ᓯᕗᓕᖅᑎ ᑲᑎᖃᑎᖃᖅᐳᖅ ᒥᐊᓕᒐᕐᒥᐅᑦ ᑭᒡᒐᖅᑐᖅᑎᖓᓐᓂᒃ

ᐅᖃᖅᑎᑦᑎᔩ, ᕕᕗᐊᕆ 8-ᖑᑎᓪᓗᒍ, ᐳᓛᕆᐊᕈᓐᓇᓚᐅᕋᒪ ᒥᐊᓕᒐᐃᑦ ᑭᒡᒐᖅᑐᕐᕕᖓᓐᓄᑦ ᐋᑐᕚᒥ ᑲᑎᖃᑎᖃᕆᐊᖅᑐᖅᖢᖓ ᒥᐊᓕᒐᐃᑦ. ᑭᒡᒐᖅᑐᖅᑎᒻᒪᕆᖓᓐᓂ ᑲᓇᑕᒥ, ᒪᓕᒐᓕᐅᖅᑎ ᑕᐃᕕᑦ ᑰᕼᐊᓐ−ᒥ.

ᑭᒡᒐᖅᑐᖅᑎᒻᒪᕆᒃ ᑰᕼᐊᓐ ᑐᙵᓱᒃᑎᑦᑎᓚᐅᕐᒪᑦ ᐅᕙᓐᓂᒃ ᑲᑎᖃᑎᒋᔪᒪᓪᓗᓂᖓ ᐋᖅᑭᒃᓯᖁᔨᓪᓗᓂ ᐱᓕᕆᖃᑎᒌᒍᓯᕐᒥᒃ ᓄᓇᕗᒻᒥ ᐊᒻᒪ ᒥᐊᓕᒐᕐᒥᐅᓂᒃ. ᐅᖃᖅᑎᑦᑎᔩ, ᑲᑎᒪᑎᓪᓗᑕ ᐅᖃᐅᓯᖃᓗᐊᓚᐅᖅᐳᖓ ᐱᒻᒪᕆᐅᓂᖓᓂᒃ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᓂᖓ ᐊᒻᒪ ᓴᐳᔾᔭᐅᓯᒪᓂᖓ ᑲᓇᑕ ᐊᒻᒪ ᒥᐊᓕᒐᐃᑦ.
ᑭᒡᒐᖅᑐᖅᑎᒻᒪᕆᖓᑦ ᑰᕼᐊᓐ ᑐᓂᓯᑦᑎᐊᓚᐅᖅᑐᖅ ᐱᓕᕆᖃᑎᒌᒍᒪᓪᓗᓂ ᐱᖃᑎᒌᓄᑦ ᐱᔾᔪᑕᐅᔪᓂᒃ ᐊᒻᒪᓗ ᑲᓲᑎᓗᒋᑦ ᒐᕙᒪᕗᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ.

ᐅᖃᖅᑎᑦᑎᔩ, ᑭᒡᒐᑐᖅᑎᐅᔪᖅ ᑰᕼᐊᓐ ᐃᓚᐅᓚᐅᕐᒪᑦ ᕕᕗᐊᕆ 10-ᖑᑎᓪᓗᒍ ᐱᓱᖃᑕᐅᓪᓗᓂ ᑕᑯᔭᒐᖃᖅᑎᑦᑎᑎᓪᓗᒋᑦ ᐊᖅᓴᕐᓂᖅ ᑲᑎᒪᕕᔾᔪᐊᖓᓂ, ᑕᐃᑲᓂᓗ ᑲᑎᖃᑎᖃᓚᐅᖅᖢᓂ ᓄᓇᕗᒻᒥ ᑲᑎᒪᔭᖅᑐᖅᓯᒪᔪᓂᒃ ᐊᒻᒪᓗ ᓇᓗᓇᐃᖅᓯᓪᓗᓂ ᐅᕙᓐᓂᒃ ᒥᐊᓕᒐᐃᑦ ᓇᖕᒥᓂᖁᑎᖏᓐᓄᑦ ᐃᖅᑲᓇᐃᔭᖅᐸᒃᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ᐅᖃᖅᑎᑦᑎᔩ, ᖃᐃᖁᓯᒪᕙᕋ ᑭᒡᒐᖅᑐᖅᑎᐅᔪᖅ ᑰᕼᐊᓐ ᓂᐅᕐᕈᖁᓪᓗᒍ ᐃᖃᓗᖕᓄᑦ ᐊᒻᒪᓗ ᓂᕆᐅᑦᑎᐊᖅᐳᖓ ᐱᓕᕆᖃᑎᖃᐃᓐᓇᕐᓂᐊᕋᓱᒋᓪᓗᖓ ᒥᐊᓕᒐᐃᑦ. ᑭᒡᒐᖅᑐᖅᑎᒻᒪᕆᖓᓐᓂᒃ ᐋᑐᕚᒥ ᐱᕈᖅᐸᓪᓕᐊᑎᑦᑎᔪᒪᓪᓗᑕ ᒫᓐᓇ ᐱᓕᕆᖃᑎᒌᒍᓯᕐᓂᒃ ᒥᐊᓕᒐᕐᒥᐅᓂᒃ. ᑯᐸᐃᒃ ᑕᕐᕋᖓᓂ ᑭᒡᒐᖅᑐᖅᑎᒻᒪᕆᒃ.

ᖁᔭᓐᓇᒦᒃ, ᐅᖃᖅᑎᑦᑎᔩ.

Date