ᑐᓴᒐᒃᓴᓕᐊᑦ ᓴᖅᑭᑎᑕᐅᓯᒪᔪᑦ

ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᑦ: ᐅᓪᓛᒃᑯᑦ, ᓄᒫᓱᒍᑎᖃᖅᖢᖓ ᐱᒋᐊᕈᑎᖃᖅᐳᖓ ᐱᕐᔪᐊᒥᒃ ᑐᓴᖅᑎᑦᑎᓪᓗᖓ.  ᐅᓐᓄᐊᖅ ᐊᑕᐅᓯᕐᒥᒃ ᓄᓇᕗᒻᒥᐅᑕᒥᒃ ᐃᓅᔪᓐᓃᖅᑐᖃᓚᐅᕐᒪᑦ ᓄᕙᕐᔪᐊᕐᓇᖅ-19−ᖃᕐᓂᖓᓄᑦ. ᓯᕗᓪᓕᖅᐹᒥ ᐃᓅᔪᓐᓃᖅᑐᖃᖅᐳᖅ ᓄᕙᕐᔪᐊᑲᑕᒃᑎᓪᓗᒋᑦ. ᖃᑕᙳᑎᖏᑦ ᓄᓇᖅᑲᑎᖏᓪᓗ ᐃᓱᒪᒋᕙᒃᑲ. ᐅᓪᓛᖑᔪᖅ ᓄᓇᕗᑦ 177−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ. 17−ᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᒃ−ᐅᑯᐊ ᐅᓄᕐᓂᖏᑦ: 32 ᐊᕐᕕᐊᓂ, 33 ᖃᒪᓂ'ᑐᐊᒥ, ᖁᓕᓪᓗ ᐊᑕᐅᓯᖅ ᐃᖃᓗᒃᑑᑦᑎᐊᒥ, ᐊᑕᐅᓯᖅ ᐃᒡᓗᓕᒑᕐᔪᖕᒥ, ᖁᓕᓪᓗ ᐱᖓᓱᑦ ᓴᓪᓕᕐᒥ, ᐃᒡᓗᓕᖕᒥ ᐱᑕᖃᙱᑦᑐᖅ ᖁᓕᓪᓗ ᐊᑕᐅᓯᖅ ᐃᖃᓗᖕᓂ, ᒪᕐᕉᒃ ᐅᖅᓱᖅᑑᕐᒥ, ᐊᕙᑎᓪᓗ ᐊᑕᐅᓯᖅ ᑭᙵᕐᓂ, ᒪᕐᕉᒃ ᑰᒑᕐᔪᖕᒥ, ᖁᓕᓪᓗ ᐊᑕᐅᓯᖅ ᓇᐅᔮᓂ, ᒪᕐᕉᒃ ᐸᓐᓂᖅᑑᒥ, ᐊᑕᐅᓯᖅ ᒥᑦᑎᒪᑕᓕᖕᒥ, ᕿᑭᖅᑕᕐᔪᐊᕐᒥ ᐱᑕᖃᙱᑦᑐᖅ, 17 ᑲᖏᖅᖠᓂᕐᒥ, ᐱᖓᓱᑦ ᓴᓂᕋᔭᖕᒥ, ᖁᓕᓪᓗ ᐊᑕᐅᓯᖅ ᓴᓂᑭᓗᐊᕐᒥ, ᑎᓴᒪᑦ ᑕᓗᕐᔪᐊᕐᒥ, ᐊᒻᒪᓗ ᒪᕐᕉᒃ ᑎᑭᕋᕐᔪᐊᕐᒥ.  ᐅᓪᓗᒥ… ᐅᖃᓕᒫᒃᑲᓐᓂᕆᑦ.
