Iqaluit, Nunavut (March 25, 2024) – Atauttimun, Nunavut Kavamanga (GN) Nunavut Tunngavikkutlu (NTI) naunaijautkutiliqtaat Nunaryuami Tiibiikkutigut (TB) Ublua kingulirmi Unaguiqhirvingmi, Qiqaiyalirvia 24, 2024, naunaiffaaqhugit aqhuugutait nutqaqtinniarhimanikkut TB Nunavunmi.
NTI GN kutlu piliuqtut ilihangnikkut kalaliqlugit titiqqat piqaqhutiklu uqaqviqattarnirmun malikkuutiqhamik an’ngajuqqaanut, munaqtiit, inirnirnutlu. Hapkua titiqqat ikajurniaqtait Nunavunmiut uqaliriamingnik TB kutigut ihuaqtunik hadjaminlu naunaijautainnik. Kalaliqtuqhat titiqqat piliuqtaujut ilaujaamingnik nutaqqat ajuirhanirmun TB kutigut aimavingmingni uqaqviqattarnirmun ikajuutiginikkutlu. Hakugingniqhainnut ilagiiqtut uqaqviqattaqtuqhat ikajuutilugu pilihaangnikkut TB ilitturipkaidjutit ikajuutiniaqtuq ikiqlijuummiqhatigun kappiahungniq quvianaitkutit pidjutivaktut TB tigut.
NTI kut GN kutlu havaqatihimmangniaqtut ukiuqtaqtumi avikturviinni nunallaamilu nungguttaami TB Nunavunmi, taapkuningalu ilauqatigiingnirmun hulidjutiqhani TB kutlu ihivriuqhiniqaqlutik nunallaami TB mik hiamitiqaqtuni. Tamaita timiqutiujut tunihivaktut uqaqtaujunik nakuatut ikajuutiqhainnut havauhiktitaujunut, atauttimunggaqhugit NTI kut uuktuutaa niriguminaktunik pivinga pitquhitigunlu qajarnaitkutiqhatigun ilihainiq munaqhitkunni havaktiinnut taaffumingalu GN kut maniliqidjutiqhatigun inungnut ikajuqtauliqtut TB kutigut havauhiqtaujunut. Nunallaat aktuqtaujut hiamitirnitigut pijut pidjutihimmaaqhutik, ihuaqhaqtauhimajunik ikajuutiqhanik uqautijaangginnik kitulluanik ihariangniit.
“Uqagiplugit in’ngilraangnitat tiibiikkutigut naunaijautkutaliqtuq atauttikkut abluqtuguq hivumut, havaktauliqtiliqhugit kangiqhipkainikkut havaktaunikkut, ukpingnaittuq akimanirmun, atauhiutunlu illutik talvunga piiqpiaqtauluni TB Nunavunmi”, uqaqtuq Nan’ngarijaujuq John Main, Minista Munaqhiliqiijitkunni. “Tamaita Nunavunmi nunaqaqtut ikajuqtaaqtut ilitturipkailutik, uqaqviqattarnirmun uqarijaujumik, aqhuuqhailutiklu aanniaqtailitiqhatigun. Atauttimun, an’ngijuamik pidjutittaaqtaqqut nakuuqpiaqniqhatigut inuuhirittiarniqhatigunlu tamainnut Nunavunmiunut pidjutigjaujunut tiibiikkut.
"Nunavut Inuit hivitujumik naunaitkutilgit pidjutigivlugu tibimik.” uqaqtuq Aluki Kotierk, Angijuqqaaq NTI-kunun. “Paanariirut akun’ngani NTI-kut GN-kullu anginiqaqtuq paqittijaami qanuriliurutikhanun piqatigiigutimun tikittumajaptingnikTB-qarnaittumun Nunavunmi, nutqaqtillugulu ihuangittumun naunaitkutigijainun taimaa Nunavut Inuit aanniarutiqaqtunun aanniarutimin. Uqautigihimmaarlugu itquumajumiklu, uqaqatigiigutigilugu, uqautigilugu nutaqqaptingnun, kangiqhilugit pidjutigijainun TB-min tamaita ikpingnaqtun pijakhat pidjutigijamun nutqaqtillugu Nunavunmit.”
Nunavunmiut pitqujut havaagiluni nunamingnik aanniaqtailinirmun ilitturipkailutik, ilaulutik TB pittailinikkut, atulugitlu munarhitkut ikajuutait ihivriuqhinirmik havauhiqtunirmiklu. Atauttumin, uvagut hivumuuqtaaqtuguq inuuhirinnaktumik, TB qanggilluni Nunavut.
Naunaittiagumaguvit tiibiiqangnaittaami havauhiqhatigunlu, ajuirgumagumiluunnit Nunarjuami TB Ubluangani piumaniit, talvunggaulutin qaritaujakkuugutaannut Nunavut Kavamanga qaritaujakkuugutaa.