓈᓇᐅᓪᓗᓂ ᕿᑐᕐᙵᖓᓗ, ᓇᓗᓇᐃᒃᑯᑕᖅ ᐃᖅᑲᐃᓯᔾᔪᑕᐅᓪᓗᓂ ᐱᐅᓯᕆᓚᐅᖅᑕᑦᑎᓐᓂᒃ ᓅᑎᑕᐅᑎᓪᓗᑕ ᐊᓂᒍᐃᑦᑎᐊᕈᓐᓇᕐᓂᑦᑎᓐᓂᓗ ᐃᓅᓪᓗᑕ, ᐊᐅᓱᐃᑦᑐᖅ ᑕᑯᕙᕋ, ᑲᓇᑕᒥ ᐅᑭᐅᖅᑕᖅᑐᒥᐅᑕᐅᓂᖅᐹᖑᓪᓗᓂ ᓄᓇᓕᒃ, ᓇᓗᓇᐃᖅᓯᔾᔪᑕᐅᓪᓗᓂ ᑲᓇᑕᒥ ᑲᓇᑕᒥᐅᑕᐅᓂᖏᑦ ᐅᑭᐅᖅᑕᖅᑐᒥ.
ᐊᖏᕐᕋᕋ, ᐃᓂᒋᔭᐅᓪᓗᓂ ᐃᓄᖕᓄᑦ ᓂᕈᐊᓚᐅᖅᑐᑦ ᓄᓇᕗᒻᒥ ᐊᖏᖃᑎᒌᒍᑎᒃᑯᑦ ᑲᓇᑕᒥᐅᑕᐅᔪᒪᓪᓗᑎᒃ, ᐅᐱᒍᓱᑦᑎᐊᖅᐳᑦ.
ᐊᐅᓱᐃᑦᑐᖅ ᓵᖓᕗᖅ ᐊᑕᖏᑦᑎᐊᖅᖢᒍ ᑲᓇᑕᒧᑦ, ᑲᓛᖠᑦ ᓄᓈᓄᑦ, ᐊᐃᔅᓛᓐ, ᐊᒻᒪᓗ Faroe Islands ᑕᕆᐅᓕᒫᒥ, ᐊᒻᒪ ᐊᓛᔅᑲ, ᓴᐃᐱᐅᕆᐊ, ᐅᓛᓯᐊᒥᓪᓗ.
ᐅᖅᑰᓯᕙᓪᓕᐊᑐᐃᓐᓇᖅᑐᒥᑦ ᐅᑭᐅᖅᑕᖅᑐᒥ, ᐅᑭᐅᖅᑕᖅᑐᒥ ᐊᑦᑕᕐᓇᖅᑐᒦᑎᑦᑎᑦᑕᐃᓕᒪᓂᖅ ᐅᓗᕆᐊᓇᖅᑐᒦᓕᖅᑎᓪᓗᒍ, ᐊᐅᓱᐃᑦᑐᖅ ᐊᓯᓕᒫᖏᓪᓗ ᓄᓇᓖᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᖃᓄᖅᑑᕈᑎᒃᓴᓂᒃ ᑕᐅᑐᖅᑰᖅᐳᑦ ᐊᕕᒃᑐᖅᓯᒪᔪᓂ ᓄᓇᕐᔪᐊᑉ ᕿᑎᐊᓃᑦᑐᒧᑦ.
ᐃᓄᐃᑦ ᐅᓄᖅᑐᓂᒃ ᐊᒃᓱᕉᑎᖃᖃᑦᑕᖅᓯᒪᕗᑦ ᑲᓇᑕᒥ ᑲᓇᑕᒥᐅᑕᐅᓂᖏᑦ ᐃᒃᐱᒋᓪᓗᒋᑦ.
ᑕᐃᔅᓱᒪᓂ, ᐅᓄᓗᐊᖅᑐᑦ ᐋᖅᑭᒃᑕᐅᔪᑦ ᐅᕙᑦᑎᓐᓂᒃ ᐱᔾᔪᑎᖃᖅᑐᑦ, ᐋᖅᑭᒃᑕᐅᖃᑦᑕᓚᐅᖅᐳᑦ ᐃᓚᐅᙱᖦᖢᑕ.
ᐊᑎᓕᐅᖅᑕᐅᑎᓪᓗᒍ ᑖᓐᓇ ᐊᖏᕈᑎ, ᐃᓱᒪᓕᐅᕆᔪᓐᓇᕐᓯᕗᒍ ᐊᖏᕐᕋᑦᑎᓐᓂ.