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ ᐊᑭᖃᖅᑎᒋᔪᑦ $4.5ᒥᓕᐊᓂᒃ ᓴᙱᒃᑎᒋᐊᕈᒪᓪᓗᒍ ᓄᕙᒡᔪᐊᕐᓇᖅ-19−ᒧᑦ ᐱᔾᔪᑎᖃᖅᖢᑎᒃ ᐊᓂᑦᑕᐃᓕᔪᑦ ᓂᕿᑎᒍᑦ ᐃᑲᔪᖅᑐᐃᓂᕐᒧᑦ ᐱᓕᕆᐊᑦ ᓄᓇᕗᑦ ᒐᕙᒪᒃᑯᑦ ᓴᓂᕐᕙᒃᓯᓯᒪᓕᖅᑐᑦ $4.5 ᒥᓕᐊᓐᑲᓴᑦᑎᐊᓂᒃ ᐃᑲᔫᑎᒃᓴᐅᓪᓗᑎᒃ ᓄᓇᕗᒥᐅᓄᑦ ᐱᔪᓐᓇᖅᑎᑕᐅᓗᑎᒃ ᓂᕆᔭᒃᓴᓂᒃ ᑲᑎᖅᓱᖅᓯᒪᔪᓂᒃ ᑐᓂᐅᖅᑲᖅᑕᐅᔪᓐᓇᕐᓗᑎᒃ ᓄᕙᒡᔪᐊᕐᓇᖅ-19−ᑕᖃᖅᑎᓪᓗᒍ. ᐅᖃᐅᔾᔭᐅᓯᒪᒍᕕᑦ ᐊᓂᑦᑕᐃᓕᒋᐊᖃᕐᓂᕋᖅᑕᐅᓗᑎᑦ ᓄᕙᒡᔪᐊᕐᓇᖅ-19 ᐱᔾᔪᑕᐅᓗᓂ ᐅᕝᕙᓘᓐᓃᑦ ᓂᕆᔭᒃᓴᑎᒍᑦ ᐃᑲᔪᖅᑕᐅᒋᐊᖃᕈᔅᓯ ᐊᑦᑕᕐᓇᖅᑐᒦᙱᓪᓗᓯ ᐊᓂᑦᑕᐃᓕᖃᑦᑕᕐᓂᐊᕋᔅᓯ, ᐃᑲᔪᖅᑕᐅᔪᓐᓇᑦᑎᐊᖅᐳᓯ. ᐱᖃᓐᓇᕆᔭᖃᙱᒃᑯᕕᑦ, ᐃᓚᖃᙱᒃᑯᕕᑦ ᑎᓕᔭᒃᓴᖃᙱᒃᑯᕕᓪᓘᓐᓃᑦ ᓂᕆᔭᒃᓴᓂᒃ ᐊᐃᒃᖠᐅᔾᔭᐅᔪᒪᓗᑎᑦ ᓴᓗᒻᒪᖅᓴᐅᑎᓂᒡᓘᓐᓃᑦ ᐃᓕᔅᓯᓐᓄᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᖃᑦᑕᖁᔭᐅᕗᓯ ᐅᕗᙵᕐᓗᓯ IsolationSupports@gov.nu.ca ᐅᖄᓚᓗᓯᓘᓐᓃᑦ ᐅᕗᖓ 1-888-902-0872 ᐱᓕᕆᐊᖑᓂᐊᖅᑐᖅ ᐱᒋᐊᖅᑎᑕᐅᓂᐊᕐᒪᑕ. ᖃᐅᔨᒪᖁᔭᐅᒋᕗᓯ, ᐅᓇ ᐱᓕᕆᐊᖑᓂᐊᕐᓂᖓᓂᒃ… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᑦ: