Ottawa, Ontario (Qitiqqautijuq 28, 2023) – Nunavutim Kavamaliqiyitkut atuqhimaaquyut Katujjiluta atuqtakharnik piumaluaqtainik Qiqaiyarluarvia 1mi 2milu talvuuna qaffiuyunik katimadjutikharnik kanatam havaqatigiyaingit talvani Ottawami. "Nunavut Hill-miitilunik" malrungni ublungni kavamaliqinikkut havakhimaanginaqtun pulaaqhutik Maligaliurvigyuarmun aulatitiyaangat iliqatigiikharnik talvani Kanaitian kavamangitni.
"Ministat naunaiyainiaqtunga ubluq tamaat atuqtauyukharnik Nunavunmiunun tuhaqtauyukhat talvuuna Ottawami, taima amigaitun ihumaliurutikharnik ayungnautiqaqtunik nunaptingni havaktauvakhimayut ublumi," Hivuliqti P.J. Akeeagok uqallaktuq.
"Amigaitpallat nunaqyuami-pivalliayut Kanatami amigaiqyuumiyut hamanga Kivataanin Uataanun, qiniqtugut takuyaaptingni kanatamin maniliurutinun uvalu igluqpinikkut havaaghat tikitaangani Ukiuqtaqtup hinaanun. Talvuuna mikhaatigun, kavamavut atugianganik nanminikharnik nanminikharnik ihuaqhaidjutikharnik taima ikayuutikharnik hakugiktumik mahulingaituniklu nunalaangit aituihimaanginaqtunlu Kanaitian nunaqyuangit Ukiuktaqtuni."
Hivumuuqtut Nunavunmun havaktauhimayut haffumuuna Katujjiluta pitquyauyut angikliyuumirutiniaqtut Nunavunmi iglutigut aulahimaaqtumik, pipkaiyut aaniaqtailinikkut uvalu mamitingningmun, ilihaffaaqlutik, aalanguqlugit nunamingni maniliurutit, uvalu ikayuqlugit Iningnikhat ukiungit idjuhiitigut igluptingni.