ᐱᑐᐃᓐᓇᕆᐊᖃᓕᖅᐳᒍᑦ.
ᓄᑖᓂᒃ ᓴᖅᑭᑎᑦᑎᖃᑦᑕᕐᓗᑕ ᖃᓄᖅᑑᕈᓐᓇᕐᓗᑕᓗ ᐱᒋᐊᖅᑎᖃᑕᐅᓯᒪᕙᕗᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ.
ᐃᓄᒃᑎᑐᑦ: ᖃᓄᖅᑑᕐᓂᖅ − ᐃᓐᓇᑦᑎᓐᓂ ᐊᔪᕆᖅᓲᔾᔭᐅᓯᒪᕗᒍᑦ.
ᖁᔭᓈᖅᓯᑐᐃᓐᓇᓚᐅᕈᑦᑕ ᐊᒃᓱᕈᕐᓇᖅᑐᖅᓯᐅᕈᑎᑦᑎᓐᓂ ᑕᒫᓃᓐᓇᔭᙱᑉᐳᒍᑦ.
ᐊᒃᓱᕈᕐᓇᖃᑦᑕᕐᓂᐊᖅᑐᖅ ᓯᕗᒻᒧᐊᒃᑎᓪᓗᑕ. ᑐᓗᖅᑕᕈᑎᖃᖅᐸᒡᓗᑕ − ᑭᓯᐊᓂ ᓯᕗᓂᒃᓴᑦᑎᓐᓄᑦ ᑕᐅᑐᖅᑰᖅᑕᕗᑦ ᑐᑭᓯᓇᑦᑎᐊᖅᐳᖅ.
ᓄᓇᕗᒻᒥ ᒪᒃᑯᒃᑐᖁᑎᕗᑦ ᐱᓕᕆᐊᒃᓴᖃᑦᑎᐊᖅᖢᑎᒃ.
ᐊᑦᑕᕐᓇᙱᓪᓗᓂ, ᐃᒡᓗᒃᓴᖃᑦᑎᐊᕐᓗᑎᒃ ᐃᓚᒌᑦ ᐱᕈᖅᓴᕝᕕᒋᓂᐊᖅᑕᖓᓂ.
ᓴᙱᔫᓗᑎᒃ, ᐊᓂᒍᐃᔪᓐᓇᕐᓗᑎᒃ ᓄᓇᓕᖕᓂ, ᐊᑦᑕᑕᖅᓯᒪᓗᑎᒃ ᐱᕙᓪᓕᐊᔾᔪᑕᐅᑦᑎᐊᕈᓐᓇᖅᑐᓂᒃ.
ᐱᐊᓂᒍᑎᒋᓗᒍ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ ᐅᖃᒃᑲᓐᓂᕈᒪᕗᖓ: ᑭᒻᒥᕈᒻᒦᒃᑲᓗᐊᕈᕕᑦ, ᐅᖅᓱᖅᑑᕐᒦᒃᑲᓗᐊᕈᕕᑦ, ᐅᕝᕙᓘᓐᓃᑦ ᑎᑭᕋᕐᔪᐊᕐᒥ, ᓯᕗᓂᒃᓴᖃᕋᕕᑦ.
ᐃᓄᒃᑎᑐᑦ: ᓯᕗᓂᒃᓴᖃᑦᑎᐊᖅᑐᑎᑦ.
ᐱᕕᒃᓴᖃᓕᖅᐳᒍᑦ. ᓄᓇᑦᑎᓐᓂ, ᐃᓱᒪᓕᐅᕆᓗᑕ, ᓯᕗᓂᒃᓴᑦᑎᓐᓂ.
ᐱᕕᒃᓴᖃᓕᖅᐳᒍᑦ. ᓄᓇᑦᑎᓐᓂ, ᐃᓱᒪᓕᐅᕆᓗᑕ, ᓯᕗᓂᒃᓴᑦᑎᓐᓂ.
ᐱᕕᒃᓴᖃᓕᖅᐳᒍᑦ. ᓄᓇᑦᑎᓐᓂ, ᐃᓱᒪᓕᐅᕆᓗᑕ, ᓯᕗᓂᒃᓴᑦᑎᓐᓂ.
ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᑐᙵᓱᖁᕙᕋ ᒪᐅᙵᖁᓪᓗᒍ.
ᐃᓄᒃᑎᑐᑦ