ᐅᓪᓛᒃᑯᑦ, ᐅᓪᓛᖑᔪᖅ ᓄᓇᕗᑦ 172−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ. ᖁᓕᓪᓗ ᐱᖓᓱᓂᑦ ᓄᓇᓕᖕᓂ ᓄᕙᕐᔪᐊᕐᓇᖅᑐᓕᑦ−ᐅᑯᐊ ᐅᓄᕐᓂᖏᑦ: ᐊᕙᑎᑦ ᐊᕐᕕᐊᓂ. 8 ᖃᒪᓂ'ᑐᐊᕐᒥᑦ. ᖁᓕᑦ ᐃᖃᓗᒃᑑᑦᑎᐊᒥ. ᑕᓪᓕᒪᑦ ᐃᒡᓗᓕᒑᕐᔪᖕᒥ. 38 ᐃᖃᓗᖕᓂ. 17 ᑭᙵᕐᓂ. 8 ᐸᓐᓂᖅᑑᒥ. ᐊᑕᐅᓯᖅ ᒥᑦᑎᒪᑕᓕᖕᒥ. ᑎᓴᒪᑦ ᕿᑭᖅᑕᕐᔪᐊᕐᒥ. 38 ᑲᖏᖅᖠᓂᕐᒥ. ᐊᑕᐅᓯᖅ ᓴᓂᑭᓗᐊᕐᒥ. ᐊᕐᕕᓂᓖᑦ ᓴᓂᕋᔭᖕᒥᑦ 7 ᑎᑭᕋᕐᔪᐊᕐᒥ. ᐊᒻᒪᓗ, ᐊᑕᐅᓯᕐᒥ ᑲᖐᓇᖅᑐᖃᕆᓪᓗᓂ ᑕᓗᕐᔪᐊᕐᒥ. ᐅᓪᓗᒥ 26−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. 202−ᓂᒃ ᑲᑎᖦᖢᒋᑦ ᐱᔪᓐᓃᖅᓯᒪᔪᖃᓕᖅᑐᖅ ᐅᓪᓗᒥᒧᑦ ᐊᐃᑦᑐᕐᓗᒃᑕᐅᓯᒪᔪᓂᑦ. ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᖃᔅᓯᑲᓪᓚᖕᓂᒃ ᐱᓕᕆᐊᖑᕙᓪᓕᐊᔪᖃᓕᕐᒪᑦ ᓄᓇᕗᑦ ᒐᕙᒪᒃᑯᑦ ᓄᕙᕐᔪᐊᕐᓇᖅ-19−ᒥ ᖃᓄᐃᓕᐅᕈᑎᓄᑦ ᐸᕐᓇᒃᑕᐅᓯᒪᔪᓄᑦ ᐃᓚᒋᔭᐅᓪᓗᓂ. ᑖᒃᑯᐊ ᐱᒋᐊᖅᑎᑕᐅᔪᑦ ᑐᕌᖓᕗᑦ ᓄᓇᕗᒻᒥᐅᑦ ᐱᔭᕆᐊᓕᖏᓐᓂᒃ ᐃᑲᔪᖅᑐᖅᑕᐅᑦᑎᐊᖁᓪᓗᒋᑦ ᐊᐃᑦᑐᕐᓗᐃᖃᑦᑕᐅᑎᔪᑦ ᐊᓂᒍᐃᖁᓪᓗᒋᑦ.… ᐅᖃᓕᒫᒃᑲᓐᓂᕆᑦ.
ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ: ᐅᓪᓛᒃᑯᑦ, ᐅᓪᓛᖑᔪᖅ ᓄᓇᕗᑦ 192−ᓂ ᓄᕙᒡᔪᐊᕐᓇᖅ-19−ᖃᖅᑐᖃᓕᖅᑐᖅ. 13-ᓂᒃ ᓄᓇᓕᖕᓂᑦ ᓇᓗᓇᐃᖅᑕᐅᓯᒪᔪᖃᓕᖅᑐᖅ ᓄᕙᕐᔪᐊᕐᓇᓕᖕᓂᑦ: 21 ᐊᕐᕕᐊᓂ. 16 ᐃᖃᓗᒃᑑᑦᑎᐊᒥ. ᑎᓴᒪᑦ ᐃᒡᓗᓕᒑᕐᔪᖕᒥ. ᒪᕐᕉᒃ ᐃᒡᓗᓕᖕᒥ. 55 ᐃᖃᓗᖕᓂ. 22 ᑭᙵᕐᓂ. 8 ᐸᓐᓂᖅᑑᒥ. ᐊᑕᐅᓯᖅ ᒥᑦᑎᒪᑕᓕᖕᒥ. ᑎᓴᒪᑦ ᕿᑭᖅᑕᕐᔪᐊᕐᒥ. 35 ᑲᖏᖅᖠᓂᕐᒥ. ᐊᑕᐅᓯᖅ ᓴᓂᑭᓗᐊᕐᒥ. 8 ᓴᓂᕋᔭᖕᒥ. 7 ᑎᑭᕋᕐᔪᐊᕐᒥ. ᐊᒻᒪᓗ, ᐊᑕᐅᓯᕐᒥ ᑲᖐᓇᖅᑐᖃᓕᕆᓪᓗᓂ ᑕᓗᕐᔪᐊᕐᒥ. ᐅᓪᓗᒥ 26−ᓂᑦ ᐱᔪᓐᓃᖅᓯᒪᔪᖃᓕᖅᑐᖅ. 165−ᓂᒃ ᑲᑎᖦᖢᒋᑦ ᐱᔪᓐᓃᖅᓯᒪᔪᖃᓕᖅᑐᖅ ᐅᓪᓗᒥᒧᑦ ᐊᐃᑦᑐᕐᓗᒃᑕᐅᓯᒪᔪᓂᒃ. ᐱᐅᓂᖅᓴᒥ ᐅᖃᕐᓗᖓ, ᖁᕕᐊᓱᒃᐳᖓ ᑐᓴᖅᑎᑦᑎᔭᕆᐊᒃᓴᖅ ᐅᓄᖅᑐᓯᒍᑦ ᑲᐱᔭᐅᓯᒪᓕᕋᔅᓯ. ᒫᓐᓇᒧᑦ ᑎᑭᖦᖢᒍ, 89−ᐳᓴᓐ ᓄᓇᕗᒻᒥᐅᑦ ᑕᓪᓕᒪᓂᒃ ᐅᑭᐅᓖᑦ ᐅᖓᑕᓂᓪᓗ ᓯᕗᓪᓕᖅᐹᒥ ᑲᐱᔭᐅᓯᒪᓕᖅᐳᑦ, 71−ᐳᓴᓐ ᒪᕐᕉᖕᓂᒃ ᑲᐱᔭᐅᓯᒪᓕᖅᖢᑎᒃ. 39-ᐳᓴᓐ ᖃᓂᒋᔮᓂ ᓄᓇᕗᒻᒥᐅᑦ 18 ᐅᖓᑖᓂ ᐅᑭᐅᓖᑦ… ᐅᖃᓕᒫᒃᑲᓐᓂᕆᑦ.
ᒐᕙᒪᓕᕆᔨᒃᑯᑦ ᐱᔨᑦᑎᕋᖅᑕᐅᖏᓐᓇᖅᑐᑦ: ᒐᕙᒪᓕᕆᔨᒃᑯᑦ ᑐᑦᑕᕕᓪᓗᐊᑕᐅᓪᓗᑎᒃ ᐱᓕᕆᕝᕕᐅᕗᑦ, ᐱᔨᑦᑎᕋᐅᑎᑦ ᐋᖅᑭᒋᐊᕐᑕᐅᓯᒪᙱᑦᑐᑦ ᐊᓯᔾᔨᕐᑕᐅᓯᒪᓇᑎᒃᓗ.  ᓄᕙᒡᔪᐊᕐᓇᒧᑦ ᑐᖅᑲᖅᑕᕐᕕᐊ ᑐᓴᐅᒪᔪᓕᕆᔨᒃᑯᓪᓗ ᑲᔪᓰᓐᓇᕐᓂᐊᕐᑐᑦ ᐃᑲᔪᕐᓂᐊᕐᓗᑎᒃ ᓄᓇᕗᑦ ᒐᕙᒪᒃᑯᖏᓐᓂ ᓴᖅᑭᑕᐅᕙᓪᓕᐊᔪᓕᒫᓂ ᑐᓴᖅᑎᑦᑎᒃᑲᓐᓂᕈᑎᓂᓪᓗ.
ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ: ᐅᓪᓛᒃᑯᑦ, ᖁᕕᐊᓱᒋᑦ ᐊᕐᕌᒍᒥᑦ ᓄᑖᒥᑦ. ᐅᓪᓛᖑᔪᖅ ᓄᓇᕗᑦ 74−ᓂ ᓄᕙᒡᔪᐊᕐᓇᖅ-19−ᖃᓕᕐᑐᖅ. ᐱᑕᖃᕐᐳᖅ 8−ᓂᑦ ᓄᓇᓕᖕᓂᑦ: 6 ᐊᕐᕕᐊᓂ. 1 ᖃᒪᓂ'ᑐᐊᒥᑦ. 1 ᐃᒡᓗᓕᖕᒥᑦ. 25 ᐃᖃᓗᖕᓂ. 9 ᐸᖕᓂᖅᑑᒥᑦ. 1 ᕿᑭᖅᑕᕐᔪᐊᒥᑦ. 22 ᑲᖏᖅᖠᓂᖕᒥᑦ. 9 ᓴᓂᕋᔭᖕᒥᑦ. ᓇᓗᓇᐃᔭᐃᓂᐊᕐᐳᖅ ᐅᑯᓂᖓ ᓘᒃᑖᖅ ᐹᑐᓴᓐ, ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖁᑎᕗᑦ. ᑲᒪᒋᓇᓱᒃᖢᒋᑦ ᐊᒥᓱᕈᖅᐸᓪᓕᐊᔪᑦ ᐱᑕᓕᑦ, ᓘᒃᑖᖅ ᐹᑐᓴᓐ ᐅᖓᕙᕋᐊᖁᔨᕗᖅ ᐅᒃᑯᐊᕐᓯᒪᓂᖅ ᔮᓄᐊᕆ 17−ᖑᕋᓱᖕᓂᖓᓂᑦ. ᑕᐃᒪᓕ ᐃᓕᓐᓂᐊᕐᕕᑦ ᒪᑐᓯᒪᐃᓐᓇᕐᓂᐊᕐᐳᑦ ᐊᒻᒪᓗ ᐃᖅᑲᓇᐃᔭᕆᐊᖃᓪᓚᕆᒃᑯᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖕᓂᐊᕐᐳᑦ ᑎᑎᕋᕐᕕᖕᓂᑦ. ᐊᒥᓱᙳᖅᐸᓪᓕᐊᓂᖏᑦ ᓄᕙᒡᔪᐊᕐᑐᑦ ᓯᐊᒻᒪᖕᓂᖓ ᐊᒥᓱᓄ ᓄᓇᓕᖕᓄᑦ ᑐᑭᖃᕐᑐᖅ ᐃᓄᓕᕆᓲᑦ−ᐃᖅᑲᓇᐃᔭᕐᑎᖁᑎᕗᑦ ᐃᓱᓕᑦᑎᐊᕐᖢᑎᒃ ᐱᓕᕆᓕᕐᒪᑕ. ᐋᓐᓂᐊᓯᐅᑎᕗᑦ, ᓘᒃᑖᕗᑦ, ᓄᓇᓕᖕᓂᓪᓗ ᐋᓐᓂᐊᓯᐅᑎᓕᕆᔨᐅᔪᐃᑦ ᐱᓕᕆᓕᖕᒪᑕ ᑕᐃᒪᙵᑕᒫᑦ ᖃᐅᔨᓴᕐᐸᒃᖢᑎᒃ ᓄᕙᒡᔪᐊᒧᑦ… ᐅᖃᓕᒫᒃᑲᓐᓂᕆᑦ.
ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᑎᓯᐱᕆ 21, 2021 ᓯᕗᓕᖅᑎᒥᑦ ᑐᓴᒐᒃᓴᑦ ᓄᑖᙳᕆᐊᖅᓯᒪᔪᑦ: ᐅᓪᓛᒃᑯᑦ, ᐊᐃᑦᑖᖑᒐᓗᐊᖅ, ᕿᑲᕆᐊᕐᓂᐊᓕᕋᑦᑕ ᐃᓱᒫᓗᖕᓇᖅᑐᓂ ᐱᕙᓪᓕᐊᔪᖃᖅᖢᑕ. ᐅᓪᓛᖑᔪᖅ ᓄᓇᕗᑦ ᒪᕐᕉᖕᓂᒃ ᓄᕙᒡᔪᐊᕐᓇᖅ-19−ᖃᓕᕐᒪᑦ. ᑖᒃᑯᐊᒃ ᐸᓐᓂᖅᑑᒦᑦᑑᒃ. ᑕᒪᓐᓇ ᐅᖃᐅᓯᐅᓵᑦᑎᐊᖅᑐᖅ ᒫᓇᓵᕈᓗᒃ ᐊᒻᒪᓗ ᓘᒃᑖᖅ ᐹᑐᓴᓐ ᓇᓗᓇᐃᔭᐃᔪᓐᓇᕐᓂᐊᖅᑐᖅ, ᐱᔭᕆᐊᖃᖅᐸᑦ. ᖃᐅᔨᒪᔪᖓ ᐊᒥᓱᑎᒍ ᖃᓄᐃᙱᑦᑎᐊᖅᑐᒥ ᖁᕕᐊᓱᒃᕕᒃᓯᐅᕈᒪᓚᐅᕋᓗᐊᕋᑦᑕ ᓲᕐᓗ ᓯᕗᓂᐊᓂ ᓄᕙᒡᔪᐊᕐᓇᖅ-19 ᓄᓇᕐᔪᐊᒥ ᖃᓂᒪᓂᖃᓚᐅᖅᑳᖅᑎᓐᓇᒍ. ᑭᓇᑐᐃᓐᓇᖅ ᐅᕙᓐᓂᒃ ᖃᐅᔨᒪᔪᖅ, ᖃᐅᔨᒪᖕᒪᑦ ᖁᕕᐊᓱᒡᕕᖕᒥ ᕿᑲᕐᓇᖅ ᖁᕕᐊᒋᑦᑎᐊᕐᓂᓐᓂ, ᐱᓗᐊᖅᑐᒥ ᐱᙳᐊᑲᑕᒃᑎᓪᓗᒋᑦ. ᑕᒪᑐᒪᓂ ᐊᕐᕋᒍᒥ, ᐱᙳᐊᖅᑐᓂᑦ ᐃᓚᐅᑲᑕᔾᔭᙱᑦᑐᖓ. ᐃᓚᒃᑲ ᓄᓇᖅᑲᑎᒃᑲᓗ  ᐊᑦᑕᕐᓇᖅᑐᒥᑎᑦᑕᐃᓕᒪᓂᐊᕋᒃᑭᑦ. ᐅᖃᒃᑲᓐᓂᕐᓗᒍ, ᑕᒪᑐᒪᓂ ᖁᕕᐊᓱᒡᕕᖕᒥ, ᐅᔾᔨᖅᓱᑦᑎᕆᐊᖃᕕᒡᔪᐊᕐᓂᐊᖅᐳᒍᑦ. ᐅᔾᔨᖅᓱᙱᑐᐃᓐᓇᓕᕐᓗᑕ ᐱᔭᕆᐊᖃᙱᓚᒍᑦ. ᐅᓄᖅᓯᕙᓪᓕᐊᑐᐃᓐᓇᖅᑐᓂᑦ ᑕᑯᕗᒍᑦ… ᐅᖃᓕᒫᒃᑲᓐᓂᕆᑦ.
ᐱᕙᓪᓕᐊᔪᑦ ᑐᓴᕋᑦᓴᑦ ᓯᕗᓕᖅᑎ ᐊᕿᐊᕈᖅ ᓇᓗᓇᐃᖅᓯᔪᖅ ᐱᓗᐊᖑᐊᖅᑐᓂᒃ ᑎᒃᑯᐊᖅᑕᐅᔪᓂᒃ ᐃᖃᓗᐃᑦ, ᓄᓇᕗᑦ (ᓄᕕᐱᕆ 22, 2021) − ᓯᕗᓕᖅᑎ ᐱᔭᐃ ᐊᕿᐊᕈᖅ ᖁᕕᐊᑦᑐᖅ ᓇᓗᓇᐃᖅᓯᒍᓐᓇᕋᒥ ᑎᒃᑯᐊᖅᑕᐅᓂᖏᓐᓂᒃ ᔫ ᑯᓄᒃ ᓯᕗᓕᖅᑎᒧᑦ ᐊᓪᓚᑦᑎᐅᓂᖓᓂ ᐊᒻᒪᓗ ᕗᔨᓂᐊ ᒨᓐᔅ ᒥᓂᔅᑕᐅᑉ ᑐᒡᓕᐊᓄᑦ ᒐᕙᒪᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕᐅᖃᑎᒌᓄᑦ ᑎᑎᕋᖅᑎᐅᓂᕐᒧᑦ, ᒫᓐᓇᑲᐅᑎᒋ ᐱᒋᐊᕐᓗᑎᒃ. “ᖁᔭᓕᔪᖓ ᒥᔅᑕ ᑯᓄᒃ ᐃᑲᔪᕐᓂᐊᕐᖓᑦ ᑐᑭᒧᐊᖅᑎᓪᓗᓂᖓ ᐃᓂᑖᖅᑲᐅᕆᔭᓐᓂ. ᖃᐅᔨᒪᓂᖏᑦ ᐊᑑᑎᒋᓯᒪᔭᖏᓪᓗ ᐊᑑᑎᖃᑦᓯᐊᕐᓂᐊᖅᑐᑦ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ. “ᒥᔅ ᒨᓐᔅ ᐱᓕᕆᑦᓯᐊᖅᓯᒪᔪᒻᒪᕆᒃ ᐃᓂᒋᓚᐅᖅᑕᒥᓂ, ᖁᕕᐊᒻᒪᕆᑦᑐᖓᓗ ᑐᕌᒐᕆᓂᐊᓕᕋᒃᑯ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᐅᓚᑦᓯᔨᖏᓐᓄᓪᓗ.” ᒥᔅᑕ ᑯᓄᒃ ᐱᔨᑦᓯᕋᖃᑦᑕᖅᓯᒪᔪᖅ ᐊᒥᓱᓂ ᖁᑦᑎᑦᑐᓂ ᐃᓂᐅᔪᓂ, ᐃᓚᒋᔭᐅᓪᓗᓂ ᐊᔾᔨᒌᙱᑦᑐᓂ ᐊᖏᔪᖅᑲᐅᑎᑦ ᐃᖅᑲᓇᐃᔮᖏᓐᓂ ᓄᓇᕗᑦ ᒐᕙᒪᒃᑯᖏᓐᓂ, ᐊᐅᓚᑦᓯᔨᒻᒪᕆᐅᓯᒪᓪᓗᓂ ᐃᓄᐃᑦ ᓯᓚᕐᔪᐊᒥ ᑲᑎᒪᔨᖏᓐᓄᑦ ᒫᓐᓇᒫᖑᓚᐅᖅᑐᕐᓗ ᐊᔩᖅᑎᓄᑦ… ᐅᖃᓕᒫᒃᑲᓐᓂᕆᑦ.
ᐱᕙᓪᓕᐊᔪᑦ ᑐᓴᕋᑦᓴᑦ ᓯᕗᓕᖅᑎ ᐊᕿᐊᕈᖅ ᓇᓗᓇᐃᖅᓯᔪᖅ ᒥᓂᔅᑕᐅᕕᐅᓂᐊᖅᑐᓂᒃ ᐃᖃᓗᐃᑦ, ᓄᓇᕗᑦ (ᓄᕕᐱᕆ 19, 2021) – ᓯᕗᓕᖅᑎ ᐱᔭᐃ ᐊᕿᐊᕈᖅ ᓇᓗᓇᐃᖅᓯᖅᑲᐅᔪᖅ ᒥᓂᔅᑕᐅᕕᐅᓂᐊᖅᑐᓂᒃ ᒥᓂᔅᑕᑖᖅᑲᐅᓄᑦ ᐅᓪᓗᒥ. ᑖᒃᑯᐊ ᒥᓂᔅᑕᐅᕕᐅᓂᐊᖅᑐᑦ ᓇᓗᓇᐃᖅᓯᒋᐊᖅᑐᑦ ᓯᕗᓕᖅᑎ ᐊᕿᐊᕉᑉ ᐊᑦᓱᕉᑎᖃᕐᓂᐊᕐᓂᖓᓂᒃ ᓄᑖᓂᒃ ᐊᓯᔾᔨᖅᑐᓂᓪᓗ ᑐᙵᕕᖃᕐᓗᑎᒃ ᐊᓯᔾᔨᖅᐸᓪᓕᐊᓂᕐᒧᑦ, ᖃᐅᔨᓴᖅᑕᐅᒍᓐᓇᕐᓗᑎᒃ ᐊᓯᔾᔩᓂᕐᒧᑦ. “ᐊᐅᓚᑦᓯᔩᑦ ᑲᑎᒪᔨᑖᖅᑲᐅᕗᑦ ᑲᑎᖅᓱᐃᓯᒪᔪᑦ ᐊᑑᑎᒋᓯᒪᔭᖏᓐᓂᒃ ᖃᐅᔨᒪᓂᖏᓐᓂᓪᓗ ᓄᑖᓂᒃ ᐃᓱᒪᒍᓯᖃᕈᓐᓇᕐᓗᑎᒃ ᑲᔪᖏᕈᑎᖃᕐᓗᑎᓪᓗ. ᓇᓗᙱᑦᑐᖓ ᑖᒃᑯᐊ ᑎᓕᔭᐅᒍᑎᖏᑦ ᑐᕌᖓᑦᓯᐊᕐᓂᖏᓐᓂᒃ ᐱᔪᓐᓇᕐᓂᖏᓐᓄᑦ ᒥᓂᔅᑕᐃᑦ, ᓇᓗᓇᐃᖅᓯᓯᒪᓂᐊᖅᑐᖓᓗ ᕿᓚᒥᐅᔪᒃᑯᑦ ᐱᒋᐊᕐᓂᐊᕋᑦᑕ ᑲᒪᒋᔭᐅᖁᓪᓗᒋᑦ ᓯᕗᓪᓕᐅᑎᔭᐅᖁᔭᐅᔪᑦ ᑐᓴᖅᓯᒪᔭᕗᑦ ᓄᓇᕗᒻᒥᐅᓂᒃ,” ᐅᖃᖅᓯᒪᔪᖅ ᓯᕗᓕᖅᑎ ᐊᕿᐊᕈᖅ. ᓯᕗᓕᖅᑎ ᐊᕿᐊᕈᖅ ᒥᓂᔅᑕᐅᓂᐊᕐᒥᔪᖅ ᒐᕙᒪᓕᕆᔨᒃᑯᓐᓄᑦ, ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᑐᒥᓂᓕᕆᓂᕐᒧᑦ, ᒥᓂᔅᑕ ᑲᒪᒋᔭᖃᖅᑐᖅ… ᐅᖃᓕᒫᒃᑲᓐᓂᕆᑦ.